到會熱點 (非門市)

营业中

休息中

睇相為証本人第一次係OpenRice 留言，因為真係忍唔到10號order26號到會，由晚上7:30追問9:20還未到，不接電話，其間WhatsApp回覆，只係俾司機電話我追，到最後晚上9:25終於聽我電話，只係叫我買定其他野食，會退錢。之後我哋成班人勁凍下雨情況下揾d未收工既餐廳。我哋仲要有幾個家庭，有大有細到最後，無覆我係餐廳無做我張單，定司機食咗定司機送錯最過分係社交平台 delete 我留言同block 左，無得發言

平時我好少寫劣評 今次忍唔住要俾個劣評呢間咁既到會！食物味道：🚁🚁🚁🚁🚁💥整體嚟講味道好普通 一般茶記水準但收我西餐價錢🙂我以下逐一點評卡邦尼意粉 🚁🚁🚁🚁普通茶記忌廉汁煙肉意大利粉 啲汁仲要又多又水 我食緊啲乜🙂黑松露火腿長通粉🚁🚁🚁🚁🚁💥呢個係稍微杰身左少少既多汁忌廉汁火腿絲長通粉 個粉既質地好過意大利粉 但味道差過上面果個 唔知點解 我哋就算肚餓都食唔落🙂菠蘿梳打豬仔骨🚁🚁🚁普通bbq醬豬仔骨 無乜肉 但味道都叫正常🥲蝦多士🚁🚁雖然好細件份量又少蝦肉又好少仲要淋哂但全場最好食係佢🥲花生炸雞鎚🚁🚁雖然個雞鎚好細件又乾仲要淋哂 但佢係第二好食🥲多重奏肉腸🚁🚁🚁🚁🚁💥🙂望到D左出聲 烚香腸？ 你無野呀嘛？仲要得果幾條腸 大佬你揾火槍辣燶少少我都無咁嬲呀西班牙火腿凱撒沙律🚁🚁🚁🚁🚁💥🙂你唔係以為生菜加幾片火腿配埋個一Pat 仔沙律醬就叫凱撒沙律呀嘛？大佬依家芝士粉同麵包粒好貴咩？唯一可以讚就係生菜夠乾身又新鮮囉….朱古力布朗尼🚁🚁Um…其實佢完全唔係布朗尼 佢只係普通朱古力蛋糕 味道唔伏就算🥲份量:：🚁🚁🚁🚁🚁💥👎🏻呢個係聖誕6至8人套餐 但個份量完全唔會夠8人食 頂盡5人！食材保溫：

2021年12月9日預定咗fever Food的到會服務並全數付款。發票上清楚顯示會在2021年12月24日12點送達食物。2021年12月24日是享用到會服務的日子，餐點未沒有在預期12點送抵(這是公司的吃飯時間)。meanwhile我們也致電送餐司機。司機回覆說12:30前會到達，到了12:30的時候也沒有收到司機的電話，我再次致電司機，司機說因為塞車所以要延遲10分鐘，我們也接受。過了10分鐘仍然收不到司機的電話，我們第三次致電給司機，司機此時竟然告知沒有接過我們的訂單，叫我們聯絡返到會公司。我們致電fever food，男接線生態度非常差，很晦氣的回覆：沒有車，塞車，沒有司機的藉口。直到1:30的時候，依然沒有見到我哋嘅食物。由12：30到13：30同fever food 交涉期間，佢哋不停block我哋嘅電話，我哋需要用不同電話號碼才能聯絡佢哋。職員態度囂張，仲惡過d客人。不會再幫襯佢。

