影片
以上资料只供参考，请与餐厅确认详情
听闻呢间野都几出名，朋友就帮我地成班人BOOK左位，不过早左几个字到，我地都要等到差唔多果个时间先可以入去。入面去装修就几靓，坐低之后我朋友就已经叫左个麻辣锅，我个人就受冻唔受辣点知又辣得好过瘾，虽然我之后唔知点解成身红哂（可能辣过头，或者又可能又辣又饮酒），不过整体经验黎讲都系唔错既。不过当日隔离２个女仔就有唔好既经历，因为佢地好似唔想叫辣既锅，但其他锅又唔系得返好多，所以佢地拣左好多款都无哂存货，佢地就好嬲，而且亦都试过将隔离既野食送左去我地张枱度，所以唔知系忙过头定点，一般餐厅犯既少少错都可以容忍既
继续阅读
我都好少写食评但呢间野真系令我火滚。上星期三系官塘想打个边炉, 谂住同屋企坐得舒服d 咪去北斗食。价钱唔系问题最紧要坐得好边食边吹水， 点知就奶晒野。跟住个app 地址上到去睇下个名叫“醉翁x” 原来改左名，无理会照入坐底。落晒order 等食途中突然有枱食客同个侍应互相问候粗口横飞， 我仲以为睇紧区区开火 。以为都系d麻烦客 搅事无谓受佢地影响食野既心情。 点知同样既事情都发生系我同其余枱客身上。唔知系咪赶收工啦，个个挂住清枱set野 完全无人招呼。叫佢攞多对筷子， 都黑我面;叫人加汤无人理衰到要自己去攞汤加..都算...我未试过去一间叫似样d既饭店个客仲好礼貌过你d伙计比钱之余仲要唔该前唔该后咁同佢地讲野 ...咩料呀? 个男经理仲衰，叫佢帮手加汤同时顺口叫佢帮我地追漏单。佢可以当听唔到， 无反应。咁我屋企人再好有礼貌再问， 点知佢同我地讲 “你唔见我加紧汤咩， 点应你呀?” 我终于明白点解之前枱客会咁大反应 粗口问候! 因为我都想! 谂住请屋企人食好小小 点知搅成咁。就算野食再好都无用，更何况呢间野食材一般 。我求其去九龙城食都好食过你， 仲要比正价受你气? 个日唔止我一枱客受罪 眼见其他食客都忍唔住面黑黑咁自己去加汤， 今时今日都有咁既服务, 唔怪得知你要改几次名!
继续阅读
服务差，重味精。同利舞台个间比，d服务差好多好多。客人已经唔系多，半个场客都无都可以揾唔到人落单。又唔熟飨牌，还要漏单。等到成个䭚碟炒饭都未到。食完口渴到不得了，不停要饮水。
继续阅读
Apm附近9点后揾地方打边炉，明明个脑想去不倒翁，去左北斗翁。但原来观塘无。好啦，半价嘛，叫左好多野食，三个人叫左十几样野食....半价嘛.....半价嘛认真，个汤底越食越咸，因为系不停加汤，所以食左三份二开始顶唔顺，每次都改叫加水。除左呢个问题，其他都无特别问题，但埋单1千6百几，如唔半价.....哈虽然不可以同自己买相比，但半价左都咁贵，唔半价时点算
继续阅读
一家人去十下十，屋企有牛魔王...所以叫咗两份唔牛，我就爱雪花牛多D。不过比起牛，我就偏爱手打丸，有鲜味又弹牙整体不过不失，食材新鲜，汤底都够味...正正常常一餐饭
继续阅读