利華粥麵茶餐廳 (已結業)

今晚夜返，唯有一落車就求其搵間野醫肚。於是入o左去呢間利華食晚飯。叫o左個印尼炒飯加凍檸檬茶，總數要$32，實在貴了點，由其是凍飯要7元，賺死佢。個飯等了很久才來，不過熱哄哄的，算夠鑊氣。但一看便知唔對路，面頭果隻煎蛋變o左蛋漿，黃羌飯變o左黃色的蛋漿飯，中間帶有小小辡。幸好味道同賣相可以。加上肚餓...好快食哂。

星期一work at home，成朝電腦都無動靜，即係難得地唔使做野。費事煮，成兩點至同老婆出外搵食。來這間新張個多月的茶餐廳試試，又真係幾多人的，不過流量快又唔使等。阿姐服務唔錯，夠勤快又醒目，我地見有卡位，指一指佢就立即幫我們拿茶及轉單，值得一讚。因為新張，地方幾新淨，兩部電視一部播無線一部播亞視，有電視送飯係唔同D。叫左兩個下午茶，要了炒飯及乾炒牛河。雖說是下午茶餐，但份量是一點也不少，應該是即叫即炒，熱辣辣味道都交足功課。杯涷奶茶好大杯，埋單28蚊一位，幾經濟，難怪一路食一路陸續有人入來。除左炒粉麵，呢度又有早餐茶餐快餐、各式小炒、粥粉麵等一網打盡，附近的同類型茶餐廳看來要諗諗計。

剛試了雲吞麵HK16.-，雲吞:現時流行的大大粒雲吞，不爽。湯底:人造大地魚味，吃完幾口渴，麵K鹼水味不重。