功德林上海素食 (北京道一號)

好友茹素多年, 今次輪到替我慶生, 帶我到相熟餐廳晚飯. 功德林尖沙咀店位於北京道, 可遠眺對岸海景, 內裡裝修清雅, 枱與枱空間十足.菜式由好友發板. 小食紫菜花生比平日炸花生多一份紫菜香味.小拼盤有五款涼菜, 脆膳素鵝香脆鬆化, 沒有好油膩感覺, 上海烤夫軟諗入味, 雞絲粉皮用上素火腿, 素火腿份量不多, 全靠芝麻醬調味, 茄子鮮嫩軟滑.好友叫上秋日特飲羅漢果圓肉杞子, 清熱潤肺補肝明目, 真的太體貼啦! 三種中藥本身已帶有甜味, 無須再加糖調味.豆腐餃子用豆腐做餃子皮包著切碎雪菜, 豆腐外皮難得沒有任何破損, 是一道比較清淡菜式.油雞菌雜菇煲仔飯, 油雞菌仍珍貴食用菌, 香味獨特濃郁, 唔落豉油都唔會太淡口. 煲仔飯可分六至七碗, 熱辣辣適合秋冬食用.蜜汁紫菜火腿卷內裡再包著青瓜, 既惹味又清爽.餐廳向好友推介試新甜品木桶豆腐花, 自己動手分豆腐花感覺很有趣, 豆腐花嫩滑隔渣好清.多謝好友款待. 臨走時見到紫菜花生有得外賣, 二十五蚊一樽.…查看更多

素食一向比較少人去選擇，因為覺得自己平時都無食開素，唔會某某然去食素，所以周不時素食係長輩既飯堂，但其實而家都開始年輕化，覺得食得健康都未尙唔係一件好事，我間唔中都會約朋友食素，今日同友人就去左依間都幾有名氣既素食中菜館店內簡單不華麗，但比我感覺都幾靜，可以同朋友暢談一番<<無錫脆鱔、脆皮素鵝>>脆膳剛炸好熱辣辣，滿滿既蜜糖係面頭，口感香脆，味道甜中帶香炸味素鵝賣相似炸鮮竹卷咁，中間夾左菇菌同素肉，沾香醋一口食落酥脆帶酸，幾開胃<<酥炸三絲雞卷>>依款炸卷係咁多道菜最鍾意，外皮係油炸鬼皮，入面釀左蘿蔔絲、芹菜、素火腿、豆腐，沾少許甜醬料一齊食，皮酥內軟，唔覺得好油膩，味道適中唔會太淡，食個時腦海叮左一聲，真係好好食到我成碟清哂<<竹笙扒豆苗>>竹笙芡汁淋係豆苗上，豆苗食得出好新鮮爽脆，竹笙芡汁調得剛好，配豆苗一齊食感覺清新可口<<油雞菌雜錦煲仔飯>>好多菇菌鋪滿係飯面，菇菌本身有少許醬汁，另再倒煲仔飯頭油撈埋食，味道香濃惹味同食到菇菌既香味，口感爽軟，好好食<<砂窩獅子頭>>用左雜菜同獅子頭一齊炆，獅子頭食落似肉既口感同味道，但其實入面係素肉同豆腐餡，幾惹味，配飯食一流<<羅漢果桂圓杞子蜜>>好濃既杞子蜜餞味，夠熱同飲落好舒服潤喉…查看更多

