利小館

是日中秋佳節 約了母親大人在屯門利小館食團圓飯 因節日關係 一早已經預訂好位置 咁當日有set套餐 和 散單 order咗一個4人set同散叫咗其他菜式 推薦以下兩款味道都不錯的 蒜拍青瓜和口水雞 入味而且容易開味 反而set 套餐的龍蝦就味道麻麻 再加上可能節日比較繁忙 餸菜應該是預先整定的 所以龍蝦翻熱不夠 內部還是凍的是日消費埋單around$1000節日來說價錢不貴 而且一家6口都食得飽肚 …查看更多

V City眾多食肆當中，利小館是當中較少光顧的一家。貴為利苑的二線品牌，大眾化的價錢確是吸引，可惜服務水準令人為之卻步，因此遲遲未有再訪利小館的意慾。這天完成投票後到V City晚餐，想轉換口味之下再訪利小館。運用V City Apps取票，雖然大大節省了等候時間，但仍足足等了二十分鐘。環視四周，二人桌少之又少，等位不是易事，來利小館就是要有等位的心理準備。多樣化菜式選擇，是利小館的賣點。點心、燉湯、燒味、海鮮、粉麵、甜品、特飲.....餐點是全天候供應的，值得一讚。菜式不只局限於中菜，也有其他菜系選擇，如龍蝦湯烏冬、茄汁豬扒焗飯、羅勒茄汁尖通粉、鮮蝦意式白汁意粉等，選擇眾多確是吸引。明知菜式份量偏少，點菜時已不算手軟，結果還是要加單，多點一份粉麵主食才能吃飽。上菜速度，可以「神速」來形容，不到五分鐘便開始上菜，轉眼桌面便放上五道菜式，桌面甚為擠迫，連侍應也不好意思起來。這樣的上菜速度，無形中令客人吃得更急，務求讓侍應快快收碟，食物如狂風掃落葉的吃掉，有食髓而不知其味之感。點心先上，蜂巢芋盒($33)面層的蜂巢做得輕脆，足顯廚師起巢的功架，內餡除芋蓉外還有肉末，設計上甚有心思，只可惜芋蓉鹼水味重影響了食味。XO醬炒蘿蔔糕($30)不太嚐得出蘿蔔的味道。切得小巧，能讓蘿蔔糕蘸上更多XO醬，當中的瑤柱、辣椒清晰可見，感覺是真材實料。香煎窩貼餃($38)一客三件，窩貼是一口大小，底部煎得極脆。一口咬下，冷不防被肉汁噴過正着，十分琅狽。湯汁澎湃自是美味，只是個兒實在太小了，感覺像在吃風似的，未能把味道嘗得真確。陳醋雲耳($35)屬較為平凡的一道，雲耳、百合拌入淡味陳醋，味道略為清淡，是健康之選。岩鹽燒開邊龍蝦半隻($68)是YOHO MALL新店開業而推出的優惠，原價$98的龍蝦只需要$68沒有不點的理由。令人驚喜的是用上澳洲龍蝦，雖屬小龍蝦但肉質甚為鮮美，簡單以喜瑪雅岩鹽燒香已是美味，推介！鹽香脆皮乳鴿($48)屬小鴿的尺寸，而且略顯瘦小，肉量不多。也許是流量大的關係，鹵得不算入味，不過尚算皮脆肉嫩，還能過過口癮。這道乳鴿跟龍蝦菜式在餐牌上註明是伴以沙律菜，上桌時卻完全不見踪影，卻在佐吃的兩款醬汁當中找到數片野菜，難道就是餐牌上所說的「沙律菜」?也許點的都是小食、點心居多，難以吃飽，及後再加點石窩海鮮炒麵($58)，不足十分鐘便送上，再一次見証出菜的「神速」。石窩熱騰騰呈上，麵條煙靭有彈性，味道不錯。海鮮配料不欺場，有大蝦、帶子、魷魚，不過帶子是有浸發過的，不是鮮貨便是了。份量不多，約可分成四碗，對於食量大的我倆來說只是僅僅飽肚而已。甜品安排後上，擂沙湯圓遲遲未上只好取消了。楊枝甘露($28)算是足料，西米、芒果、柚肉不少，奶滑香甜又不會太膩人，還冰得夠凍，只是幾口就吃完了，有點意猶未盡。來利小館，就要接受它的「小」，也要接受極速的上桌速度、不甚舒適的用餐環境、不很到位的服務水平。論環境、食物、服務，八月會更勝一籌，但偶爾想轉換口味時，利小館也是可以一試的。…查看更多

