北京老家 (已結業)

一大班朋友想坐得舒服 真係唔多餐廳 酒樓會有咁大張檯北京老家啲檯可以坐到14個大人。 今次我地10人book咗間房 最低消費$4000。 間房空間好大 有足夠地方俾我地放袋 坐又舒服唔迫。廢事諗食咩就叫咗個$4180套餐(10-12位）五福大拼盤-好驚喜 好好味 海哲頭好爽脆，菠菜香甜，麻辣肚絲微辣入味，豆腐皮蛋好都好好味宮保大明蝦 - 有啲似酸甜蝦 蝦肉彈牙排骨炆鮑魚 - 有點怪既配搭 樣都一般 有薯粉墊底 味道可以珠聯壁合魚翅 - 湯係有少少醋酸味 配上髮菜 幾特別北京填鴨 - 不用多講 好正胡同炸脆雞 - 有點失望 可能已飽啦 肉有點乾草捆牛骨 - 少少辣 牛肉出奇好味 啲牛味好濃好香滑老家柚子魚 - 最鍾意依個桂花魚 炸到皮脆肉嫩，配上柚子汁 好清香好特别瑤桂扒時蔬 - 溫室豆苗 正常味道 唔差北京水餃 - 皮薄好好味炒刀削麵 - 有啲似炒上海年糕但係刀削麵啲麵好彈牙唔霖 好食拔絲香蕉 - 賣相一流 但可惜蕉唔熱是凍的 依個有啲失敗整體係中上 碟頭大 overall係好味值得依個價。 service好 地方舒適

提前慶祝母情節，3人來食片皮鴨。6點就到，比較早未有人，我地係第一檯，裝修古香古色都幾特別。3人共叫左半隻平皮鴨、上湯豆苗、炒飯、窩貼。最有驚喜係果鍋貼，非常有水準，會爆汁，煎到好香脆，真係估唔到。片皮鴨比較乾身，依點好失望，醬汁同面皮都普普通通。最低食係上湯豆苗，好大兜而且幾好味，食極都仲有兜豆苗！依個都值得推介👍炒飯就非常麻麻，仲好濕身，而且冇乜味，但都幾大碟。整體上餐飯都👌，不過如果食片皮鴨的話，有好多更好的選擇。

話說有一日係太子，突然間好想食片皮鴨，上openrice 睇完最近既選擇只有北京樓同呢一間北京老家。而前者我試過一次後已經決定唔會再去😂 (純粹個人口味。。掛)於是就walk-in去食呢間北京老家，一上到去，全場只有一兩枱客，而且佢既裝修係非常懷舊既中國風，當時係抱住今次一定中伏既心態，點知真係有驚喜！⁃ ⁃ ⁃ ⁃ ⁃ ⁃ ⁃ ⁃ ⁃ ⁃ ⁃ ⁃ ⁃ ⁃ ⁃ ⁃ ⁃ ⁃ ⁃ ⁃ ⁃ ⁃ ⁃ ⁃ ⁃ ⁃ ⁃🌟雞絲粉皮 $88食親上海野，都會點一客雞絲粉皮做前菜。佢既麻醬唔太咸，加埋青瓜絲食落都幾清新同開胃。 🌟小籠包 $78 (六隻)小籠包唔算特別岀色，建議大家可以揀鍋貼或其他更有特色既菜式👍🌟北京填鴨 $268 (半隻) 片皮鴨同包皮都係新鮮熱辣上枱，鴨唔會只得皮，大部分都帶肉，肉亦唔會太乾，而皮都幾脆！分量唔算太多，但如果幾個人想過下口癮，再試多啲其他菜式既話叫半隻就啱啱好 🌟水煮牛肉 $148完全無諗過係度會食到咁正既水煮牛肉🤤麻辣味好香，牛肉夠腍，撈飯一流，但真係好油好肥膩，間唔中食下好喇！😈🌟拔絲香蕉 $88 (八粒)我地本來想試拔絲士多啤梨，可惜當日無晒。拔絲拉得好靚，賣

家中長輩生日，襯措施實施前慶祝🪅6人餐$1580，原本以為啲野會細細碟，仲散叫左個年糕，點知後悔了⋯每碟都好足料，就連頭盤既5小碟都好有看頭其中最好味既係椒麻雞，豬皮凍亦好特別🥳至於主菜，蔥爆羊肉好友鑊氣片皮鴨亦脆卜卜，啲肉又唔會好鞋整體都唔錯，但個湯令我地有啲失望，因為係津白豆腐湯，即係同另一道菜上湯津白無分別😞下次都係試下壁合湯P.s. 因為生日，買左蛋糕去切，需要收附加費$50，比好多餐廳平🎂

