利景酒家

营业中

休息中

家裡老人家喜歡來的餐廳，尤其早茶同下午茶，抵食，樣樣20文，大中小點。下午茶是兩點開始，對老人家來說吃個午茶當午餐，還有桃膠也是$20，真的不錯。服務態度也不錯，上菜快，收嘢執台都快手。吃完又唔會即刻趕客走，都算係咁。我地人唔多，所以叫左個求其一餐的4人套餐，5個餸加糖水，然後我地加多左個花膠蔬菜粉絲煲，夠食有凸。八寶海皇炖冬瓜環：吃到的有冬菇粒、帶子、蝦米、蓮子同冬瓜。冬瓜好多不過湯都算鮮甜，不過不失。招牌脆皮蒜香雞半隻：皮真是少少脆，肉睇落干身但吃落軟唔鞋，仲有少少油，一個好的驚喜！秘制冰梅骨：ok, 一個幾甜的菜，唔啱老人家吃，肉有少少遲住啲骨。XO彩鳳蝦仁：普通的一個西蘭花炒瘦肉蝦仁。不過蝦仁都幾大隻。清蒸富貴海班仔：魚無腥味又無蒸老，ok!花膠蔬菜粉絲煲：菜心同白菜都霖，啱老人家吃。花膠就細細塊，唔係貴的桶膠。滋潤糖水：其實就是酒樓送的陳皮紅豆沙，非常唔特別。咁樣吃落900幾連加一。算係一餐好普通的「求其一餐」。

今年生日飯因為東鐵去到金鐘,不如試試離會展頗近的利景酒家,訂咗兩圍要2988/圍,全包宴。乳豬全體,比市面的BB豬好多了,起碼有皮有肉,唔會得塊皮。蝦球伊麵,蝦球有12隻,而伊麵較多,映起上黎餸少麵多,如果加個蛋白獻汁會比較好睇。西蘭花炒雞球蚌片,呢個正正常常。帶子多士,呢個係蝦多士進階版,好食。紅燒大排翅,呢個比較失望,魚唇多個翅好多。蠔王花膠會鵝掌,正常清蒸大海班,呢條魚蒸得啱啱好,有魚味。金沙雞,已經好飽,無食到。單尾,福建炒飯,正正常常。可能呢間酒樓屬於老式酒家,碟頭非常之大,如果正常食量,12人應該食唔哂。

連加一，五人同行，$414得10個點心超貴，仲要係d小點、中點，但收緊頂點價錢D服務又差，要催單，要叫幾次先有人嚟加水食物質素一般，正常發揮又食唔飽負評，只可以話一間獨大，無其他選擇兩日去食都無改善

假期尾到酒樓食飯，有驚喜喎，用烤過的菠蘿伴咕嚕肉，第一次咁食法，有心思，好味道，另豉椒聖子煎米粉，蛋白花鵰蒸花蟹，東星斑，樣樣都做得好，上菜快，食物買相不錯，價錢又抵，傳统酒樓做到呢個味道，真係要讚👍

今日就去咗呢一間喺前身灣仔大榮華酒家嘅酒樓飲茶，內裏嘅裝修同以前冇乜分別，等位都等咗大概10分鐘左右，就好快入到去 午市嘅人數都算幾多如果大家想嚟飲茶的確要早啲嚟攞位比較推介嘅嘢食有佢嘅午市燒味雙拼飯，我哋揀咗燒鴨同埋燒肉，$55，呢個價錢嚟講唔算太貴，燒肉嘅皮都比較酥脆，咬落去都有卜卜聲嘅感覺，再配以黃色芥辣，送飯一流。反而燒鵝就不過不失，份量都唔會話太少 燒賣都唔錯，大大粒仲有一隻好大嘅蝦喺中間，熱辣辣，家人都讚不絕口

今次不談食物質素，只談環境衛生。六時半來到二樓 近茶水間的地方，就聞到濃烈的餿水味， 氣味甚至散播到我們坐的大圓桌，到九時半離開的時候，仍未消失。但是服務員好像沒有什麼嗅覺!

