影片
食记 (4)
第二次帮衬,也是后一次。 第一次和家人去帮衬时是星期六, 人山人海,叫了蒸肉饼, 炒菜同鸡煲,真系 咸到飞起, 唯有赖客人太多错手放多咗盐。第二次同朋友经过见得两个人在内完全唔洗等位, 再试!叫了套餐,等咗一阵, 中汤咸到苦, 鸡煲仲咸过上次, 朋友食咗两旧完全食唔到落去。蒸鱼系我有生以来食过最咸同最腥的, 都系食唔到。白饭可以食之外, 无野食得。食咗一半, 愈食愈咸,火速埋单, 见到有个阿伯企系收银侧,比完钱, 笑住仲要 细细声同佢讲咗句, 你个鸡煲咸到我地食唔到, 点知呢位阿伯瞄咗我一眼, 再不屑咁哼咗一声。为健康著想, 我同家人, 朋友都唔再帮衬, 同一条街有好多美食, 你继续坚持你既所谓无味精咸死人小菜我念唔到有咩理由再帮衬你。
继续阅读
今日同家人食晚饭, 经过大角咀埃华街，试咗呢间刘宋记食坊。一试真系好正呀!忍唔住即日上嚟写返个食评呀。我地一行四人，叫咗两个煲仔，一个菜同赖粉。埋单只系150咋.......但大家都食到好饱同好满意呀。呢间餐厅既卖点系无味精，不含人造色素，无添加。因为友人系对味精敏感，即使只系丁点咁多味精，佢都会周身唔舒服。但系唔好以为呢间餐厅无味精就唔好味㖞，佢劲正，又香又热辣辣，入冬后一定会再去过，到时肯定仲正呀!个菜炒得好好, 个付乳味好浓，个生菜仲好嫩滑添~~仲要介绍个排骨煲呀, 猪润劲正，排骨系用新鲜排骨，一食就知唔系雪藏货，仲好惹味呀!跟住就要讲下个萝卜煲，个萝卜本身己经好甜，无渣仲要系超入味呀，钟意食萝卜既人唔可以错过。至于个赖粉都唔错，可以讲系个汤一定唔系味精汤，好健康呀。系大型食肆垄断既情况下，呢种小食店真系更加值得支持。侍应都系上了点年纪的叔叔和伯伯，但态度很好，又有礼貌，最窝心是妈咪漏了电话在枱面，我们己埋单出了门口，之后有个女侍应追上来交还。哈哈~下次一定会再去。
继续阅读
见佢都开左一排, 本来冇谂过帮衬, 不过有日谂唔到食咩, 即管试下蟹煲 - 我钟意食蟹, 所以都肯定会试呢样, 而且见到上一个食评好似几好, 结果都几失望, 只蟹好细, 肉蟹蟹膏少都算, 但连个钳都冇乜肉, 营养不良咁, 而且唔入味虾煲 - 收得 $88 4 只我谂住应该有返咁上下 size, 但又系失望, 基围虾咁o既 size, 而家 D 虾咁贵咩... 不过呢个比较入味鲍汁猪手鸡 - 家人钟意佢个汁 + 焖得够稔, 不过稔到好似煲汤鸡咁我就唔知有咩好食o者o者骨 - 我觉得最好系呢个, 排骨爽脆入味另外, 虽然都唔系 expect 有咩环境, 但主打煲仔菜系咪应该开大 D 冷气, 好热总结, 如果叫肉可能都 OK, 叫海鲜类就似乎唔多掂, 冇乜兴趣再帮衬
继续阅读
响尼头番开工, 不嬲都知大角咀多野食架喇! 上礼拜同老公仔又黎尼度"揾食", 见到尼间新开, 个名又几搞笑咁, "留𩠌记", 哈哈, 就入去试下! 点知有惊喜!!!!入去坐低, 环境都ok, 始终新开, 有小小简陋, 但都干净舒服。see see menu 先, 都系以煲同海鲜为主, 价钱都适中既 见张张枱都叫个蟹煲, 中意食蟹既老公仔同我就梗系唔输蚀, 整番锅啦! $88只, 叫左两只, 一人一只, 嘻嘻! 再加个班腩! 搞掂!班腩煲黎了! 都ok, 几够味, 不过鱼肉唔够爽口, 略逊老公仔同我期待的蟹煲来了!! 一开盖就知系靓野, 我地两个好似双眼发光咁, 哈哈!尼个煲真系唔错! d蟹好新鲜, 唔会太多调味料, 食得出好香鲜的蟹肉味! 好鬼好味! 劲多蟹膏, 正!啖啖肉! 好鬼正!响尼个价钱黎讲, 真系抵食! 回味无穷, 推介!!!另外仲见到有个豆腐煲同肉味紫菜煲, 好似几得意!总括黎讲, 下次都会番黎食, 尤其个蟹煲, 谂起都流口水呀唔错!
继续阅读