影片
我大伯今日用3月23日天后宝诞$85代用券换烧鸭同埋叉烧，呢间铺的一肥一瘦男职员对我大伯态度极差。肥的唔采我大伯，瘦的那位职员同我大伯讲咗8次系咩、系咩呀﹗扮唔知我大伯想换烧味。我大伯用代用券消费啫，唔使咁对佢嘛……消费者有权用代用券㖞，最后我大伯唔买啦，怕呢两位职员斩咗唔知乜比我地食。我一家应该唔再帮衬，唔比机会佢地。管理好有问题，价钱平抵食都唔使服务态度咁差嘛。劲嬲
继续阅读
今日佛诞，全家人不在家，得返自己就求奇食啲野，又系涯饭盒嘅日子，其实呢，烧味饭几好食，都唔可以用涯黎形容嘅。去左利兴买双并饭，无非系贪平，加上佢周围都系分店好方便，做到梗有一间系左近咁。真心，廿蚊一个双并饭盒仲想点呀，今日要左叉肉饭姜蓉多色，仲有条菜送下添，个样都几靓仔呀。叉烧偏瘦同硬，今日失准啲㖞。烧肉就几好，层肥层瘦个皮又脆。饭够多，软硬适中，饭味就无乜啦，所以要捞姜蓉同叉烧汁食啰。好似好几年无加价啦？抵食！！
继续阅读
烧味双并饭盒，小时候十元，现在平极都十五十六元，这家虽然十八元，但质素相当好。叉烧，看似非常瘦，然而咬落松化，薄薄的，又不痴牙。不是夸张，可能比某些名牌烧腊店更佳。烧鸭，更出众。乍看大大件鸭肉，皮薄脆。咬一下，几乎爆汁。有两件是肥膏的汁，不吃得。但其大件鸭肉亦蕴藏不少肉汁，肉大而多汁，美味！香而不腻！排队时，店员没有因本人后面那男子先高呼“烧肉鸡”而先弄他的饭盒。取而代之，店员有礼的问我要甚么，并因饭盒内已有姜荵而问问我会否介意。十八元的饭盒店，在关门前仍然保持礼貌服务，值得表彰！(友人表示俊贤坊也有一家相同名字的烧腊店)
继续阅读
今日中午晏左食饭，差唔多二点半途经上述地方，谂住平时经过咁旺，就走入去尝试第一次。我最初谂住咁平民格局，可以讲系地踎式食店，应该系烧味食物好平啦! 尤其好多烧味铺生意争到头崩额裂，仲以为一碟双并饭 + 饮品，应该唔过 30 蚊添! 因为平时深水埗食堂食烧味饭，双并连埋冻饮都唔过 27 蚊。入到去争啲跣低左我，地下劲油腻及湿滑，之后小心翼翼踩住红色胶地毡行先安全。我坐低卡位，卡位尚算宽敞。 叫左【叉烧切鸡饭 + 冻奶茶 = HK$33元】。大约几分钟碟饭到，切鸡碎湿湿、都唔知系鸡脾定鸡翼?因为实在太细件及切得太细小，我自己有煮开鲜鸡，及亲自斩开鸡o既自己都分唔出!!! 鸡肉都几嫩 ok ，鸡骨仲有血红色，证明都几新鲜。饭上有一匙羹葱茸，白饭底有几梳唐生菜，唔错几健康丫! 叉烧就最差，色水唔够好浅、又干又冇蜜饯味，好似街市平价货咁，唔掂。 【冻奶茶】几大杯唔错， 10 分满分值 7 分，比好多茶记好。我开始食左好多啖饭，突然有一位男客人搭枱坐我卡位对面，佢叫左饭之后有例汤送，我望匀全场都有。以我一向钟意饮汤o既我o黎讲，突然觉得有冇搞错呀? 个个有系得我冇??? 正当我想出声查问时，阿姐好醒目问我饮唔饮汤，我就即刻话饮啦! 碗例汤系冬瓜煲猪骨，当然饮落实唔少味精啦! 不过冇所谓啦免费，都几清甜汤水唔浊，唔似一般烧味铺例汤，鸡鸭猪...头头尾尾大兜乱煲咁难睇先，唔错!不过我下次都唔会刻意帮衬，始终我一向钟意食较健康食品，烧味饭肉多都系冇乜益。不过间唔中食一餐都可以，现场有部大电视，下午饭市过后去坐耐少少，同朋友倾闲偈都唔错，不过千祈唔好带女朋友去，唔系实投诉都似。
继续阅读
利兴都算系我在元朗的饭堂之一, 无他, 价格便宜, 出品亦算ok不论午市 / 晚市, 单拚烧味饭 + 汤 + 饮品, 都系HKD25, 双拚HKD28, 系元朗, 已经好少地方的晚餐可以在30蚊楼下了 (食面除外)虽然价格便宜, 但出品都算唔错的, 寻晚八点去到, 层皮还算系脆的,,再配以 烧鸭, 就成为美味的烧味双拚饭了如果入座时间尚早, 送的例汤内还有大大旧猪骨的, 好似寻晚甘迟去的话 ,只能系得到一碗无乜料的例水了.环境 : 一般烧味舖的格局, 地下比较滑, 出入要小心收费 : 我认为非常便宜招呼 : 算系唔错了
继续阅读