加太賀

营业中

休息中

今日約了很久沒見的朋友一起食飯 我們選了加太賀 加太賀係我以前工作時常去的,對我來說,係一個 滿有回憶的地方。第一次進來,餐廳很有日本之感,周圍都有日本的佈置,裝修很華麗,感覺很舒適,我們一行十多人,為了方便傾計,我們入房,最低消費$2500。我叫了三文魚手卷,好好味,夠大件,和很新鮮。還有炒雜菜,有腰果,芽菜,椰菜好大碟,很足料健康入味。我們還叫左鯖魚,條魚很新鮮和皮嫩好味。至於服務員很有禮貌很有笑容, 很貼心。我會下次再光臨。大大件的手卷燒鯖魚炒雜菜

朋友話book左枱係紅磡食日本野，又一直都唔話比我知食邊間跟住佢穿過大廈行入細巷，見到成條街掛左滿滿日式紅燈籠😍🏮🎌🏮🎌對上一次嚟加太賀記憶中已是10年前😊先嚟小吃炸軟殼蟹，皮咁脆內熱，但份量多d就更好了再嚟小吃雞軟骨，有小小辣味，送酒一流油甘魚刺身，厚身，新鮮，魚油濃生招牌 花之戀😍😍真係好大舊~~食左一舊以經覺得飽了~~日式蠔餅， 唔會有腥味，但多左少少粉漿同唔夠脆身燒牛肉，最個真係好食 真係真係好食！！熟度剛剛好！好滿足嘅一餐，細個成日睇獎門人都見到佢，所以周不身都嚟食。相隔10年再嚟到呢度，有點懷念~~之後再嚟密啲先

今時今日有咁多同價錢既日本店可選擇，他的確不太合格。可能太早下午六點去食無客人所以比較鬆散，列晒隊係我前面傾計，我好似透明咁，今次只食壽司，食物的確大件，但味道真的一般。

份量好大，條魚生船一上到來我哋就即刻O晒嘴，因為真係好少見到咁大條船。。條船好似九百幾蚊，都算抵食因為都有幾多嘢食。好鍾意條船D蝦，幾好味，非常新鮮。但魚生就嫌太過厚切，太大塊，口感唔好。三文魚麻麻地，冇咩味，好似凍咗太耐咁，冇晒D三文魚特有的鮮味同香味。面都好大碗（好似口鍋！），都算好味～湯應該都係高湯，幾好飲。仲叫咗D其他嘢，不記得影相。有個炒菜都ok，仲有壽司都算正常，無功無過。但壽司魚生都係厚切，唔知係咩廚師冇耐心

話說最近買了部任天堂既switch, 一心諗住返屋企就博落電視玩，點知玩唔到仲hang哂機，唯有打去任天堂整啦。原來佢地整機係紅磡，數下手指都成n咁多年冇係紅磡食過飯，難得今日有個機會，梗係食下好耐冇食既加太賀。由於太耐冇去既關係，搵到都搵左一段時間。搵到條行仔，就知終於來到了。成仔行仔都係佢地既，裝潢好日本。但服務就並不是這樣。一入到去d呀姐又唔帶位expect你自己識行去邊張枱，同我回憶中既service差好遠。我叫了個lunch menu, 滑蛋豬扒飯，朋友叫了sushi. 滑蛋豬扒飯，都ok, 豬扒肉質唔鞋，滑蛋口感適中，有洋蔥配搭更顯野味。sushi總括唔算太新鮮但可接受，而份量亦算大件。但我地叫了中toro，算係比較貴，但同menu相中有明顯出入，不夠油脂，而且色澤都唔太新鮮。最後總括應該下次唔會再黎，有時回憶還是留在心理較好。

今日屋企人去食嘢，呢間啲嘢好食，而且啲嘢好味，雖然人均消費貴，不過值得推薦，我記得第一次嚟呢間嘢食係同我屋企人一齊，真係份量十足，不過建議大家都係搵多啲人一齊嚟食就抵啲，抵讚

首先我唔係乜乜食家, 亦唔係乜乜達人, 我份人好直接, 好味就好味, 唔好味就唔好味, 你鍾意聽就聽, 唔鍾意聽就唔好聽, 我個人就係咁樣, 所以仇家好多, 真心朋友衹得幾個。嗰晚我契哥Dog哥同埋佢老婆, 就請我黎呢間食日本嘢, 好老實講我平時好少食日本嘢嘅, 因為窮L, 所以如果唔係有人請, 我係唔會去食日本嘢嘅。嗰晚我哋嗌咗好多嘢食, 魚生、天婦羅、燒物、烏冬 ( ^u^ ) 真係好多食物, 而且樣樣都好好味, 當中我覺得最好味嘅係魚生, 而與魚生當中我最鍾意食吞拿魚同海膽, 我真係一生人第一次食到件吞拿魚真係入口會溶化嘅!! 以前聽就聽人講得多, 今次親身經驗過, 真係非同凡響! 除此之外, 嗰啲天婦羅其實都幾好味, 最起碼唔係好多油, 同放題嗰啲真係差天共地。價錢真係唔平, 不過真係超豐富超好味嘅一餐, 多謝契哥!!

