利寶閣 (已結業)

聽到蘇絲黃係電台係咁讚，諗住佢都叫有教人煮下野食，應該冇死。 見到廣告都話一人一隻奄仔蟹，咪訂枱一家人試下。 坐低左，叫佢上住隻蟹食住先啦，個經理話我地訂枱時冇講話要蟹所以冇，只可以比龍蝦... 吓，但係個廣告寫明，訂枱都有問係咪一人一隻...佢地話係我先訂枱... 同個經理理論一番之後先後先比番一半蟹我地，另一半人都係比半隻波士頓龍蝦...咁我地食得任食，咁咪咩都試下啦，生炒骨，抄牛河，點心，乳鴿，水煮魚，蛋散，十幾廿種野食，得乳鴿正常，其他都唔好食，好似去左啲低價酒樓咁。 點心，冇蝦餃，冇燒賣，冇蒸雞，得啲又平又飽肚既奶黃包，叉燒腸，馬拉糕，仲要唔太好食... 諗住算數，北京填鴨應該唔會差掛...第一，皮太油，第二，唔脆，第三，唔熱。食左一件已經唔想拎第二件。 都算，諗住叫多Round 乳鴿，佢話賣曬... 你個場都唔滿既，咁都賣曬... 不過最一肚氣既就係，我叫左6支啤酒，$28 一細支，比錢張單入左9支，咁同個經理講啦，佢竟然超差語氣咁話：「係入左9支」。 我地叫佢check 下先，佢竟然叫個亞姐來，大大聲問：「佢哋叫左幾多支呀」 咁亞姐當然話6支啦。 咁個經理就好差語氣咁講

上次食過點心放題，今次就選擇試下中菜放題。放題每位$298每位送一份花膠響螺雞湯+原隻鮑魚花菇+時令奄仔蟹一隻。仲有京式片皮鴨任食，又有煎，炒，煮，炸，炆，焗和甜品等種類有幾十款任食。京式片皮鴨任食，鴨肉皮燒到好香肉又嫩，又可以自己拎配菜來包，又有醬汁包住片皮鴨的皮又不會太厚又煙韌。清蒸奄仔蟹蟹肉好鮮甜，肉飽滿肥美又新鮮。花膠螺肉雞湯，有一大塊花膠，又有螺肉和雞肉真是用料十足，湯好鮮甜美味可口。原隻鮑魚花菇，鮑魚炆到好入味又彈牙，花菇又好香。石岐燒乳鴿幾香肉質嫩又不會太肥，鹵水腎片好入味又爽口。芝士年糕炸到金黃色又啖啖芝士，咬落芝士味濃郁。宮保蝦仁炒到好夠味道，脆肉瓜爽口，蝦仁又爽口彈牙。流沙奶皇飽真是流沙，飽又軟熟又美味可口。芒果布甸又不會好硬。

入到利宝阁，里面的室内装潢，晶燈串串，光华耀彩，店员的优质服务态度，令我想起宋‧辛棄疾的一首诗：東風夜放花千樹，更吹落，星如雨。寶馬雕車香滿路，鳳簫聲動，玉壺光轉，一夜魚龍舞。《青玉案‧元夕》但是，這集的主角并非心中的伊人，却是利宝角的美食，既是色香味俱全，亦是包涵了多元化的选择，都系300有找，真的是性价比高了吧。观塘这间分店的烧乳鸽外脆内软香，真想多吃几只。不过，重点可算是这道蚝汁鲍鱼，鲍鱼可真有嚼勁。淹仔蟹鲜甜可口。

食放題已經不再是日韓的趨勢，現在連中式也可以吃放題，2小時共55款煎炒煮炸等等，仲有好多款甜品每位會包一碗花膠響螺雞湯，熱辣辣入邊都好足料，味道唔錯，無味精原隻花菇及鮑魚，同樣是每位都會奉上還有每人一隻是奄仔蟹，唔好睇佢細細隻，其實入面有好多膏，新鮮蟹之後就食片皮鴨，任食！！雖然不能吃太多，但職員會即切放在碟上供客人享用，醬汁，京蔥，連蜜瓜都有，美味多款「炆」系列中的食物放在當眼位置，當你下單後，店員便會走到鍋前取出食物鮑汁鳳爪，沙薑雞腳，乳鴿，燒腩仔，煎釀尖椒，味道唔錯，如果在午飯時間點這幾樣食物，價格也不便宜，但現正是任吃的流心醉蛋，咕嚕肉，干炒安格斯牛河，沙律海鮮卷，椒鹽脆皮雞翼，前者的流心醉蛋賣相雖然普通，但入口頗濃酒味的，確實不錯，咕嚕肉唔會淨係得炸粉，同食小菜一樣除了片皮鴨，還有部分甜品放在大堂供客人享用任點餐牌中有12款甜品，女生們有福，連楊支金露都有得食！抵！

之前係網上見賣廣告話有中試放題~~有片皮鴨..又有鮑魚..又有花膠湯..好似好吸引咁.今次係第一次食中菜放題, 試完之後完全有陰影..本身以為叉燒燒肉應該都唔差...點知原來普通燒味都可以咁差!!燒肉塊皮淋哂...酸菜魚難食~~d魚好臭泥味...預先book左,每位都有鮑魚"仔", 無味嘅花膠仔湯,,同奄仔蟹..但係見隔離枱walk in有龍蝦...😱 咁我另願walk in....叫左醉蝦, 鮑汁鳳爪, 紅油炒手, 都冇黎過...同個侍應反映,佢"哦"完就算...好嬲...冇叫過果d...佢又俾我哋唯一食得落下係個奶黃西米撻..咕嚕肉..fb介紹果d片段完全失實..整體食物質素差!!冷氣超凍想趕客咁....