不過不失的下午茶！不過，有點貴同個海南雞飯，好似奇怪一點！不過，克服後，發現其實佢的白切雞是做得不錯！姜飯很入味！🈶️香茅同濃姜汁同米一同蒸！上什🈶️用心去做！但是例湯就。。。千萬不要柯打，太咸，冇味！…查看更多

餐廳位於V city轉角位，每次經過晚市期間很多人在等位，不想等位的關係決定早點到達簡單明瞭的餐牌好像茶樓自己畫點心XO醬炒蘿蔔糕份糧很小而且炒得有點過稔不過勝在夠入味口水雞味道較淡要沾上大量醬汁才有咸，但雞肉算滑只差在味道是我吃過最好吃的擔擔麵麵煮得剛好的熟度不過硬或過軟，加上醬料一起吃很香，份量不算小但自己一個一碗完全不過分吃完主食後外加一客甜品，甜品是栗蓉焗布甸，栗子同布甸本身都很喜歡吃但沒想過加在一起吃是非常的搭布甸中有一層厚厚的栗蓉完全不小氣，而且除布甸外也加上西米令到甜品不會過份的膩…查看更多

上次去左利小館食完念念不忙！今日再戰利小館！例牌一定要食桑拿雞！的雞有陣陣荷葉味..仲有冬菇吸曬的雞味.. 的雞都一樣禁滑禁正！ 今日叫左小龍包！ 大家食果時一定要用匙拿住食！佢入面咬左一啖好多湯..建議上面咬小小再飲曬的湯先.. 小龍包入面的肉好鮮.. 其實吾洗點醋食都得 海南雞飯，雞肉好鮮，都好多肉，雞油飯的雞油岩岩好. 吾會太過油... xo醬蘿蔔糕- 呢個味道麻麻，xo醬過多太過辣. 但辣味只向出面，蘿蔔糕本身個味好淡... 蕉糖排骨-佢應該炸完排骨再用蜜糖炒一炒佢. 每個排骨都有蜜糖包住.. 的排骨仲要炸列岩岩好！好易咬得開. 肉都入曬味 …查看更多

今日想飲吓茶，食返籠點心，又唔想行咁遠近近地就選擇呢度，十點幾嚟到都未開，原來係開11點嘅~利苑飲茶就多，利小舘又真係未試過，佢地點心種類唔算多，小菜粉麵選擇較多。呢個應該係用新鮮雞腳整嘅，所以賣相漲卜卜，入口脆嫩，雞腳吸收晒沙薑味道，咬落筋骨爽脆見到咁飽滿就知道餡料足，蝦餃皮夠薄，每啖都咬到爽口嘅新鮮蝦係裡面。呢個小籠包真係讚睇相都見到裡面湯汁好多，外皮厚薄適中，配上佢地香甜嘅黑醋，啜第一啖湯時湯汁鮮甜清澈帶肉味，餡料嘅肉夾住一啲薑苿，入口更清新。豬肉肥瘦比例恰當，入口啖啖肉，仲有半隻蝦係裡面，真材實料呢款雙芹魚米餃,水晶皮薄煙靭，除咗芹菜之外仲有切丁嘅冬菇同魚肉，豐富可口。雖然價錢真係高啲，論質素論環境同服務都係合理的貴啲都無辦法囉，因為好食嘛…查看更多

一直都想試，不過平時假日好多人等位，所以星期二去試，又冇咩人，唔使等位。 睇餐牌覺得好好食咁，好多都想試，點知份量勁小。 生豪都算可以，味道都幾好雞湯都可以，但係味道唔大，感覺材料唔多，，份量都唔多！ 豬扒 拉麵，拉麵很好食，湯底都很好，豬扒味道都可以，整體都很好。咸魚肉餅飯，真係估佢唔到，勁細，超小，2啖就食完，食晚飯千奇唔好叫呢個，估唔到ge細，比例湯仲要細，同餐牌根本唔同樣，拎到黎架時候，我仲驚親，咁細架，呢個都叫飯？可能佢本身就係咁細，不過唔值呢個價錢，又唔為好多料，咸魚得好小，肉餅還可以，整體味道都可以，本來諗住再叫其他嘢食，因為唔夠，但係因為太唔抵，最後都係走！…查看更多

今晚帶著我家寶貝來到利小館，因這裡有他愛吃的叉燒包，同時媽媽也可選取一些份量不大的食物二人分享。今晚叫了蝦餃、燒賣、叉燒包、海南雞飯、栗蓉布甸、芒果布甸，二百多元埋單。所有點心基本上都沒有問題，反而是那客海南雞飯，有點讓我摸不著頭腦。這是連骨的雞肉，雞肉給我一種「營養不良」的感覺，雞味部份讓我想起了鹽焗雞而不是海南雞，有味飯飯粒算分明不會過油，但味道其實是偏淡。只有泰式甜辣醬和薑蓉作調味，沒有菜蔬，也當然沒有清湯了。倒不如叫它做鹽焗雞飯比較好，收七十多元一客給我有「打劫」的感覺。…查看更多

