初.咖啡

营业中

休息中

少見有室外+室內的咖啡室，成間店舖好舒服好放鬆，亦無限時飲食 係真正的chill cafe ⌛️不過地點的確有啲難搵，真係夠隱世！🤔🤣前菜叫左意大利蕃茄巴瑪火腿沙律 滿滿的ham 真係唔使多講，蔬菜鮮甜新鮮 蒜香明太子意粉 可揀辣同唔辣，細心迎合每一位客人嘅口味當日我就揀咗小辣，蒜味都突出厚切薯條 呢個值得推介！新鮮人手切而唔係現成貨 熱辣辣上菜真係好正！飲品方面叫左小山圓抹茶拿鐵味道ok，泡沫比較多 ，要多飲一二口先試到味。西柚檸檬/蘋果蜜桃鮮打綠茶。飲得出係現打，唔會好甜，兩杯都幾好飲

有時夜晚喺旺角想搵間cafe 坐低慢慢傾計都唔容易🌃☕️ ，好多地方都有限時入座或者早收，今次搵到呢間「Begin Coffee」，周末開到凌晨12點，環境又舒服，仲有種日系復古 feel，絕對係夜貓子同文青嘅好選擇！📸✨🍝 蒜香明太子意粉明太子醬汁味道香濃，帶點微辣 🌶食落幾惹味！意粉口感有咬口，但偏乾身，如果濕潤啲會更好！🍗 蜜糖焗雞翼雞翼焗得剛剛好，外皮微脆，裡面仲保持住肉汁！🍯🐔 蜜糖味香濃，但又唔會過甜，唔錯👍🍠 梅子粉蕃薯條蕃薯本身甜味突出，搭配酸甜梅子粉，味道幾特別！但炸得稍為乾身～🍹蘋果蜜桃鮮打綠茶 & 荔枝蜜瓜鮮打綠茶兩款鮮打綠茶都好清甜，水果味濃，有果肉口感🍈🍎 而且茶味唔會被壓過，平衡感幾好，飲落清爽又解膩！喺旺角試過唔少 cafe，好多地方都要限時🕰 但Begin Coffee竟然可以開到凌晨，環境又舒服，算係一個難得可以慢慢坐低 chill 嘅地方！💆‍♂️☕️ 下次夜晚想搵地方傾計，應該都會再嚟！✨

每次想同啲friend靜靜地坐低傾吓偈，一講起旺角就會諗起呢度，試過中午同埋夜晚時段過嚟，長期人流唔多，所以嗌一杯嘢飲都可以坐好耐，仲要佢哋個outdoor佈置好舒服，上面有嘢遮住，又有陽光又有風，但又唔會直射，好舒服，十分推介啲人攞部iPad 過嚟做嘢

冇諗過係油麻地呢個舊樓林立既地方會有一間咁舒服既咖啡店☕️ 呢度既室內裝修好有復刻懷舊風, 室外就係園林既感覺, 加上坐坐下仲落大雨, 有種係森林好原始既體驗😂 呢度主打鮮打茶飲, 另外仲有用黎自日本Fuglen Coffee Roaster出品既咖啡豆去整咖啡, 今次叫左杯Expresso Tonic, 先落黎自日本既梳打水, 再落Expresso, 加埋杯入面既大舊方形冰, 味道剛剛好🫶🏽 甜品方面就有滑溜既抹茶布丁配上雲尼拿雪糕同紅豆粒, 味道濃郁, 配咖啡一流😍呢度天氣涼小小黎會更正, 完全可以係度同埋狗狗一齊係度Hea一日🥰

服务态度非常不好。本来准备坐下点菜，因为小孩子手里还有一点点蛋糕，非要求我们全部人都出去，在店门口把手里东西吃完再进来，态度非常恶劣，影响原本不错的心情，不建议去，请避坑

