刕舙馫麵館 (已結業)

見個名好有趣 自己又鍾意食刀削麵所以就入咗嚟試吓 雖然到而家都唔知真正嘅名應該點讀😂雖然餐牌上面所有嘢都有麻辣兩個字 但係其實全部都可以按照自己嘅喜好而加麻辣醬 呢個麻辣醬真係好出色 因為係同我屋企嗰支好似 我屋企嗰支係由一位開川菜嘅朋友俾我 所以真係好正❤️🌟牛腩牛筋刀削麵牛筋炆得好淋 啱晒我 食到滿滿的骨膠原 牛腩同樣地好入味 唔會咬唔開 同癡牙面嘅份量都算幾多 同埋見到佢有部機整刀削麵 自家製的感覺果然有啲唔同 覺得比較有咬口🌟東坡肉豬頸肉刀削麵雙拼加$9就有多一款 貪心嘅我可以一次過滿足晒兩個願望😂豬頸肉燒得好爽口 而東坡肉都唔會好乾 但係好友邪惡感

刕舙馫麵館，到底點讀，到底食咩菜？行近啲望，原來係以麻辣為主嘅山西刀削麵。講到麻辣，梗係要試下麻辣口水雞。份量有驚喜，每件雞都好厚肉，如果再滑啲會更好。麻辣程度中等，應該適合大眾化口味。另外，仲有花生，芫茜做配料，令口味更豐富。待應推介左麻辣皮蛋豆腐，食落果然幾好。豆腐外皮酥，內裏嫩。皮蛋又夠哂入咪同爽口。牛筋腩就不過不失。牛腩偏瘦，但好在唔會太韌。牛筋就炆到好林好入味，值得一試。整體黎講，刕舙馫嘅麻辣比較適合大眾，佢唔會太麻或太辣，嫌唔夠喉嘅可以自行喺台頭加自制麻辣醬。以$4x -5x嘅價位黎講，的確抵食，會再encore!

今日去咗家維邨揾個朋友，去佢屋企坐咗一陣之後我哋就一齊落街食嘢，佢話最近新開咗間麵店都唔錯，咁就信佢一齊去食啦😀一去到見到個點名o咗咀😅😅夠晒高深，朋友食左幾次都唔識讀🤣我叫咗一個豬扒刀削麵走辣，朋友叫咗一個牛肚 刀削麵走辣，另外加咗個麻辣口水雞小食😋豬扒似係煎，唔會覺得油膩，比較薄身，質感鬆軟😀 豬扒面頭有啲秘製辣醬，我拎左啲加落碗麵度，好香口😋😋 想要幾辣自己調較就可以👏而啲刀削麵比較厚身，勁煙韌！好好食😊麻辣口水雞冇揀辣度但係都算接受到，雞幾滑😀食食下見到有個婆婆推住助行器自己入嚟食，落單之後都聽到店員專登同廚房講係婆婆食，叫佢煮淋啲，都幾窩心❤️唔錯！👍👍

上次經過見到有刀削麵，今晚嚟開依頭見價錢ok就入嚟。醃蘿蔔拼香脆花生醃蘿蔔唔夠酸但夠爽，秋冬蘿蔔蔬菜當造之選。花生夠感同脆，特別花生皮都唔會乾淨淨，反而有少少油光。刀削麵份量岩岩夠食，麵既厚度中等。我喜歡食有口感既，麵厚度我再厚多0.5cm就好開心，但對平常嚟講就夠厚既。見到係機打，都ok！湯底唔算油，反而另一湯似有點牛腩汁就油少少咁。牛展配牛筋腩刀削麵 小辣牛展細細件分幾口食，滷水煮但乾身，配蒜蓉就好味度。牛筋腩就混麻辣好食d，好彩小辣，受到。第一口唔覺辣，係之後有麻口感覺，都辣香味。牛筋不硬不軟，食到原粒膠質咁。牛肉就一半軟身一半硬點，睇彩數。金沙腩配鴨腎刀削麵 小辣金沙腩有3件，幾多。以為得兩件就好啦！依個比牛肉煮得老左，近骨肥肉位易咬，面就難d。味就入味既，配蒜好食，浸下湯會易咬d。鴨腎最好食，估唔到煮到好爽，有少少食幾塊沙律菜咬落去脆既！拼款就加9蚊，一次食兩款，嘻嘻。每款麵加5蚊有熱飲，8蚊就凍飲，正常價位啦。

