功夫點心

营业中

休息中

呢個真係唔建議黎！等咗半粒鐘仲要俾人打尖！服務態度極差！老闆娘仲話唔關佢事！咁我想問關邊個事！服務態度十分之惡劣完全冇改善！等咗40分鐘先入到去！諗住服務差，咁多人食諗住食物質素OK啦！點知啲嘢食質素好一般！好失望😥店鋪推介嘅流沙奶皇包，我想講一啲流沙都冇！包皮勁厚，餡料勁少！食上去仲有啲涸喉！$9/個，唔抵蔥花炸兩，腸粉有啲黏口唔算好滑，一邊嘅油炸鬼有少少腍！不過不失，但唔算得上好食🙈🙈🙈主要都係服務態度太差，令到人食嘢都冇晒心情💔

單張上寫明落單後要等10-15分鐘，我地等左20分鐘都冇嘢食到就問侍應點解等咁耐都未有，點知個職員黑晒面咁答至少要等15分鐘架喇，同時亦都有至少5枱客都冇菜上過，但完全冇職員要研究發生咩事，過多10-15分鐘之後大家再催單，個時先有職員發現原來啲電腦單冇入到廚房、所以從來都冇蒸過啲點心，結果要人手落單，人手落完單後唔洗10分鐘就出到菜🌝 點解冇人一早研究發生咩事，要等大家燥晒底先做嘢呢？不論係電腦單定人手單，明明早落單過後面個枱，同一樣嘢食可以係後面個枱早15分鐘上菜先，我地個枱仲要係催單佢先整比我地。整體質素差到要比第一個食評佢。想食點心嘅人如非必要真係唔需要考慮食呢間，驚你食到成肚氣咁走。