喺這間咖啡店，我真係試到一啲平民但又真心唔錯嘅美食。首先，佢哋嘅爆炸好味哈密瓜巴馬火腿，真係啖啖肉感🥓，哈密瓜嘅清甜同火腿的鹹香，簡直就係天造地設嘅搭檔啊！洗唔刻意，慳返啲詞彙，可以講係「涼快爽口」！轉個彎，另一選擇明太子意粉實在啱晒唔鍾意太辣嘅我呢啲人😌。意粉質感齒頰留香，明太子嘅海鮮味又帶出意粉嘅鮮味，實用「彈牙嫩滑」形容佢，一啲都唔過份。當然，點可以錯過佢哋嘅梅子粉番薯條呢？每條薯條紮紮實實滾滿梅子粉，個個吃落去都啖啖香酥，酸酸甜甜，又唔會太膩，真係掂晒！

被餐廳那日式懷舊風吸引而來，踏入餐廳的一刻果然沒令我失望。 周圍擺放了大大小小不同的舊式小物，為空間帶來豐富質感。 配合半露天座位，整個氛圍都令人有種放慢的感覺。 愛爾蘭威士忌咖啡 ($70) • 奶泡很綿密順滑；酒的香氣幾突出和濃郁。 • 酒的味道偏甜，跟咖啡的酸度頗配合，感覺很適合冬天飲用。 是日甜品 ($70) • 當日的甜品是 Ice Cream Tiramisu。 • 整體味道清爽不膩；咖啡、酒、奶的味道都是偏向輕盈，吃完都不會感到太大負擔。 • 口感十分順滑，咖啡比酒來得更濃一點，所以配合愛爾蘭威士忌咖啡就剛剛好。

Bookmark 初·咖啡很久，今晚終於去了。很喜歡這個地方，有indoor 及outdoor，悉隨尊便。室內是70年代decor， 有隨心隨意的感覺。絕對喜歡那些懷舊家庭屏風間隔的擺設。室外有大量植物，喜歡大自然的朋友不要錯過。Cafe 突然播放着黑豹樂隊的Don’t break my heart ! 下次可否放伍佰的Last Dance 在playlist ? 老闆很年青，有這樣的情懷，品味，很不簡單。我在香港不下去了五六十間咖啡店，大部分是一式一樣的木糸打咭cafe，竟然在旺角發現如此有個性，像那些在台灣的懷舊cafe，老闆只求做自己喜歡的事情，不求賺錢，實在驚喜，大家確實要支持如此有heart的小店。咖啡不錯，老實說，在這樣的氣氛下，本人覺得飲品是其次了，所以忘記給它們拍照。一定會再次深入探索初· 咖啡。

喺open rice諗住搵一間帶點寧靜，又冇差評嘅餐廳就比我搵到初.咖啡，諗住試一試嘅心態點知一上到去，環境有feel，好舒服，好適合閨蜜傾計談心嘅地方，而且老闆員工態度好nice鬧市中帶幾分寧靜😌😌麻雀雖小 但五臟俱全😌😌士多啤梨雜莓奶酪雖然唔太甜，但打得好飲(名唔知有冇打錯)泡菜豬肉意粉同辣椒雞肉長通粉味道剛好👀👀好食😋最最最意想不到嘅係，仲有埋甜品🍮利申我係唔係專業食評家，但真心推薦呢到👏🏻👏🏻👏🏻

想搵間靜靜哋又坐得舒服嘅咖啡店真係唔易，今日二訪呢間位於旺角鬧市中嘅小店🌱 佢算係一間高質嘅樓上咖啡店， 成間鋪頭都好靚，有少少日系風味，加上露天位，可以食煙吹水，位同位之間唔會好逼，無刻意打造打卡位，反而有種畀人可以舒舒服服吹水嘅感覺，好鍾意🫰🏻💰手切薯條 $45💰Shakerato $53💰是日蛋糕 $85📍初.咖啡地址︰旺角登打士街36號恆威商業中心4樓

我同朋友終於可以一齊入餐廳食飯(多謝防疫症策🫠) 每次一要認真靜心傾計就會黎，太耐冇黎，但美好依然我最喜愛的爆炸好味哈密瓜巴馬火腿影相好水皮的Me, 難得未食完記得影相。可能有人會覺得就咁去超市，買哈密瓜同巴馬火腿就得，點解我讚到咁誇張，我都同意咁樣食本身就已經好好味😂不過呢度嘅哈密瓜真係頂級，同埋係呢個環境，加對住你好想認真傾計嘅朋友，感覺就係唔同~好開心有唔辣嘅明太子意粉！台灣的味道！梅子粉番薯條 多謝店員幫手大力加梅子粉雖然時間短，但都係個慢慢呼吸 慢慢享受cafe環境食物的晚上🫶🏽