中意食日本菜，無可能未聽過加太賀！先唔講食品，單單講環境已經殺哂，佢門口經常吸引 cosplay 影相，有d房裝修得好似日式房間，員工亦著哂和服，夠哂 feel。每次睇餐牌，總會有種唔知點算嘅感覺，因為想點嘅選擇太多，但肚可容納嘅位置很少！最慘係次次點嘅食品都好好味！所以唔知點算！今次點左個兩人套餐，有魚生，炒烏冬同燒秋刀魚。魚生同燒秋刀魚係預期之內嘅出色，秋刀魚唔會燒到乾身，魚生切嘅份量叫適中唔係太薄，烏冬炒得好夠味，連一向唔多中意食烏冬嘅我都將佢消滅。唯一缺點係價錢偏貴。

幾個同事同我慶祝升職，lunch time 因為遲咗出門口，好多地方都已經爆棚，唯獨是加太賀因為地方大所以唔駛等仲要無端端比間房我哋坐，哈哈因為之前食過四人餐，感覺都OK，今日唔使諗即刻order第一碟商場就係最出名嘅花之戀，三文魚都OK鮮甜，蟹子就少咗啲。跟住d刺身一般啊芒果三文魚蟹子沙律，好睇唔好食，芒果比較酸同埋成份都剩係得青瓜。店員同我講炒飯係鰻魚炒飯，但我食嚟食去淨係食到雞粒，被騙感覺，飯炒得夠晒乾身忍唔住叫咗杯巨峰乳酸飲品，都真係好難可以整得咁難飲，而且賣相可以咁核突仲要係收我正價30幾蚊。豬軟骨反而幾好食鐵板海鮮豆腐又係必食嘅牛油炒雜菌姑姑我唔食魚嘅埋單差不多要＄500

2017年1月同女友去食晚餐。食左沙津，劍魚腩（一食就知唔新鮮），油甘魚壽司，帶子...等等。當時已覺得食物不太好食，沒有驚喜。第二日就有驚喜！係驚慌個驚！我就痀左兩次，女友腸胃不適又痾又嘔，睇醫話腸胃炎...休息左成個幾星個腸胃都未復原！四個字：永遠不會再去

早兩日夜晚路經吃晚飯，叫咗兩件花之戀壽司同埋三隻佢哋推介嘅大隻美國蠔，我食咗兩隻生嘅，親人吃了一隻熟嘅，點知返到屋企之後幾個鐘，兩個都屙到差啲要入醫院，衛生問題好嚴重！以前食花之戀都冇事，係今次叫咗啲蠔先出事，依家搞到我有排都唔夠膽食..........

今晚和家人到這家食店，對上一次來已經是多年前，今晚叫了兩客串燒，坦白講我已對食物沒有太大要求，但那些串燒實在太硬，去到個情況就係食一口已唔想食，我們已前未試過喺其他食店有咁嘅感受，真係好失望。

同事請食飯- 8 人份量同事說加太賀屬於香港早期日式餐廳， 曾經紅極一時， 很多人慕名而來！花之戀：花之戀是由加太賀老闆創出來的， 當中包括老闆對妻子的愛。 份量足， 三文魚很大塊很厚很足料！ 是招牌菜！愛郎花之戀： 一舊是三文魚， 一舊是油甘魚。蟹子沙律： $72 一大盤， 足份量。 味道可以。蕃薯天婦羅： 不錯， 大大塊。脆。牛舌： 彈牙鵝肝燒飯團： 個人不太喜歡。 不是心目中的模樣， 有點像煲仔飯， 有點硬， 很小鵝肝。秋天四人前： 火鍋一煲。整體可以。 有肥牛， 烏冬， 蕃薯麵， 蟹柳， 蛋， 日式魚旦....... 肥牛也不錯結論房間有點up 味， 洗手間衛生麻麻。 服務員態度很好， 反應快。 走廊有遊戲玩。 8 人花費$1425 （9折後加一服務費）

曾經，係poly讀書果陣，去加太賀食好似朝聖咁，畢業後每兩三年都會返來食一次，可惜，歲月不饒人，不進則退，餐牌無變過，食物既質素已經不及當年，以往晚餐時段時常人頭湧湧，而家連週末晚都空空如也

曾經紅極一時, 成條街都係佢嘅, 但可惜周圍出現咗好多好嘢食,我哋都好少食佢啦!除非月頭月尾啲人出咗糧, 間間餐廳都爆棚,冇定位又熱, 通常就會食加太賀.因為地方夠大, 座位夠多, 冷氣夠凍, 又唔使等位!但係set lunch我哋真係唔想食, 唯有Menu散叫.最最最出名嘅花之戀壽司, 佢應該係花之戀嘅始祖,好大嚿飯 >.< 三文魚唔夠肥  味道都唔夠鮮, 蟹子有啲腥一碟海鮮炒烏冬已經夠 4個人食, 普通貨色, 普通味道, 勝在夠飽.天婦羅炸蝦, 同放題質素一樣,但價錢就好貴, 我覺得唔好食, 因為啲肉都唔係爽口彈牙.仲要上枱嘅時候都唔係熱辣辣.