本人在2021年12月9日定了到會公司Fever Food的到會服務，到會餐廳在發票上清楚顯示會在2021年12月24日中午12點送達食物，本人亦已全數付清$2208。今天2021年12月24日是享用到會服務的日子，送餐時間應該是下午12點，這是公司的吃飯時間。在12點的時候已經致電到會餐廳的司機，司機回覆說12:30前會到達，到了12:30的時候也沒有收到司機的電話，我再次致電司機，司機說因為塞車所以要延遲10分鐘，我接受。過了10分鐘仍然收不到司機的電話，我致電給司機，司機此時才跟我說沒有接過我的訂單，叫我自己聯絡到回公司的聯絡人。我致電到會公司的電話，回覆的男接線生很晦氣的回覆，沒有車塞車等種總的藉口。到了1:30的時候到會公司也沒有送遞食物到我的公司。在此期間我繼續留言給到會公司的WhatsApp，到了差不多2:30的時候，之前在WhatsApp跟我聯絡的員工才致電給我，她確認訂單已經成立，她也不知道為什麼訂單在2:30的時候還未送達。直到至021年12月24日下午8:05仍然得不到任何服務或食物，不建議訂購此到會公司。

近來網上騙案太多，落柯打前又fact check又盛，好在最後都無被昆。 第一次膽粗粗新手上路嗌到會，總算平安過關。在openrice上看到評語，通常唔係看好評，係睇差評到底有幾差，自己打個底先。 入正題，落柯打時發覺閒日餐牌已轉做聖誔餐牌，食材升級之餘價錢亦有所提升。算啦，做生意，繁忙時間比多少少ok既。服務員確定柯打亦迅速，服務可接受。 劣評1在送貨日實現左，送餐時間1700至1830，但1645已到。。。咁我又無乜所謂既，預左佢早。劣評2就奶哂野中哂招啦，全部凍哂，要逐盤翻焗，爽YY。野食加熱完咩效果大家都知架啦，然後狂比屋企人蛾。。。 （加唔到圖，敬請見諒） 餐牌嗌左8份食物既套餐。泡芺口味為朱古力和雲利拿，口感唔錯既。燒豬仔骨，加熱完後都可以，肉質較硬，同埋應該燒唔太熟，翻熱後仍見小量紅色。蝦多士配他他醬，又凍又淋，只好生拍，以快打慢，連翻熱都懶得翻。蜜桃煙鴨胸沙律，鴨胸8件超薄切，成盤菜。。。吞拿魚撻配飛魚籽，依個可以，正常輸出。芥末炸雞鎚，翻焗後都係回天乏術，淋既漿皮點落芥末度，咬開又紅紅地，是旦了。。。白汁螺絲粉，熱翻ok既，沒毛病。蟹蓋，

Halloween party 8小朋友， 10 個大人，雖然加埋有6 個工人姐姐… 但係都搞吾掂.. 😂😂 Party 到會 🍢🍡🍱🍝🍲🍗🍔🥟 都真係又好味又方便， 仲好平。 應該仲平過我哋去買嘢煮黎食.. 🤨 推介 鰻魚炒意粉， 個個都話好食。 魚柳卷、燒雞串、朱古力 puff 🌰好啱小朋友食 。原隻烤雞夠晒睇頭。 比原定時間早左 20 分鐘到， 食物黎到仲係熱的。 我哋 order 左10 盤 18人食 啱啱好 👏🏻👏🏻 差唔多食哂！下次 Christmas party 都係唔使諗煑啲咩食物啦， 直接order 到會就搞掂。

上網搵到呢間到會公司，看價目表覺得cp值頗高，有超過60多款食品/甜品/飲品等選擇，啱晒我哋喺星期日搞嘅秋日野餐，唔駛自己整嘢食夠晒方便當天收貨時，發現每盒食物個別包裝再外加錫紙保溫袋、8盒食品全部放入1個紙箱內方便移送，另有齊餐具紙碟等安排好隱妥抵讚。果日野餐地點封路搞到交通擠塞、醒目的送貨哥哥提前到達目的地，好有耐性咁等候我們我哋4人點咗$784套餐A，有8款美食：派對熱盤C2 秘製滷水拼盤C4 森巴醬烤美國龍利魚卷配飛魚籽C7 即燒菠蘿梳打BBQ美國豬仔骨>3款都算好味，龍利魚卷幾嫩滑；滷水拼盤有豬耳鴨腎紅腸雞蛋等，滷得ok入味、豬大腸口感煙韌沒有異味；豬仔骨個醬料惹味、啲肉幾易咬開健康沙律D2 柚子蜜桃煙鴨胸沙律>煙鴨胸調味幾好，柚子蜜桃粒清甜清新冷盤F1 鮮蝦繽紛士多啤梨雜果杯F2 飛魚籽蟹肉清爽鮮青瓜塔>蝦肉都幾爽口，青瓜塔味道較淡豐富小食B13 迷你海鮮釀蟹蓋>呢個我哋最捧場好快清晒，個餡料都幾豐富走肉之選H1 芝士南瓜蓉焗翠綠西蘭花>清清淡淡，再煮腍啲仲okay