今日初一，同屋企人一齊去食齋，今次係第二次幫襯，貪佢有海景同食物水準唔差，點知食物雖然冇變，不過態度就唔同了！兩點幾去到唔full，當然想坐近海嗰邊，但嗰侍應話要set枱，唔坐得，咁都算la, 反正地方咁大，周圍都望到海。嘢食水準唔錯，因為未齊人，侍應都有問駛唔駛遲少少上菜，不過就冇人提有discount !跟住仲見到有人坐我哋原本想坐ge枱，頭先又話要set枱ge!? （其實咩叫set枱，我真係唔知咩意思）到俾錢嗰陣， 都冇人提我哋原來身分証或旅行証有2/7就有27%discount, 搭lift 去到lobby, 先見到有，即刻上返去問la(心知冇ga la),嗰員工話我哋唔好意思check 人客身分証，所以唔會主動同人客講有優惠，聽完真係一肚氣，都唔知究竟係公司政策定員工問題，由落單到俾錢，冇員工提過，無la la俾多$180，真係勁唔抵，下次唔會再去lor, 一肚氣，激鬼死！！！…查看更多

放工於尖沙咀會合女朋友往功德林食素菜,我們點了羅漢果桂圓杞子蜜, 咕嚕肉、豆腐餃子、砂鍋咸肉菜飯、芙蓉木耳豆苗和高力豆沙配香蕉。羅漢果桂園杞子蜜好好飲, 入面有桂圓內和杞子, 飲落好清甜, 芝潤和消暑；咕嚕肉酸甜度剛剛好, 配上的青椒和菠蘿好爽口, 咕嚕肉用猴頭菇製. 食落去好彈牙和美味；豆腐餃子很有心思的送菜, 豆腐包著菜釀成餃子, 豆腐好香滑, 菜好新鮮, 配上冬菇食落有多種層次；砂鍋咸肉菜飯菜飯夠熱, 有飯焦的香味, 菜飯炒得乾身, 咸肉口感一流, 食落不覺口乾, 好食；芙蓉木耳豆苗, 有蛋白, 木耳絲, 蛋白好香滑配上爽口木耳絲及新鮮豆苗, 食落口感清新；最後高力豆沙配香蕉, 上桌時熱辣辣高力豆沙乾身, 甜度適中, 香蕉香甜, 餐廳食物精緻, 其中豆腐餃子很考廚師功力的小菜, 食物好好食, 食了一頓美味素菜。…查看更多

寫這篇文章的時候，希望不是單單一篇食評那麼簡單，筆者更大的願景，是能夠讓更多的人接觸素食。記得對上一次短暫吃素的經驗(約兩個月)，讓我對飲食，有更深的體會。而今天和大家分享的是一家自己很喜歡的素食餐廳，功德林。功德林創始於1922年，是一家具有八十多年歷史的著名老字型大小品牌企業，享有素食鼻祖之稱。餐廳坐落於尖沙咀鬧市之中，就在海港城附近的北京道一號。裝修以綠色、白色及淡棕色作主調，簡單、溫暖。靠窗的那邊還可以看到維港的無敵大海景！我們點的第一道，是他們的經典名菜兼得獎菜式-砂鍋獅子頭($118)。裡面包括冬菇、娃娃菜、小棠菜、筍等等，而獅子頭主要由免治素肉包著一些素魚翅做成，吃起來口感與一般肉類無異。即使整個菜是使用砂鍋高溫烹煮，但完全不會感覺很油膩，但仍然保持惹味香口。接著再點的是兩道涼菜。五福臨門拼盤(小$218)，當中有「脆鱔」、「涼拌粉皮」、「四喜烤麩」、「素鵝」、「豆腐餃子」等組合。最令我surprise的是「四喜烤麩」，味道不會太甜，但十分開胃。這道菜表面上看似簡單, 原材料價錢也相當相宜，但裡面最值錢的東西就是準備的工夫。烤麩是其中一種麵筋，把高筋麵粉、酵母、水混合後搓成麵糰，發酵以後蒸成海綿狀的生麵筋。「四喜烤麩」的味道，完全是依賴其醬汁，很考師傅的功夫。再點的是上海冷麵($98)。這道菜是很簡單的一大盤冷麵再加上七種不同的醬汁而成，分別是南乳、豉油蠔油、辣椒油、喼汁、麻醬、核桃碎等，還伴以大頭菜及青辣椒絲等。雖然看起來每款的醬汁是很常用的調味品，而且某些味道還比較強烈，例如蠔油、辣椒油等，但原來把所有的醬汁仔細拌勻，意想不到的好吃以及味道很平衡。最後，不少人講吃素和佛教又或者是老一輩連在一起，但其實不然，只要有一種眾生平等，不忍食其肉之心，就有一種吃素的想法。孟子曰：「見其生，不忍見其死；聞其聲，不忍食其肉」，就是一種很好的寫照。而且，吃素可以循序漸進，並不是一刀切的完全顛覆自己過往的生活習慣，例如可以從Green Monday做起哦！P.S. 現在只要身份證有”2”或”7”或是27歲，全單有27%的折扣，而且是所有時段都適用！…查看更多

