包點料理

有时想食点心都会嚟呢间买，同埋都食开佢啲蒸饭，贪佢够平$28，份量唔多，但女仔够当做一餐。佢近排做紧优惠，逢星期二、四$22个蒸饭。平时都食开嘅我开心到笑出嚟🤣有人话难食，我觉得正常OK，普通日常一餐唔觉有咩问题。希望佢个优惠可以keep 耐啲。本身想食章鱼肉饼，但系12点去买已经卖晒，今次转食咸鱼肉饼饭（$22优惠期间）旧咸鱼正正方方好可爱😂肉饼偏肥。口味清淡人士唔落洗豉油其实都够味。又平又快解决一餐，我觉得冇嘢好弹。…查看更多

叫外卖执错3样嘢，仲要唔好食😅特别唔好食嘅系肠粉(执错)痴埋晒一旧好似食紧面粉浆，糯米鸡(执错)干争争，萝卜糕阵味好似就变。店员态度更加好差，打电话去就叫人唔钟意就投诉，点都话唔关佢哋事。…查看更多

最钟意食点心凑住2个小朋友返外家就系楼下买啲点心返上去食。个烧卖好好食！大大粒，有冬菇香味，仔仔1人1粒食晒。凤爪排骨饭好香，个大仔食咗半盒先留返俾我啲排骨几滑凤爪都好有味，啲味入晒啲饭仲好食！春卷好大条，啲涵都好实，食到应该有芋头？脆卜卜牛肉球都好食！喼汁唔太酸，好味！仲有生煎包，拎返屋企时觉得唔系好够热就拎去叮，叮十秒就已经好香！好好食😋如果自己再煎㶶少少仲好味！…查看更多

呢间啲员工态度劲差！！似住个个买包/点心都要同佢买，成日都摆埋啲「唔卖咪咪唔卖」嘅嘴脸试过一次跟佢优惠价去拣买包，点知个大婶收我正价，我同佢讲返，佢仲话返我转头：「系咪唔要！！唔要我收返！」我都未答返佢，佢就9秒9攞走左个包........超级冇礼貌！根本系佢自己取消左个优惠又冇update 个牌！破坏我一日美好嘅早晨有次朝早有个伯伯想买包，但伯伯对答慢左，就大大声凶个伯伯，劲唔耐烦！或者明明系我落order先，又执左人哋个包先，真系令人好不爽！…查看更多

去到念住买个章鱼肉饼饭 几个客等紧 冇姐姐埋位 咁我都理解嘅 毕竟一人一个企位 到我点果阵 问个姐姐有冇呢个章鱼饭 佢话冇 我问佢下面果盘会唔会有啦(态度系诚恳咁问)佢就话唔够力(上面果盘得三个饭)咁我都算 要左上面排骨饭 跟住我就话你平时d同事都会抽下面d饭卖比人 佢话咁佢地够力呀嘛 你投诉我啰 我只系讲左句咁你都几好服务态度 佢仲好高EQ话梗系啦 以后都唔帮衬 做老细果个真系落去巡下铺啦 d员工仲恶过d客 第一次听叫人投诉佢 我就唔会做呢d咁嘅事 但呢间公司真系要好好检讨下…查看更多