中午參加完婚禮，6個朋友早一日先話想夜晚入我屋企食飯打牌🀄️即刻頭都大埋🙈一定煮唔切飯我住得好山旯旮，呢間外賣到會就啱哂我，食物款式選擇多，套餐好彈性，上官網睇最少可以叫3-5人餐😗多至80人餐都有我就揀咗6-8人套餐$784👇🏻可以係61款野食到揀8款🌟泰式椰香馬沙文咖喱焗雞皇飯（2磅）咖喱好香辣🌶🌟千島醬水蜜桃焗穀飼豬扒飯（2磅）最受歡迎👏🏻係呢款，酸酸甜甜好開胃，豬扒仲好貼心切開哂🌟日式炸香脆餃子拼香燒墨魚丸配甜辣醬，每款各10件～幾香口🌟迷你海鮮釀蟹蓋有12件，蟹蓋釀到脹卜卜🌟黃咖喱薯仔牛肋條（2磅）薯仔唔係炆到好淋個種口感，牛肋條切到一口size好方便🌟秘製滷水拼盤（2磅）有豬耳、豬潤、紅腸、滷水蛋、雞腎、大腸～比想像中多料，幾入味，好啱我地佐酒🌟即燒菠蘿梳打BBQ美國豬仔骨(2大件)好夠味，肉質係有咬口個種🌟泰式原隻豬手配秘製汁食落幾似滷水豬手，我搶哂豬皮食😆好Q彈總結🌸聖誕🎄派對可以再搵返呢間

久違的親戚Family day, 10月生日大食會慶祝!介紹返一間性價比非常高的到會，傾談之間有兩家親戚都有點過呢間幾滿意的到會服務，「Fever Food 到會熱點」反傳統自選到會，菜式種類多達有61款任選+5款升級追加+兩款5公升玻璃桶特飲，店主落ORDER時溫馨建議提示，PARTY選4成主食加6成小食最為適合， 主食每客大約2磅，每款小食都有備註數量。套餐D 18-20人餐 任選20款 $1960親友在錦田村屋的送貨地點夾準時間準時送到!!比個叻叻到會安排服務及送貨師傅~一大盒紙箱裝盛20盒，除了有保溫袋包裹之外，內裡每層放兩盒，盒與盒之間均有暖包夾於層間，保暖做得非常貼心細膩，亦都係值得一讚。營養主食-A3蒲燒鰻魚玉子蛋意大利麵忌廉汁 X 2-A6 北海道帆立貝野菌炒烏冬配木魚花 X 1- A9泰式椰香馬沙文咖喱焗雞皇飯 X 1三款主食份量都非常驚喜合理，其中A6香口到比親友秒清，焗雞皇飯雞肉份量夾起上來完全係啖啖雞肉。鰻魚玉子蛋意粉材料優質，物超所值感十分強烈!豐富小食-B1德國洋腸拼盤配他他醬(約2磅裝) X 2-B4墨西哥肉醬焗薯蓉(約2磅裝) X 1-B7黑松露熔岩芝士