我本身是鍾意食肉, 所以甚少食齋, 但自從認識的朋友當中有人是素食者, 我地出來食飯就必選齋店. 今次我地去了位於尖沙咀的功德林上海素食食晚飯. 未去食過齋之前, 以為齋的款式選擇好少, 無乜好食, 但原來我的想法是錯. 依加菜式的賣相靚, 味道仲好好食. 我地坐下後, 先點了一杯熱的桂圓紅棗茶. 入口有淡淡的紅棗香味, 若味道再濃郁一點, 更好飲. 主菜點了咕嚕肉, 松子黃魚, 冬菇麵筋煲和雜菌煲仔飯. 咕嚕肉. 賣相好似真的咕嚕肉, 其實是用猴頭菇所整. 外皮帶微脆, 內裡幾嫩滑, 味道甜甜酸酸, 好醒胃. 松子黃魚. 魚皮是用腐皮所整成, 內裡是芋頭. 腐皮炸到有點硬身, 幾有咬口, 而芋頭整得夠粉和夠幼細, 口感不俗. 冬菇麵筋煲. 愛食麵筋的我, 當然要點這個煲. 冬菇唔算好大隻, 但味道調教不錯. 麵筋吸收晒冬菇和汁的精華, 所以特別美味. 麵筋口感也不會太硬. 雜菌煲仔飯. 食小菜, 我自己覺得與飯是最佳拍檔. 上枱時已經香味撲鼻. 飯面放滿了雜菌, 再淋上豉油. 煲仔飯當中的豉油是相當重要, 多了豉油混入飯中, 提升味道. 這一餐雖然是素食, 但仍然食得好飽好滿足. 值得一讚是店內的職員服務態度非常好, 又夠細心.…查看更多

今日去到功德林素食餐廳食晚飯，佢地係一間上海菜餐廳，一入到去見到既就係對住維港海景既玻璃窗，窗外環境一流之外，室內亦都算舒適寬敞。 打開餐牌，為食既我一眼就睇中拼盤小食及我喜愛的涼拌茄子，貪夠多款揀嘛~。當我落單時，友善既侍應設想周到，建議我將茄子換落拼盤內，於是用一個價錢，我就可以同時食到我最愛既小食喇~!五福臨門拼盤(小)拼盤一上枱，我同友人都嘩左一聲，我地叫左細碟，但原來份量都幾大架。第一樣試既係中間既「鱔糊」，佢賣相既像真度達9成呀。食落去係甜甜酸酸脆脆的，都幾濃味香口。再試烤麩，烤麩出乎意料地入味，香料味十足(我估係花椒八角之類)。另外，不太顯眼的粉皮亦有驚喜，粉皮爽口清新，配合麻醬食一流呀~！反而，茄子同素雞顯得有點遜色，味道較為清淡。芙蓉木耳豆苗($92)豆苗鮮綠脆嫩，豆苗既香氣配襯木耳既爽脆及蛋白既幼滑，是一道天然清新既菜色。不是素食者的我和友人不知不覺食左一大碟的菜蔬。上海擔擔面一道上海經典既菜色，愛好麵食的我急不及代試食，先試湯底，湯底比平日食到的擔擔面辣一點，但都尚算濃郁，麻醬味稍為弱了一點，但對味道整體性影響不大。馬上試一口上海面，嘩，再有驚喜！試過多間餐廳的擔擔面，這間餐廳的麵底十分彈牙爽口，上海幼麵煮過火好多時都會黏成一團，這個麵完全沒有煮過火的情況，保持到條條分明，這真值得一讚！ 咕嚕肉咕嚕肉的酸甜汁做得不錯，送飯一流，咕嚕肉的內部可能是由野菌做成，所以口感有別於肉既厚實，換來的是柔軟香滑，食落唔會太濟，配菜菠蘿都香甜可口，所以我即使食完前三碟餸之後仍然食得落呢道餸。豆沙鍋餅豆沙鍋餅同我想像中的有出入，佢的餅皮口感同味道都有點像雞蛋仔，都幾新奇。欣賞他們的豆沙有淡淡既甜味，不會過甜。…查看更多

