創食薈 (已結業)

今個星期第二次幫襯，真係好好食，佢係一個美食廣場，但係每一個鋪既人都好有心思同心機，只可惜地點唔就腳，所以晚市人流太小，其實我住得唔算近，但係都好想幫襯，因為咁好食，又咁平嘅餐廳，而家好難搵🥺🥺🥺

食物好有心思，出面食拉麵起碼都過佰蚊一碗，係呢度用呢個價錢食到咁正嘅拉麵，真係冇得頂，蛋包飯好有心思，裏面既飯係茄汁飯，所以好好食，我下次會帶埋一家大細再去，因為呢度種類多，唔怕唔啱食💪🏼💪🏼💪🏼

唔講真係唔知長沙灣有個平民食飯聚居地。呢度可以講係一個food court, 勝在集合好多唔同菜式於一身。西日韓台星馬泰緬越都有。試左竜魂拉麵嘅日式野。1.大阪牛肉丼定食牛肉丼就係普普通通牛肉飯，醬汁甜甜地，有d洋蔥，簡簡單單，味道不過不失，略嫌牛肉唔夠大塊。餃子炸得比較誇張，味道也是不過不失。有飲品可能送都唔錯。2.豚肉鰹魚湯烏冬定食烏冬湯底清清地，都易入口。麵質略硬。豚肉似係熱水沉煲熟，粗糙一d都唔滑，但我又冇咩所謂。有幾塊荀。一碗普通清淡的烏冬，不過不失。春券少少脆，有d芝士醬味道，普普通通少少鹹味。食物普通普通，勝在坐得舒服，冇咩人，相信受疫情影響好大。每個餐50幾蚊，唔算貴，坐得好舒服，值得一試吧。

上網見到有想試個吐司就黎試試~{黃金年代}單叫$48套餐$58{跟薯格&汽水}提外話 特別其他飲品要額外加錢吐司一上手重手的,足料的~可以做到拉絲效果挺好的醬汁味道足夠的薯格即叫即炸,一拎到試食薯格都是趣口的另外的是肉骨茶-{雞冠}一上枱都係賣相不錯的藥材味是有的,但湯就不算入味肉骨是嫩滑的,不是{鞋}口的.配置的油炸鬼粒不脆身~

非常之得 😋比起 某某大品牌 佢一啲都唔差 👍🏻超乎想像 係長沙灣創䓹薈 可以食到 高水準嘅梳乎厘 我仲意佢 不太甜 再配合個紫薯 啱啱好 😋🥞可以每個星期都嚟食一次😋 也不會厭 誠意推介

佢哋請咗個好乞人憎嘅菲律賓清潔阿姨。大家聽埋我呢個好唔愉快嘅體驗再考慮去唔去。之前我同女友都去過幾次，有間韓食唔錯嘅。上星期六我諗住去個廁所再食啲嘢。入到去兩格都鎖住，咁咪等吓。等期間攞啲廁紙，因為廁格內冇。門有人開，係個清潔阿姨。一開門就用半桶水嘅廣東話嚟質問我點解攞咁多廁紙。竟然咁得閒偷聽廁所？！之後就影我相。我好嬲就鬧佢。之後佢就報警話要趕我走。我追出去諗住搵負責人。知道佢係外籍人仕就用英文問佢經理喺邊。佢就用手指點個方向。叫佢帶我去佢唔肯。我問其他店主先知道原來經理果日冇返工，即係清潔阿姨老點我！為有返去等用廁所。事隔十幾廿分鐘。兩格門仍鎖著，格內又冇動靜。於是我就跪低睇睇。兩格都吉嘅！我90%懷疑係清潔阿姨想偷懶而張兩個門反鎖！一係就呢個清潔阿姨好夠薑做埋咁抵死嘅嘢，亦唔排除管理層指示佢咁做。經過呢次體驗，我唔會返去幫襯。講番食物。food court開張時有好多間食肆。而家淨番5間。除咗我同女友欣賞果間韓食，試過間一般嘅拉麵店同間海南雞飯店。雞飯好味但老闆娘黑口黑面又寸嘴。第一次（亦最後一次）食後去讚佢反而俾佢寸返🤣🤣。香港地多的是食肆，何必嚟個mama day嘅food

