利苑酒家 (城市花園)

营业中

休息中

去過幾間利苑... 食過好多次... 尤其喜歡呢間... 大概可能係做街坊客比較多... 感覺員工態度特別友善親切!👍👍👍利苑不論係午市茶點或者係晚市小菜... 都具相當水準!午市茶點... 我最愛蘿蔔絲酥餅、酥炸魷魚... 呢d香口嘢真係冇得輸! 仲有棗皇糕又係必點之一... Q靱有緻... 棗味香濃... 真係食過翻尋味!😋😋😋晚市小菜... 花膠扣鵝掌真係食到lam lam脷㗎... 腍得嚟唔會散... 恰到好處! 仲有... 蟹皇翅同火烔翅都用料上乘... 美味非常㗎!😍😍😍

在這裡吃飯很舒服放心，餐具都用滾水洗過才擺上臺，服務生都記得我們喜歡的位置，記得我們喜歡普洱茶，不得不說這裡的普洱茶很好喝，不像有些酒樓的普洱茶一股發霉味，所以每次吃完飯，都再沖一次茶，享受一下靚茶。

喜歡飲茶食點心，但大部分酒樓的點心都是番蒸的，少了第一次蒸起的香味，這裡的點心較能滿足味蕾，而且款式較特別，很喜歡這裡的粉果和雜菌餃，款式新穎，味道香鮮，在其他酒樓吃不到。

晚餐覓食，十分傷腦筋，昨晚去了利苑，點了老火湯和兩個小菜，想不到老火湯非常有水準，連湯渣都好好吃，小菜也不錯，服務也是恰到好處，有點奇怪的是酒樓收座位費，而不是茶錢。

一年一度老闆請食飯揀左呢間名牌廣東菜 價錢屬於中上價位 扁皮鴨好好味，皮薄餡靚。服務員👩🏻‍🍳即場為你切片，多餘脂肪會切去，食落一啲都唔肥膩😋，鴨皮都保持到脆口感覺。蒸餅皮厚薄岩岩好，有青瓜絲，蘿蔔絲可以夾埋一齊食。切剩左既鴨殼會問你拎唔拎走，可以拎番屋企煲湯。招牌燒肉燒得剛剛好，皮脆肉正。不過份量就偏小，性價比低。蟹肉灌湯餃同事都大讚呢碗灌湯餃，皮薄餡靚，餡料好豐富，食到啖啖既蟹肉，湯底濃郁。 紅棗糕香甜煙韌，紅棗味濃郁，熱食軟糯，讚！😋 推薦👍🏽最後仲叫左楊枝甘露作總結🤤

平時來都是點些普通廣東菜，炸子雞、酸甜排骨等，以前在這吃過海鮮龍蝦之類但很一般，加上環境狹小性價比不高。比較少光顧此店，因嫌它婁底太矮，是有點硬件限制，這個定價來說通常不會選這裡，所以會去大一點的分店。這次來由於有老人住附近的原因。不過食物出品有驚喜。一進店聞到濃濃的艾草味，有點像國內中醫館那種味道，有點不習慣。店員說是淨化空氣。餐具上枱前都在顧客面前用開水燙一下，消毒殺菌，令我們顧客十分安心，值得一讚！點了個12人餐，分開3張桌。菜色擺設十分精緻漂亮，印象深刻（見附圖）顔色調搭可見大廚的視覺美感挺好。味道不用多說，作為名店真是有原因，一讚！此分店的店員都以福建人較多，態度親切，培訓到位。唯一美中不足的是氣氛較素，如果加點中式優雅的音樂，效果會好很多完本想給5星，但環境因素拉低了。埋單一萬三千多，人均一千多塊。招呼同區的親戚好友是值得推薦

這套新出的月餅盒外表精美，是我喜歡的淺綠色，靚。盒內上層有4小奶黃月餅🥮下層有1大經典白蓮蓉月餅，一個大小剛剛好。這品牌出的月餅我都是第一次試，味道不錯，送禮一流。