外賣半隻片皮鴨，收$232，等了二十分鐘，滿心期待，出來見個盒居然只有約十片鴨肉，只夠一人吃，似半隻乳鴿多過半隻鴨，明顯騙人，味道亦只一般，建議絕不要在此外賣，想用里數，店員又不懂使用

跟朋友一家共四人，下午5:15分已到達，才看到該店晚市5:30分才開始，職員都願意讓我們先入座。點了二人套餐，另加 “炸銀絲卷“，“回鍋肉“，士多啤梨拔絲，四人用已非常足夠。整體食物上水準不錯。 片皮鴨有小小失望，比較普通。值得一讚，裝修貫徹老北京風格，晚市時段開始多客人進入，用餐環境也不會太嘈雜。

午餐包老火湯, 主菜, 白飯, 甜品, 仲有大麥茶, 都只係$55-$60, 抵到爛. 今天的冬瓜豬湯很夠味。碗碟很有特色，枱中還有魚缸，無話題時望著魚兒游來游去，多樂趣。水煮豬面青。有娃娃菜，什菇，芽菜，粉皮。蔬菜吸收了水煮精華，辣得很厲害。送飯一流。水煮汁料夠麻夠辣夠香，味道好正. 附送的。今天是西米露。吃完水煮，這碗西米露來得正好，清心潤肺。

去到見到有一個午市小菜餐。都幾抵食，＄60有一個主菜、一碗白飯、大碗靚湯同埋飯後糖水。蔥爆羊肉＄60碟餸一擺到上枱就有好香嘅羊肉味。叫羊食就梗係食佢嘅騷味啦！啲羊果然好香同埋炒得好好食。不過唯一嘅美中不足就係食得唔夠喉，碟餸太多京蔥、青蔥同埋洋蔥啦，啲羊相比之下就唔夠食。糖醋排骨＄60依碟餸真係好好味！個糖醋嘅醬汁做得好好，鐘要打左個芡令到個汁稠啲，所以每食一舊排骨都會有好多汁張住。啲排骨可能加左醋嘅關係，唔痴骨， 啲肉係挺身嘅。真係一碟都可以送到兩碗飯！干焗西季豆＄60啲四季豆買得靚，食落去係爽嘅同埋冇渣或者根。因為見到豆身表面乾乾地有啲縮水，就知係真係焗過先炒。啲肉碎冇偷工減料，食得出係多瘦肉少肥肉。不過因為冇加辣椒一齊炒所以食得冇咁過癮今次去佢地就煮左番薯糖水，都可以見到有5舊番薯架。

北京填鴨半隻+北京炸醬麵套餐(湯+韭菜餃)一共消費金額：💰330片皮鴨唔知點講，一見到隻色就覺得好似同平時食開嗰啲唔係好一樣，啲皮唔知係咪因為太多脂肪，真係勁厚….又唔係話唔好食，就係口感差啲啲，摸摸餅皮比一般嘅細塊少少，個質感都OK~炸醬麵 個人覺得麻麻地⋯⋯得個鹹字。餐湯比想像中大碗，兩個人分到六小碗😂成個環境都幾好嘅，Lunch time 去嘅時候滿坐，同個朋友傾計傾到下午三點，然後餐廳話要清場…

行行下旺角，鍾意食片皮鴨嘅我突然心血來潮，記得兩三年前係【北京老家】食過片皮鴨🦆，而且整體感覺唔錯，於是再次黎食。是日晚餐：🦆北京填鴨(半隻)🥟小籠包(六隻)由於當晚兩個人都唔太肚餓，只係想過下片皮鴨嘅口癮，所以兩道餸已經足夠。整體而言餐廳仲可以保持到食物質素，味道唔錯。

店舖裝飾古舊仿彿去了舊北京大宅老闆招呼周到，友善有問必答，有介紹招牌菜式。我們7人叫了北京填鴨四人套餐，加了一個砂鍋雲吞雞，爆炒刀削麵、兩客鍋貼和高力豆沙。四人套餐的頭盤萵筍青瓜海蜇頭，非常爽脆，味道香，讃不絕口。豆腐湯味鮮。糖醋排骨偏林，但味道佳。還有京式賽螃蟹、炒飯和主角脆皮片皮鴨，片皮鴨十分好味，皮脆肉鮮。但高力豆沙不夠鬆脆，其他各樣餸菜都好味，唯獨是爆炒刀削麵比較失色！整體來看十分滿意，會再光顧

