利小館 (已結業)

今天下午，和爸爸到利小館飲下午茶，二時十五分到達，可能並非週未，不用等位，還有卡位座。我們點了一份下午茶餐，另加一籠點心，最驚喜的是有咖啡飲。1. 下午茶餐D ($68)- 鮑汁飄香荷葉飯: 有雞粒，豬肉粒，冬菇和瑤柱絲，不肯定吃到鮑汁，不過整體味道不錯，熱辣辣，有荷葉香。- 蜂巢芋盒: 有冬菇和豬肉，芋蓉厚度適中，沒有油膩感覺，好好吃。- 竹蔗芧根水 (忘記影相): 給爸爸的，他說好飲。2. 蜜汁半月叉燒包: 用上東坡肉的蝴蝶餅，包成半圓形，外形新鮮討好，味道本身不錯，不過叉燒餡會比傳統叉燒包少。3. 鮮奶咖啡: 我不飲茶，平時到茶樓只會飲水，難得今次可以一邊吃點心一邊飲咖啡，而且咖啡香濃，絕對為利小館加分!不單食物有水準，職員服務態度亦都好，而且用we chat下單，正價食物有九五折優惠。還有其他食物想試，會再幫襯。

不嬲好鐘意食中菜 💓焦糖排骨 $48大推介!😍每粒排骨脂肪比例都一流 不會乾爭爭 炸皮薄而脆身 沾上焦糖醬和沙律醬 一口一粒 一定要趁熱食!卡邦尼蝴蝶粉 $42卡邦尼汁稠度適中 好creamy😋健康系列 👇羽衣甘藍橙茄沙律 $32 🥗之前飲過羽衣甘藍汁 受不住那陣澀味 幸好這個沙律絲毫沒有苦澀 開胃又健康👍🏽 🌈彩虹藜麥沙律 $32🌈藜麥應該很多人都聽過 個人頗喜歡其質感咬口 😆櫻桃小鮮茄 $38🍅忍不住口密密食!!巧手之處是已去皮 小鮮茄非平時常吃到的品種 而是非常厚肉 加上柚子汁浸泡過 開胃又健康杏汁燉白肺 $55 (位)圖中不只一位 😆 湯水向來是利小館主打 果然名不虛傳 非常足料 白肺加上雞 燉出來的湯水有種黏口的質感 😍😘 爽脆海蜇 $38一向喜歡海蜇的口感 😋楊枝甘露 $30不會偏甜 每啖都有芒果和西柚互相中和 精燉牛皇濃湯配麵 $88🐮🐄這個又是大推介 濃湯牛味濃郁 但又很清徹 不是滿泛油脂 牛筋 牛腩 牛 不同口感 正 👍🏽

今日同爸爸慶祝生日，選擇黎到利小館去食飯。一坐低，店員就同我地講用手機點餐有九五折，好奇試一試其實都還算方便。望咗Menu一陣之後，我哋叫咗牛肩肉、素鵝、燒肉、馬拉盞炒什菜同埋一個荷葉飯，當中我認為牛肩肉最出色，食到唔停口。最後我哋三個人食咗$400左右，每個人都食得好飽，價錢都中規中矩，算係唔錯嘅一餐。

早前因利小館太多人，唯有改入利苑，今次星期天爸爸特然說不煮飯，我們一家三口六時來到利小館，不用等位，真好彩。一開始，我們共點了六碟菜。1. 三層肉: 皮脆但偏硬，而且比較鹹，有點失望。2. 清宮燒安格斯牛肩胛: 牛肩胛軟腍好吃，配上醬汁更是一流。3. 星州醬軟殼蟹伴法包: 軟殼蟹幾大隻，三個人分都夠吃，不過和星州醬汁就不是太夾，法包微暖又脆，反而更吸引。4. 湖北黃金蝦: 全晚比較失色的一碟，蝦煮得比較乾身，鹹蛋黃味又偏淡，要拆殼亦不方便。5. 咖喱牛腩飯: 牛腩和牛筋都煮得腍，不過咖喱不夠香。6. 四川擔擔麪: 平時我不喜歡帶酸味的擔擔麪，這兒的擔擔麪雖然有點酸，但味道又不錯喎，而且花生醬味濃郁，很好吃。每碟份量不多，大家吃完覺得意猶未盡，於是再點多兩碟。7. 卡邦尼蝴蝶粉: 難得在中式酒樓有西式卡邦尼，一於試吓。除了煙肉外，還有切粒的三色椒，不過醬汁沒有一般的"杰"，我還是比較喜歡西餐廳的卡邦尼多點。8. 蛋白杏仁茶 (每碗$25): 杏仁香濃又不太甜或太稀，值得推介。 

