創味坊 (已結業)

放假瞓到黃朝百晏 起身嘅時候早餐時段已過 整呢樣整嗰樣連食午餐嘅時間都過埋 唯有嘆番個靚靚下午茶 享受一個美好嘅假期創味坊茶餐廳下午茶三重奏 瑞士雞翼 田園沙律 牛乳炒蛋+ 凍檸茶 $38+$3凍飲田園沙律配胡麻醬 蔬菜清新脆口 粟米粒超甜 配合醬汁 整體感覺好舒服牛乳炒蛋 炒蛋有擔擔牛乳香味 雞蛋炒得剛剛好 非常滑牛油果占多+熱奶茶$28 麵包厚切 外脆內軟 牛油味香 配合甜甜地嘅果占 心情特別好餐具 牙籤 餐紙 在枱底旁邊 自助形式餐廳獨家優惠 符合條件者晚市可享9折優惠整體環境舒適 地方闊落 乾淨餐廳款式多到不得了 常餐 午餐 下午茶餐 晩餐 炒粉麵飯 乜都有

今日落勁大雨，屋企又冇啖好食唯有落街近近地試下呢間創味坊。本身都冇乜注意佢，但估唔到今日一試又發掘到一間好西呢間餐廳提供既菜式好特別，有一般都有既中菜，常餐之餘仲有幾formal既西餐廳同自創小食，今次就叫左中菜set外加個小食。首先黎左個椒鹽鮮魷，炸到岩岩好，個皮唔厚但極鬆脆，個調味亦恰到好處，唔會遮蓋住陣鮮味。跟住就係漁香茄子煲，上黎果時仲係jarjar聲，好難得地食到淋身既茄子同埋個汁真係送飯一流!最後就係個芝士蛋煙肉焗印度薄餅，份量好大，芝士味極香濃!

今日黎到長沙灣，見到間外觀裝修不錯既餐廳，行埋去睇下，都有好多野食揀，一於入去試下。入到去，D裝修風格，係近期成日聽到既工業風。唔知佢地係咪想襯返附近環境多工業大廈～坐定定之後就有人遞上餐牌，我揀左肉眼扒，侍應都會主動問你要幾成熟。上菜速度幾快，一陣間，蒜容厚多士同羅宋湯就黎喇～飛邊既厚多士焗得幾脆，咬落好香牛油蒜容味，唔錯。跟住就係跟餐+$8既沙律，配黑醋。D菜好新鮮，好抵！之後當然係肉眼扒啦，一切落去，已經feel到唔靱，食落口感剛剛好。個薯角係新鮮炸起上碟，真係加唔少分！

今日lunch 同同事happy gathering,近近地係長沙灣一帶搵茶餐廳。門面裝修光鮮，又有大電視，冷氣又充足。近日有太多聚餐，身體開始肥胖，要清清腸胃。我選擇食燒豬頸肉田園沙律（48元）加凍特飲。中湯：瘦肉東瓜湯沙律佢用咗靚嘅外國菜，番茄仔粟米同麻醬，very yummy.另外，個豬頸肉炸到香脆。食完非常飽肚，而且有六片咁多。特飲我叫咗柑桔蜜，味道啱啱好，酸酸地帶少少甜。茶餐廳有西餐廳真的不簡單。男士們我相信沙律唔係你杯茶，佢仲有兩張午餐咭任你選，一定有個啱心水。順帶一提，如果身分證有該月用餐數字，晚餐可享九折（只適用一至五）

