利苑酒家 (德福廣場1期)

营业中

休息中

以往幾廿年，利苑出名食物有質素，招呼好。於是擒日相約好友茶敍，由於對九龍灣唔太熟路。記得有利苑諗住實無衰。打去訂檯可留檯，但不停講，最早只可訂12:45，但2:00要交檯。唔係Ma, 咁咪要食得快過澳牛光速餐🤔心諗去得利苑，預咗係貴，但食環境食招呼，算啦！最多埋單時瞌埋眼比錢就算啦。佢應該都係講笑姐。擒日去到商場見人山人海，去到門口竟然無人等檯。心諗兩點還檯你咪棧吉晒個場。入座後，不停比騷擾！不停埋嚟叫你叫什麼花膠上湯米線，仲不停話你唔留定就無嫁啦⋯⋯我話未齊人，望下先。之後又話叫椰皇。望下menu 米線$188、椰皇$58⋯⋯之後同朋友一路傾計，一路不停有人行埋嚟不停sell, sell到我都有啲火火地。如是者，叫晒點心上檯食咗無耐，就行埋嚟話兩點交檯，我話點心都無齊。之後每隔幾分鐘，又埋嚟催。如是者，1:45就走埋嚟嘈，要我哋交檯。但我哋仲有半檯嘢未食晒。1:50就要我哋埋單2:00見有人比佢哋迫得緊要，開始走人。之後就算翻檯都仲有大把吉檯。到我哋食得八八九九，有個阿姐走埋大吵大鬧、話我哋賴C唔走，又點又點！真心覺得好可惜！點解一間食物質素唔錯嘅酒樓，可以容許伙記咁樣鬧客人。睇返c

我明白飲食業望做多D生意，但也不用這樣不客氣，今天和朋友和兒子喝茶，共點了8款食物入座前説好12:45分還枱，12:25分要求先埋單可以，埋單後不知是高侍定部長就提你要交枱，我們已經不停食，其間她就至少3次同我講要交枱，第一未到12:45分，第二我未食完枱上食物，不停言語叫你今天是假期要交枱，我最終12:46分離座，但是我不會再光顧，530元一肚氣，若杲要求12:45分交枱，請你就別指望別人一定要提前交枱，一小時的用餐，我並不是食完坐喺度霸你張枱，你再接12:45分既訂枱是不是不用預留時間執枱的呢?

諗住很久沒去食利苑，未去試下，入到去都未開茶到，個侍應只顅著系咁sell佢d老火湯，我話我茶都未來呀。d位又不是很多人坐，食到1.5小時了佢要我埋單走，我話你入來沒説播。佢話个个都系咁，我話我枱面d野都未食哂咁你叫我走。？跟住理論了一輪。門口有沒人排隊，我話我知我就吾來啦！呢間酒樓難怪d人話服務奇差

講起中菜，個湯一定要掂。今日係左九龍灣德福嘅利苑飲左蟲草花老鴨湯，夠火候好好飲👍👍今日食左片皮鴨套餐，六百蚊有半隻鴨、一個肉蟹煲再加一盅湯。片皮鴨嘅皮軟硬適中，加埋啲鴨同埋青瓜一啖咬落去好正👍但係無大蔥，日後如果可以比埋大蔥就更加好啦。😊我地兩個人仲叫左一個金銀蛋浸菜，個菜就一般般，鹹蛋可能落太多，所以個湯都有啲鹹。不過之前飲左好好味嘅老火湯，所以最後都無飲個菜湯。個鴨架我地就咁食左，無加任何料。因為本身都幾多都係個架上面。

間唔中就會想起他們的招牌冰燒三層肉和美味的芋盒，今次有藉口因為朋友生日，一於訂枱到這裏一飽口福！點解咁講呢，因為利苑實在太受歡迎，要限時離坐！所以要搵藉口才願意到此一起享受美食，希望貴公司可以放寬限時！下次可以食得輕鬆舒適一點🤟🏻

片皮鴨（半隻）🦆$210值得推介，皮脆肉滑，蒸餅皮夠薄，名符其實皮薄餡靚。皮夾住片皮鴨黎食，好有口感😙，加乳豬醬，蔥一齊食，超正。片皮鴨🦆仲可以兩食，二食揀左炒茄子🍆，$70，味道好夾😋蔥花斑肉臘味煲飯🫕$78，2位起order左2位份量，呢個煲仔飯製作需時40分鐘，要預時間order。果然係慢工出細貨，熱辣辣，臘味香配合斑肉、蔥花、飯焦，好惹味👍🏻，4人👨‍👩‍👧‍👧分享啱啱好。大千麻辣雞煲🐔$165又係好味例牌，雞肉🐔嫩滑，鍾意佢唔太辣，辣汁啱啱好。海山排骨（4件）$125一向係利苑代表作，外面脆脆的，肉質鮮嫩，醬汁超香，今次都冇令我失望喔😋

同事六月尾生日，一路夾大家嘅期，終於去到7月8號。本身我提議左一間食日本嘢嘅不過最終主人家話想食中式四個人lunch食左九百蚊，我覺得有少少crazy第一round 都好正常 ，跟住其中一個同事就開始⋯⋯先黎鮑汁鳯爪(我唔食，味道冇comment ，只係知道最後啲醬汁凍左「鯨」左）、蝦餃、燒腩仔、椒鹽魷魚鬚、蘿蔔絲酥餅。各樣都正常發揮第二round 同事忍唔住，叫左紅棗糕、奶皇千層糕、蝦腸、燒賣、帶子煎面、鹹水角&鮮竹卷。其實平時我唔會選擇食紅棗糕同燒賣，不過一籠啱啱一人一件，冇得偷雞🤪好彩都比我想像中好食。鮮竹卷同事就話好鹹🤪大家都好努力💪🏾最終只係食剩少少煎面。食物ok , 不過最趕客係啲侍應，不斷游説我哋食呢樣叫果樣！又催埋單😞

Regarding the foods, the crab pot was not as nice as it looked. The crab meat was not fresh enough to reflect its pricing level. Other dishes, service and ambiance were good as expected.

