加太賀

营业中

休息中

其實呢間野比我感覺係食個環境,都唔係話突別太好食,又唔係太抵食。如果嗌餐呢就會覺得幾抵食,如果6,7個人可以嗌個海陸空拉麵一齊食~因為個碗好鬼死大個,都ok好食~!個軟腳蟹都OK~!

Lunch時間, 間間都好多人等位, 係唯獨呢間唔駛等, 見趕時間, 求其啦...Set Lunch冇以前咁多選擇, 叫左野菜餃子拉麵, 我同事差唔多食完, 我碗麵都仲未到...等左好耐終於到喇!賣相十分唔掂! 餃子冇分開上, 浸到淋晒. D麵又唔彈牙, 整體上成碗麵冇味! 仲要收人$24, 十分搵老襯!

我係個度返過工，我雖然無係個度食過野... 但係我覺得佢食物價錢貴過其他日本餐廳好多....mainpoint佢係紅磡...一個地理位置勁隔涉....都賣到咁貴....有一次...我見到有4個young people係下午茶時間食左成$1800左右...

我由98 年開始去﹐當年可以算係一個不錯的食日本菜去處。。。但係經過昨日一次﹐我應該以後唔會再去。1. 牛肉烏冬-個湯係就係好似豬骨﹐但飲落就係明顯公仔麵味精味。烏冬麵身就極度差﹐超市貨色。2. 牛油焗金菇- 叫第一碟﹐咸到苦。退貨換過碟。第二碟﹐係咁落七味粉。有無搞錯。3. 海膽手卷-海膽完全唔得!!!! 真係唔敢係佢度食生野。4. 招呼就正一大牌檔方式。廣州中森名菜都好過佢!!!!!Black listed. Out!

I thought that place was supposed to be good, well maybe you are right, it used to be good back in the day when I went.keep eating and be happy

以前去仲係好好食，可以一個星期同唔同朋友去三OR 四次，但係最近再去，難食到嘔，地方又污糟，地區又隔"sip"，應該唔會再去。

其實我先前都冇去過,不過知佢最高峰果時好多人排隊.今次星期日晚7點都好靜,就算walk in都冇問題,即刻有位.見人流少,一開始都唔敢叫太多生嘢,只係叫左客花之戀,甜蝦同北寄貝.誰不知真係不太出色,不過D熟食都幾好.隔離枱叫左個'海陸空拉麵',超大個碗,$128,但好似D料就唔係上價嘢'雞軟骨串燒'反而比平時的好吃,很有雞味,很香口.另外'鹽燒鯖魚'也OK.整體而言熟食較好,但抵唔抵特登搭車去食就見仁見智留意亞姐的名牌,寫著很有禪味的話:- 平生不作肥田長,冰天雪地我獨行

d 三文魚刺生, 哇! 一d都唔新鮮, 都唔係好敢食, 而家夏天好易肚苛架, 怕怕, 服務又唔好,伙計都冇心機招呼. 同以前冇得比, 唔知係咪d股東不和, 現在冇心情打理舖頭呢. 都係唔駛再去.

我次次去都幾好呀刺身比其他日本料理店好多新鮮又大件個次我點左吞拿魚白豚海膽大牧丹蝦飛魚全部刺身好新鮮好好食

尋日生日我班friends同我慶祝，去左加太賀食日本野，第一次用"魚生蛋糕"慶祝，好開心呀!

星期日同屋企人經過土瓜灣，順道去加太賀食晚飯。服務差唔在講，食物質素今非昔比，當日叫咗以下食物:1) 雜錦刺生;2) 活蝦一客10 只;3) 地獄拉麵;4) 炸蠔一客5) 清酒1 支700ml;一行四人肚瀉, 我仲慘到返唔到工tim!!!腸胃唔好千祈咪去!!

早幾年還未開到咁大規模時，這裹的魚生船及其它佐食都好正，唔知係咪出咗名，近排一行四人去幫襯都發覺食物質數下降，又無乜花款，服務態度麻麻地，可能依家太多日本料理，有些更標榜日本人主理，這間己有過時之厭，無新驚喜，可以不去了。

都係朋友介紹先去, 因交通實在太不便, 大家去到紅磡行路又遠, 車又唔識搭, 最終要搭的士, 連的士司機都要諗, 真吹賬! 去到都有點兒失望, 原來係住宅入面既橫街店舖, 如果再去, 我諗都唔記得點行。門面又真係好日本feel, 但入到去, 感覺好似街市一樣, 又嘈又迫, 食品又唔係特別好味, 除非有朋友提議再去, 否則我都唔會提議。

好多年前曾經想去﹐但到門口見太多人已經放棄。今年終於同朋友去。好靜﹗星期五晚都無咩人。講返食物。其實都OK。個拉麵超級大碗﹐普通味道。蟹粥都普通﹐唔難食。花之戀就最OK﹐話晒係始創人。不過﹐而家出面都有得食﹐呢度無咩特別好食﹐唔值得我山長水遠去。我住得唔遠﹐但係間野個location 好隔懾﹐好麻煩。

佢個鰻魚炒飯..幾正!料又足,最緊要係夠乾身!係服務差左少少..但講食又不是差la..個鹽燒三文魚腩骨..送飯又好,酒都好正!會再去...