劉興記生煎包專門店

营业中

休息中

今日路過大圍想在這裏吃過下午茶，發現有間新開的生煎包專門店，便入內一試。蟹黃生煎包（2只）$36，生煎豆的底部很香脆，內裏的湯汁非常豐富，加上很熱騰騰，小心會彈到身上。蟹黃的味道香濃，加上香醋，就更加美味可口。雞絲酸辣湯$30，酸辣程度適中，非常惹味，比上海店的味道不會遜色。麻醬手撕雞絲粉$35，麻醬香味濃郁，雞絲鮮嫩可口，加上爽口彈牙的粉皮，再作為前菜非常合適。排骨蔥油拌麵$42，排骨外脆內軟，肉質豐富，蔥油香味十足，非常有上海特色。

✨店舖堂食有18個位左右我6pm去到排了5分鐘就入得，6:30pm 就開始多人，都有3-4個人排緊了❣️上菜速度好快，所以翻枱率高，要等都唔會等好耐💰兩個人食到飽飽既晚餐，半個鐘搞掂，都只係$153（免加一）CP值幾高🔶迷你雞絲酸辣湯+生煎包（6隻） $59配 可樂（+HK$8）一場來到，梗係要食多幾粒招牌生煎包😋 生煎包底會比較厚去承住湯汁，隻隻都煎得香脆包頂就真係薄皮，輕輕咬開，湯汁即刻流哂出嚟🥰 要吸一吸啲湯汁先唔會浪費肉餡唔會油膩，我連食3隻都覺得OK!亦唔需要另外加醋🔶蟹黃生煎包（2隻）$36另一款生煎包就係有蟹黃既、食落冇招牌個款咁多汁，但份量都唔會係細細粒既🔶排骨蔥油拌麵(少油) $42蔥油好香，鼓油調得幾好，如果可以多多多啲蔥就更好啦🔶低糖豆漿 1杯 $8

知道劉興記生煎包最近喺大圍開咗分店, 我都去朝聖下. 傍晚時分去到, 無論堂食定外賣都要排隊, 真係好受歡迎! 我樣樣都好想試, 最後叫咗排骨菜飯+雞絲酸辣湯麵+招牌生煎包. 估唔到外賣拎返屋企食都一樣咁好食, 特別係要讚下生煎包, 超級多汁, 好想再encore👍🏻 個排骨好鬆軟, 菜飯都整得好靚, 酸辣湯底個酸辣較得好好, 平時食開10小辣嘅我都覺得和接受到嘅辣👍🏻有機會我仲想試吓其他嘢食, 值得再嚟!!!!!!!

最近光顧了人氣很高的生煎包店劉興記。因為大圍開了分店，離屋企很近，便步行來吃個午餐。距離港鐵站約8分鐘，店面雖然不大,但裝修簡約大方,散發著溫馨的氛圍。午飯時間店外大排長龍，原來真係咁熱鬧。可能在這區開業不久,所以個個冒名而來，建議如果想前往用餐,可以選擇在較早或下午茶的時段前往,以避免等候過久。等了20分鐘，終於入坐了，我手機下單點了不少菜試試。很快便上菜﹕首要必試當然是招牌菜—爆汁生煎包每件一口生煎包，皮薄酥脆，內餡肉汁豐富,口感超正麻醬雞絲粉皮由於我真心被佢張相吸引，所以點了麻醬雞絲粉皮，果然沒令人失望，超滑嫩的粉皮和香濃的麻醬,好惹味。 豆沙窩餅我也點了經典的甜品,我至愛的豆沙窩餅，外酥內軟,香甜可口,每碟8件實在性價比很高。上海湯麵上海湯麵Q彈有勁，沒其他配料，但我只是想呷口鮮美湯頭，中和油膩感。再加一杯凍豆漿，正啊！大滿足！

大圍最近人氣生煎包店🔥每次經過都見到要排隊⋯⋯ 舖頭位置都比較窄，大家都係食完就好快走，所以唔係排咗好耐就入座！不過可能真係太忙太多人關係，老闆啲態度就真係麻麻地🌚 【招牌生煎包】$20 / 2隻【蟹黃生煎包】$18/隻生煎包真係做到「一口爆汁」💥每一隻都超多湯汁！蟹黃生煎包好足料，真係有蟹黃，不過味道唔出～【招牌擔擔麵】$42湯底真係超級濃郁，花生醬味道都好出！本身個麵質爽口彈牙，好食！【排骨蔥油拌麵】$42排骨炸得鬆脆香口，幾好！但蔥油拌麵就有啲失色，味道就唔係好夠⋯⋯【麻醬手撕雞絲粉皮】$35份量都幾大碗，粉皮好滑之餘仲夠晒彈牙！不過略嫌雞絲嘅份量唔係好足，但麻醬勁香濃，撈埋一齊都好好食！