👭創食薈 (長沙灣)👭除左西九龍廣場有Food Court之外，長沙灣亦都開左Food Creative😍西九龍廣場既野食到悶悶地既38，今次就去左呢個長沙灣美食廣場發掘一下有咩正野！廣場入面有齊日、韓、中、美既美食，超過10間餐廳。位置亦都寬敞！上網睇資料，呢個地方有成6000呎😱不過可能係岩岩新開，加上地點唔算好近地鐵站，因此人流都比較少！38係公眾假期既2-3點去都係得約10枱客人食緊。🏠長沙灣青山道413號地下及1樓🕐12:00noon-10:00pm

說話早前去了長沙灣新開的food court，食左一個鵝肝漢堡，十分juicy好美，今次再去多一次，試食一間煎餅小店，叫左一份招牌北京烤鴨煎餅🥞🤤 L SIZE 成為$48不過大家留意番，M size和 L size 分別只係多了一隻蛋和薄脆片，其實M size分量都夠兩人食😂 其實真係幾好食，肉汁豐富，薄脆片堅脆，不過有芫茜，各位如果5中意芫茜記得叫佢走芫茜啦🤤😎間野就正正係我早前食鵝肝buger店的正對面🙈 大家有興趣可以去試下

已經好耐無寫過食評了！說話住長沙灣已經兩年，最近屋企樓下開左一個food court🙈開頭行入去，無乜人空枱多，無乜人氣，但因為紅日，四圍都要排隊拎籌等食飯，見有個地方5洗等位5洗搭枱又有冷氣，就入左去行左個圈！發現有間食burger的小店，看看餐牌，5算平，最平一個包都要$45，要另加$18配薯角&飲品。Anyway我發現竟然有牛肉鵝肝漢堡$78，話平5平，話貴就一定5算貴！份鵝肝5算話大塊，但和漢堡醬汁配合得真係好L好食！大家真係可以試下！嫌貴又想食鵝肝，可以揀$65個個漢堡，少左一塊牛肉，平$13❤️🙈

夜晚同三個人本身想去食長沙灣美味餃子店，但係經過東張西望報導後，超多人排隊，決定轉場去創食薈。創食薈係一間food court, 應該新開左一段時間，人流不大多，地方安靜寬闊，食物都有一定水準。入面有差不多10間餐廳選擇，我地今次試左兩間「十二味」同「貴州牛肉粉」。十二味主打水煮魚同酸菜魚，眼見場內最多人幫襯，我地嗜辣，叫左水煮魚（中辣）同素食香鍋（小辣，可以選不辣）。水煮魚入面除魚塊外，有我最愛的寬粉，同青瓜芽菜，配菜不多但味道非常到位，麻辣得過癮，食哂食碗飯！但如果不大能吃辣，最好選小辣，中辣也真的辣🔥🔥。素菜香鍋也不錯，有藕片、海帶、芽菜，個人覺得可以再增加蔬菜種類，如萵苣或娃娃菜，會更吸引。另在「貴州牛肉粉」點了12隻淨菜肉餛飩，挺好吃der，皮薄，但可以加多些菜。整體食得挺滿足，也是一個朋友聚會聊天的好地方，見到其他人食漢堡包也賣相不俗，下次去試下！

第一次到這裡晚餐，點了印尼炒麵有薯條味的炒麵及燉湯鹽水湯、完全好似成包鹽倒落去似的、鹹度入唔度口，鹹得太過份！攞人命，想人有腎病咩⋯⋯冇心整嘢食就唔好整啦⋯⋯執咗佢算啦、係度害人命.........

