利苑酒家 (創紀之城五期(apm))

营业中

休息中

今晚與同事吃飯，選了吃粵菜的利苑。我們點了欖菜肉鬆蒸茄子、片皮鴨、芹菜藕片炒牛柳絲、秘汁香煎黑豚肉、鮮蝦蟹肉蒸蛋白等…….先講肉類片皮鴨會在我們面前片皮，片後皮連少少肉，皮脆肉嫩，粉皮薄而軟身，夾住醬汁同京葱一齊食，正！煎黑豚肉沒有特別出色，感覺像普通的一塊豬扒。蔬菜類野菌銀杏炒蘆筍中的露筍爽口，多百合，配野菌，夠清新！欖菜肉鬆蒸茄子夠香，欖菜惹味鮮蝦蟹肉蒸蛋白夠滑，不錯！最後吃完楊枝金露好圓滿！

之前老闆請飲茶，覺得點心偏細件精緻，適合喜愛細味品嚐的人，像我們求大件抵食的，真的不太滿足。但今次，老公挑選在這間米芝蓮榮譽的酒樓宴請親友食晚飯，由選菜單到當晚進餐的服務，都十分滿意，尤其經理主動提出替我們佈置房間，為當晚增添不少氣氛，十分感謝讓我完全改觀，留下十分美好的回憶黃金豆腐粒外表看似平凡的椒鹽豆腐粒，入口先知原來係咸蛋黃豆腐，又香口又惹味，食唔停口！妙齡乳豬全體妙齡即係比乳豬細隻啲，感覺唔肥膩，外皮色澤金黃香脆。如意吉祥炒虎蝦球如意吉祥應該形容緊啲露筍、菇同燈籠椒，清新爽口，而主角虎蝦隻隻肥大爽脆。此外，份量超多!蠔皇扣花膠扒伴玉掌骨膠原十足！首先侍應向我們展示原塊花膠，再剪開放入砂煲加熱。分完之後，件花膠都仲大過隻掌，十分足料。一個字「很膠」！清蒸沙巴海星斑新鮮嫩滑。鴻運脆皮燒雞又係皮脆肉嫩！龍蝦湯泡飯於濃濃龍蝦湯加入脆卜卜飯（應該係將啲飯炸過），意想不到的好食，入口脆卜卜，連食到飽飽嘅小朋友都清咗乾清棗皇糕棗味特濃，煙韌不黏牙！女士大愛！棗皇百合燉雪蓮子雪蓮子近年人氣上升，滋潤養顏，口感軟糯，糖水甜度適中。最緊要係唔係啲大路糖水，緊貼潮流！經理出心出力佈置房間，令我十分驚

今天父親節，為了不用等位，我們揀了此店，因為可以訂位，但個半鐘要還枱，食得有點急趕。我們一行四人叫了些點心和炒飯，比較出色的是瑤柱蛋白炒飯和蘿蔔糕，其他就一般，可能節日人多關係，招呼和上菜有些甩漏燒買七味魷魚鬚，但咩味都冇生滾龍蝦粥， 唔夠鮮味。蘿蔔糕， 蘿蔔味道香濃叉燒包，熱辣辣，味道不錯。叉燒腸， 有啲凍，啲皮有點硬紅裳鮮蝦水晶餃， 蝦比較細隻。鹹水角， 熱辣辣，外皮香脆。油菜瑤柱蛋白炒飯，夠鑊氣，炒得夠乾身香口

夜晚睇完戲煩惱緊食乜好，最後入左去呢間利苑食。當晚係平日，所以客人唔係好多，唔駛等位直接有得坐，侍應既服務都唔錯，幾好笑容同有禮貌。其實之前都有食過其他區既利苑，一直覺得佢既食材比較新鮮唔會太差，觀塘呢間都唔例外，對食材品質有一定控制。起碼碟黃金蝦既肉唔係霉，剝好晒殼方便客人食，感覺幾體貼。碟燒雞既肉都好嫩滑多汁，皮香脆，但咬落去又唔會覺得好油，讓人冇咁容易食滯，不過餐牌菜式選擇唔多，建議大家可以睇下餐牌有冇野岩食再入去坐。今餐二個人叫左三個餸兩個飯，二個人都食到好飽，埋單大約500幾蚊。