早有聽聞北京老家片皮鴨出名。今日假期二個人去會一會。咁啱北京老家做咁二人套餐，半隻烤鴨，兩個前菜加兩個小炒，加酸辣湯，仲有個小龍包。二人餐加埋一540兩個人，唔算好抵但勝在可以試到唔同菜同最愛片皮鴨。味道方面，整體來說，還可以。前菜：麻辣粉皮，麻香椒辣。涼拌豆腐絲，恖香加上鹵水味。酸辣湯：標準之作金牌小龍包：肉汁清甜皮都算簿。北京烤鴨：皮還算脆，是帶肉，加上青瓜清甜，中和鴨肉油膩。鴨油香，包皮唔算厚但數量不足。不過整體算可以吧。另外小菜：干篇四季豆，唔錯，爽口。宮保雞丁，有的失望，有腥味同味道似咕嚕雞，唔太似宮保雞丁。

傳統老北京菜館,難訂位,熟人帶路有食神北京烤鴨, 青瓜腩卷,麻油海蜇皮,松子黃魚黃魚洗乾淨切刀起花 用醬油酒鹽等醃再上粉炸脆 醬汁淋在炸好的魚上口感香酥脆，沾上糖醋醬，酸甜又開胃 人人都岩食! 最重要魚肉嫩滑啖啖肉~ 北京烤鴨 呢度既切法係連肉上 唔係皮 肉分離 配以自家製餅皮 煙韌又薄,食之前包住青瓜絲蔥段鴨肉一起夾埋食口感豐富帶甜 鴨肉鮮嫩脆香脆 非常味美小菜2款 青瓜條外卷住肥腩肉,再淋蒜辣汁 食起黎脆嫩香辣惹味麻油海蜇皮,重麻油味,夠濃香,口感彈牙總之服務同味道都係好出色,抵食消費$500旺角西洋菜南街218-220號生發大廈3樓

北京填鴨(半隻) $168填鴨皮肉相連脂肪頗多🥲要咬走先包到🤦🏻‍♀️鴨皮唔脆、軟淋淋鴨肉無騷味、肉質乾柴似食緊燒鴨🥴可以算係我係香港食過最差既北京填鴨❌唔明點解仲會有人推介👎🏻餅皮🫓乾、硬又難咬好似食緊塊紙皮咁😓仲有粉粉地既質感好難食🈲炒刀削麵配韭菜水餃 $55炒刀削麵🍜用左平時超市買到既薄身刀削麵唔夠有咬口用左大量肉絲、椰菜🥗同芽菜去炒份量十足👌🏻都算有鑊氣但味道比較普通淨係食到豉油味略嫌有少少油🤏韭菜水餃🥟全餐飯最好食🌟食得出係手工餃子餃子皮煙韌有口感😋餃子餡新鮮韭菜味🥬好突出肉餡juicy好正宗💯整體而言，餐廳裝修古色古香🎎服務都幾好午餐選擇多食物份量足料而且價錢唔貴都可以稱得上性價比高💸但食物質素參差餃子可以一試👌🏻北京填鴨真係唔建議食🙃

片皮鴨係果日嘅目標，就岩大家時間就搵左依間餐廳一入去就好似穿越咁，成個環境走中國古風風格，門口位邊邊有另一道門勁大風，搞到有小小恐怖之外，整體舒服，而且入到去，佢地d燈係鼓面，好可愛北京填鴨，講左主角先啦，鴨皮係酥脆，粉皮唔厚又唔會薄到穿，依間鴨嘅肉 + 皮每塊適中，就連最先最後嘅鴨皮位都有跟小小肉去中和d鴨油，正！小籠包，湯只有半～1湯匙左右，自己中意多湯，所以唔係我杯茶，但係肉咪道唔錯酸辣土豆絲，依個超有魔性嫁！本身唔食辣想試小小，點知，大家不停encore，完全停唔到上湯有機豆苗，依個係沙律豆苗，唔係菜豆苗，冇特別雞絲粉皮，豉油多個麻醬，有點偏咸，但係雞肉青瓜絲唔少擔擔麵，湯超濃郁，而且料夠湯夠炸銀絲卷，點煉奶一流，不過佢個底有水蒸氣？有小小濕左拔絲蘋果，糖絲配蘋果好食，但係包蘋果嘅糖衣太硬身，蘋果小小酸，整體味道岩岩好依杯麥茶令你更有胃口，同d餸好夾，唔會搶味