勝利小廚 (已結業)

和老公去睇狗,記得有人話勝利小廚出名食海南雞飯, 於是入去試下, 發覺很多人, 我叫了二客海南雞飯, 但其實想試下豬手飯, 見都很多人叫. 海南雞飯, 份量一般,沒有雞比,都有雞味, 可惜油飯唔太油.雞醬料夠味.我覺得整體幾好食, 可再試

曾聽說這家的海南雞飯很有名，今天試了覺得有點名不副實，可能是期待太高了吧．．．雞肉非常少，而且太嫩，嫩得讓人感覺有點假。飯是黃油飯沒錯，但太軟了，而且沒有雞油香。最好吃的居然是其醬油！甜醬油和酸辣汁用來拌飯吃才是一流！服務真的不太好，我６點半去，沒什麼客人，你坐下來也沒有服務生來問你要點什麼．．．．而且HKD40吃這麼少雞肉又沒什麼驚喜的海南雞飯著實有點那個耶，覺得去燒味店吃油雞飯還好~~~~~

朋友介紹,終於有機會一試.雞並不如想像中好吃,沒雞味相反配角-- 油飯和醫料不俗.

雞又無味,飯又少,完全唔掂.凍O茶得個甜.服務又係唔掂.不值一試.要食都係好時好食得多,起碼食得開心,有service,今時今日呢樣好緊要.

真唔知點解會係馳名海南雞飯,雞無雞味.雞肉係唔“鞋”而且好稔,但係稔得好假,好似梅肉咁一都唔好食,油飯又乾又唔夠香,醬料亦係一般貨色,都唔好講招呼啦!坐得又唔舒服,又唔係平。總之一句講哂“不值一試”

雞肉無味,飯又少又唔好食.service 又差,問佢地要杯水都黑口黑面.唔知佢個老細是怎麼樣教靚,食過二次都係要受氣,上次要多碟雞汁都要比人寸,好貴架,食完唔夠先至比得.經過今次教訓,今生我都唔會再去.所以要上網同大家分享下.每次去之前要有心理準備要受氣.真係好鬼谷氣,不說不快!

先講食物…雞都係無乜點變，都幾好食，飯就得個黃字，有乜味！鹵水豬脾仍然好味！但係d 員工o既服務真係差，我唔介意等位，但係可唔可以有禮貌d呢…一去入舖頭，見到個短髮有少少金毛、戴眼鏡o既後生女員工，問佢想攞張飛，知點勁口黑面黑咁，好無禮貌咁話：跟住有位坐低未夠三十秒就問左我兩次諗到叫乜野食未！好似想迫人快食快走咁！再好食都無用啦！

男友聽個朋友介紹話呢間好食，所以去試下。叫左海南雞飯set，凍飲加兩蚊，凍奶茶唔錯丫？雖然個雞飯係就係唔係幾夠熱，但係都唔差，雞油飯幾香。雞雖然細舊而且數量都少，但係勝在夠嫩，又有幾好味o既醬伴住。如果要比分都係高過average o既。仲有叫左炒蜆，蜆的確好大隻。有時大隻o既貝殼類唔容易煮，如果個憲唔夠濃，d蜆肉咁大隻係好難入到味。佢煮得算唔錯啦，我就認為幾好味啦！有時有幾隻有d沙，但係唔算離譜，偶然o者。環境都幾乾淨。又唔係食d咩勁貴價野，服務呢方面我就唔會要求太高，ok 啦。不過聽隔離枱話以前好食d，唔知係咪呢？

排隊排左十分鐘到,七條大漢座一張細,真命.伙記推介豉汁炒蜆,海南雞一隻.茄汁大蝦,滷水豬脾,生炆海班,無問題全部要.食到炒蜆唔掂有沙,即時同姐姐仔反應,唉!個答覆係:蜆緊係有的沙,因為養係沙裏面.呀!有無講錯,咁都得.好算,換過碟得唔得,唔好意思,老細唔係到話唔到事.話呢的食市去邊到搵.同搶無分別.雞就完全唔掂,無雞味,又話海南雞出名,真係唔掂呢!望佢地有關高層檢討,唔係有人排隊就代表掂.Good luck.

今日行開勝利道,見咁多人係外面等,以為間餐廳d食物好好食,心想去試下啦,點知唔試由自可,一試就把鬼火,等位已經等得耐,坐下之後叫左個海南雞飯,食完之後發覺一d都唔值$38,雞已經一般,連個油飯都唔得,d醬都還可以,最後埋單的時候d服務生態度認真差,又寸,好似唔想做你生意咁,都唔明d咁既餐廳都有咁多人排隊?

D員工,上上下下(唔知係咪間舖唔憂做,定係佢地既文化係咁...),都燶口燶面,態度同個樣都"惡"過D食客. 我個人要求唔係高,不過佢地真係令我食得唔舒服lor...希望佢地可以睇到呢度既食評啦.

自己一個人叫左一客海南雞飯醫下個肚先. 雞肉仍然咁嫰滑, 油雞飯係不能缺少既項目. 無所個油飯真係俾多多雞肉都無用.不過老實$40一客飯又無野飲, 出面都可以找到好多正野食啦.

6/5/2006晚上我一行四人一齊去試朋友同事介紹好味的海南雞飯~大約8:15到達,需要等位呀~等左大約15分鐘就可以入去食啦~不過,等既時候~望住個阿姐不斷拍D雞~同埋裝飯~真係睇到口水流~入到去,,,大家都超級肚餓,我們四個人叫左半隻海南雞、馬拉盞炒通菜、豉椒炒大蜆、炸鯪魚球、兩個油飯..因為大家太肚餓同埋覺得叫一個海南雞飯平D~所以,我地叫多一個海南雞飯！首先,講下食物先...海南雞~有雞味,,好好味,又無骨~好滑..本人覺得比尖東的好時沙嗲更加好味！豉椒炒大蜆~我咁大個女都未試過食咁大隻...好惹味呀~不過,都有D沙..馬拉盛炒通菜~都好好味！大家食到停唔到口！炸鯪魚球~都幾好味~點埋D甜酸醬更好味！油飯~D油飯真係好好味~唔會覺得好油..本人覺得比尖東的好時沙嗲更加好味！總結來說,,真係幾正嫁~！可惜..其中有個落單的男仔態度真係好差~遲D叫野都黑口面,,,應該改善一下呀！不過,,食完之後,都幾口渴嫁~應該有好多味精！

看來是現在的經濟好了，服務業也有的開始不注重應有的待客之道。海南雞是可以一吃，不過是那種經過就吃，不用故意來吃。醬汁不錯，雞肉也不硬（雞胸）。不過是貴了點，38 per set,夥計的態度是你叫得越多，他們也好。一個set那你就乖乖的吃吧。不能有要求。改改吧，不然那來的回頭客。我就不會是他們的回頭客了。

唔可以講得話"好好味呀~~~~"，只可以講唔難食。但如果係38蚊一碟的話就唔多化算，加埋等位時間半粒鐘以上，仲有d伙記服務態度超劣。今日中午剛剛食完，等左凍奶茶兩個字，問個高高瘦加埋獐頭鼠目的伙記"我杯奶茶得未"，佢條粉腸一句"得"埋黎話"得我就攞左俾你啦~~~"。心諗駛唔駛咁串呀，答一句"黎緊"咪得囉。佢地班伙記出在名好串，俾錢食飯仲要受氣，見成日排長龍好似唔憂做咁。總括一句，貼錢買爛壽。註：如果評分有0分，我會俾0分。