利苑酒家 (已結業)

本來不想去此處，印象中頗貴及多人。晚歺貴＇也要吃海鲜之类。有朋友说有時间限制，本不是首选。因有友人需要在附近做事，勉强选利苑。多周前订位＇人数改了几次，接电话的人多次都有禮貌。原來此处无限交台時间出乎意料！ 侍应小姐不催點菜＇招呼不錯。叫了脆皮燒雞，色澤好，也脆。另有 牛仔骨。腍腍的又味美。咕嚕肉不夠肥，但炸得恰好。几个蔬菜無特別。只是那千层豆腐有特色。全枱滿意。不过奌的前菜如牛等，不大有水準矣。猶其冰燒三层肉有些失望。甜品則可囗杏仁茶又滑又甜，可再试。可惜是我们坐下不断傾谈＇例湯賣光。下次订枱要先订每人只200多，而且坐的舒服，以今天來说物超所值。後話：friday 都不滿，市道不大好。

由於這酒家經常客滿，我又不喜歡排隊等位，已經有一段時間沒來光顧，今天想吃點心，就專誠訂座飲茶。也許生意太好，店内擺位有點擠迫，某些位置甚至椅背貼椅背。點心上桌，蝦餃蝦肉爽甜，餃皮爽而不黏口，餡肉不會分離，是水準之作。雪頂餐包外形討好，奶皇甜度適中,非常好味。濃湯泡腐皮卷味道不甚突出，而且份量太少，相對和風茄子，後者風味和份量都較優勝。蜜汁义燒包肉汁豐富，皮薄餡靚，豉汁鳳爪雖無驚喜，但也能保持利苑一貫水平。

一家六口食晚飯。要訂位先有得食丫。。一向都幾喜歡利苑的食物質素。但愈來愈不好了。。我想今次是最後機會了。酒家現在好像只專賣鮑參翅，其他菜色不好味。連招牌菜，脆皮雞都不好味了。咕嚕肉不夠汁，好幾個肉都沒有汁。而且皮過厚，只吃到油味。。差。老火例湯，差。美心皇宮仲好過佢好多。而且仲平d。唯一有驚喜是杏仁茶糖水，算不錯，但都太甜。。雷沙湯丸熱度剛好，但芝麻較少。算把。冇下次。。都唔明白為什麼咁多去食。。。香港人口味真的那麼簡單？？

唔係間間利園都好食, 有D仲又貴又難食添, 試過咁多間分店, 都係沙田店最好, 比其他店平D, 又好味, 服務亦OK. 上次黎無預訂乳鴿, 有得睇無得食, 今次記得訂了, $58一隻BB乳鴿, 雖然唔係啖啖肉, 但炸得香口, 同時能保存肉汁.蝦餃 ($39四粒) 包得好靚, 蝦好新鮮, 必食. 七味豆腐粒 ($42) 熱辣辣,外層炸到金黃色, 十分酥脆, 中間的豆腐好滑. 我老爺最鍾意食燒腩仔, 坊間大大小小的酒家差不多試均晒, 利苑的冰燒三層肉真係數一數二, 不過都幾貴, 細細粒每客$120, 今日呢碟瘦左D, 無平時咁好食. 龍蝦湯西施泡飯真係百吃不厭, 湯底濃郁鮮甜, 灑上炸米有畫龍點精之效, $168一窩夠5人share每人一碗. 店員 upsell 的豬腳仔 ($52) 就比下去了, 炆得唔夠淋. 反而第一次試既燈影煎堆 ($28兩件) 反而有驚喜, 即叫即炸, 雖然唔算好薄, 未做到 “燈影” 透光的效果, 但煙煙韌韌, 幾得意, 值得一試. 

