別忘了

营业中

休息中

應該係太和商場第一間嘅火鍋放題店。 大埔友嘅我食飯又多一個好選擇！由太和港鐵站大堂出咗玻璃門，一直向左邊行到最尾就會見到。 餐廳開放式設計，門口仲有賣外賣台式飲品。場內環境明亮，食物排列有序，有好多選擇。仲不時見到店員會整理清潔，整齊度滿分 。店內以櫻花樹做裝飾，多數都係卡位，亦都有高腳枱，坐得幾舒服 。 四個放題套餐選擇，有90同120分鐘揀 。揀咗「澳洲M7」套餐120分鐘。湯底提供11種選擇，揀咗「鰹魚昆布湯」同「椰皇雙子鍋」，「椰皇雙子鍋」用咗新鮮椰皇水，清甜又帶陣陣椰香，唔錯。 牛肉嘅質素穩定，「澳洲M7牛胸腹」肥瘦分佈均勻，肉味濃 。鍾意「日本鹿兒島茶美豚梅肉」自然甜香唔肥膩，每片切得薄薄的，值得一試。珍珠奶茶必點，鮮芋奶綠有唔少芋頭，用料足。甜品有雪花冰、即製窩夫等。每人更有一個movenpick雪糕，大滿足！

已經好耐冇同老公出去食飯，見到太和開咗呢間台式火鍋，即刻叫佢陪我嚟試吓，知道佢哋有分店喺天水圍同荃灣，但之前都未有機會試到，餐廳除咗火鍋都有便當同麵食。火鍋套餐分別有四款，兩位起可選用鴛鴦鍋，我哋揀咗Set B 澳洲M7牛胸腹，湯底揀咗台式壽喜燒同惹味沙茶鍋。都有幾多嘢食揀👇🏻澳洲M7牛胸腹|澳洲250日穀飼卡樂Beef精選牛板腱|日本鹿兒島茶美豚梅肉西班牙栗飼豬梅片|羊肉卷以上可以無限量追加，任食超過大概50款火鍋配料，任飲超過15款飲品，仲有多款台式小食同甜品，另外每位包一個Movenpick雪糕/其他雪糕/雪條。我地食咗超多嘢，夜市甜不辣、澎湖花枝丸、台灣香腸、台南府城蝦捲、阿嬤金錢肚、台式墨魚滑，真係好有台灣嘅味道，令我更加掛住台灣點咗幾次澳洲M7牛胸腹和牛板腱，完全滿足咗我想食肉嘅慾望，最後甜品老公揀咗樂天榴槤味雪條，我就揀咗Movenpick士多啤梨味雪糕，大滿足！

上完堂，之後梗係要食返個台式火鍋甜品放題🥘，朋友超中意食別忘了，見到太和站新鋪開張 ，一定要嚟朝聖一下😉店內裝修新式，周圍環境也是以櫻花樹下為主題🌸，配上木系簡約設計，感覺置身於櫻花林內，座位寬闊，感覺舒適優雅👍🏻 用QR CODE落單👍🏻今次由於太過肚餓既關係，所以夜晚食120分鐘既SET B 😋時間充裕，食物選擇多，包括火鍋肉類🐖🐂🐑 、火鍋配料、台式小食炸物、台式手搖飲料🍹🧋、甜品🧇🍰 、雪糕🍦等等，職員會定期幫助收碗碟餐具👍🏻係適合同朋友小聚聯誼👭和回味去台灣旅遊既地方SET B 120分鐘M7澳洲牛🐮set 〔真心推介😋〕 $308火鍋湯底有十款湯底選擇鴛鴦鍋 - 惹味沙嗲鍋&台式壽喜燒👍🏻 不用額外加錢👍🏻 惹味火鍋肉類🥩 6款 - 牛🐮豬🐷羊🐑包括- 澳洲M7牛胸腹、澳洲250穀飼卡樂Beef、精選牛板鍵、西班牙粟飼豬梅片、日本鹿兒鳥茶美豚梅肉、羊肉卷重點食牛和豬為主😬✔️ 澳洲M7牛胸腹〔真心推介😋 〕👍🏻 嫩滑👍🏻 牛味濃郁✔️ 精選牛板腱〔推介😋〕👍🏻 肉質結實👍🏻 牛脂感少✔️ 茶美豚梅肉〔真心推介😋〕👍🏻 薄切👍🏻 有口感👍🏻 嫩滑、肉質鬆軟✔️ 羊肉卷〔真心推介😋〕👍

