影片
坚尼地城嘅初厨餐厅，夜晚食鸡煲，但午市有台式日式韩式饭餐。我点咗卤肉饭餐，小食系酒浸溏心蛋，可选前菜小番茄。味道唔错，米饭都系台式米，卤肉唔会太肥，啱啱好。餐厅环境舒适，服务态度好，而且价钱平靓正，午市套餐价钱亦相宜。下次都想试下其他口味，朋友食咗海南鸡饭都话好食。
继续阅读
有排经常去坚尼地城，发现开咗呢间初厨，唔只有日韩台便当，夜晚仲有鸡煲同烤鱼😯 不过暂时都净系食过啲套餐，套餐包一个餐前小食同热饮～ (最一开始仲可以自选小食，不过之后改咗)之前仲买过佢哋嘅外卖，个外卖袋（见图8)都几靓，仲可以重用😛•🥢 芝麻香油手撕鸡 配葱油拌面 $56+2手撕鸡好滑，份量都唔少，而且麻油味好香🤩不过食落有少少太油，但有大量青瓜丝都可以中和返啲油腻感～ 本身呢个餐系配饭，但我就转咗做葱油拌面，点知拌面系乌冬嚟😂 配葱油有啲怪🥲 另外配咗一小碗椰子鸡汤，味道几清，唔系味精汤，都几好饮😋•🥢 去骨海南鸡(油饭) $56因为鸡嘅质素都几唔错，再试埋海南鸡，海南鸡去骨都去得几干净，鸡肉好滑，唔会太肥👍🏼鸡件本身嘅调味就唔太够，但点埋黑酱油、醉辣汁、姜蓉就无问题；油饭就无出面见到咁黄，应该无落黄姜粉，就咁睇就同白饭分别不大，但食落油香味都几够，有啲咸味，饭粒大致都粒粒分明，但煮得唔太均匀，有啲会太腍🙈 同样配一小碗椰子鸡汤～•🥢 台铁排骨配糖心蛋饭 $52🥢 宫崎南蛮炸鸡排丼 $52呢两款都系炸物，但炸物真系有啲失望，排骨同炸鸡炸完堂食都系腍，唔系脆🥲 但排骨有卤水味，调味系唔错嘅；鸡扒都几滑，而且配蛋黄酱都几好食嘅～
继续阅读
早几日呢间食鸡煲都觉得唔错今日心思思再去，见佢原来有重庆烤鱼食， 问伙记话系用江团鱼，未试过又试下啦！ 一上枱𠮶阵椒香味闻到成个醒晒 鱼肉肉质细腻入味，啖啖肉冇细骨，个汁麻辣鲜香，控制得好好 食得好过瘾 食完整个冻冰冰嘅柠檬爱玉甜品，个仲感觉舒服到晕
继续阅读
西环新开！ 惹味鸡煲！滋味小龙虾！ 同同事聚餐拣左西环呢间新开既餐厅，试左鸡煲小龙虾 同甜品都好出色！安格斯肥牛啲色好靓！ 肉质好高级！鸡煲够晒惹味！食完鸡煲加汤打边炉！配菜都十分新鲜！另外试左个小龙虾都好滋味！入晒味！甜品方面食左个冰粉！好适合夏天既甜品！更加岩晒浓味鸡煲后黎个清爽甜品！环境虽细 但胜在舒适！服务一流！ 虽然非常忙碌 但都非常热情！ 好亲切！出菜既时间同速度都好好！价钱合理 非常值得一试！用餐期间都不断见到有美食平台黎攞餐！因为见餐厅都有不同款既野食 韩式 台式 日式都有！
继续阅读
礼拜日同同事一齐出去食晚饭佢哋话西环新开左间鸡煲 去试吓距离地铁站都算近 唔使5分钟入到去环境干干净净都唔算特别迫 坐得都舒服大热天时好够冷气！讲返嘢食先鸡煲都OK嘅由于有同事唔食得辣 叫咗个BB辣对于我来讲唔够重口味不过都入味嘅食完鸡煲就打边炉去到后期个汤底唔系好够味重口味人士记得问佢攞豉油😂打边炉配料都新鲜 几好食仲叫多咗个小龙虾🦞都几好食 入味食完主菜有甜品试咗个凉粉芋圆配花奶！好食！食饱买咗个外卖返屋企比屋企人见到除咗鸡煲都仲有好多主菜有卤肉饭、海南鸡饭、韩式炒粉丝、和风牛肉饭最后拣咗个韩式炒粉丝返到屋企试埋都几好味值得一试嘅餐厅٩(˃̶͈̀௰˂̶͈́)و
继续阅读