呢排我同老公阿仔都因為小一報名好攰，叫個到會食吓開心吓先😆朋友們對Fever Food嘅評價唔錯，我食過之後覺得都真係幾好，款式特別之餘，都幾好味😋，CP值高呀！66款多國美食同2款特色飲品自由組合，每款都係$98起😏我哋呢個係6-8人餐，可以揀8款食物；叫咗冷盤泰式酸辣無骨鳳爪 (F3)、柚子蜜桃煙鴨胸沙律 (D2)、兩個小食：一口芝士豆腐 (B11) 同迷你海鮮釀蟹蓋 (B13)、主食日本一口和牛炒飯配飛魚籽 (A5)、蜜糖芥末雞搥 (C5) 同甜品比利時朱古力長條巴夫 (G3)。個人推介迷你海鮮釀蟹蓋，釀入嘅海鮮mixture唔係hea料，抵讚😌 仲有一口芝士豆腐，食吓食吓食咗成半盤呀，好正🤪 佢嘅芝士味唔算好濃，老公唔太鍾意食芝士都接受到，可以一試。我仔最愛嘅蜜糖芥末雞搥，啖啖肉，芥末味唔算太突出，小朋友食都OK。我哋五個人食，食埋個甜品，真係好夠飽！

又快到中秋啦！想同朋友一齊開party？當然要叫一餐豐富嘅到會啦~唔使自己煮，提前落單就可以按時送到，真係好方便😍呢間選擇多元化，而且出品都好穩定，好出色，食咗之後同朋友都非常滿意😉特別推薦其中嘅幾款菜式，我哋都覺得好好味。🍯蜜糖芥末雞搥，雞髀炸得香脆，而且入邊仲好juicy,食落去有蜜糖味香甜，💚仲有少少芥末嘅味道，更加開胃。.🍞天使雪花一口西多士，經典嘅港式小食，係屋企都可以食到！🍢多士切成一口份量嘅大小，可以同朋友一齊開心share~食落去有蛋香，而且甜甜地，都係一個唔錯嘅小食🥰.🐤泰式酸辣無骨鳳爪，作為冷盤，呢一個真係好唔錯😋諗唔到到會都，可以同樣享受泰式風味。無骨嘅鳳爪，食落去非常方便。爽口之餘，佢哋嘅泰式醬酸酸地辣辣地，夠晒野味。.🍄黑松露野菌燴長通粉配西班牙火腿，長通粉一定係主食嘅飽肚之選🥳香濃嘅黑松露，同埋豐富嘅野菌，加埋西班牙火腿嘅鹹香，撈埋一齊，口感好豐富😍非常滿足。

搵到呢間到會有66款食物任選 好抵食包餐具 包送上門  (九龍免運費)(新界+$30)賣相ok 份量都ok 食物質素一般有D都幾好食 但都有好多非常一般 哈哈 加上運到黎已經唔熱 所以建議揀D保險少少FYI 實測2次 - 比預定時間早左35-45分鐘送到-套餐A  6-8人餐(任選8款) ($784)無特別寫件數都係 2磅裝 揀多D主食 都夠10個人食我叫過2次 (=16款) 好整體性地簡單評下分用到會角度比 有details想知可以DM我-A4 意式香草芝士肉醬意大利麵 (👅 8.5/10)A5 日本一口和牛炒飯配飛魚籽 (👅 7.5/10)A6 北海道帆立貝野菌炒烏冬配木魚花 (👅 5/10)A8 黑松露野菌薈長通粉配西班牙火腿 (👅6/10)A9 泰式椰香馬沙文咖喱焗雞皇飯 (👅5.5/10)B1 德國洋腸拼盤配他他醬 | 薯蓉(約2磅裝) (👅 7.5/10)B7 黑松露熔岩芝士炸薯角 (👅 6/10) B11 芝士菠菜忌廉汁焗豬肉丸 15粒 | 薯蓉 (👅7.5/10) B13 迷你海鮮釀蟹蓋 15件 (👅5/10) C1 黃咖喱薯仔牛肋條 (👅6.5/10) C2 秘製滷水