外表好老土既餐廳， 居然有驚喜第一道冰鎮鮑魚 佢個汁都幾特別，鮑魚做法食落鮮甜 再加上類似泰式甜酸醬 幾有特色100分菜式- 最出色係黑松露薏米炒帶子 ，我生平第一次試食既菜式， 感覺一d 都唔肥，用意米代替飯，口感非一般 ，一碟都幾大份。 實際係咪低卡真係唔知乳鴿抄乳鴿浦乳鴿浦原來係咁既味， 好軟熟，有問題種入口即溶既感覺。 蛋散 之前試過最出名食蛋散既餐廳，四點金雖然同四點金比，差小小但係都排第二， 好鬆脆 去程由灣仔地鐵站行8 分鐘， 離開時去會展站行5 分鐘就到了。

婆婆生日，選擇咗附近就腳嘅酒樓去慶祝，雖然都係typical酒，樓菜式 ，但由門口入去開始職員已經個個好好笑容，滿滿嘅親切感。仲氹得婆婆好開心添。當晚我哋嗌咗六道菜，水準俾期望高，首先我哋叫咗個乳豬，乳豬啱啱出爐，勁脆！西蘭花就咁用蒜蓉炒都已經好香鑊氣，龍蝦伊麵就真係啖啖肉，仲有手掌咁大嘅扇貝，同埋一定要食嘅冰鎮鮑魚。

親友介紹來到利景聚餐，因親友說它們的點心是不錯，前身是大榮華酒樓. 所以特別來到試晚餐，中肯地這餐廳出品不錯，性價比高，但服務完全是差到一個點. 我們安排兩圍生日宴， 點菜時，經理落單，自己對壽宴餐內容講錯，但仍然表現非常不耐煩，好像我們這餐不需要付錢，像討吃！難得是2個經理服務態度一致....差... 整間酒家只得一個亂字。當然，如果只着重出品還可以. 乳豬，豬腳仔是可以的，其他餸菜普通質素. 無論怎樣，有這樣的員工去經營一間餐廳....真的可悲.

公司開年飯，冰鎮鮑魚，黑松露帶子薏米炒野菌，星班魚扒，非一般開年菜式，味道好，賣相靚，有驚喜，甜品鮮奶蓮子桃膠，蛋皇蓮蓉壽包都好味，午市做到呢個水準，真係唔錯，大滿足的開年飯。

公司午市開年飯，菜單唔錯，冰鎮鲍魚，黑松露帶子薏米炒野菌，星斑煎魚扒，味道好，賣相靚，有驚喜，其餘菜式都好食及份量十足，另甜品還有鮮奶蓮子桃膠，蛋黃蓮蓉壽包，真係大滿足的一餐開年飯

呢間酒樓位於大榮華以前的位置，是新起好的，感覺幾光猛。♨️QQ流沙奶黃包呢個流心奶黃包有三款唔同既公仔，包括蠟筆小新，熊貓🐼及笑哈哈。啲包既餡料係熱滾滾的香甜的流沙奶黃，整體感覺十分唔錯。♨️焗雪山叉燒包個皮睇落就一忽忽咁，但係食落都好脆好好味。啲叉燒餡係香甜既，富有叉燒味，唔錯。♨️鑊仔炒腸粉個碟好大，啲腸粉食落未夠火候，而且豉油色都不夠平均，整體一般。♨️米網鮮蝦腸呢個腸粉最特別既地方係佢有啲蟹子係面個度，好似啲壽司咁樣既。食落都係三重口感，首先有腸粉皮既味道，然後有脆既米網，最後就有彈牙既蝦。♨️安蝦咸水角外脆內軟，不過不失既味道。♨️紅油抄手就是雲吞的味道，加了紅油就變了辣的雲吞，整體還可以。♨️鮑魚窩燒飯呢個飯個芡汁勁左啲，啲飯粒就分明既，撈埋堆茨感覺就係似撈左汁既飯咁。啲鮑魚係好林既，質地似冬菇，估計係罐頭鮑。♨️醬皇蒸鳳爪呢個係普通既鳳爪，味道同其他酒樓大同小異。♨️黑糖古法秘製馬拉糕呢個馬拉糕好鬆軟，黑糖味都很出，熱食時最好食。♨️蟹籽燒賣皇呢粒燒賣都尚算多汁。#利景酒家 #qq流沙奶黃包 #焗雪山叉燒包 #鑊仔炒腸粉 #米網鮮蝦腸 #安蝦咸水角 #紅油抄手 #鮑魚窩燒飯 #醬皇蒸鳳爪 #