今天是綠色星期一，小敏和我决定到功德林吃素食，吃出健康，也吃出創意和美味!首先我們叫了一個五福臨門拼盤，有無錫脆鱔，脆友素鵝，雞絲粉皮，豆腐和烤夫!最好味的是無錫脆膳有甘酢風味，脆卜卜的，口感一流，我們停不了口!小敏的竹笙百合北蟲草燉湯真的夠火候，而我自己較愛香濃口味的三絲魚翅!三鮮鍋巴有磨菇，冬菇和千頭菇真的夠健康，鍋巴又香又脆夠水準!豆腐餃子真有風味，餃子又香又滑，口感一流!甜品是杏汁燉奶真香甜，雖然等了廿分鍾也是值得!今晚吃出創意的素菜，也吃出健康的精神!以後也要多點吃素菜!…查看更多

前幾日同屋企人去左一間好出名既素食餐廳裡面既素食真心覺得比一般既唔錯 而且菜色都好有創意其實真係好耐無食過素菜 因為真係好少會無端端想食但係呢排開始想屋企人食得健康D 所以有搵左呢間素菜茶樓豆腐餃子 Bean Curd Dumpling (HKD98)第一道菜係我最期特 因為豆腐同餃子都係我既最愛餐廳竟然將兩樣combine埋一齊! 餐廳將豆腐代替為餃子皮 而裡面就食菜餃呢個清清地 當前菜同小食都唔錯羊肚菌扒鱈魚 Braised Bean Curd with Morel (HKD118)鱈魚好嫩滑 再加上餐廳既汁同上面既羊肚菌 味道亦都唔會過咸過淡感覺素食比一般既仲好味!仲有記得要食晒D羊肚菌啊 因為好罕有 而且好保身!油雞菌雜錦煲仔飯 Rice with Chanterelle in Casserole (HKD108)呢個煲仔飯係其中一個吸引我黎既地方出面好多煲仔飯都係得排骨、肉餅等等但雜菌既煲仔飯真係未食過侍應仲同我地講 好多人都會專程上黎食呢個煲仔飯最後 我對呢個飯都幾滿意 油雞同雜菌既份量都好多 好足料4個人食岩岩好呀!香酥鯽魚 Pun Fried Vegetarian Fish (HKD108)呢個鯽魚 真係好驚喜！又係另外一道菜 令我對素菜改觀鯽魚裡面其實有芋頭  再加上餐廳將鯽魚煎得好香脆再點埋甜酸醬真係好正!南瓜錦鯉糕 (HKD36)終於到甜品既部分啦!我覺得如果你係同屋企人食既站 一定要叫呢個甜品因為通常D媽媽都好鐘意呢D錦鯉 好意頭味道都唔差 係南瓜味 食落會FEEL到有少少粒粒 因為餐廳加左西米係裡面 令口應更加豐富!高力豆沙 加香蕉 (HKD68+$10)最後就係呢個高力豆沙!裡面本身係只有紅豆餡 但加十蚊就可以加埋香蕉餡!熱哄哄的 甜蜜蜜的 劃上完美既句號!…查看更多

