影片
以上资料只供参考，请与餐厅确认详情
入秋天气凉D，在街市熟食中心没有冷气也觉舒服，今次饮咖啡加奶酱多，啡不很浓，多士脆（不像快餐店D多士，唔脆，吸番湿气），地方很清洁，老板娘很好人，坐得舒服，又冇人赶你走（长沙湾某间名茶记，会趋你走），呢度，chill下先落街市买𩠌，一乐也。
继续阅读
今日到保安道熟食中心食午餐，中心是没有冷气供应，而且装修比较旧，座位似大排档的，环境一般，所以夏天在这里用膳就会非常焗热，这间餐室已经很久，价钱实惠，食物质素一般。每次来都是叫特餐，餐室的午餐都算价廉，份量都OK。冬天可以堂食，夏天叫外卖好D。
继续阅读
［#熟食中心 ］#勤兴茶餐室好耐冇嚟保安道街市，谂住去德发帮衬，点知冇开😫 唔想白行一趟，于是就去咗对面度食。望见午餐餐牌唔系咁啱食，正价餐牌又略嫌唔太抵，最后都系叫咗个午餐，$38+1。#咸鱼鸡粒炒饭 ，上台时未至于出晒烟，不过都可以接受。味道够晒，始终咸鱼香都带咸味，鸡粒都算多同大粒，都算唔错。#冻柠茶 我次次都会叫 #少冰 ，所以唔需要担心冰系咪比得唔够🤣 有四片唔薄嘅柠檬，茶味都🍋，正常发挥。其实我好少喺出面叫 #炒饭 ，因为多数都系自己炒嚟食😀 不过咸鱼鸡粒炒饭就例外，今日碟饭整体味道唔会过咸。推介指数：6/10勤兴茶餐室长沙湾保安道市政大厦3楼CF23舖@foodiehck2022#港饮港食平靓正#海南鸡饭🐔 #长沙湾 #保安道街市 #午餐
继续阅读
➖ 特餐｜沙爹牛肉面·肠仔·煎蛋·牛油方包唔记得左呢个熟食中心无冷气超怕热既我夏天系唔黎得呢啲地方，不过好在我食面好快手食完应该都系湿左一半到。个面一黎到就捞一捞个汁试左啖汤先，沙爹味唔系好香浓果只但佢亦都唔淡，唔甜亦唔咸感觉好温柔食完成碗都唔会滞。牛肉有5、6块到正常份量，肉质似打边炉既鲜滑牛感觉好实净但咬落好淋果种。个面几好食不过好快淋，我食得都算快但就系追唔到佢淋既速度，我都系钟意食到尾都仲有小小硬果啲面🪧 系街坊group见啲人话呢间先系长沙湾最好食既沙爹牛面，不过咩先系最好食我谂都系睇个人喜好，我就唔钟意呢到个面底但又钟意佢个牛同沙爹汁咁不如打和啦
继续阅读
很久没有到来这个熟食市场，迟下都可能难以到熟食市场，于是今天再来埋斋。沙嗲牛肉的沙嗲酱略冷😨，放面条面头还不热，浸落汤方会热，诚意欠奉，一味够快。肠仔煎蛋，煎蛋已穿，轻微失望🙍🏾，肠仔香口。茶走够大杯，茶味香浓，火喉够重，以餐厅来说，这杯奶茶份量十足，因此即使炼奶有这么厚，仍觉浓香，就知道它的茶味多浓香。很多时候，到熟食市场都是享受气氛，或是免费🆓wifi，旁边的男子，坐下知道结帐都不足10分钟，其实有意思吗？
继续阅读
您可能会有兴趣的...