留意到好多篇食評都有提及到小店個名讀法  此乃人之常情哈哈..因為我地都係比佢個名吸引左, 食字係香港文化之一...我個人都係食字多詔食野呀..所以就引起左我地既興趣所以才入內試下..老闆都好有GIMMICK地推行左個PROMOTE, 如果客人能夠讀出小店個名就會送可口可樂..但係由於我地唔想飲汽水所以就冇上網GOOGLE啦,,落完單就問店員個名點讀..店員亦好爽快話左比我地知.. 當我聽到之後笑左出聲,,因為真係完全估唔到..個名仲好好聽, 好有意境..等我比D題示大家,,叫做XX馨.. 裝飾華麗得黎又簡單，燈光好光猛，闊落既卡位，坐得都幾舒服好,, 講番野食..今日有D飽肚..所以只係叫左兩碗麵同野飲無試到D小食..水餃刀削面 - 水餃都幾大粒都有5粒左右.. 加埋D香草係面都幾野味炸雞肶刀削面 - 炸雞肶都炸得好好...有肉汁又嫩滑..唔會好似坊間D炸雞肶做到咁乾身..而兩碗麵都係一樣啦..麵底都幾有咬口..口感都唔錯..餐牌上所有野食都有麻辣兩個字,, 我都怕太辣就叫店員少少少少辣咁店員就解釋原來台上都有辣醬比客人自己調教.. 所以我地就叫左清湯

行過見到呢間小店，個名好特別。而家做緊推廣，如果識讀店名，就送可樂，哈，但我係五識讀，不過有偉大的google 。麻辣金莎腩排刀削麵面同肉分開上。刀削麵非常彈牙，麵嘅厚度比想像中較薄，我自己較鍾意甘嘅面，所以我喜歡呢個口感！腩肉非常軟腍，有少許肥肉，因此吃落不會過份乾硬，相反，十分軟滑，配上麻辣醬汁，更上一層樓。麻辣口水雞，雞質都幾嫩滑，有花生，芫荽配料，麻辣程度較溫和，適合大眾吃。如果五夠喉，可以叫師傅加料麻辣皮蛋

經常過開呢邊做嘢 有咩新餐廳開左點會五知呢 😆 今次見開左間刀削麵，一於買黎食啦 對於上班族嘅我地黎講又多左一個選擇啦 ！！ 門口好有中國味道 。 新開張仲有活動玩添呀 🙈 考考大家中文水平啦，識讀有獎架 入面環境，畫左富含中國古代歷史嘅街頭文化 ，睇得岀系一筆筆畫上去 睇得岀老闆既用心 ！！廚房開放式 清楚望得到 夠乾淨 👍🏼麻辣口水雞刀削麵 $52 呢個價錢來講份量幾多 口水雞🐥都有10件左右 加埋秘製口水汁 麻麻辣辣既感覺好有趣 連麵一齊食五會好辣 ，刀削麵比較厚身 好有咬口 😋麻辣牛筋腩刀削麵$45 牛筋+腩各一半 滷得好入味 牛筋大大件充滿骨膠原 比較軟軟淋淋 牛筋相反滷得入味之餘仲保留到口感 ！！芥辣豬耳仔 $9 惹味燻魚 $18兩碟都係開張試食優惠價 豬耳仔 - 爽爽脆脆既口感+ 酸酸甜甜 既醬汁撈埋 作為前菜好開胃 ！！ 不過五覺有芥辣味🙈燻魚 - 睇落好似好乾身甘 不過咬開肉質好滑仲有小小肉汁添 ，唔好俾賣相呃到啊 。最後餐廳好窩心呀 仲有埋充電寶借添 餐牌 👇🏻

在附近剪完頭髮，見到有一間新開冇幾耐的麵館，首先是畀佢個名吸引了，見到店舖有一個遊戲活動，如果讀到佢個名嘅可以送可樂一罐， 可惜我諗咗好耐都唔識讀， 雖然贏唔到可樂，但係因為我嘅好奇心最終我都走去問老闆究竟佢哋個名點讀呢？ 餐廳裝修光猛，左右兩邊都有寬闊的卡位。看見餐牌上有很多麻辣，還有一些小食。我本身好鍾意麻辣的香味但係又怕辣，所以今次叫了少少辣！ 點了一個麻辣口水雞刀削麵$52，麻辣牛筋腩刀削麵$45，涼拌青瓜$9，凍檸樂$10。涼拌青瓜 ~ 最鍾意食涼拌青瓜， 帶有小小麻辣香。麻辣口水雞刀削麵 ~ 口水雞和刀削麵分開上， 份量都幾大碟， 隻雞幾新鮮完全沒有雪味。食落聞到香噴噴的麻辣香，很喜歡這種味道。如果唔夠辣，還可以加他們自製的麻辣醬。麻辣牛筋腩刀削麵 ~ 牛筋腩好入味又燜得夠林。大大碗刀削麵， 我一個人都食唔曬一碗。

