影片
以上资料只供参考，请与餐厅确认详情
喺2021年12月31日夜晚大概八点半去饮茶， 饮饮下居然见到只老鼠喺地下跳上张枱度走嚟走去 最惊系啲侍应冇反应无理会， 吓到我即刻谂住食晒啲嘢快啲走， 点知另外又有几只老鼠喺后面个枱度爬嚟爬去， 老鼠多到不得了， 同个侍应讲佢笑笑口话夜晚先会咁😱😱😓， 完全唔可以接受。
继续阅读
服务态度极差，啲肠粉预先整好系度，完全冻冰冰送上台，要求更换一碟新嘅，热嘅肠粉，又系度话系豉油问题，又俾晦气说话客人听，搞到好似我要呃佢份肠粉食咁，肉肠粉都算，问题系鲜虾肠连个虾都系冻嘅。服务员处理问题嘅态度同语气都拎人十分唔舒服，以后都唔会再黎！
继续阅读
所有餐具很油 自己洗左很多次 攞埋自己既湿纸巾抹左先安心啲 食紧果阵仲有两只蚊飞黎飞去 水有阵味 结果唯有饮自己带既水 上错菜态度仲要好差 强烈建议未黎过既千万不要中伏 除左不用等位其他一无是处 不过差到咁唔洗等位都好正常喇
继续阅读
我和外国友人二人同行，服务态度好差，基本上系样样都要提先比，牛肉无喼汁，萝卜糕无酱。萝卜糕超级难食，食物大部份都系偏淡味，牛肉球系几好食，其他都真系好一般，叫做不过不失。但系食到一半，男员工突然间过嚟叫我食快啲，话赶住清枱。我8:45啲点心先来齐，9:15催我走，问完先知原来9:30佢哋要清场，咁入座嘅时候应该要提醒客人，我都唔系想阻住人哋收工，去到9:25 ，已经熄冷气同埋所有员工坐喺度望住你，一路大声打喊露，感觉劲唔好受。只可以讲价钱唔系贵，但咁嘅质素唔折都系奇迹。食到中途张梳化有小曱甴都算，番到屋企我同朋友二人都又屙又呕，唉。真系贴钱买难受。好少写食评，就算食物味道或者性价比低都好，我都唔会点样写，但真系食坏人先要讲。
继续阅读
两个人晚饭时间去食饭，当时只有两三枱客。座低后叫左乳鸽，蒸饭，炖汤＆马拉糕。上菜时黎左d冇叫既点心，我地同楼面姐姐讲冇叫咁多野，佢话系我地系点心纸写左，仲话落单既时候问左我地系咪要。因为张点心纸本来有d系画左X，我地落单时只系以为果d系冇得叫，点知佢当埋系我地order。我地同佢讲只系要圈左几样其他唔系我要既。佢就串我地话“你冇饮过茶架咩，画左就系”，仲教训我地系出面都系咁，系咁用教训既语气话系我地既问题。屈我地叫我地唔要既野，仲要大大声串我地，态度非常恶劣劲冇礼貌，做错野唔认仲要屈个客。
继续阅读