平時屋企人好鍾意逢星期日嘅晏晝一點就嚟到呢度飲茶嘅 可能係係嚟得太多嘅緣故啦知道曬佢啲菜式嘅特點同埋有冇 換新菜式 發現呢其實佢真係冇點換佢啲菜， 啲嘢就不過不失啦但係真係好貴 如果我自己你一定唔會再嚟

與祖母慶祝生日來到利苑晚餐，一行6人點了一個4人餐再加了叉燒及乾燒伊麵。和味貢菜微微麻辣，貢菜爽脆，惹味十足。滷水豆腐豆腐滑滑，但滷水味略淡。燉湯有雪烚，雞腳，雞肉，瘦肉，淮山等材料。濃湯很甜，十分足料，滋陰養顏。漁村橫琴珍珠蠔薑蔥口味以熱鍋上枱，很香，珍珠蠔細細隻但蠔味濃，亦很飽滿。另外，特別的是除了薑葱這些配料還有些菇片，菇片吸入薑蔥味亦很可口。蜜汁叉燒賣相吸引，蜜汁香甜，叉燒外皮微焦，內裏肉質鬆軟，肥瘦適中。雙冬炆海石斑石斑炸過再炆，香口，石斑新鮮，肉質嫩滑，有冬菇，冬荀，生筋，支竹作配料，很入味。醬油脆皮雞外皮香脆，雞肉不韌，不用沾醬汁，很夠味，吃不停口。野菌泡田園青蔬以清雞湯泡浸，鮮甜不膩，白菜爽口，野菌菇味足，很清爽。瑤柱蛋白炒飯炒飯炒得非常好， 十分乾爽，飯粒粒粒分明。配料很多，有很多瑤柱絲，菜粒，蛋白，瑤柱絲炸得脆脆的，混入飯中很有美味非常。菜粒爽口，蛋白滑滑，口感十足。乾燒伊麵伊面面質好，富彈性，炸得有鑊氣，豉油王蠔油惹味。配上草菇，韮黃作配料。合時甜品是番薯糖水。糖水薑味足，很夠辣味，驅風一流。番薯粉粉的感覺，綿密口感，很滿足。總括而言，今餐所有菜式都很有水準，吃過

是晚跟家人一行六人晚餐，點了一個四人餐再加一個例牌叉燒和乾燒伊麵。前菜是麻辣貢菜，惹味爽脆。燉湯是雪鴿雞腳瘦肉淮山燉湯，濃郁又清甜。叉燒肉質靚，肥瘦剛好。薑蔥珍珠蠔好惹味，用砂煲上枱熱辣辣，香氣撲鼻。雙冬炆海石斑，石斑紅燒好香，魚肉滑，冬荀爽脆，冬菇片爽滑枝竹山根吸收醬汁好入味。上湯煮白菜仔本菇，清清地，好健康。燒雞皮脆肉滑，好食。瑤柱蛋白炒飯好鑊氣，加入不少搖柱蔥粒，炒得好香口惹味。乾燒伊麵麵質很好，有彈性，夠乾身，味道香濃。薑汁蕃薯糖水好夠薑，蕃薯香甜冇筋。

未見過一間甘差嘅食肆。服務差到不得了。買左呢個集團嘅賀年糕點，拎唔到貨不特止，仲迫人要其他款，但只得一款：芋頭糕，並無他選。明明出發前已致電查詢取糕情況同存貨，於是搭的士去拎，結果嘥左成百蚊的士錢，居然話無貨。淨係叫你留低電話，又話夜晚9點一定有貨，第2朝早上930返黎取貨就得。好啦！信多你一次。結果今朝945再去，無開門，打左勁耐電話，有人聽，結果又話而家無糕，話唔知琴日啲同事點應承你，唔係我負責，唔識答。叫佢搵經理，佢話經理開會無人聽。要投訴就打電話去寫字樓，我無野幫到你。叫佢退錢，又唔肯，之後仲cut埋我線。呢間垃圾以後都唔會幫襯。