今日去完adidas outlet, 就同朋友在附近揾嘢食，點知見到一間個名好有趣，又唔識讀嘅麵麵夜，就走咗入去試。真心唔識讀，朋友見邊讀邊，刀舌香，我笑咗😂😂😂門口好新，應該似新開吧！有個小遊戲，原來識讀店名，會有汽水送好可憐，我唔識讀。。。冇得飲，唯有自己叫餐牌上，不是好多選舉，但勝在要有嘅都有了。價錢都合理麻辣牛肚刀削麵， 由於我唔食辣，所以老闆都好好人，幫我走辣😆牛肚好淋，正❤️朋友叫咗個麻辣鴨血鵪鶉蛋刀削麵，佢話個鴨血好入味埋單$102, 價錢非常合理！

紅磡開了一家新的刀削麵小館，個裝修很有趣，是舊式中國的面貌呢！ 價錢不貴，一碗麵只是$4x。本來看到餐牌嚇左一跳，所有都係麻辣🤨但好彩原來可以揀不辣/小辣的。點了小辣金沙腩刀削麵和鴨血拼鵪鶉蛋刀削麵。可惜鵪鶉蛋賣光了，但老闆娘多給了鴨血，還是很好吃😋呢！ 另外金沙腩有3大舊，性價比很高。同埋小辣都可以接受到，不夠辣還可以自己加麻辣醬。推薦加多小小錢有小食。$9有貓耳朵，都幾大碟下。下次一定要問老闆究竟個餐廳名點讀！

<新店開張>店鋪做緊推廣優惠， 讀岩店舖個名，有送飲品，可惜呢個福利唔屬於我嘅。< 酸梅湯 > 15hkd酸辣味食品之配搭佳選。< 豬扒刀削麵走辣 > 45hkd加餸 +9hkd... 呢隻刀削麵似係自家人手製嘅。 吉列豬扒好"吉烈".... 面分量，扒量都非常大份， 吉列豬扒嘅燒汁正，值得一讚既係佢同面分開上。<Menu>< 自家製辣醬好好味 > <來多碗>店員一口流利普通話，聽說佢哋同隔離嗰間店同屬一個老闆，分店都有好多間，都係車仔面為主，搞開車仔麵生意。店員非常有禮貌。< 店舖入面嘅畫>< 開設手機充電服務 >< 店內可容納30人左右，內有洗手間 >

民裕街又開左新餐廳，愈開愈多間我們吃貨就有福了，麵店黎講都好多，但而家好特別真係連個名你都未必識讀，餐廳仲搞左個推廣：落單前讀岩餐廳個名免費請你飲可樂～哈入到黎古色古鄉既牆最吸引，坐位好寬闊左右２邊都有卡位麻辣牛筋腩刀削麵$45餸同麵分開上，擔心好辣所以叫左小辣，但依到既辣唔係辣到咳個種，係麻香既辣口腔裡面慢慢散發出黎，旁邊有樽辣醬可以任加，辣味愈食愈香濃，我同朋友都加左幾次牛筋腩都好食，燜得相當淋身， 絕對唔痴牙麻辣金沙腩排刀削麵$45刀削麵既份量都幾多大大碗；金沙腩有３大舊，朋友比我試左一件好入味除左麵仲有小食，叫左2款試下都唔錯涼伴青瓜$9 惹味燻魚$18

當日工作關係經過紅磡, 留意到這間店鋪帶有香港特色的壁畫,於是入內醫肚。雖然我在澳洲長大,卻偏偏喜愛好有香港特色的地方。自問也是一個對食有要求的人麵店更是香港人集體回憶，於是去午飯。餐廳裝修得很整齊。第一道菜就是麻辣牛筋刀削麵。到咗時候特別新鮮滾熱辣,牛筋烹調得特別鮮嫩,亦有很多四川麻辣味道。煮得恰到好處。刀削麵是是北方山東的特產，他們能夠保留這種北方特色味道，配合南方的滷水，簡直是恰到好處。青瓜非常翠綠,加上蒜蓉以及麻辣,將美味帶到極點。另外可以配上他們特製的麻辣醬，將臘味帶到極點。亦可以刺激味蕾及色欲。綜合以上分析,我會再邀請其他朋友一齊嚟食晚餐。慶祝自己嘅生日。😘😘😊