勝利小廚 (已結業)

再到勝利小廚食佢地個海南雞飯雞肉依然滑,泰式點雞醬做得不錯,但係我覺得點個豉油d雞仲好食,不過今次個油飯唔知點解好淡,無咩味...值得一提係佢地既服務有所改善了!

雞飯好味, 眾所周知, 服務態度呢....不過, 大家比個機會佢啦. 最近真係有所改善, 以往果度既大哥大姐, 如今會唔該前多謝後. 係,係, 有d 粗聲粗氣. 也不失為一大進步喇..先天性,此乃一間快餐店, 唔提供舒適坐位, 但門外有咪錶車位, 打個和啦~店面算乾淨企理, 我兩星期食一次, 咁多年來都冇肚屙, 証明夠曬衛生架.好過旺角好多街檔啦...唔好當人地五星級食府,放下身段,至可以享受平民美食既.

一向都食開嫁喇，一個月一次倒啦，又平又好味。有次女朋友話未試過，所以有日買左個外賣雞飯同炒河比佢，食完之後佢就係咁介紹朋友去了。其實間餐廳既野係好好食的，不過成日要排隊就煩左d，同埋入面既環境衛生就差左d，有d似街市既感覺，所以我成日都係外賣多。幾十蚊算係咁啦!

一落火車站行幾步就到差吾多一個月食兩次係, 佢d服務態度係有問題去多左, 阿Tom Boy 好似認得我地...都ok la...起碼未被呼喝過..anyway.. 去親必叫既雞飯, 有時吾知點解係會吾多夠熱..但係佢d 油飯又真係幾入味喎...據估計, 每次都係上1/4 隻雞.. 加凍飲..$ 40 差吾多啦...都吾expect 有咩service 仲有, 佢個蝦餅都炸得吾錯..係貴左小小..成50蚊3 個 ...但個人意見都值得一食..但係吾係次次食囉..佢個鋪位太細啦...坐得認真嘛嘛希望佢遲下搬大d 啦(可能搬大左..租又再貴d..質數又差返...徒氣...)對於服務態度...我覺得好似佐敦食炒蛋個間先係No. 1 最差囉...

星期日回OU返Day School，適逢午飯時候經過這裡，見一段時間沒來幫襯，但見門外長長人龍，打算打退堂鼓前問一問那位中性化的服務員，最後幫忙插一席位，招呼這欄得分應該不低！例牌一客海南雞飯及凍鴛鴦，先來的凍鴛鴦是相當不濟，始終不是茶檔已預算這杯鴛鴦不會好得到那裡，後來上的海南雞飯，這裡的泰式海南雞仍是不錯，不算肥膩而且雞味頗濃，這能保持水準足証掛頭牌招牌菜，但那雞油飯還是不可以，沒有以往香香的雞油味道之外今次的雞油飯是腍腍的，沒有爽口彈牙的味道，失色不小。可能其他菜式可以，但光以這客海南雞飯來說到這裡，似乎又言過其實！

其實佢唔係話好好食, 但唔知點解咁多人. 今晚食左個海南雞飯, 很一般啦, 還是果碟辣醬補回唔少分數, 而油飯還夾雜了白飯, 撈唔"暈"?至於個炸蝦餅, 很貴, $53才三粒. 不過又幾好食, 蝦肉夠彈, 剛炸起外皮脆口的, 也值得.而食到我疴足兩日的炒蜆, 好唔掂, 又有沙, 又肯定洗唔乾淨, 結果食完後, 夜晚開始黎料, 肚痛+肚疴.另外, 地方很迫, 不直久坐.