「利苑」通常都係公司上司請飲茶或者同客食飯嘅餐廳之一，不過雖然我年紀輕輕，同同事食lunch ，如果擇飮茶嘅酒樓，我都prefer 「利苑」。因為呢度有我最鍾意食嘅甜點之一：蜜糖蛋散 ⭐️⭐️⭐️⭐️⭐️！有人會覺得蛋散咋喎？有咩特別呀🧐出面好多餐廳整嘅蛋散，都係發到好大舊，個心係空既，而且黏牙又超甜（應該係因為用麥芽糖嘅原故），根本就唔好味！不過「利苑」嘅蛋散就唔同，佢係脆卜卜，好香口，唔黏牙而且甜度剛好（或者因為佢係用蜜糖）😋讚！👍🏽

父親和母親大人剛好同一天放假，我呢日就做個孝順女陪佢地飲茶，去觀塘既利苑午餐。利苑义燒都出名，可惜食唔到，只係下午1點就已經賣晒，因為想食义燒，所以叫左义燒包，包子的餡料味道普通，反而是包的口感很好，鬆化軟熟。我們總共點了8樣食物，除了北菇枝竹鵝掌煲稱得上有水準，冬菇厚身爽口，鵝掌炆得不會過爛，濃郁既汁亦吸收夠，膠質非常多。其他如蝦餃，黑椒牛肉包，烤麩，魷魚鬚，啫啫牛展煲，芋盒都比一般酒樓質素差。蝦餃皮厚蝦唔爽，牛展煲成煲都係蔥頭，牛展少得可憐，魷魚鬚同芋盒都唔香，烤麩略鹹，牛肉包味道不錯但底部可煎得更脆。坦白講，食餐晏每人都要200蚊以上的話，可以有更好既選擇，一定唔會再食觀塘呢間利苑，冇野好食，等位耐又服務差。

今次近近地揀左利苑同媽媽食生日飯。平時都有去利苑飲茶,貪佢近,又坐得舒服同埋服務好,最怕食飯仲要受人氣。一行四人,見有個套餐,d野又啱食,所以就叫左個套餐食啦。原盅燉湯好足料,不過已唔記得係咩湯。因為媽媽想食涼瓜,所以又叫多個涼瓜炒排骨。自己就好鐘意利苑個脆麻花,所以都叫左個,佢好脆口又唔會太甜。棗皇糕都好好味,有4件,食左先記得影相。整體匿餐都幾好味,d餸都大碟,最終打包左個飯同雞回家。

話說星期六最啱一家大細開開心心去飲茶，book左位，話飲到1點。好喇，交枱咪交枱囉，但之前又唔會話聲last order，請問聲可否食長少少時間，部長就嚟料，又問知客係咪同我哋講左1點收，係咁係到話我哋唔交枱。眼見大把吉枱，我哋仲喂緊BB，坐耐少少都唔比。我只係覺得客服可以做好少少，我知你多人訂枱，咁你咪提多聲客人last order態度好少少得唔得。同埋好多嘢都可以商量，使唔使咁絕。補充句，其他員工態度係幾好嘅。

Booked 2 tables for the celebration of grandpa big birthday the restaurant can help to preset some back drop for the celebration theme. the waitress cooked the shrimp on the spot, with some wine and ginger added, taste is good ! abalone with mushroomthis dessert is especially good for cold weather. Last but not the least ...so nice for the birthday bun. There are still 3 small buns hide beneath the large one, feel quite surprised Overall the set meal is good but a bit costly while it is good env

今晚一家大細12個去利苑食晚飯本來想散叫,個啊姐話散叫唔抵食,份量又少,跟住問我想食咩幫我寫個套餐.咁我話大概3仟零蚊幫我寫個套餐.套餐有片皮鴨,龍蟹e面,1個菜,涼瓜鴨肉煲,2碟手拍青瓜,1煲蓮藕猪肉湯,1個鮮魷荷蘭豆,西芹龍躉片. 另我散叫2碟叉燒,1碟菜心.3支藍妹最後埋單竟然要5200蚊.！我睇返個套餐價4600幾.我問我要既套餐唔係3仟零蚊咩,啊姐話你散叫左其他野咩,我睇返價錢散叫叉燒,菜心,3支藍妹加埋都係4百幾蚊.咁既價錢決無下次