好友介紹，新開張中式酒樓標榜大廚出品制作嚴𧫴，一於約埋良朋共聚酒局捧吓場，開開心心先嚟幾個小菜送吓酒；～ 沙薑豬肚失望。。。豬肚上桌”油冧冧”、”濕立立” （如圖），同期待中的熱鑊冷油爆炒的傳統處理方法完完全全兩碼子嘅事，浪費哂啲食材。。。～豬手粒合格啦，可以送吓酒～家鄉煎蓮藕餅用料新鮮份量十足、師傅現點現做，食得番晒啲傳統味道，無得頂！要挑剔的話如果蓮藕的比例可以提高10-20%會更清香爽口。～燒腩仔皮脆肉滑，入口肉汁豐富有豬肉的味道，足90分，送酒一流。～椒鹽鮮魷失望，外皮脆粉已經唔係喜歡的傳統版本，另外鮮魷入口有啲滑潺潺，似係用咗梳打粉醃過。。。唔懂得欣賞。。。～冰梅脆香骨并椒鹽豆腐個人非常喜歡，豆腐外脆內軟熱辣辣，炸皮做得好好，酥脆排骨外層包住一層冰梅醬入口醒胃好味道，整碟餸可以見到師傅嘅炸功火喉掌握都係非常高水準。～龍蠆兩味碧綠炒龍躉球并酥炸龍蠆頭腩龍蠆本身非常新鮮，炒球同酥炸頭腩師傅都做到超水準，份量又足！～古法羊腩煲合格，大家開開心心搶住食，最後唔夠喉重要 encore 咗多一煲。踪合利景酒家食得出係一間用心做嘅中式小炒酒樓，知已良朋歡聚暢飲嘅好地方，雖然新開幕有啲嘢需要

從榮華變身後點心唔錯，夠熱。點左雞包，腐皮卷，蘿蔔糕，牛肉腸粉，咸水角。地方就畧為擠廹，坐在出菜門口。人頭湧湧，生意幾好。服務算唔錯。駱克道路邊咪表位泊車都方便。

呢晚同成班朋友去咗新酒家試菜，我哋大概六點幾去到，初時酒樓冇乜客人，以為今次中伏，但都約好晒人，只好頂硬上，但點知過咗唔夠半個鐘，突然岀奇地酒樓爆滿客人，呢刻心情都定啲，到咗大約七點，我哋成班朋友到齊就開始點餸菜，呢度啲價錢都好經濟好抵，由其是有個圍餐，十二人享用，都只係$2,988，仲有包啤酒汽水。呢度啲樓面和部長雖然唔算多，但個個都即叫即到，而且服務態度真的好好！初時諗住咁多客人，餸菜都應該上得好慢，但係又係完全估佢唔到，所有餸菜都唔洗等好耐，樣樣都上得好有效率，最估唔到就係，樣樣餸菜都唔差，而且份量又好夠，呢一晚真係好有驚喜，完全好滿意，我諗我都會繼續同朋友再食過，因為我哋個個都好滿意，一人都係$250蚊就已經食到咁好嘅餸，真係抵到爆😁👍👍👍！正！正！正！