第三次嚟沙田利苑,每次都覺得感覺好好,服務員態度好好,每個Area 都有特定工作人員看守,效率好快,衛生環境都唔錯😊之前嚟飲早茶&晚餐,今次試午餐😊5個人食埋單連茶位6百幾,價錢合理特別要介紹個 飄香荷葉飯，一坐低侍應就問我地要唔要試荷葉飯,之前上網都睇過好多人都話呢個好食,試咗,果然好香,好有荷葉味,裡面仲有肉,香菇等⋯⋯值得一試另外,燒鴨外皮燒得唔錯,雖然唔算脆皮,但勝在夠入味👍🏻總括,今個午餐好味😊

我都好耐無同屋企人飲茶，難得今日放假，梗係要同佢哋飲茶喇～閒日係12點半前賣單仲有85折添，十分之掋。三個人嗌咗八個點心，全部都好高質，落咗單無耐就即嚟。個蜜汁叉燒腸皮又薄又滑，入面又多叉燒，真係好好食。個煎蘿蔔糕煎得好好，個面係脆口，裡面又多料。個叉燒包夠 juicy ，蝦餃皮薄餡靚，粒蝦又大粒又爽口。講到我最愛就一定係個奶皇流沙包， 熱辣辣軟熟既包包，裡面啲奶皇流岀嚟仲熱到淥親個嘴，但感覺好幸福～ 😂

好多年前屋企人已經話想試利苑，不過因為各種嘅原因一直都未食到，今日終於食到喇！排骨個味道好香，有別於一般酒樓嘅蒸排骨，比其他更香，肉質更鮮，同埋算太多骨。煎芋頭糕，我淨係食左一啖，因為太大陣五香味，我唔鐘意。不過屋企人就話都好好味，比其他酒樓好。不過價錢就比較貴，唔算好抵食。腸粉十分嫩滑，就算無餡料都覺得好好味。珍珠雞蒸得過左火，惗左啲，不過勝在本身個味道好好，好香，又不膩，所以食落都好正。呢個價錢都會再嗌嘅，唔算貴其他酒樓好多。最正最好味嘅包，平時太多都係以叉燒作餡料，今次一咬開竟然係我最鐘意嘅奶皇餡。外脆內軟，十分之好味，奶皇味唔會太膩，個包好軟熟。我覺得呢個價錢都ok嘅，至少出面少有，加上堅好味。呢個蜂巢芋盒炸得好香脆，餡料都好新鮮。不過以呢個價錢就唔算十分抵食，食過另一間酒樓又平又好味。呢個蔥油餅炸得好香脆，好好味，一啲都唔膩。整體而言，雖然利苑都有少少貴，不過食物質素不錯，如果飲午茶嘅可以去試。不過平時我飲開下午茶就少啲機會去。

我們並沒有訂位，但仍可被安排坐卡位，座位比較舒適。我們二人首先叫了一煲白肺豬肚湯，利苑的老火湯一向都不錯，今次的白肺豬肚湯也一樣不錯，湯料裏有很多白果，煲得很淋，也有幾塊豬肺。湯很甜，但我喝不出有沒有味精。然後我們點了兩個餸和一個炒飯。首先來的是陳公蚊齋，裏面有冬菇，云耳，豆腐，腐竹，等等。非常豐富。但味道過咸了一點。略為失色。第二個餸我們叫了洋蔥牛仔骨煲。牛仔骨很香很很肥美。但可惜總體來說也是比較鹹。汁也做得厚了一點。最後我們點了瑤柱蛋白炒飯，大大的一碟，非常夠份量。我們兩個人也吃不完。飯炒得非常乾身，一粒一粒的。味道比較淡。用來和之前比較鹹的兩味餸一齊食比較好。本來我們還想點甜品，但已吃得太飽了，無辦法再吃甜品。總體來說，環境是舒服的，服務也非常殷勤，只是餸菜比較鹹了一點。味道方面，這間利苑比我其他試過的利苑稍為遜色一點點。