好多人對於”食齋”, 唔多唔少都有DD抗拒, 不過既然做一個食家, 當然要乜東東都要試試囉~~今日來到尖沙咀北京道1號呢樹試試呢間功德林上海素食, 聽講味道唔錯唷。雖然餐廳並沒有超級富貴堂皇的排場, 不過待客誠懇的部長及經理待客態度的確值得一讚, 以親切的笑容問你要否點杯桂圓紅棗茶試試看, 這種魅力的確難以拒絕 J 香甜的桂圓味道, 不太甜的紅棗味道, 對於女生身體很好的, 朋友也大讚很窩心點左呢款竹笙百合北蟲草燉湯($58), 以菇菌、蟲草花、竹笙、百合等材料製作的燉湯, 清香的蟲草花燉湯香氣撲鼻, 入口清甜有菇菌味道, 材料味道配搭一流, 絕對是會讓人想encore啊!!跟住呢個”回鍋肉” ($88)呢味道都幾似回鍋肉, 青椒、紅椒、蔬菜炒得剛剛好熟好清甜, 面根都做得好有肉塊的texture,不過呢有小小略嫌有點重口味, 不太像齋菜, 如果唔餸飯吃的話其實有點膩唷,建議大家點個白飯吃跟住再嚟呢兩味生炒魚片($98)及芙蓉木耳豆苗($92),堅好味道! 先講右邊個碟炒生魚片, 以木耳、紅蘿蔔、西芹炒菇片, 炒出來菇片雖然口感偏煙靭有咬口,不過有扮得幾似魚味喎@.@”... 好surprise, 而且炒出來咸味剛剛好吊起各種菜蔬鮮味, 正!! 而左邊個味芙蓉木耳豆苗又是口感極度”青”新, 只因豆苗夠年”青”夠嫩口, 非常清甜, 加上絲絲木耳爽口, 口感與味道同樣超捧!再落嚟呢味上海冷麵($98)淨係賣相(唯一一張有心機高抄)已知玩味一流, 據經理介紹, 醬料由橙紅色辣椒油順時針數起 : 辣椒油、甜醬、醋、南乳、腰果碎、唔知記得乜名、青椒芽菜絲、花生醬、豉油, 鐘意咩料落咩料, 超好玩, 哈哈哈哈!!!! 我就咩料都落DD, 當然味道很不錯, 不過小試怡情, 都是留番個肚食甜品^___^雖然食到好飽, 不過中式甜品永遠都有一種糖水店所沒有的吸引力。今晚點了一客薑茶湯圓(4件 - $38)以及一客高力豆沙(4件 - $68, 加香蕉加$10)大家共同分享。呢個薑茶又是值得一讚, 手製雷沙湯圓餡靚不在話下, 啖啖薑茶於吃到飽飽後喝一口落肚, 頓覺消脂解膩, 好舒服啊~~~ 跟住仲可以吃多件加左香蕉的高力豆沙, 剛剛炸起熱辣辣, 香蕉同紅豆沙餡味道夾得好好!!!! 記得點!!! 記得加香蕉!!!!…查看更多

