包龍星點心專家 (已結業)

以前做點心真係好好，上次2餸飯都ok, 今次趁我去俾錢，6隻蝦加7塊腩肉，真過份，我買一斤游水蝦都有20隻以上，越做越差，好可惜，點心又只剩幾款，可能疫情好轉，d人去酒樓飲茶，對面又有唐記包點，可能好快做唔住，可惜。因為漏汁，所以餸放碟上，明天買一斤蝦食番夠…查看更多

今日行經過西灣河見到呢間舖排晒隊做兩餸飯！我就走去八吓！本身都係諗住只係叫個兩餸飯試吓，點知排到我嘅時候，見到啲餸款式好多，另外剛好個師傅攞咗幾款剛剛煮好嘅餸出嚟，熱辣辣好鬼死吸引！最終我都係忍唔住手叫咗三餸一飯，仲要加埋個湯添！佢個三餸飯$38 我叫咗椒鹽蝦（以下都幾大隻同埋都幾新鮮，起碼啲肉都唔會霉）+黑醋骨（味道剛剛好）+麻婆豆腐（辣度剛好可以撈飯），另加$4 一個老火湯（佛手瓜煲豬骨）😋以後真係可以唔使再去街市買餸！…查看更多

如果你都係一各榴槤愛好者，應該會好明嗰種成日都想食榴槤，唔食好身㾗嗰種毒癮。特別係喺冬天，無新鮮榴槤賣嗰段日子……喺太安樓對面，首先係俾佢個牌匾吸引先，包龍星？酥炸包龍星？以為係賣油炸鬼行過去後發現原來係賣中式包點見到門口大大個牌，榴槤流沙包！毒癮起，立即科水試吓個包外皮好軟熟，唔似d饅頭硬實實嗰種。入面個榴槤流心，真心正！榴槤味濃郁，唔似人造味好假嗰種。最緊要小心熱，因為個流心真係好熱，小心辣口。…查看更多

一見到包龍星,即刻諗起九品芝蔴官、白面包青天同埋有冇一款點心同齣戲一樣叫油炸包龍星😂疫情嚴重, 外賣點心慢慢嘆比想像中好味,咁嘅價錢,如此味道,已經好高汁了糯米雞 - 超級足料, 有雞翼、紅腸、蛋黃、冬菇、叉燒, D糯米飯5會一pat pat, 好夠味😋排骨飯 - D飯粒粒分明, 排骨夠味, 鳳爪有雪氣味叉燒腸、蘿蔔糕、芋角 - 好食過多間酒樓😋蒜蓉蝦春卷 - 5係即叫即炸, 當然冇可能好似酒樓咁脆, 但食嗰陣,仲有少脆, 係可以接受, 但料係足同夠味, 同芋角一樣, 有驚喜😋奶皇包 - 鍾意佢5太甜, 好有細個嗰陣吃嘅味道😋下次會試其他☺️…查看更多

包龍星點心最正又抵食，尤其是蝦餃燒賣及鮮蝦腸粉滑一滑，仲有花膠燉鮮奶更加要買，內容花膠份量充足甜度適中，我們每次都買幾個回家，職員招呼妥當，外賣包裝安全衛生。👍👍👍👍👍👍…查看更多

其實已經係第3次幫襯，我好鐘意食酒樓既炸點心，可惜家下疫情我真係寧願幫襯“外賣自取“好過。我鐘意食呢度既“魷魚酥“ 我每次買完返屋企食，都仲脆，嗰下先吸引。同埋就算老闆夾or 姐姐夾，都每次夾到幾滿(希望佢地keep到呢個份量) 另外我有買佢單叫既點心，8蚊一件，21蚊三件。我通常都會買三件，佢地容許可以mix. 我食過炸芋角(最好食)，咸水角(好食)，焗餐包(一般)，合桃酥 (好脆好食 )，菠蘿包(好食)。我第三次去，已經見唔到菠蘿包個影，唔知係咪太好賣 仲有，我買過一次特惠蒸飯，$20蚊，個日無章魚飯，變左雞飯，d 雞有醃過，好食過連鎖店。仲有，收銀個姐姐幾有禮貌，大致上呢間鋪真係ok…查看更多