因疫情關係少咗同家人出街食飯，難得有幾日假期更係唸住同家人食好d 好好享受飲茶嘅時間，一早book咗都知佢限時95分鐘，我亦都知呢度食嘢價錢比較貴，唔緊要，最緊要好食就得。好遺憾所叫嘅食物欠缺特色，味道還可以嘅當買服務啦，又好遺憾，我哋未食完就隊張單埋黎！你唔比我加單架！？問都唔問就埋咗張單。終於食完喇即刻就有人埋黎收嘢重問我埋單未，趕客囉！其實飲茶係要傾計，點知95分鐘真係連只係食都唔夠架，唔好話傾計，下次都唔好徙錢黎呢度食，唔值。

食晏要分兩輪.  每輪只有一小時15分鐘.  趕到食得都唔安樂.  因為太趕, 廚房粗製濫造.  食物水準真係差咗好多.  點心叫咗蝦餃, 燒賣, 牛肉啲例牌嘢.  真係好唔掂.  服務員努力推銷例湯.  冇睇價錢就叫咗兩位.  原來要三百幾蚊.  絕對唔值.  其實冇需要努力推銷同賺到咁盡.  分明想斬到啲客一頸都係血, 無下次.以前一流嘅利苑, 而家同三流嘅茶樓有咩分別.  分別就係貴到離曬譜, 食物水準差.  比咁嘅價錢, 好嘅選擇實在太多.唔記得同籠蝦餃影相.  又細粒又乾.  一定係交嚟嘅貨.  徹底失望.  徹底失敗!  

早一天留座6人枱，到步安排4人座！場內有多檯空置，但不准我們要求調枱，服務人員說如果要調枱要重新出去排隊😡 什麼邏輯！ 利苑價錢一向不是超級便宜，沒想到員工態度那麼差。中環IFC，圓方都沒有這種惡劣態度，為何其他分店會可以訓練出那麼多惡劣員工。

去過2次都係星期日，唔講出面就算book 左枱都要等一陣，帶位又唔清唔楚。要客人book 12:45 - 2點⋯⋯入到去。食物由入紙到枱已經1:15，之後每15分鐘有人過嚟收野，最後1:45分至問你加唔加單？結果加單蛋達，突然有另一個人叫你埋單？結果單我埋咗，未夠2點即刻有人過嚟收碗碟？？？我想問咩事呢？你唔見我枱仲有食物？唔見小朋友仲食緊？比你咁趕法原來你哋有蛋達冇到但又收咗錢囉我都唔記得⋯⋯我2:10分走，係多10分鐘，不過我等緊的十分鐘蛋達冇到過。你哋另到我唔想再去，不過你哋都唔care

利苑酒家提供大量套餐，當中有鮑魚﹑響螺﹑燕窩等菜式。酒家不斷創新以迎合客人的需求及時代的轉變，保持現有菜式的水準，並因應客人的口味加以改良及鑽研新菜，30年來創出上千款菜式。米芝蓮一星餐廳 (2015-2016)高湯牛肉球💰38牛肉球爽口彈牙，沒有牛肉酥味豉汁蒸鳳爪💰33鳳爪好淋身入味荷葉珍珠雞💰42珍珠雞餡料普普通通，餡料份量不多蜂巢芋盒💰36🔸好濃郁芋頭味，炸粉好薄，炸得好鬆脆炸兩💰44🔸上菜時油炸鬼已經凍曬而且變硬身，好煙靭，對呢款食物有點失望

卜左9位飲茶，分兩枱，所以都影唔晒所有點心。事前已知道12:45食到2點，所以都無諗住慢慢食慢慢歎。坐低例牌sell下套餐，之後落單加單又會再sell，明嘅，職員都係跟公司指示做野，你話唔駛佢都唔會死chur你嘅，因為呢度最緊要快。燒肉唔油膩，皮夠晒脆，但就有好明顯嘅豬臭味，我好怕呢陣味，所以一般叉燒腸同燒肉一樣，都係有豬臭味，不過豉油蓋過左陣味好多，所以問題不大咸水角唔油膩，唔錯總括黎講，點心中上，炸物亦唔會油膩，係豬有臭味，亦食得趕啲，如果卜到第二間酒樓就未必再番黎飲嚕

今日4個人去飲茶棗皇糕，素鵝，魷魚鬚都幾好食。小籠包就一般，皮略厚。重點！西施泡飯好食，分到大約6碗，落咗啲脆咪好有口感，但係太多芫荽🤣，如果唔食嘅朋友最好早啲出聲。呢到D waiter 有d hard sell😂，同埋午市食到趕頭趕命，好快就趕你走。