而家出黎做野多左出街食飯有時都會覺得又多肉又多油好唔健康所以久唔久都會去食下素菜平衡下而尖沙咀既功德林上海素食係其中一間我都幾常幫襯既素菜店其中一個我會成日黎既原因就係因為呢到環境好好，坐得好舒服香濃三絲魚翅羹 $52先黎飲個湯羹先唔好以為用素菜煮湯一定會好淡其實味道同真既翅羹分別唔大只係肉既鮮味無左，清甜既味道多左而且入面用料好足，正功德林三拼盤 $148如果你好似我甘，成日都眼闊肚窄呢個功德林三拼盤就幫到你喇你可以自己係menu揀3樣你想食既前菜而我就揀左無錫脆鱔，脆皮素鵝同凍茄子脆鱔雖然炸過，但一D都唔油加埋個開胃甜醋醬，真係食完一條又一條素鵝係我好喜歡既小食呢到既素鵝似係用煎PAN烘/煎食落雖然無油炸既香口，但都好脆架而且食落唔會成口油，健康好多凍茄子雖然簡簡單單，但而家天氣又熱又立食個清清地既冷盤，都幾增加食慾蜜汁紫菜火腿卷 $108呢個菜其實幾適合小朋友食因為有紫菜而且又甜甜地而素火腿入面仲包左D蔬菜咬到中間會有D爽脆，口感幾豐富油雞菌豆腐角 $108有黎過功德林既朋友仔都一定會試過佢地既豆腐餃子但豆腐餃子味道比較清淡所以今次就叫左呢個油雞菌豆腐角喇豆腐角其實同豆腐餃子係一樣用豆腐黎整個皮，之後入面就包住D菜正係食個功夫都抵啦而油雞菌事先炒過，食落辣辣地就好似素版既XO醬令成個菜唔會太淡，真係好好食呀油雞菌雜鍋煲仔飯 $96最後當然唔少得食番D澱粉質因為我本來就好鐘意食雜菌所以次次黎都要食呢個飯幾種唔同既雜菌加埋一齊，香味真係一絕而且呢到既飯好有飯香如果你都係飯桶既話，就記得一試喇芋頭魚仔呢條芋頭魚仔唔係成日都有佢地主要係飲宴果時先會做魚仔一d都唔油，而且芋頭味濃郁最特別係入面加左少少紫菜所以比出面既更香更特別我都係厚住面皮問店員有無佢先會Check但為左食好野，放下自我係無問題既羅漢果桂圓杞子蜜 $28最後當然要飲番杯羅漢果桂圓杞子蜜啦呢到唔只坐得舒服，服務亦都一流每一次黎，店員都好有禮貌同主動而且佢仲係一間有營食肆如果你想食健康d，又或者約左老人家食飯呢到真係一個好好既選擇…查看更多