和幾個朋友食生日飯, 叫小菜但很多樣都話賣晒! 那是只是七點多，七點半請侍應加單叫片皮鴨，等到八點，請侍應查單，得來答案竟然是賣晒！ 呢間食店的侍應好像只喜歡招呼食高價菜的客人，一般小菜係咪要預訂呢？

本來諗住利苑酒家算係喺酒樓界有d名氣，質素應該有番咁上下。估唔到質素一般之餘，服務更加係負分。落漏單、落錯單、黎錯野通通齊哂。叫臘味煲仔飯漏左，叫蒜蓉炒豆苗變左上湯浸豆苗，明明無叫荷葉雞又黎錯左。叫白灼蝦無濕紙巾，問佢拎又遲遲都唔黎，最後要我自己去拎。不過最經典係，有waiter走過黎話幫我地d白灼蝦轉細碟，我地話ok。跟住佢拎起個茶壺就將d蝦倒入墊茶壺隻碟度，我驚訝到呆左，呢間真係利苑黎嘅？我求其去一間是但酒樓佢都唔會咁做！圖中嘅係片皮鴨，唔係例牌，已經有半隻，少得可憐。叫蛋白杏仁茶，唔係送嘅糖水而係俾錢叫嘅，佢粗魯得滯撞瀉左都幾多，只係淡淡講左句唔好意思，我阿爸都忍唔住話：「唔緊要，你俾過碗我囉。」佢扮聽唔明拎隻吉碗俾佢。呢間利苑嘅服務態度真係極差，我以後都唔會再幫襯！😡

乾撈翅 ~ 利苑都失手？？其實，我都幾鍾意食乾撈翅，因為係心機餸，考廚師功夫。乾撈翅上枱時一碗翅加一碗湯，見過一些食客立時把魚翅放進湯內，我通常都會O嘴。乾撈翅嘅精髓就係：以乾嘅翅身食得出翅湯嘅味道，即係雌雄同體。製作過程通常係先攞少少湯畀你試吓味，你可以俾意見，濃啲定淡啲，廚師會按住你嘅口味調教好個上湯，然後將啲湯逼入魚翅裡面。咁就考師傅炒功啦，不可炒燶魚翅，亦不可以濕笠笠，但要夠火喉炒到啲魚翅吸乾唒啲上湯。對我嚟講，嗰碗湯唔係太重要，我會集中享受乾身翅嘅味道，嗒清楚啲上湯喺翅身夠唔夠味，然後才飲湯。當然，你亦可以一啖翅一啖湯，悉隨專便冇乜所謂。今晚呢碗乾撈翅係生拆蟹底，蟹肉新鮮。但係魚翅嘅翅針不夠分明，最上面嗰一層魚翅有少少，輕輕的煎米粉質感，仲有啲蝦子，所以帶點煙韌又有點香口。「點解唔係好似食開啲乾撈翅，亦都唔係好似你menu幅相嘅？」 經理就向我詳細解釋: 呢個係改良版，附近好多福建客人喜歡呢個質感，較配合飲酒，面嗰層魚翅好輕輕煎一煎。坦白講，食落去個口感同味道係唔差嘅，都幾過癮，改良版無可厚非，你知啦，北角城市花園同和富中心，直情係小福建嚟㗎啦，而北角城市花園利苑一定係其中一

燒肉雖然 $1xx得12舊Means 要$10舊I have to say it is quite worth itvery crispy!!!賣飛佛'杏汁豬肺湯after-taste 有回甘足哂料豬肺+雞腳+瘦肉好味, 好味, 好好好味!!!蜜汁叉燒好味又腍又滑但好細碟每人分兩件成碟冇曬過橋象拔蚌係用龍蝦湯 灼熟象拔蚌一齊食龍蝦湯極甜仲有芽菜喺底 加埋油炸鬼 真係有趣又得意Xo醬炒勝瓜 勝瓜脆卜卜 勁juicy其實我都唔明點解得我一個人寫食評既呢