包任你點 (已結業)

呢間點心 以前日日食咁滯 夜晚仲會有特價時段 雖然啲點心真係麻麻地 不過勝在夠平夠方便快捷 而且選擇多 糯米飯都幾乎全日供應 除左包點 點心 蒸飯 仲有好多煎炸既小食 好似炸春卷 炸蝦角 蓮藕餅

覓 覓 \_凸_/餐廳定位： 想食新鮮酒樓點心不想花大錢的人，白領，遊客， 街坊，長者賣點：酒樓美點，價錢平，下午20元兩件，地域優勢價錢：大眾化食用方式：只限外賣Wifi：無上菜速度：已經整好擺在那裡奉送：膠盒裝修：無特別，外賣專門店服務質素：服務員充足，勞累，敏捷，貼心。點菜過敏原好像沒有花生之類的優惠: 他們每天都有不同優惠，不同時間段的價錢不一樣，越晚越便宜。謝謝你的閱讀與留言因為我是邊吃邊寫的窮忙學生，所以統一用一個格式，再按需要作小許更改。

除左蒸飯同蒸包，都有好多唔同煎品同炸品。來到收鋪前時段更是抵買。30蚊3盒糖沙翁 $11今次睇中佢個糖沙翁，一盒3個迫爆盒咁大。好耐都無起酒樓見到同食過，所以就買蒸飯之餘買番盒。沙糖幾多，食落唔算油，入面d 甜麵團 軟綿綿都唔錯，但如果乾身d更好。

位於一個露天街市之中，每日2點半後大大個包點仲會做特價，15蚊4個，23蚊6個。買來第日做早餐，真心正，一個都夠飽肚。推薦馬拉糕同臘腸卷，味道係OK 好味GE，當然唔會勁鬆軟，但cp值高。臘腸滑雞飯 $20相當足料，雞肉量多又夠滑，臘腸成條俾哂你。唔係瘦臘腸，但我幾鐘意（耐唔耐食下，唔好諗膽固醇啦）。仲會搭番d菜。飯量都夠，抵到唔想自己煮了。砵仔糕 $4.5店員姐姐大力推薦，12蚊3個。不過見佢唔係傳統嘅碗仔+竹籤，我就只買一個試試味。意外地，唔錯，彈牙同幾多紅豆，紅豆夠冧唔會硬。成個糕係偏甜左d，但下次去我應該會再買來食。

食得多粉麵飯，有時對住個餐牌都唔知想食乜，突然想起點心，就去哩到買返一盅兩件，反正本身有白飯食，係爭d餸，咁樣買兩個點心都係25蚊左右，我非常之鐘意食粉果同雞扎。

有時唔知食乜就買返一盅兩件當餸食，今次買左燒賣同粉果，兩者都好大粒，但燒賣食落去怪怪地，唔識形容，總之唔會再有下次，至於粉果ok，幾好食，餡料都好足，加上豉油辣油更惹味。

😀 我有時放假在家中，“吊下茶瘾”，想食下點心，但又唔想去酒樓度等位，都會來呢間“包任你點”，打包幾款點心返屋企食！今日買咗1份鳳爪排骨飯+蒸雞扎；蒸飯的飯底，豉油都適中，餸算係足料！雞扎內的雞肉、火腿爽滑，香芋亦不太膩！如果傍晚來呢度買點心，$30就可以要1個蒸飯+1個蒸點；或者用$22叫1份生煎包+1個炸點；買完返家，可以自由地配個飲品：中茶、西茶、咖啡、汽水，甚至啤酒！咁就可以有個豐富的晚餐啦……👍👍👍！

曾分析包點店形勢，唐記店較優，包點料理較性價比高。有此店加入戰役，瞬間開了4店。此店較專注包類食品，可預訂大壽包，紅福包。有足3兩蓮蓉壽包供應，賣8元一個。包的種類頗多，在下午2:30後只是14元便有4個，即3·5元/個，比包點料理便宜。體積很大，吃一個已飽足。菜肉包最討好，咸味肉香充足。芋蓉包最難有好評，淡淡的，欠芋香。只是紫色吸引。蓮蓉包一般，臘腸包是懷舊玩意，普普通通。