因為深水埗長沙灣的街坊, 隨時隨地都有好嘢食, 今日經過這裏創食薈未試過又食下先. 類似food court的形式, 行運一圈睇下有咩食 這間雞冠, 就專賣東南亞食品例如海南雞飯, 喇沙等等 我就叫了個海南雞套餐 $58, 套餐有湯, 海南雞, 及油雞飯. 海南雞肉質鮮嫩, 而且份量也多, 沒有血水滲出嚟 (因為有時候食海南雞總是有點血水...) , 豉油雞飯都頗為入味, 但略嫌飯較為乾身, 不過整體上也不錯. 朋友就在這間麵屋一京 order 豚骨湯拉麵 $78 這間主打京都湯拉麵, 醬油湯底香味濃郁, 但不會過鹹; 而麵底較為粗身爽口, 但同時也可以掛湯, 令拉麵吸盡湯的精華; 日式叉燒厚薄肥瘦適中, 而蛋保持著溏心,Yummy~ 不過最驚喜的要數到這間Lazy Burgers, 因為本身試堂食, 但因為最後是打包回家給相公OT 回家吃, 所以隔了數小時相公才吃, 但相公說雙層牛肉芝士漢堡 $58 還是充滿著牛肉肉汁, 非常 juicy, 而整個味道也沒有因為變涼了而有太大變化, 依然是滋味十足 , 份量也十足, 不過我想如果趁熱食的話就更加好味道呢~ 這裏

平時都比較少來荔枝角呢邊食所以都係諗住隨手搵個地方食見到新開左間食堂可以多D 選擇就走左入去入面空間都算幾大行入少少會多D 位同埋都幾多選擇有韓式、中式、西式漢堡、日式拉麵意外地竟然開左間之前食過既拉麵麵屋一京，唔洗特登行去深水埗食呢間好食呀，湯厚，味濃上次係本店食已經想食多次另外，係韓食亭要左份燒豬肉跟個飯、湯兩個人咁樣差唔多韓式客飯 XD 還好啦吃飽後還是有點口乾要了杯飲杯既百香果間野又係可以自己選擇好多野加入去見口乾加左蘆薈

午餐時間去到，人唔算多，即刻搵到位呢到午餐大部分都$50以上，仲要唔包野飲$50以下都係一啲粉麵/煎餅我見海南雞係唯一一間有送野飲嘅店就買左個海南雞餐試下，點知就中伏了海南雞餐$58回頭度：唔會再食我呢頭比完錢第二個人已經執好雞同醬汁比我，筆埋碗湯沖埋野飲一分鐘出餐果不其然啲醬汁叔左，啲雞睇落都乾爭爭我最想要其實係野飲，見到佢淨係比半杯真係好嬲，洗唔洗咁小氣啊師傅？半杯奶茶慳到幾多？番埋位即刻飲啖湯先，得舊蘿蔔，味道都怪怪地，唔知點形容飲埋個半杯奶茶，嘩到底佢點可以沖到杯水係奶茶色？成杯野冇奶味冇茶味啲雞睇落好乾，但食落都嫩嘅，不過太肥，我食剩一半都係肥膏來同埋本身都唔多，我叫多個餐應該會飽啲醬汁係海南雞嘅靈魂，每間海南雞飯嘅醬汁都不盡相同，但呢間醬汁少得可憐，我食唔出有咩味道，中間啲辣椒仲要叔左我諗我唔會再番去呢間food court食野

Food Creative正式進駐長沙灣，過嚟試吓先,入面有10幾間小店,最鍾意去美食廣場食嘢😬因為一個地方有唔同嘅地方菜式，✨Lazy Burgers d漢堡好吸引😍😍😍叫左個雙層牛肉芝士漢堡好大個。都係$58咋🥳🥳🥳🥳仲要係好好味✨麵屋一京豚骨湯拉麵 湯底做得幾濃郁仲要排得好靚👍🏻