平時不太留意依間餐廳，但琴日路過見環境唔錯，而且價錢相宜，所以約左男友今日黎試下。可能靠近工廠區，晚上人流不多。餐廳門口已放好時日推介及跟餐送湯水。店內環境舒適，空間感足夠，風格有d似cafe fee，感覺舒服。舖內職員親善有禮，笑容不錯。其實餐廳內餐牌內菜式種類多，但今次我主力叫晚餐套餐為主。因為平靚正，一個價錢已包野飲、主餐、湯及湯水，所以較為抵食。叫左一個中餐菜心炒蝦球，跟白飯送節瓜列湯及一杯熱菜蜜。另外叫多個厚切豬扒配薯角，跟蒜蓉多士及羅宋湯，飲凍檸茶。首先上左個蒜蓉多士及羅宋湯，蒜蓉多士係整整一大塊，多士焗得剛剛好，外脆內軟。羅宋湯甜酸適中，蔬菜味十足，湯內還有西芹等配菜，不是單單普通罐頭湯的味道。厚切豬扒有2塊，真係幾厚身下。豬扒食落口好嫩滑唔會"鞋颯颯"，豬扒肉汁富豐，而且無雪藏味，加上豬扒已醃製過淨食已經好好味喇!扒餐還可以跟黑椒汁、洋蔥汁、蒜蓉汁或白菌燒汁，都係另上既。不會影響本身肉的味道，不錯的。薯角係即炸，口感好好，好香脆。而且跟有嫩綠既西蘭花，感覺清新一點。依度加3蚊轉凍飲都值得，因為俾一般舖頭大杯好多，相對抵飲。檸茶茶味十足，紅茶同檸檬比例恰當，酸甜程度適中。

昨晚重遊舊地，約返荔枝角同事，正當唔知食咩好，發現呢間餐廳。未叫嘢食，先覺得餐廳感覺好好舒服，好high,諗住高檔嘢。不過，冇見咁耐同事，咪唔理價錢，最緊要可以傾下計，聚一下。點知打開餐牌，係大家樂價錢。等嘢食上枱，係高級餐廳質數，比一般連鎖茶餐廳，快餐店好好多，好多。真係冇諗到荔枝角會有驚喜。會介紹舊同事同朋友試。最大驚喜係有糖水送，糖水質數，係比要俾錢的好好多倍，又唔貼，又多料。送的質數都咁好，去邊到揾。會專程再去幫襯，由天水圍去荔枝角

今日食午飯經過這間創味坊茶餐廳，見其門面好像新開張不久，而內裏裝修雅緻舒適，地方很大，卡位很多，考慮了一陣，便决定入去試試。門口好大好宽闊剛剛過2點，沒有午飯繁忙時間咁迫，坐得很舒適午餐選擇多，最後點了香煎魚柳扒羅宋湯入味不鹹，蒜容包很脆口，蒜香味勁濃，我至like,配羅宋湯至襯。香煎魚柳扒再配上檸檬白洒汁，酸酸的加上白酒汁味，點上在魚塊上，味道特別入味。而魚柳點上蛋汁煎得非常香脆，蛋味濃，啖啖肉。加上兩大塊，抵食大豐足。凍檸茶加3元，勁大杯。

香港茶餐廳係有好多，但呢間新式茶餐廳裝修似足一間Cafe，非常之文青舒服，再睇埋價錢亦非常大眾化。和風牛柳片芝士蛋包飯牛柳大件夾抵食，蛋都算香滑再配埋芝士，感覺唔算漏，整體都幾夾蘑菇汁雞肉腸仔飯，茶餐廳必食之一，雞肉嫩滑配腸仔冇錯，再加個粒粒爽口嘅蘑菇汁。正。甜甜嘅菜蜜潤喉，清甜生津凍奶茶香滑解喝,飲落茶滑不澀呢間茶餐廳真係坐得好舒服又唔嘈又乾淨，服務態度非常好，鍾意坐茶餐廳嘅人呢度絕對係一個推介。

一個人既晏晝, 隨便搵一間餐廳食啦~ 避開左個食晝時間, 唔使咁嘈可以安安靜靜食個晏, 環境唔錯~ 好有歐陸感覺~呢度選擇繁多，我就黎個日西餐啦！ 嗌咗個蒜蓉汁牛肉配芝士蛋包飯， 飲熱檸茶蛋包飯: 餐廳既電視介紹，呢個邪惡嘅芝士蛋包飯，係飯再加煎好咗嘅蛋，再加芝士醬。 芝士醬味濃，煮到好結身，第二層既蛋唔會煎到太乾，都見到有少少蛋汁，入面係白飯。由外食到內，三種唔同口感同時融合，出奇地夾。未食牛肉已經食左一半飯蒜蓉汁牛肉有四塊，牛肉口感細緻，唔太硬。讚讚熱檸茶: 呢度嘅熱檸茶， 茶唔會泡得好耐，冇陣苦澀味。好飲呢度待應好有禮貌，而且老闆做事都親力親為。下次食晏會再黎