佢哋嘅花膠雞湯都好推介，雞湯入邊大概有三件花膠，不過重點係佢哋嘅雞湯好濃，感覺上飲緊啖啖精華落肚。冬菇鮑魚，個鮑魚煮得啱啱好，唔會太老， 切落去咬落去都好彈牙。另外冬菇都唔錯， 仲配左條生菜。

喺團購買左呢間既放題.三個字形容： 好難食個湯雖然足料有花膠，螺肉，但真係好咸。叉燒個肉質好差，乳鴿好細隻，冇肉得塊皮。好多小菜例如花枝丸，水煮魚等等都好難食，🤮🤮食到太嬲所以相都冇影到🤬🤬🤬🤬最經典都係蟹，三隻都有異味，完全食唔落口，但侍應都好好叫廚房蒸多隻比我地點知，都係腥同有異味。😑😑其實係咪啲蟹一早已經變壞左？😅😅😅呢間酒樓自稱高級食府，價錢唔平，加埋一每人都要三百，我真係唔明點解食物質素咁差都可以咁多人食同咁多分店👿

今日趁住星期日就同兩老嚟飲個茶 順便提早慶祝埋母親節啦 鱷魚恤中心成幢咁多酒樓 今次就揀咗九樓呢間利寶閣👍🏻十一點到去到酒樓 發現唔係好多人 唔駛等位 原來餐廳唔係開咗好耐 假日好似十點先開門 坐低咗一陣都開始陸續坐滿😮合桃叉燒批 呢個批好有驚喜 我覺得真係好好食 個外層好鬆化 裡面嘅叉燒份量啱啱好🐷 成個感覺好飽滿椰香酥脆蛋散 唔知係咪放咗一段時間先食 覺得唔係太脆 口感唔算太好🤧原隻鮮蝦腸 腸粉幾滑 蝦都幾大隻😻香煎素鵝 呢個幾大碟 餡都幾多 外面煎得幾香口叉燒楊州炒飯 啲飯炒到粒粒分明 夠乾身 叉燒都算係幾大粒 唔會太碎 總括嚟講係坐得幾舒服嘅一間酒樓 侍應態度尚算不錯 下次有機會會再嚟😛

今天約咗幾個朋友晚飯敍舊，就在官塘鱷魚恤大廈九樓那家利寶閣晚飯，一入門口，被那新浄光鮮的門面吸引，而裏面座位和燈飾也是感覺輝煌！見套餐也豐富而實惠，於是點咗個四人餐！（$688）四人餐我地揀片皮鴨兩食，海鮮類就選清蒸金尾班，兩個小菜就選脆皮燒汁雞，粉絲蝦干雜菜煲，另加五十蚊揀咗個杏汁白肺燉湯！各款菜式份量夠大，四人食唔哂！片皮鴨味道唔錯，但兩食果個炒鴨肉就唔吸引，食剩哂！燒雞可能醃的時間耐咗，味太咸，沒有雞肉鮮甜味！粉絲蝦干雜菜煲疏菜份量夠多，味道唔錯！杏汁白肺燉湯材料豐富，有瘦肉，雞腳，菜干豬肺等等，湯味有濃郁杏仁味，可惜湯面浮了許多黃油，令賣相欠佳！蒸魚火候掌握得準確，沒有過火，魚肉質也鮮甜嫩滑！飯後甜品是紅豆沙，水準一般，而且只是微溫而不夠熱，要扣分！整體而言，這套餐價錢不算貴，份量也算多，如果能注意改善一下食材出品，才有進步！

We made reservation for half a roast duck served Peking style the night before. Upon arriving tonight, we were seated quickly and eagerly await our Duck courses. Minutes later the manager came over and announce that duck is sold out, asked if chicken was ok. Then proceeds to change our duck to chicken. Normally I remove chicken skin and down the trash, we don’t eat chicken skin! Our other dish of shrimp stir fry was awful, shrimp was smelly and slimely, they changed that to fish after compl

星期六要返半日工 岩岩好1點放工可以去飲個下午茶約齊爸爸媽媽一齊去apm嘆茶 一向都係去鱷魚恤中心9樓飲 有一段時間冇黎 原來已經轉左黎到門口難得下午茶時段都冇咩人等位 咁就入去試下啦款式比起其他酒樓 真係小款D 但最基本既野食都有既我去飲茶 一定都會叫點心三寶 蝦餃,燒賣,山竹牛肉媽咪同爸爸就叫左 金菇牛肉腸粉 排骨 北菇棉花雞 咸水角對我黎講 其實算叫得小野 平時我同媽咪兩個已經叫左8樣餐杯餐碟都好靚 好多花花~但唔明點解餐碗會變白色 冇曬圖案?呢到好大 柱唔多 都幾岩結婚用~但見到D價錢就貴 最平9千幾一圍可能佢仲有其他餐牌冇放出黎掛~ 睇下睇下 野食都到啦咸水角有三粒(因為食左一粒先記得影相)外皮暖熱啱啱好, 好軟熟一咬就開, 中間D饀都係舊式味道燒賣大粒 蝦大隻 肉多~皮薄饀靚 唔錯蝦餃皮厚 蝦細隻 整體唔太好味><"金菇牛肉腸粉基本上冇金菇 牛肉比較小 嚴格黎講莞茜仲多過牛肉 皮又唔算薄山竹牛肉不過不失 唔會太硬 都係咁上下排骨肉都算多 又唔多肥肉 唔會好難先咬得開 推介北菇棉花雞D雞可能蒸左好耐 好淋好散 冇咩雞味 棉花就好好食 好入味D野食都算黎得快 全