外賣就食得多，今次叫埋親戚朋友一齊嚟屋企叫到會食，知道Fever Food到會熱點有好多好味又低食套餐，就決定去試下。今次叫左套餐A 6-8人餐 任選8款意式香草芝士肉醬意大利麵北海道帆立貝野菌炒烏冬配木魚花德國洋腸拼盤配他他醬(約2磅裝)迷你海鮮釀蟹蓋(12隻)森巴醬烤美國龍利魚卷配飛魚籽(約2磅裝)蜜糖雞翼（濕身）(12隻) 柚子蜜桃煙鴨胸沙律鮮蝦繽紛士多啤梨雜果杯(9杯)肉醬意大利麵嘅香草特別fresh，加上芝士味香濃，肉醬亦特別多，大人小朋友都鍾意食。炒烏冬特別惹味，加上北海道帆立貝嘅鮮味，再配上野菌，每啖都有唔同嘅口感。德國洋腸好有德國風味而且啖啖肉，係到會必要之選。迷你海鮮蟹蓋超有蟹嘅鮮味，鍾意食蟹嘅朋友可以試下。烤龍利魚卷好香口而且方便食，加埋飛魚籽及森巴醬汁，好有唔同層次。蜜糖雞翼又係到會之選，蜜糖甜甜地加埋bbq汁味道一流。鴨胸沙律就有柚子蜜糖嘅味道，而且沙律好新鮮，鴨胸亦夠彈牙。鮮蝦士多啤梨雜果杯就有雜果嘅果香，亦都有蝦嘅海鮮味，真係食到停唔到口。今次到會大家都讚，好味之餘分量又足，值得推介。

Let's have a party time~暑假朋友聚會多，叫到會當然就最方便！輕鬆唔使自己prepare,定時就送到你屋企門口，每個禮拜都可以開party🥳🥳🐟森巴醬烤美國龍利魚卷配飛魚籽🍯蜜糖芥末鷄搥🍝蒲燒鰻魚玉子蛋意大利麵忌廉汁🍘日本一口和牛炒飯配飛魚籽🔥北海道帆立貝野菌炒烏冬配木魚花🥓黑松露野菌燴長通粉配西班牙火腿🐷芥末蜜糖烤原隻咸猪手配自家醃製橄欖🐤無激素原隻法國燒雞配黑松露红酒汁🍷红酒黑蒜雜菜燴牛尾🥦芝士南瓜蓉焗翠綠西蘭花最愛一定係紅酒黑蒜煨牛尾，因為紅酒汁真係好香，而且份量好大，牛尾粒粒炆得軟腍，食落去有口感之餘，仲好香🤤有酒，當然配埋原隻鹹豬手最吸引！香脆嘅外皮，再加鹹香嘅肉質，配埋清新芥末蜜糖醬，絕對唔可以錯過😋主食方面，長通粉有特色😚香濃嘅黑松露醬配埋野菌，仲有西班牙火腿片，夠哂特色！落單體驗好方便，而且會準時送到。份量好足，賣相吸引，成日叫pizza太沉悶。佢嘅到會嘅選擇豐富，一定可以滿足你🥰

同屋企人試試「到會熱點」。佢哋有超過60款食物選擇。款款都想試好難揀😵‍💫。🍴套餐A 6-8人餐 （任揀8款食物）$784🔸千島醬水蜜桃焗穀飼豬扒飯 🔸脆炸吉列蝦拼魷魚圈🔸芝士菠菜忌廉汁焗豬肉丸🔸黃咖喱薯仔牛肋條🔸泰式香燒豬頸肉🔸泰式原隻豬手配秘製汁🔸意大利青醬焗澳洲大啡菇 🔸日式和風汁炒野菌、蘆筍黃咖喱薯仔牛肋條最受歡迎👏🏻。黃咖喱椰汁味道好重，香甜得嚟又香滑。牛肋條同薯仔都煮得好軟腍又吸收晒咖喱味。另一款好快清晒嘅係泰式豬手。豬手肥瘦適中，肉質易咬，豬皮軟滑。醬汁甜味較重。冇諗過炒野菌又幾惹味😍。野菌冇晒青味，又不失爽脆。醬汁味道似燒汁，加埋黑椒碎更好味。