從小小小時候, 每逢大時大節都會到呢間酒家既北角店開餐, 尤記得每每門口由五點半開始就大排長龍, 當時必食既係叉燒、燒肉、老火湯、脆麻花及楊枝甘露, 無論飲茶定晚飯這五樣菜是差不多必叫的😆；曾經有一段時間比較少去呢間酒家, 因為它的菜牌大多是山珍海味選擇甚少, 經過數年我們又再回歸, 它廿幾年水準真的從來沒有令人失望過, 水準十分穩定, 出品質素控制得十分好👍🏻無論蝦餃燒賣定晚飯小菜或山珍海味, 但最喜愛最受歡迎的仍是它們的叉燒；個人喜好我愛叉燒半肥瘦, 有肉又有肥羔, 最緊要層蜜糖, 燒到條邊有少少燶, 夾時會有蜜糖絲拉開, 咬時又有少少蜜糖黏著牙齒,食時肥羔會入口化開😋

今日大約十二點左右黎飲茶（尋日已book枱），去到拎位，我啲朋友黎緊，未齊人，知客叫我1:30交抬，跟住我話，人都未齊（加上我係約左好耐冇見嘅朋友們），我話我起碼飲到2:30/3:00，跟住知客話：得⋯得！我見佢好吾肯定甘，我話：「你到時吾好催我交枱呀！」之後入到去，等勁耐又吾俾BB凳，淨係幾個侍應車輪轉甘問要吾要留湯同燒尾😩😩勁煩！我人都未齊😠其實除左服務麻麻地之外，野食就係好味嘅😋甘嘅價$🧐🧐🧐

真是好嬲,因為過節所以訂了位一家5口晚飯，酒樓whatsapp 話要預先訂菜，看到那些套餐就唔開胃，想家人食好啲，就訂了4頭鮑魚5隻 $318@5金銀菜豬肺湯4位$198@2，叫了2份XO醬蟹肉粉絲㷛$120龍等清蒸腩上湯浸莧菜米鴨半隻我們遲了10分鐘，不過到達都要等5分鐘才入座，坐下等了差不多10分鐘，侍應才問要甚麼茶，之後才set位送茶！湯和筧菜就很快到但是之後的餸菜就出事蒸腩都等了15分鐘，份量都足不過味道一般，鼓油不足夠，是接近9:00pm才到，之後又等了很久，我想9:15-9:20蟹肉粉絲才到，見到個㷛就🔥都黎埋只有幾條很細如手指公的蟹肉，半㷛粉絲，心想洗唔洗咁賺錢，太過份了而且一早訂定，點解唔留足夠份量給我們我在whasapp講明要足夠份量，心內滿是xyz 又隔10分鐘鮑魚到了但得4隻，我就把whaspp內容指給侍應睇，佢哋才敷衍問邊個落單之後又等.......追了又追才送來鮑魚，但又等等等，媽咪老人家都多囗講飯都等到涷曬，個侍應才識得拿過幾碗熱飯來，但是啲飯太多水軟林林,唔應該係利宛酒樓的水準，到米鴨到已經是9:45pm, 米鴨邊有半隻，係平日例牌的份量！真是我真是忍唔住

整個出品和服務都差強人意，菜餚的品種非常一般，同其它中菜食府沒有什麽區別，完全感覺不到米芝蓮一星的水準，問酒樓招牌菜係買野，居然話不知。服務就更加不用說了，連大排檔都不如，只是顧著和自己朋友聊天。絕對不會再幫襯。

一向都有光顧利苑，但是很少在APM 此店吃午餐，今早打電話訂枱時，我訂12:15pm, 接電知客堅決要求我在1:30pm 還枱，我無奈地只好確認。我在APM 辦完事提早在11:50 am 到店，原以為可以在1:30pm 還枱前有較多時間享用午餐。誰知那知客竟要求我在1:00pm還枱。當利苑接受了我的訂枱，我訂的枱應該给我享用至1:30pm。我提早到店而利苑亦有空枱給我時，為什麼要我提早還枱？利苑收費已頗高，為何要客人限時限刻還枱，像在接受訓練一樣？這種待客態度，我不會再光顧此店。