長沙灣這間創味坊茶餐廳，座位舒適寛闊，裝修好有風格，環境不俗。有長木枱櫈和卡位，就算一行八人用餐，都可以坐埋一起。午餐選擇多，價錢由40-52不等，有湯有飲品，茶餐廳算是合理。新裝修，非常寬濶。午餐種類多，價格合理例湯味道濃，雖有少少味精，但飲完不口渴。份量可大馳名咖喱燒豬頸肉飯，碟頭夠大，咖喱味道香濃，辣度適中，汁裏帶有椰子汁味， 層次分明，豬頸肉口感爽彈，肉汁美味。黑椒雞扒腸仔飯，雞扒肉厚，而且煎得香脆配上煮得很入味黑椒汁，味道香辣濃郁。雞扒雖不是新鮮雞，但食不到有雪藏雞扒的感覺，非常難得。凍O茶都夠大杯，檸檬片数可多装修帶有輕工業風格每人5拾幾午餐，低食又好味

今日去長沙灣搵個鍾意食茶餐廳嘅朋友仔坐低傾工事，行了一圈見到疑似Cafe嘅茶餐廳，感覺唔錯就入呢間，見到環境同裝修好花心思好舒服好文清，但價錢只是一般茶餐廳價位，現在先試下佢哋嘅食物再傾公事。　和風牛柳片芝士蛋包飯嘅牛柳肉味香濃，蛋夠嫩滑，輕輕咬下,皮脆內軟有質感,淡淡的蛋香味加上芝士有強烈香氣、鹹味道 、芝士肉柔軟滑膩並佈滿整碟飯，味道口感絕對是複雜而多層次蘑菇汁雞肉腸仔飯，香滑的蘑菇汁配襯稔甜的雞肉，雞肉柔嫩香滑，配以不能缺少的港式腸仔我就飲咗個菜蜜，個杯好文清，菜蜜嘅甜味很潤喉，最後我飲咗兩杯好難得喺茶餐廳度坐左幾個鐘，服務態度亦都好Nice更冇黑面，呢種格局絕對係茶餐廳嘅新趨勢，有別於一般茶餐廳

創味坊 Perfect kitchen 喺長沙灣同荔枝角中間位一間茶餐廳位置寛闊 又有電視 木枱櫈同卡位 以茶餐廳黎講 座位舒服 食店menu好多野食 一般茶餐 同中菜都有扒類套餐 創味坊珍寶雜扒 90 蚊有牛豬雞扒 香腸 煙肉)前菜有羅宋湯 配香蒜厚多士羅宋湯落足料 有好多蕃茄椰菜 再加入少少胡椒 飲落酸甜開胃 又帶有微辣 唔錯香蒜多士厚度中上 出面焊到有少少脆 食落好鬆脆 而上面搽滿左 牛油 同蒜蓉 好香滑 完全滲哂落包入面 好食主菜雜扒 以碟上 各種肉排列得好靚 好表美觀 每一樣肉都大大塊落足料 雞扒厚身 好夠嫰滑 帶有少少筋位 連皮食好有口感 , 腸仔係比較咸嗰d腸仔 肉質比較有口感同juicy . 反而煙肉冇甘咸 似係醃得冇甘耐既肥豬肉 但個豬肉味幾濃而不腥 . 牛扒長形 食落帶點juicy牛肉味都有 , 而豬扒帶有少少豬骨 近骨位好彈牙 豬肉味濃 而另上既黑椒汁都溝得好好 除左好濃黑椒味外 夠香仲落左少少蒜蓉 同扒妳match凍飲加3 蚊 凍啡凍啡大大杯 奶落既比例剛好夠滑 又不會蓋過咖啡香味 唔錯整體黎講以喺茶餐廳食到甘既質素既扒餐係物超所值 !

