影片
以上资料只供参考，请与餐厅确认详情
食家推介
叫咗九样菜同几支啤酒埋单都只系$1200，仲要每个菜式都大大碟，而且每碟只系平均$100左右。份量真系好够食，尤其是啲虾多到不得了，啲螺都系，都数唔到有几多粒。条鱼都只系130几蚊，讲紧真系好少可以食到咁大条，而且啖啖肉。个芥末牛柳粒几惹味，个炒面一上到枱好香，仲有碟炒鸡柳粒，上面好多配料，有腰果、菜脯、虾干等等，送酒就一流。整体嚟讲食物质素唔错，而且大大份，系几抵食。难怪呢度咁多人，地方好大，但系座无虚席。
继续阅读
师傅煮既野好不一，同一道菜，一时太淡，一时较咸。又唔平，同佢反映，好似唔忧做咁，爱理不理。冇下次。BY THE WAY,有个女人（疑似老板娘），遇上男食客叫野，佢就冇乜野，笑面迎人（基本上，做生意都应该咁）但系女食客order，就黑晒口面，男客有特权？6
继续阅读
今晚同几个老友记嚟到呢间食肆大快耳朵，捞两碟出奇滋味，话唔多说，直头开捞。第一炉，我拣咗个"WASABI牛柳粒"，真系不得了，个牛柳粒惹味又弹牙🤤，搭埋WASABI𠮶阵，简直系鼻窦通爽，热辣辣够晒激发！西兰花又绿油油嘅陪衬，食物之间嘅对比令味蕾即刻高歌。搞掂第一轮，我哋转战到𠮶啲「油盐水煮蚬」。哎吔，今次可能手滑咗，咸到我谂住直接去饮凉茶解咸啦😖，啲东菜一啖落去，即系咸中带苦㗎㖞。煎莲藕饼放到桌上，啪嗒啪嗒嘅声音仲未歇，一眼望去，金黄色凸显晒佢既外脆内软，一口啖住莲藕嘅清甜，完美收场👌。刘记，就算平日喺屋企，心底都会挂住你怀旧嘅味道。凭著今次嘅感受，我仲系会回来帮衬！希望下次个蚬能咸淡适中，令整体体验更加完美。食完之后，轻松写意，味蕾都同我say good night啦。
继续阅读
香港有很多地道美食都隐藏于多层市政大厦熟食中心。大家可以轻易找到香港特色小食和菜式。港式丝袜奶茶、西多士、打边炉、广东小菜都是为人津津乐道。好朋友推介观塘瑞和街市政大厦「刘记海鲜饭店」是隐藏于民间的美味食肆。我在黄昏六点到达，已有6枱客人在进食，气氛非常热闹。枱与枱的空间尚算阔落，座椅却很残旧，甚至有点破损。有二三个客人正在吞云吐雾。我选择近走廊并且空气流通的位置。我们先品尝白灼鹅肠和豉椒炒花蛤。鹅肠带少少脂肪，大都是新鲜的食材。咀嚼时有少少脆，没有酱料令客人尝到原味道。虽然是淡淡的，却有另一番风味。豉椒炒花蛤的炉火十足，分量足够，每只花蛤壳都有蛤肉，芡汁不会过咸，浓淡适中，好味。我们随即再下单，凉瓜煎蛋、粉丝虾米杂菜煲、蒜蓉蒸虾，加上咸鱼鸡粒炒饭，都是最爱菜式。当中凉瓜炒蛋的蛋香和咸鱼鸡粒炒饭的味道都留有深刻印象。
继续阅读
今日迟咗收工唔知食乜好突然想食啲小炒有镬气嘢！谂吓谂吓不如帮衬刘记虽然搬咗屋之后唔系好就脚但系呢间舖头帮衬左20年喇！定时定候都会心思思想食吓今次同肥妹仔叫左Wasabi牛柳粒西兰花底同豉椒炒鲜鱿Wasabi牛柳粒保持高质水平牛肉粒弹牙 配埋刺激Wasabi汁感觉好high 加返个清清地西兰花底成碟𩠌感觉好平衡高质至于个豉椒炒鲜鱿感觉上堂食会好食啲虽然质素唔差但份量就比堂食少咗啲不过帮衬左咁多年情怀嘢唔会计较咁多以后一谂起想食小炒 想食镬气野都会来继续帮衬
继续阅读
您可能会有兴趣的...