朋友聚餐，試下沙田利苑，感覺比其他利苑分店好，讚。首先，服務態度佳，之前試過係旺角利苑比知客鬧，但這間的員工服務一流。豬肺湯無味精，真材實料。燒米鴨皮脆肉嫩，甜酸醬好味。軟殼蟹包生菜唔會太熱氣，D蟹好香口。雞嫩肉滑，炒露荀爽甜，最後送個喳喳，略為細碗左少少🙃

我諗好多年無嚟，水準應該爭啲會無咁好，點知無走樣。好過食 “美乜“ 集團，最基本既鳳爪贏幾條街。一間食肆如果基本出品都唔得，仲邊會有客人番轉頭？我自問有要求，咁耐先再嚟都話保持到，俾個“叻“ ！！

此在沙田新城市广场的＂利苑酒家＂👍👍👍👍👍我可是此的常客呀！😀😀😀😀😀此酒家格局小小间的，可，岀品可不差的呀！👍👍😀😀😀更有些较特别的特色汤等食物好吃的呀！👍👍👍👍👌在此酒家，我最喜欢吃的其中一款点心，就是＂香煎虾米肠粉＂的，那可是极为经典的岀品的呀！👍👍👍👍👍👍👍👍👍👍我每到此饮茶的，定要把此煎肠粉给点上的呀！👍👍😀😀😀此简直是我的一一＂至爱＂的呀！👍👍😀😀😀😀👍😋😋😜煎肠粉，一边为金黄色的，香脆脆的香口極了的呀！👍👍👍👌✌️️而另一邊的，正是原汁原味不變的腸粉的呀！👍👍😀👏✌️️好極了呀！👄👍👍👍

適逢一田減價, 沙田人山人海, 想坐得舒服d, 就要食貴ddd, 點知1點15分到都要等半個鐘呀。我好間中先黎一次, 貪佢坐得舒服，服務又好, 起碼唔會係用溝通唔到的侍應, 點知今次有ddd失望, 服務水準似乎下降，侍應都無乜禮貌, 好在最後last order 時間, 來左個幾有熱誠的男仔侍應, 好啦拉平均當合格。食物就一如既往的好食, 啖茶亦保持水準的香, 比相各位睇睇先

一早打左電話booking 因為屋企人生日飯 留左半隻雞 去到夜晚 我準時去到 居然話我張枱比左人 係外面等左半個鐘 得個差位 都無計 有老人家 唔想佢等。 到叫送 留左隻雞又話無 叫所有肉都話賣完 好好地一餐生日飯 搞到咁 真係好不滿

之前在圓方店幫襯過，食物同服務都OK。今次來呢間沙田店試吓。打電話訂位，但接線留位的小姐好有問題，態度差，訂11點半要十二點九交番張枱比佢。用中文名定位，你又要問我要英文名。比英文名你又唔識點串。食物幾好都無用啦。

老媽子在早年吃過利苑的賀年食品後，今年便落「柯打」指定要買10底8底來送禮，我便一早在沙田利苑訂了10多盒賀年糕點，包括紅棗糕、蘿蔔糕、年糕。今天走過一田那邊，看到又有展銷，價錢沒有變，紅棗糕($198)、蘿蔔糕($168)、年糕($168)，價錢比新同樂及一般賀年食品貴出了不少。來展銷買的人不多，可能價錢太貴吧，比坊間的貴出了一大截，可是營銷員卻說一早賣光，只有少量等等的說話。蘿蔔糕半絲半茸，與粉漿比例算是蠻好，整體質感不錯，而且不會過於鬆散。用料比一般的多出少許，畢竟我們也付出了不少錢吧，整體味道比一般的好吃一點點，分別輕微，但價錢過份昂貴，不太值。紅棗糕更索價$198元，中間還有一層椰汁，紅棗糕的質感煙煙韌韌，蒸或煎均好，紅棗味道頗香，微甜但不會過甜，AGAIN比酒樓的好吃一點點而已。