包點超人 (已結業)

今天路经买两𩠌饭，我叫炒蛋同凉瓜鱼柳，个乡音短发阿姐已经冇乜礼貌，我见佢装哂凉爪，一旧鱼柳都冇，我问佢点解一旧鱼柳都冇，佢即刻粗口回应，叫我唔好帮衬，咁嘅态度，好似我嚟乞食咁，离哂谱，不知所谓到一个点…查看更多

我买左两个蒸饭 + 点心套餐（一个章鱼鸡粒饭 + 烧卖，一个煎蛋肉饼饭 + 虾饺），佢收左我 $72 之后我问个店员点解唔系收招牌上写既 $33 x 2 = $66 而是收我 $72，店员只系话因为虾饺要加钱（佢指住个虾饺 +$4 既招牌）所以系 $39 + $33 = $72，但本人谂一谂加 $4 都只系 $70，冇 $72 这么贵，而且个个加 $4 系写系另一款产品的招牌上，应该同我买个个餐无关，但店员依然唔愿意退回差额，只愿意整个餐退回有冇搞错呀，咁都得 …查看更多

本来想去佳记买两𩠌饭，但𠮶边无哂豆角，所以嚟咗呢间买，同样35蚊，呢间有三𩠌但无饮品，我拣咗豆角，咕噜骨，猪扒，但全部都唔好味。 豆角系油浸，无切走头同尾，完全hea底，口感硬，得个咸味。咕噜骨，骨多过肉，粉浆劲厚，口感差。猪扒应该用咗辣味美极豉油去腌，食落有一大阵美极豉油咸味，又有少少辣味，口感方面极鞋口，仲要又干又硬，唔juciy。极后悔响度买饭，除咗平同多个𩠌之外，呢间完全唔好味，仲要外卖原来无俾餐具，个阿姐又唔提我要自己拎，呢间太差，完全求求其其，下次买返佳记算。…查看更多

今日打算叫双净𩠌，排咗一阵到我拣𩠌，好快叫咗个粟米猪扒，跟住犹豫咗一下，因为见想食嘅绿叶菜只得菜心牛肉一种，舖内一个比较大年纪、黑口黑面嘅姐姐话：「早知你咁耐我俾第二个先啦。」我打个突，心谂「原来边个快边个先，早知唔驶排队啦。」我忍佢冇出声，叫埋第二个𩠌「菜心牛肉」，姐姐系咁夹菜心唔夹牛肉，我忍唔住问：「冇牛肉嘅？」佢随即夹咗两块牛肉，但好明显深深不忿，大声讲：「最后两块都俾埋你喇⋯⋯」我好嬲，大佬呀我而家俾净𩠌钱呀，两块牛肉好似恩赐咁⋯⋯啲食物已经唔系话好食啦，排队乱排又冇人理，附近咁多选择，唔想受气真系去第二间⋯⋯⋯⋯…查看更多

1)今早买左碟鸡扎，我一啖咬落嚿猪肉度，乜得佢识回弹嘅，我回吐出嚟，原来佢仍然拥有娇嫩嘅粉红色……OMG佢未熟，再睇吓嚿鸡，同样外面熟、里面生嘅2) 试过午市买嘢，人多条好龙长，但无管理好排队的秩序，原本两𩠌饭一条队(好短)、蒸嘢一条队(好长)，竟然可以有啲人睇睇下两𩠌饭，突然立斩跳左去则边买蒸点，但店员照样售卖，无理后面排梗队嘅人感受🤦‍♀️不过，呢个价钱，味道OK，的确系穷人恩物嚟嘅！希望店舖会注意吓啦！…查看更多