講到呢到嘅生煎包梗係諗到爆汁💦噴湯😝事實阿公食緊時候都聽到周邊有唔小人話「嘩！整污糟哂件衫」「唉唷！D汁周圍係」「比張紙巾我啦！」所以真係唔可以著新衫嚟嫁🤣🤣🤣(枱面係有張提示咁寫嫁🤪)食物真係唔洗多讚都知🤭連阿公好怕食生煎包都覺得好好食😍阿公想主力講下個蟹黃生煎包🦀唔好以為同出面一樣 食一篤仔蟹黃呢度係成個餡都撈咗蟹肉同蟹黃🤩食落全口都係蟹味 包圍住喺口腔入面😍😍😍真心一定要試🤙🏼🤙🏼🤙🏼大推另外 呢到雖然係QR code落單但樓面哥哥好細心照顧唔同嘅人有老人家嚟會主動問佢哋識唔識又比餐牌佢哋睇 等老人家都落到單睇到咩叫“鐵漢柔情”😆😆

食物普通，唔會回頭，豆漿一上枱真係嬲，小茶杯，細過外賣熱紙杯，有無咁珍貴呀，8蚊唔係咁呀，一係你中意就收貴d，都唔係咁唔肉酸呀麻，尷尬到呀，蟹黃生煎包over cook成個都石豆咁夾唔到，仲要完全無冷氣，熱到痴線

每次經過呢間鋪頭都排曬長龍，因為時間關係我每次都食唔到，可能岩岩完左食lunch時間，2:00pm經過終於無咩人排隊啦，即刻拿拿啦入去坐低叫野食啦 🙌🏻🙌🏻發現有人氣熱賣皇牌套餐，好抵食！ 我今次就揀左set 3 (S3) 鮮雞湯小雲吞 12粒 + 生煎包 2隻，跟餐仲會配埋凍豆漿一杯 😍😍 $54鮮雞湯小雲吞，細細粒甘一啖一粒擺入口勁方便 🤣 而且皮薄，餡多汁，好食！ 輪到重點招牌生煎包 😍😍😍 用新鮮梅頭肉整，新鮮出爐，爆汁而且勁多餡！ 底部係煎到勁脆！！熱辣辣食簡直一絕！！ 秘製上海炸排骨 $22即叫即炸，熱辣辣！！ 一咬落去勁脆口，而且排骨本身既味道好夠，唔需要點任何醬汁黎食已經好夠味啦！！手工豆沙窩餅 $28最後食埋呢個甜品，豆沙餡料好足，甜度啱啱好，一碟仲有成8舊，好抵食！ 📍大圍積信街27號地鋪

經過大圍，見到呢間餐廳試業，但係入面已經好多人，主打係生煎包，即刻忍唔住入去試吓。招牌生煎包煎得好香脆，入邊肉汁亦都好多，餡料結實，配上芝麻更加香。蟹黃生煎包超級鮮甜，一咬落去就即刻食到蟹肉，呢個價錢可以食到蟹黃生煎包，性價比超高！雞絲酸辣湯麵估唔到份量咁大，湯底比較稠身，好足料，有好多木耳同埋菇菌，係粗身嘅上海麵，吸收晒啲湯，正。招牌擔擔麵好香好香嘅花生醬味，好濃郁，唔錯唔錯。豆漿甜度剛剛好，係呢個天氣飲杯凍嘅豆漿真係好舒服！

大圍最近人龍店絕對非呢間莫屬，店內位置唔多，坐得較擠迫，掃碼落單。先黎招牌生煎包叫左四隻，每隻都很飽滿，外皮酥脆可口，而内餡則是鮮嫩多汁，一口咬下去就爆汁，的確不錯。而蟹粉生煎包更有驚喜咬開會看到溢出的蟹油食到蟹的鮮味，食到一絲絲蟹肉。排骨蔥油拌麵排骨炸得鬆脆，切開一條條吃得方便，拌麵爽口，份量都多，蔥油也剛好不會太油膩。擔擔麵同平時食既擔擔麵唔同，加左櫻花蝦黎做配料，味道更突出。飲返杯冰凍豆漿。