我也數不清香港有多少家食店標榜自己做的是正宗的海南雞飯.....真正的海南雞飯用的是文昌雞。文昌雞產於海南文昌市潭牛鎮而得名。清代《嶺南雜事詩抄》記載：「文昌縣屬有一種雞，而若牧肉，味最美。蓋割取雄雞之腎，納於雌雞之腹，遂不生卵，亦不司晨，毛羽漸疏, 異常肥嫩。以其法於他處試之則不可，故曰文昌雞。」這是最早關於文昌雞的歷史記載。年多前我曾到過海南一趟, 試過道地的文昌雞 , 果然如文中所提一樣，一試難忘 ( 順帶一提東山羊亦是極品, 香滑得緊。和樂蟹和嘉積鴨沒有時間品嚐, 只好留待下次。)據講究的海南雞做法，要以油炸過的大蒜、生薑、蔥，連同馬蘭香葉塞進雞的肚子裡，水煮後待涼切盤，佐以老抽、蒜末、特製辣醬調和的醬汁。除了雞肉滑嫩不乾澀、雞皮也很肥美，不過，以雞油、紅蔥酥先炒過再蒸煮的噴香雞油飯，個人認為才是美味精髓所在，每顆飯粒都被雞油包著，油亮亮的，吃了滿嘴生香。如偶爾在飯中吃到炸得略焦的幹蔥粒，更香。 勝利小厨的又怎樣？慕名而來, 失望而回。總評曰 : 雞不香、飯不油、湯不清、醬不辣......如有新加坡朋友到此店一嚐他們的海南雞飯, 包証被氣得七孔生煙。怎可以將新加坡人自稱是發源於

印象中聽過朋友提起勝利小廚,最出名的是海南雞飯,昨日去勝利道看寵物,想買隻史納沙當佢係仔咁養店外掛滿了一隻隻的雞,陣容鼎盛!!可想而知一日有多少隻雞被人吃掉,自己要了一碟招牌海南雞飯,雞肉是起了骨的,份量唔算很多,但是味道都不錯,飯有雞油的香味,質素不俗!加一碗好味的例湯,算是很不錯的一餐,不明白為什麼咁多批評?

這間勝利小廚不知點解,在openrice長期被批評得體無完膚,老實講,有幾多篇係真食客,幾多係假,公道自在人心,造謠者回頭是岸吧!我不是因為要平反所以寫篇好既,尋日落去食一碟雞飯,覺得佢地咁多人食都係有原因!雞肉起哂骨,飯雞油味香濃,食野有時好多瑕疵都唔緊要,最緊要係味道好!出門口之前,見到個水吧擺滿一隻隻既雞,好滿意咁走!

雞幾好, 不過d飯就硬左d.個炸蝦餅都幾好味o個晚去到, 成9:40左右, 佢話要十點才有雞出, 咪等下lor....wah...10:20 有人入來, 佢地已經話雞賣晒!咁既價錢,有咁既水準都算不錯.

個海南雞飯真係好好味呀，淨係個飯已經夠正啦，雞好嫩滑。落足料，價錢合理。連最開到成行成市果間xx 人海南雞飯都吾及佢一半呀.

其實黎得茶餐廳預左無服務平心而論，海南雞的確好食，浸係湯道一陣子都好有味，好嫩滑。不過米粉係福米果種，湯底亦無咩特別，價錢又唔係平。不用特登去食，但經過食一食海南雞飯都無防。

負責外賣落單和派位個四眼男人婆態度超惡劣,落錯單送錯食品累人客白等仲開口串客人,我在等位過程中見她待客的態度為之側目,招牌雞飯不錯，但服務態度最差(全港之冠)所以以後不會再幫親（貼錢買難受）

本人住係勝利道附近，經常喺嗰頭揾嘢食，但就一定唔會幫襯勝利小廚囉！皆因啲服務態度奇劣，尤其係嗰位男不女嘅 Tom Boy！！我試過幾次經過，都見到個Tom Boy 喺度呼喝啲等位嘅客，甚至同啲客講：「咁你咪唔好嚟幫襯囉！」佢啲咁嘅服務態度，簡直令飲食界羞恥！！其實以前我都好鍾意去佢度食海南雞，但後來啲味道越來越差，再加上不知所謂嘅服務，我又何苦要貼錢比人喝罵呢？！奉勸大家，除非你係個「被虐狂」，否則無謂去自討苦吃！！！

夲人上星期日下午五時吃了一個海南雞脾飯，雞味道過得去，飯就凍冰冰，吃着想着無理由飯會咁凍呀？！後來問呀姐，她不以為然，還說可能係廚房的人常常揭開飯蓋？！結果吃了一半就吃不下去！！唉！！點解晚晚咁多人排隊？？！！