令人驚喜既新派食肆己經持續去利小館食午餐超過10次  無論水準 , 接待 環境 等等各方面都維持高水平  所以值得為佢獻出第1次食評!環境  位置寬闊 空間舒適 完住沒有任何壓迫感  光線充足 枱與枱之間既距離適中  枱可容納人數完住可以完全配合 小至2位 多至10位以上都可以滿足到!接待所有工作人員整潔 態度非常好 有禮主動必食推介: 焦糖排骨即叫即煮 火喉夠 味道好 技巧控制一流 乾脆粉漿包住啖啖肉既排骨 甜度整中既焦糖  又愛又恨杏仁燉豬肺湯高品質完全超出價錢 杏仁味濃厚 份量約2.5小碗 內有雪梨 瘦肉 豬肺  兩位分享剛好 XO蘿蔔糕平,靚,正   份量多 味道濃 即叫即炒 蘿蔔糕絕非粉狀行貨 值得一試 …查看更多

一黎到就入得叫左好多野 不過影得幾張相小籠包麻麻地 一夾就穿左 漏哂d湯黃金蝦勁惹味 用蛋黃炸既蝦 成餐最好食既餸花雕醉雞麻麻地 完全無酒味 又少雞絲粉皮麻麻地 勁多花生醬 好乾另外d擔擔麵 烏冬完全唔掂前者唔辣又多花生醬 勁結撻撻後者d烏冬好淋又無味總括: 完全唔掂 唔會再食咁就食左$759…查看更多

星期日同老媽兩人食晏，要搭台，但都坐得幾舒服。兩人叫左六樣野，第一四喜烤魅，口感較上海小南國淋，但勝在好夠熱，所以利小館勝，值得推介。第二，金瓜芋夾，最唔抵食之選，30蚊3隻，但每件都係得一細口，而且唔係特別好食，唔夠脆，普通茶樓都可以有水準過佢，唔推薦。第三樣，小籠包，好細隻一啖一隻，雖然好多湯，但味道上有講不出的單調，好似得薑味同豬肉味，味道上不及上海小南國，名苑等豐富，但仍值一試。第4樣，荷葉蒸飯，唔錯，幾好食，淡一點就更好，但值推薦。第五，豆漿小唐菜，39蚊黎講細碟左d, 但未食過豆漿菜，所以覺得幾特別。喜歡食濃味嘅人未必喜歡，因為豆漿味不太出，除非連用匙筆埋豆漿黎飲，如果唔係淨食菜係無咩豆漿味，但相信佢係用上湯煮熟菜先淋豆漿，所以d菜反而好濃上湯味，不至於無味。想食到豆漿味嘅人會失望啦。最後，甜品，栗蓉布甸，好好好好食。大推介，必食。 26蚊，價錢可以，但最緊要好食，好食貴都抵。 甜度岩岩好，中間有栗蓉，好有栗子味。由於食飽飽，兩人share一個岩岩好！！！六樣野，兩個人，食左240蚊，總括黎講，不大抵食，價錢偏貴得黎，份量偏小，雖然樣樣味道都唔差，但又未有一樣好食到要下次再食過，即使最好食嘅栗蓉布甸都未有令我再光顧嘅沖動。 今次第一次食利小館，分數大約有60分，未試過都可一試，但唔試亦不覺可惜。…查看更多

下午2時30分左右，我和男友專程到這間餐廳吃點心。我們叫了蝦餃，燒賣，鮮肉小籠包，鮮人參燉竹絲雞和栗蓉焗布甸。蝦餃方面，蝦餃是原隻鮮蝦，不過蝦味比較淡，蝦餃皮都算薄，不過蝦餃皮完全沒有味道，很淡，整個蝦餃味道一般。燒賣方面，豬肉很滑，而鮮蝦味道不錯，整個燒賣都很美味！鮮肉小籠包方面，小籠包內的汁十分美味！而且鮮肉都很好吃，very good！鮮人參燉竹絲雞方面，湯不太油膩，而且有人參味，不過不會太苦，竹絲雞的味都滲透在湯中，很好喝！栗蓉焗布甸方面，布甸只是暖和，但十分美味，作為飯後甜品就最好不過了！價錢方面，鮮人參燉竹絲雞$48，蝦餃，燒賣和鮮肉小籠包都是$32(4粒)，栗蓉焗布甸$26，茶位每人$5，另收加一服務費。2人總共$198，價錢都比較昂貴，但點心這麼美味，值得的。總結來說，這間餐廳的點心和燉湯都十分美味，大家可以試一試啊^_^…查看更多