豆漿手機餐牌明明寫一支八元但上枱變咗一小杯味道是可以的，但看到完來是一早 斟定的。生煎包感覺一般有汁味道一般 有些漏 但沒驚喜，豬扒菜飯一般，豬扒是吉烈的D奇怪店內還有很多小飛飛希望注意一吓

大圍新開人氣抵食上海生煎包專門店✨💓🦥餐廳以生煎包為賣點，一口爆汁！晚市時段門外更是大排長龍！性價比高！餐廳師傅非常有心思，採用了新鮮豬肉來製作，即叫即製！烹製時間控制得好，內爆汁又鮮甜，包底脆口！每一粒都是同樣的水準，非常熟練，高質！！👍🏻人氣皇牌套餐，生煎包配搭不同的主食。《麻醬手撕雞粉皮＋生煎包(2隻）》 $54麻醬手撕雞絲粉皮是由鮮雞撕出來成雞絲，鮮嫩可口美味，青瓜絲的配合令其清爽，中和麻醬。套餐有兩隻生煎包呢！蟹黃生煎包(1隻）$18特式口味的生煎包，是鮮味滿分的蟹黃生煎包，同樣地是多汁，爆汁！蟹黃蟹肉明顯！👍🏻👍🏻《排骨蔥油拌麵》 $42蔥油拌麵也是餐廳有心思之菜式，是用新鮮的蔥自家製作成新鮮的蔥油，沒有油膩感，聞到是香噴噴的蔥油味！有水準！搭配即叫即炸的上海排骨，外層炸得製脆口鬆化，而肉質作保持到水份和軟熟的口感！《秘製上海炸排骨》 $22另外單點了一份炸排骨，原來跟套餐是一樣的，份量是一樣的。

大圍新開既生煎包專門店🙌估唔到平日晚市都咁多人，長期坐滿，出面排晒長龍🥶🔸招牌生煎包寫到明「生煎包無爆汁，可免費更換。」‼️果然爆汁👍可惜生煎包上碟既時候只係暖暖地，熱辣辣食應該仲正🥹🔸蟹黃生煎包真材實料👍入面真係有蟹黃架，不過蟹黃味唔算濃🥲🔸招牌擔擔麵湯底做得幾好❤️好香濃！加埋少少芝麻同櫻花蝦點綴，令到個湯底再昇華左！🔸麻醬手撕雞絲粉皮性價比高🤣都幾大碟，而且麻醬好香口🙌🔸排骨蔥油拌麵排骨份量都算多🙌葱油材料雖然簡單，但係好香口👍🔸豆漿食上海野點可以唔嗌豆漿🙌

記得好幾年前喺北京食過生煎包係超級好食，一直忘記唔到聽人講呢間食生煎包好出名，一於過嚟試吓夜晚時間嚟到要排隊超級有人氣嚟到當然要試佢哋最招牌嘅生煎包果然皮薄餡靚，皮薄之餘裏面餡料好多，而且真係好多湯汁，最驚喜係生煎包個底部真係好脆，味道啱啱好，好香鮮肉味排骨蔥油拌麵蔥油好香，配埋佢哋秘製醬汁好惹味，炸排骨另上都做得好出色蟹粉生煎包如果同招牌相比起個人比較喜歡食，招牌原味，蟹粉雖然多加一份蟹鮮味，但係原味會更加食得出原汁原味酸辣湯小雲吞酸辣湯超級重胡椒味好正，裏面嘅木耳冬菇豆腐都好足料涼拌雞絲粉皮粉皮好爽口，再加埋青瓜絲同胡麻醬成件事超級夾

這間係香港好多分店嘅小店專賣爆汁生煎包，口味地道且價格平易近人。爆汁生煎包,皮薄餡多,下層酥脆上層軟嫩,汁水充盈鮮甜可口。當你第一口咬下去,湧現出的鮮美汁水立刻令人驚喜。餡料的主料是精選的豬肉,搭配蔥花等配料現場現包。肉餡份量十足,在口中化開的感覺相當柔滑豐潤。小雲吞也是一絕,皮薄餡多汁恰到好處。擔擔麵麵醬料濃郁帶有麻香爽。雞絲粉皮香嫩可口,雞肉絲十足入味,粉皮彈牙順滑。 這家小店在口味、分量、價格上都非常優秀。無論是單點還是搭配食用,都能帶來滿足！