利苑集團當然有信心保證！新店走工業風，又大又舒服！加上新既fusion菜式味道非常好！最欣賞幾款前菜！尤其櫻桃小鮮茄！鮮甜既車厘茄又甜又多汁🍅 另外，兩款沙律- 羽衣甘藍橙茄🍊 同 彩虹藜麥沙律🥗 都好淸新！海蜇同炸小排骨亦好味道！D湯同主菜都好正🍲，杏汁豬肺湯、石鍋人蔘濃雞同 牛皇濃湯 全部好多料，超滿足！卡邦尼蝴蝶粉都好彈牙！楊枝甘露同士多啤梨特飲蘇打亦不會太甜！所有野都好食！加上價錢合理！一定有下次！

小妹生日，中午吃了壽司師傅發辦，晚上來些重口味點的吧，走了半個商場已9:30仍未有定案，最後發現利小館新開幕，有特別優惠菜式，當中的焗龍蝦甚為吸引，於是立即決定入座。用Wechat點菜埋單便會享有折扣，這做法在内地很盛行，既方便又環保。我們二人共點了四個菜，先來每人半隻 芝士開邊龍蝦（半隻）（正價$98）（$78限時優惠），龍蝦肉新鮮彈牙，肥美飽滿，芝士香味濃郁，蝦頭有點膏，我倆都吃得十分滋味過癮，滿足。香檳汁海鮮焗飯（$52）芝士香檳汁香濃，配料有蝦仁和貝柱，雖然是急凍海鮮，但完全沒雪味，整體來說滿意。XO醬炒蘿蔔糕（$33），比較普通，XO醬不多，整體來說一般，可接受啦。乾清棗皇糕（$30）味道清甜，棗味恰到好處，口感軟糯，喜歡。（只要上載利小館出品的相片於facebook並分享，便可獲贈，不要錯過）

原本以為是屬於利苑集團旗下應該質素不會太差。 只可以說試了一次之後永無下次。 炸物如： 春捲，芋角又韌， 又不新鮮。 一定是午市剩下來。 其他小菜如 菠蘿生炒排骨 。他不是排骨而是豬扒。 魚香茄子煲好像油浸茄子一樣。 韭黃炒鱔糊， 鱔條只有數條。 燒腩仔從未見過那麼細粒。是正常份量的一半，全晚晚飯中只有那個荷葉飯 還可以。 其他食品價錢又不便宜分量又小，又不精緻。 一點質素也沒有。 場內又嘈，又逼夾， 空調也不夠。 真是很失望的一個晚飯聚餐。 以後永遠也不會再幫襯。

提早慶祝父親節，全家人第一次惠顧这食店就中伏了，食物質素勁差，春卷及竽角简直很不新鲜，不熱及不脆，至於其他食物，份量很细和味道差，令人極度失望。但价錢绝对不便宜。九个人食了九百多元仿如没吃東西一样。结帳后大家去了麥記再吃一頓才填滿肚子!元朗利小館这食店連一般茶歺廳水準都没有，真是令人吃得一肚氣，真的没想过这食店的質素那么差勁!所以大家千万不要光顧这食店衷心希望这店能夠認真注意食物的質量問题，作出改善!

對利苑印象都係一間高級酒樓，好似適合同長輩食飯，無特別都唔會要去，同埋都係新年食佢嘅棗皇糕。呢排知道利苑旗下有間叫利小館，就係元朗利苑隔離，見YOHO佢地新開張，就去左食啦。去到已經7點幾，排隊等位，咁岩安排到坐卡位YEAH! wechat落單仲有95折!!!點左蘿蔔絲酥餅、南翔小籠包、焦糖排骨、上湯焗海蝦煎麵，仲有一個燉湯。燉湯同蘿蔔絲酥餅好快就上左，一盅燉湯2個人Share都OK同足料，蘿蔔絲酥餅同出面其他酒樓比唔平架要成$33，但想食都照叫啦，個質素對得住個價錢嘅。之後小籠包都唔錯，皮夠薄。煎麵夠脆身，焦糖排骨有少少肥，唔經唔覺嗌左咁多炸野，好邪惡呀。開張呢輪仲有$10棗皇糕優惠，個優惠都有幾多步驟，再要每人食夠$100先得，好彩我地都夠，棗皇糕真係好好味，宜家諗起都想食呀。

選擇不太多但點心廚師還不錯的。畢竟是利園集團旗下食店，只是走年輕路線而巳。蝦餃夠乾身不會太大粒咬到甩皮甩骨，剛好一口一粒，夠彈牙。👍🏻👍🏻👍🏻燒肉是我必點的，雖說$79得9粒骰仔咁，但貴精不貴多，咁細粒都肥瘦幾層分明，塊皮脆到餅乾咁！👍🏻👍🏻👍🏻👍🏻👍🏻不一定飲茶，我老爸叫了奶茶，我叫了薏米水。是不錯的選擇。今日做promotion用wechat自己落單95折，慳錢慳人手，自己又清清楚楚睇到有冇落錯落漏單，錯漏係自己抵死，唔駛勞氣去鬧人，又有折。 科技與時並進，抵贊。