我已經很久沒寫食評了, 今次激動了我的神經.話說我朋友一家3口從澳門來香港探親,順道找我這個老朋友食飯.因為有bb, 所以找間比較好的餐廳,於是兩日前電話預訂了7:30pm,但我已早到少許攞位, 但不知何故要我們不停地等, 我見比我遲來取了飛的人也安排了入座, 但他們一直都安排不到位子,我見很多人已埋單,他們一直都不理我們, 我真的很激氣, 要嘈他們, 等副7:50左右才入座,我不明訂位有何意義,不知所謂的食店.再講番d食物, 覺得好吃只有 蝦餃,  燒腩仔,  焗海鮮飯都不錯的.不好吃的有...如下,  雞絲粉皮-d粉皮好乾 , d麻醬好甜, 一d都唔好食.另外叫了 醉雞, d雞皮好厚,d酒唔點解有d熱好怪 ,  烤夫味道可以喇,個娃娃菜中規中距, 最後食了糖不甩係好味的 和紅豆椰汁糕賣相精美.總結來說,不會再去光顧囉, 食物再好, 無服務都係假, 講完.. …查看更多

星期六好想食小籠包, 就諗起V CITY有利小館, 聽同事說TIME SQUARE的利小館好有水準, 食物好好味, 咁諗住去屯門分店應該不會很差吧, 再加上是利苑集團, 點都唔會差吧.我們兩個人坐係一張六人枱, 同另外兩個人撘枱. 已經覺得原來要撘枱的, 之後未執枱, 旁邊兩個人一直在等開位, 應該都等左一段時間, 抺枱的男仕應又求其, 抺完我個位仲有豉油, 抺枱一個人, 攞餐具一個人, 攞茶又係一個人, 有冇咁多人服侍呀. 感覺已有點混亂.我們點左四樣嘢, 小籠包, 雲吞雞, 皮蛋豆腐同埋荷葉飯, 因為張枱係有編號的, 所以把點菜紙給了一女仕應, 等等等左好耐都冇嘢食, 但隔離張枱不停的聽到食客跟仕應說是送錯, 食物不是他們點的, 看上去的有點熟, 好似是豆腐及小龍包, 但一直在行去其它枱, 所以冇為意, 那動作重覆發生了三次, 那一籠小籠包及豆腐行了三大個圈, 我諗唔會係我的吧. 追仕應我們的單, 原來是落錯左, 唔知去邊, 但過左一陣攞番那行了三四個圈的小籠包給我們, 我話這小籠包已乾水及凍晒, 點食, 叫佢再整, 豆腐佢照放下來, 說豆腐是凍食的, 但咁行凍都變唔凍啦. 先食豆腐, 好細碟呀, 都滑身的, 皮蛋切到好好好細粒, 跟我想像中的差好遠. 平平無奇.之後又等等...再問, 仕應又走埋嚟問我們欠咩, 那雲吞雞又係行左幾個圈先俾我們, 已半凍, 但佢話係熱的, 味道都OK的, 有雞蛋絲, 雲吞幾粒, 雞脾一隻, 雲吞是小小的, 有蝦的, 普通啦, 可能唔夠熱, 所以差左少少啦.之後又有另一個仕應又走埋嚟問我們欠咩, 又重覆講一次, 才說荷葉飯賣晒, 叫我們食別的, 揀蒸飯又話要等半小時, 之後再問小籠包, 又要等10分鐘, 我立即埋單走人.這一餐飯食左一個多小時, 但受了很多氣. 沒有想到利苑會這樣, 非常失望, 我最終都食唔到想食的小籠包呀.…查看更多

因為有個APPS可以攞定飛, 唔駛企定定等位, 可以一路行街一路等位好方便, 所以都幾鍾意嚟呢個商場食嘢, 是晚又嚟利小館晚飯次次嚟都會點呢個焦糖排骨, 個面炸得鬆脆, 加埋啲麥芽糖, 好正~呢個第一次點, 味道OK啦, 不過啲蝦就太細隻了, 又唔夠蛋黃香 (所以食落又冇咁油膩)呢個麵就嘛嘛嘞, 基本上係一個炸麵餅再加一個芽菜肉絲獻汁, 炸到太乾個汁又太杰...個布甸次次嚟都食, 唔太甜, 加埋啲栗蓉, 都幾'飽肚'呢個亦係次次嚟都食, 因為紅棗味濃, 唔太甜, 蒸得好煙靱, 正呢度啲嘢碟頭比較細, 兩個人嚟都可以點幾樣嘢食, 座位都算濶落, 所以都會成日嚟~…查看更多