影片
n年冇去唱k, 今天下午day off, 2条友走去唱k, 不过又过左lunch k时段, 唯有唱happy hr, 呢个场以前冇嚟过, 第一次嚟, 我估都系最后一次...............我地上上一层近楼梯口其中一间房, 2条友都有间3-4人房, 算系咁啦~~ 入房时间约2点3, 非常肚饿, 歌都唔点住, 都要叫野食先, 看哂成个menu, 唔觉有咩好食, 唯有选d饱肚少少, 叫咗2碗叉烧拉面..................等面途中, 走去饮品bar睇下有咩好饮, 发觉都系冇乜特别, 有部汽水机, 有部热饮机, 有部热水机, 有2部沙冰机, 又有d茶叶, 阿华田, 好立克, 柠檬片.................本人试咗个热朱古力, 玫瑰花+菊花茶, 青沙冰.............最好饮都系花茶, 个朱古力得个样, 淡到死, 个沙冰就酸到死, 又冇饮管, 要用匙羮..............等咗半个钟.................先嚟拉面.........个碗就大, 但d面就得一啖, 叉烧2片, 猢子狗2条, 海带少少..............唔知系咪太肚饿关系, 唔驶5分钟就哂, d面一般, 汤淡如水, 叉烧好瘦, 切到一边厚一边薄, 基本上都食得落口....................** 唔知系咪算系假期, 以happy hr嚟讲其实好贵, 我记得以前都系$50-60, 仲要包2杯饮品+1个tea set.................
继续阅读
因为男友突然发觉张coupon就快过期, 所以又要去唱k。以前读书时都已经好钟意黎呢间green box, 特别钟意唱lunch k, 觉得30几蚊可以唱返个lunch k, 好抵。就算d野食好似馊水咁难食，都冇问题，可以平平地过到k瘾就得。唔知系咪因为柰烟条例生效后，夜晚豪客少左，连带lunch k要提高质素，收返贵d。一个lunch set要$55 - $58不等，加埋加一同版权费等，每人要$65。时代真的不同了食物反而有进步：我点了个炸虾牛肉石头锅饭，炸虾出奇地做得不错，牛肉虽有点韧，味道还叫可以；只是酱汁没有韩国风味之余，也太咸了点；附送的蛋蛋香近乎零，加了等于没加。虽然如此，总算合格，比以前近乎馊水的水准好得多。最欣赏的是饮品自助，水吧除了有沙冰、汽水、咖啡、茶等提供，还有玫瑰、菊花等花茶；如果想喝无糖份饮品，多了很多选择，真好。不过，有进步，仍是未能做到正式餐厅的水准，还是摆脱不了「k场食物 = 好吃有限」的定律，可价钱却不再平民，有点半天吊不上不下的，消费力较高和较低者都不讨好。例如，是次埋单，两个人total $130，以此食物质素实在不值，就算有k唱也如是，只是饮品吧可以略为加分，若非要用掉那张$100 coupon, 否则真不想再在lunch hour光顾。我倒宁愿各大小k场，索性将价钱提高一点，而将食物做到，至少一个中上质素的茶餐厅水准，甚至可打造一两个招牌菜，使之成为一个客人也乐于到此用餐的地方，也就可以吸引一些消费力较高的人士光顾了。而且一定要设调味品：可于在k房内提供一些调味料让客人取用，或设几个「调味品吧」，让有需要的客人自取，并于上菜时告知有此服务；好几次，我都觉得食物不错，就是欠了适合的调味，如醋、如辣酱，美中不足。希望在经济低迷下，香港的k场能透过改善食物质素，杀出一条血路，这对我们这些为食猫来说，也是一大喜讯呢！
继续阅读
由黄大仙走去荃湾唱K, 同好朋友联谊下11:30开始唱, 14:00就准时cut钟, 无得extend, 好无瘾饮品: 自己出去任斟, 有好多款式, 好朋友推介热朱古力咖啡, 好香浓, 不过甜了些少, 再试菊蜜绿茶, 清清地, 啱晒唱k饮主菜: 汉堡扒拼吉列炸虾, 配薯菜: 跟好朋友一样选的 (佢成日黎, 跟佢无错既).不够热, 只是暖暖的, 汁酱几惹味; 吉列炸虾有惊喜, 够份量, 水准似足炸虾寿司上的炸虾;豆角就唔系太好食, 太草青味, 及太生
继续阅读
经过上次迟左黎唱唔到lunch k 既经历﹐同男友寻日11点度就黎左拎位都要到12点半先有得唱﹐可能因为假期吧!事前睇过呢度食评﹐所以对食物期望不高..牛肉石头窝饭已经沽清了最后嗌左两样较安全的选择﹕洋葱鸡扒饭蒜蓉杂扒饭感觉两种汁分别不大﹐偏淡﹐一般啦.. 同男友都觉得鸡扒唔错﹐够嫩滑. 杂扒有猪扒 + 牛扒 + 肠仔各一﹐但两种扒都几鞋下﹐要用OK大力先切得开!饮品是自助同任饮的﹐试了青柠绿茶﹐味道怪怪的! 其他选择仲有各种汽水﹐咖啡茶﹐柯华田好立克﹐花茶﹐沙冰等﹐都几多选择!唱到3点几4点先CUT﹐都算OK吧! 今次系同男友第一次一齐唱K呢!! ^ ^
继续阅读
是日去左同同事唱K只包野饮,咩优惠都冇~我地黎左好几ROUND 水/花茶(当SHOOTER 咁队=0=",傻的)饮左玫瑰花/苹果花/苦瓜干茶,热朱古力, SMOOTHIES, CAPPUCINO几好,有得自己冲热朱古力味道唔错,几香浓再叫左d小食:麦乐鸡X 2客, 鱼手指+SALAD X 1 客, 鱿鱼卷1 客麦乐鸡刚炸起好味鱼手指唔热O既>_<, SALAD 呼一般最HEA 果d啰,不过都好,有烚薯仔鱿鱼卷,系鱼蛋=_=""服务员成日都唔醒水,阻住个TV唱唔到K....间房又唔系大5个人迫到冇得坐
继续阅读