今日起荔枝角放工, 都差唔多7點幾8點, 本身約左女友去旺角食飯, 不過太夜趕過去好似冇咩野食, 之後索性搵下荔枝角有咩食, 然後叫佢一齊黎食, 當然唔少得上Openrice搵下, 之後就搵左間同幾近巴士站既餐廳『創味坊』之後等埋女友就一齊入去, 望落間鋪都好新下, 不過可惜附近既鋪頭唔多入面個環境都唔錯, 有少許工業風格C9 咖哩牛坑腩飯  $58+8(凍飲)咖哩加牛腩既吸引力真係好大, 因為我大部份餐廳既咖哩腩, 好多都會衰起個咖哩或者牛腩上呢到既咖哩食落層次算係分明, 由食到少許椰子汁味, 椰味唔會太重, 因為一重就會蓋過咖哩味之後就慢慢食到香料味道, 冇味精, 再食到少許辣味, 辣道唔會勁, 因為好多人都唔食得辣之後食牛坑腩位於牛的前胸, 屬上乘牛腩, 帶有比較多的牛筋, 口感爽薯仔炆得入味, 好有咖哩味, 我超LIKE~飯亦好香, 加入咖哩味, 簡直好食去形容凍奶茶茶和奶剛剛好, 因為好多地方既奶茶都冇茶味, 一杯好飲既奶茶一定唔少得有香香既茶做得奶茶, 一定要做到『茶香奶滑』 正正創味坊就有呢種味道之後覺得唔太夠飽, 就叫左個西多士黎食FB3 法蘭西多士  $22上枱時我已

在他上班附近有一間隱秘的茶餐廳，是他跟我說起，有一次跟同事經過，外表開揚乾淨，碰巧今次他要加班，我過去接送下班，我就提議不如吃過晚飯才回家？我至討厭濕漉漉和髒得要死的地方，曾經在對面另一頭，我也在荔枝角上班，附近的茶餐廳，雖然逼又髒，但無奈都要逼於在那吃飯這裡裝修企理，應該剛開業不久，裝修簡潔清新，我說家裡這樣裝也不錯…哈看到外邊電視推介蛋包飯，我就當然要個蛋包飯好了！和風牛柳片芝士蛋包飯，芝士與蛋，還不是我至愛嗎？芝士與蛋暖暖流心，切開蛋還是液狀，平常我至愛流心的蛋，更何況因為皮膚問題我戒吃蛋也有一段時間，這裡的蛋包飯令我又愛又恨！芝士濃濃的味道溝上香蛋汁，愛吃蛋人士必定知道那是難以形容的享受！外面一層白汁加上芝士蛋撈飯一流，但味道竟然不會太膩，這是令我很意外的，而且飯量不少，我吃不完當然要留給他幫我執手尾啦呵呵牛柳片味道很足，但若然牛柳片是乾身上碟就更好，因不想溝稀白汁芝士蛋飯的味道。牛柳片很瘦沒什麼脂肪，但又不至於會韌口，而且沒什麼筋位，所以很容易就能咬開，還有兩顆西蘭花點綴一下。貪吃的我怎樣罷休？還多點了一份芝士肉醬焗薯角，芝士與薯角也是賣飛佛之一。面頭濃濃芝士焗肉醬，就像平常

要趕去同學的畫展放工找快餐長沙灣青山道風味佳價錢不貴 闖入了一個新的創味坊叫一90$🤣☕️🍚晚餐發現他們的餐包是蒜蓉包而且非常喜歡😘軟方包飛邊香濃柔美做得特色開幕才4 個月套餐做出心機惹人好感本來想叫一個牛仔骨105$但食牛的我怕牛仔骨太少肉不夠吃店長幾主動介紹說他也認為肉眼扒⋯⋯已經比上足比下有餘信他90$仲抵啦⋯⋯上菜時滿意因為扒的橫切面很 厚重肉質嫩其實我只 須中上的牛肉黑椒汁熱啦啦就是了感到這個新西餐廳不錯加3$大破慳囊要凍飲今天實在熱吃完肉眼再喝不再太熱的羅宋湯幾好味，濃而不傑較對天時暑熱的香港想不到現在的在下湯- 喝冷的茶卻偏愛熱叫茶時才知 新張期間送一個芋粒西米露熱辣辣好好享受他們的西湯凍了都不結油材料及格他們送即磨咖啡我也不執輸要即磨熱啡90度C的即磨咖啡獨家烘焙都令我這咖啡女相當意外這啡單賣15$一杯合理極因為這兒是長沙灣無謂偏貴這裡吃得舒服自在好食！