今次到訪一間任何人黎到首先都會比佢設計風格吸引住既樓上Cafe🎏餐廳走懷舊日系風格，周圍都見到唔少好有feel既裝飾品，絕對任何角度都影到靚相📸佢哋仲有outdoor位置，好chill下嫁🪴食物質素仲好唔錯，值得黎一試！🔥蒜香明太子意粉$128冇錯又係唔放過明太子!!呢個好食🥹蒜香味同埋明太子兩者都食到而且好夾好滋味☺️明太子份量都好多，每一啖意粉都會沾到好多粒粒，忌廉醬汁味道適中唔會太搶fo，鍾意佢都幾掛麵條👍🏻仲有上面啲日式紫菜，個人係好鍾意好鍾意！撈埋啲意粉黎食成件事好日式麵嘅味道🥰明太子可以揀辣或者唔辣，下次再嚟嘅話會試下辣，應該會仲惹味❤️🔥黑松露蘆筍蘑菇意粉$128全部配菜醬汁都好足夠，包括黑松露醬，忌廉汁，蘑菇既菌香，蘆筍煎香既鮮味，林林總總令到撈起成個意粉上嚟味道好濃郁！意粉上面仲有一片片嘅芝士，好加分🥰🔥韓式辣醬泡菜豬肉意粉$108泡菜同意粉都可以煮埋一齊感覺幾新鮮！味道都係足夠嘅，個人覺得韓式泡菜味同意粉都夾到，唔似有其他食評話覺得奇怪😆我覺得加分位係佢意粉上面個d酸忌廉👍🏻即刻吊起左成個味，如果唔係佢只係平平無奇嘅泡菜味蕃茄味意粉😙🥤蜜桃奶酪$63懇求全部奶精去到幫手

難得有假期，想找一間讓身心都可以放鬆的café嘆一嘆，竟然找到了這間風格甚有特色的Begin Coffee！老闆和員工態度亦很親切今次點了純素檸檬撻，賣相精緻，甚有驚喜，檸檬味突出，面頭的忌廉帶有椰子味，味道亦不太甜。我想我應該可以吃到兩個。另外還點了雞軟骨，平時去cafe都會想點的，我覺得這裡的火候掌握得不錯，雞軟骨香口不會太油膩。價錢亦都很合理。整體用餐體驗都很滿意和舒服，希望下次可以試到更多食物。

🎐鬧市中喘息空間🎐推介指數 ❤️❤️❤️❤️🤍藏於商廈中的樓上Cafe，鬧鐘市中喘息的空間，很喜歡這裡的環境❣️室內外佈置用心，當中不少植物，感覺溫暖亦雅緻。🍵枯山水 HKD62 - 來自#地衣菓子 的純素甜品，甘甜的抹茶作菁苔，濃濃芝麻化身小石頭，外觀精美🥛Latte HKD53 (H) - 入口溫度剛好，奶味香濃，咖啡帶點果仁味🌿Mint Mocha Coffee HKD59 (C) - 另一半每次必點飲品，涼涼地嘅薄荷配上朱古力及咖啡，如果薄荷多一點點更好總結：-食物 ❤️❤️❤️❣️🤍環境 ❤️❤️❤️❤️🤍服務 ❤️❤️❤️❣️🤍...🔖 初.咖啡 🪑旺角登打士街36號恆威商業中心4樓

♨️初咖啡旺角登打士街36號恆威商業中心4樓❤️旺角隱世樓上小cafe，商業大廈入口唔容易搵，上到去別有洞天，尤其坐戶外位放滿植物幾舒服，雖然唔算新裝修，但絕對可以relax一個下午👍🏻📌Americano coffee📌Irish coffee（偏奶味好重，唔太啱我飲，偏甜）飲品：7.5/10抵飲：7.5/10環境：7.8/10