以上海素食為主既素食店 環境舒服寬敞。幾啱一班親朋戚友黎食野聚舊， 食物menu種類䌓多中菜飲料甜品 樣樣皆齊羅漢果桂圓 杞子蜜 28一上枱b好香羅漢果味 飲落去有桂圓同蜜糖既甜味， 再加上少少杞子調味裝飾， 而飲到最後亦有新鮮桂圓既渣 落足料又夠清潤三拼盤108可以喺menu 小食嗰頁任揀三樣做小食拼盤 我選左大豆芽 有少少辣 大豆芽爽口新鮮配埋冬菇伴碟 醬汁偏濃可口 素鵝 皮整得十分脆口 連埋入面既菜絲蘿白絲 外脆肉香 脆鱔 整得好似真鱔 出面用茨粉而入面用菇 十足鱔皮同肉 又夠爽脆可口紫環麵圓 108用紫tbd竹笙 素火腿 金菇 等料 下面加個茄子墊底，炸得好有鑊氣 除左紫菜入面好有口感之外 配埋濃味既醬汁偏辣咸既醬汁 食落十分惹味竹笙百合北蟲草 燉湯 58超推介既燉湯 湯應該煲左好耐 而且蟲草 百合 令到成碗湯增添香味 再加上 竹笙切片落足料 飲湯時香味四溢又可以增加口感 正豆腐餃子 98用椰菜墊底既豆腐餃子 豆腐皮包餃子第一次試 食落真係平時喺屋企食既豆腐 十分滑身 要將佢切到好似餃皮再包住菜黎做餃子 功夫十足 茨汁十分清 所以配以少少炸魚絲一齊食， 十金尸竹香滑 值得一試蜜汁紫菜火腿卷 108用齋火腿包住蘿白菜絲一齊煎 十分香口 夠鑊氣 食完一舊又一舊 唔錯 官爆候頭菇 98用腰果伴住 頭菇炒 再配以酸酸甜甜既醬汁 猴頭菇爽口密度偏底 所以甜醬汁完全滲哂入去 菇身入面 食落多汁又夠味 正擔擔麵 58超正推介既擔擔麵 , 麵身 爽口夠滑 而湯底充滿花生醬 辣醬 甜醬等味 調味得好好 真係可以食兩碗 超好味 好食過好多一般有肉食埋既上海菜好多苔菜松子炒飯 88用海苔 撈埋飯一齊整成既炒飯 飯身已同苔菜合而為一， 所以成碗綠色甘樣 食落去每一啖都有好香海苔既味道， 再加上健康炒過既松子仁， 健康又好味芙蓉炒桂花翅 98用素翅 芽菜 素火腿 蘿白 蛋白等炒成既桂花翅 味道好match材料清得黎全部都係切絲 所以好有口感 若食左原味 可以再點黑醋 好似賽螃蟹甘既食法 都好正！素仁鬆 配叉子燒餅 108 就好似上海菜既叉子燒餅甘， 不過係用齊 用蘿白 菜碎 炒完 放入去叉子燒餅入面食， 燒餅 皮脆入面一層夠鬆軟， 配以入面既碎料 有鑊氣又夠口感 好味糖水方面點左高力豆沙比出面既豆沙偏身 因為以健康為主落少左茨粉 所以唔會炸到好高， 而取而代之落得比較多蛋白 所以雖然扁身 但 係口感密度高 蛋白味十足 而入面落左豆沙同香蕉 出面既蛋白比較淡 配以面既糖 同入面豆沙同香蕉既濃味 唔錯桂花酒釀丸子桂花味十足既酒釀丸子 丸子好煙韌彈牙 , 食落好香酒味 但又不會過於濃烈 配以 桂花香味互相襯托 互相都唔會蓋過大家既味道 係一味好出色既糖水甜品齋都食得多 但上海菜既齋就少d , 同一般上海菜一樣 食物整得精緻美觀 而且以手工為主，食物整體質素高 價錢中上但值得 若多人食會更好 . 而且服務態度好 環境舒服 我都食得好滿意…查看更多

中秋節飯聚想吃得健康初嘗試吃素，發現好多款式，不是以往來去幾味。拼盤好味道👍🏻👍🏻👍🏻👍🏻👍🏻👍🏻超特別，味道好多層次普通有9折優惠抵食，新概念…查看更多

不知由何時起，跟着家人逢初一十五時齋戒，祈福又好，清腸胃又好，環保都好，食素確實對身體有益無害！尖沙咀功德林確實不太起眼，可能我好少行到北京道那邊，今次經朋友介紹下，可以一試！可惜聞說的美景因昨晚天雨關係，未能享受，不過食物卻不錯，有點舊上海舖的風味！我們兩人共點了: 兩個湯、凍茄子、上海冷麵、豆腐餃子、竹笙扒豆苗。湯: 清淡，暖一暖肚，不錯！凍茄子: 開胃小菜，凍凍、辣辣！上海冷麵: 帶有舊上海舖味道，好懷念！豆腐餃子: 豆腐不夠滑，但好重豆香味，不錯！ 竹笙豆苗: 不過不失，正正常常！…查看更多

今次同朋友慶祝生日，揀左食素。餐廳環境不錯，可能平日，唔算多人，見到有第二枱都係慶祝生日。朋友唔食牛，今次可以破戒了。素餓味道比較淡，不過腐皮都算幾脆。金菇牛肉煲，肉質比較怪，始終係素肉，味道一般🙄 蛋白豆苗，蛋白都幾滑，不過豆苗唔算嫩口，但總算有啲青草味，或者唔岩季節。最好味就係芋頭魚，依樣都算係素食中必食，酸酸甜甜，夠醒位。可能唔慣食素肉，感覺成餐都好淡味，間中清清地都幾好嘅，不過值得讚下服務，都有主動加水，換碟。…查看更多