期待咗好耐太和有任食火鍋店嘅我，好開心原來係別忘了過嚟開舖🥳🤩，之前已經喺荃灣食過，感覺係最地道同服務最好嘅火鍋店。今次午市食佢嘅定量火鍋，真係超抵食，150 gm 牛肉感覺比出面燒肉店嘅150gm 多，而且啲肉質好明顯係靚啲。 雖然話定量火鍋，但其實只有牛肉定量，菜、丸、甜品同手搖飲品都係任叫，基本上$100係好多回本位，例如先飲兩杯手搖飲品都$50 ，窩夫同甜品各買一客又回$40元.所以我覺得係超抵食。最重要係啲料同菜都係新鮮有揀過，唔係街市貨。所以平時中午見到都係成日排隊。以後得閒食吓元氣，肚餓就食吓別忘了！！

朋友住附近同時都係台式火鍋控，一直都期待呢間新店開張！而家已經係試業階段，已經開始見到人排隊探店，當然我哋都唔可以執輸😆睇返價格都覺得非常合理，佢分咗90分鐘一個價位，120分鐘又另一個價位，對於快食快走嘅客人嚟講，絕對係一個佳音，而火鍋湯底口味亦都幾多選擇。外場放滿曬醬料、蔬菜、丸類、麵類、熟悉嘅區域，全部都乾淨企理，夠曬新鮮👍🏻我哋點咗個中價位嘅套餐，湯底方面點咗椰皇鍋同壽喜燒鍋，牛肉主打牛胸腹同牛板腱，兩者比較我會比較推薦牛板腱，感覺牛味較濃而且口感較佳，最重要嘅一點係冇咁多脂肪。驚喜位係有好多唔同嘅手搖杯可以選擇👍🏻某啲甜品會有限量，而非限量嘅甜品我亦都十分推薦，窩夫仍然保留到脆口，雪糕口味亦都非常不俗😋

櫻花樹下的火鍋放題餐廳以櫻花樹做主題，在場內多棵櫻花樹。由於食物種黎甚多，小編都唔一一介紹啦！有一些食材及醬料是自助的以下介紹的都是用QR code內點選的🌸肉類方面：小編最愛 #澳洲M7牛胸腹 ，牛味重，快熟嫩口； #澳洲250日穀飼卡樂Beef 油脂甚少，所以唔會油膩； #日本鹿兒島茶美豚梅肉 超嫩滑。🌸炸物方面：款式都多元化，每款都有點，特別愛吃 #榴槤炸蛋 同 #小雞扒 夠香脆肉質有咬口🌸飲品方面：超多選擇，仲可以揀微冰、微甜。還有些固定甜度的，但都唔會太甜。🌸甜品都有十多款，小編最愛 #檸檬愛玉凍 及 #飄雪世界 在炎熱天氣裏終於可以食冰啦！======詳情======別忘了 (太和)太和大埔太和路12號太和廣場西翼2樓227號鋪================

新開張別忘了,排隊排咗半個鐘,問咗經理原來廚師係台灣人,所以好期待要試下台灣牛肉麵睇吓是否地道。湯底顏色都幾靚,睇得出係肉湯,唔似出面好多醬油湯底,有誠意味到方面確實唔錯,最欣賞係用牛肋條,肉香而且都煮得好淋,裏面有酸菜有加到分.麵條都係食得出係用靚麵,唔知叫乜麵但係好滑同有彈性.套餐有包一杯嘢飲,我揀咗熱水果茶,$68抵食見到中午都好多人食火鍋, 呢一間可以翻兜,再試下其他嘢, 睇落每一樣都幾有特色.

有驚喜，飲品及食品水準高，而且雪糕用某大牌好高質，牛肉新鮮，今晚提前慶祝父親節，好彩冇揀錯，不過只得九十分鐘或者是一百二十分鐘用餐時間，有d唔夠侯，一家人聚會時間可以更長更好。