凱日宴會廳

营业中

休息中

因為香港係美食天堂，自然會各國的特色菜式，可能正因如此，忽略了我們自己的本土特色，今次去食的是深水埗中式茶樓小炒。先點了份套餐B，包含了黑椒脆皮燒鵝及濃湯野菌菜苗。先從黑椒脆皮燒鵝，這邊特別著重了黑椒二字，較少見，外觀與一般的燒鵝無異，食落先是覺得外皮香脆，有油香，然後便是黑椒淡淡的香味，刺激了我的味蕾，再淡淡的化開了燒鵝本身的油膩感，肉質亦不會似坊間「鞋口」，反而較細膩，不錯的評分。然後是濃湯野菌菜苗，當天有多種菜式可供選擇包含了娃娃菜及菜心等等，菜式中使用了大量的雜菌，再配上高湯烹調而成，雜菌除可提升菌香味外，亦可增加不同層次的口感，為菜心帶來另一份的鮮香。如只以套餐價結帳，連茶介加一費用大約需$300左右，是性價比的選擇。

同朋友去深水埗行下，唔經唔覺去到西九龍中心， 攰攰哋又肚餓，搵地方食晚飯，朋友同我都喜愛食中菜，商場7樓有間酒樓叫凱日宴會廳，正合我哋心意。酒樓地方寬敞，燈光明亮，除了大堂座位，還有獨立貴賓房。並設有電動麻雀檯，雀局小菜套餐有多款選擇。有數小菜做緊優惠價，我哋揀咗其中一樣，意大利汁泰國老虎蝦，雖然係特價，但都好大碟，泰國老虎蝦隻隻飽滿，鮮甜味美、口感細緻彈牙，意大利汁濃郁美味，掛滿每條烏冬，彈牙又惹味！包汁極品聚寶盆相當足料，有北菇、海螺片、花膠、蝦球和小棠菜，個獻汁做得夠濃夠味，北菇厚肉，蝦球爽口，海螺片和花膠滑嫩。凱日脆皮雞，即叫即做，皮薄脆，雞肉嫩滑。滑蛋炒蝦仁，蝦仁大隻奭口，雞蛋軟嫩滑溜。藍妹，如此佳餚，當然要啤啤佢啦！

🍴晚飯推介4 選1 葱花走地雞 8 蚊🐥以8 蚊黎講好抵 2 個人食有成半隻雞 雞肉個汁幾入味 葱花味香 再點 d薑葱 雞肉都幾彈牙 唔錯🍴豉汁帶子蒸豆腐108 蚊豆腐食落去似百福豆腐 豆味偏濃 幾香滑 帶子幾香甜 豆汁蒸得幾入味🍴蒜蓉粉絲蒸元貝4 隻 加話梅豬手煲 188 蚊🐷蒜貝大大隻 生熟蒜調味 蒸得剛剛好 扇貝鮮甜 入味 豉油汁咸度適中 唔錯豬手有葱花菠蘿 調味醬汁香甜 話梅味出 豬手燘得幾彈牙🐽 充滿骨膠原🍴豉油王炒麵108 蚊🔥🍜大大碟炒得好乾身 上面有葱花芽菜 , 紫洋葱 麵係比較幼身 點 d辣醬都好味#中菜 #豆腐 #豬手 #炒麵 #話梅 #雞肉 Score 平均分 <7.7/10>Taste 味道：👍🏻👍🏻👍🏻👍🏻Present 外觀：👍🏻👍🏻👍🏻Decor&Hygiene 環境衞生：👍🏻👍🏻👍🏻Value for $ 性價比：👍🏻👍🏻👍🏻👍🏻👍🏻Service 服務：👍🏻👍🏻👍🏻~~~~~~~~~~~~~#凱日宴會廳 九龍深水埗欽州街 37k西九龍中心7 樓701 號鋪~~~~~~~~~~~~

下個月，屋企人擺壽宴，地點諗住喺西九龍廣場，今日特登去視察吓行咗一個圈，都係呢間最企理裝修簡單清雅，查詢時職員禮貌周周最緊要係主角酷愛攻打四方城，指明當天一定要落場打番幾圈，所以呢間係最理想兼且佢有即燒乳豬，唔係交嚟嘅貨色唔好講咁多，試咗睇吓得唔得先算晚飯選擇都唔少，樣樣都好靚先試乳豬～上碟，首先個賣相都好得，豬皮夠薄、皮色金黃、肥少瘦多咬落嗦嗦聲好脆口，肉質鬆化不嚡口，有肉汁而不油膩，好味！點了一個鮑魚雞煲，特別在於大廚用了沙羗爆炒，比一般雞煲惹味得多，鮑魚有成四只咁多，彈牙入味，沾上沙羗汁同雞的精華食落倍感新鮮。我一口氣就食咗兩只。蝦醬海山骨，炸得酥脆之餘，內裏肉質仍保持嫩滑，層次豐富好滋味盡在口中，説不出的好味道！有結果了～各位親友下月就在這裏見記得早啲嚟打牌啦！

今日難得修造就同朋友去試吓點心餐廳，餐廳話要深水埗西九龍中心，係我中學成日去嘅地方，所以好友回應，我同朋友等咗5分鐘就有位之後開始嗌嘢食，一般都係大佬點心蝦餃燒賣，排骨，叉燒腸牛肉腸，炸雲吞，脆蝦卷仲有蘿蔔糕，呢度嘅點心份量都好足夠而且用足料，好似蝦餃咁皮薄涵靚，蘿蔔糕煎得好香口，腸粉牛肉腸同埋叉燒腸都好好食加上豉油簡直係冇得彈，排骨蒸得好好味，之後再點左個叉燒飯，叉燒瘦肉均勻而且刀工好犀利而家雲吞同埋蝦棒都炸得好香口咬落去索索聲，已牛肉球都好大粒食落去好右彈牙，而呢度仲可以打麻雀方便同朋友夜晚你一路食嘢一路打麻雀聚下舊，呢度嘅服務質素都好好店員會幫你不停加水而且好有禮貌。下次會同朋友再嚟打麻雀同埋食嘢

海逸宴會廳這間餐廳我上次經過深水埗就已經留意上了，今日來到深水埗，晚餐就來到海逸宴會廳。餐廳裝修雅緻舒適，座位間隔很寬敞。海陸空孖寶精選 晚飯套餐E$268美極煎虎蝦拼燒乳鴿 美極煎虎蝦，連殼都帶點脆，非常非常香，帶點爽，連殼都好入味，差點連殼都食埋，真的非常之美味！燒乳鴿也比較大隻，肉質鮮嫩可口，燒得非常香，入味又多肉汁，真係食到舐舐脷！文昌雞$88廚師切得一件件很整齊，文昌雞雞皮透亮很薄不會肥，一看就知道是靚雞，文昌雞的特色就是特別的好雞味，味道帶鹹香鹹香的，果然不負所望！西洋菜燉陳腎湯$52餐廳的老火湯真是不錯，入口已飲到老火湯中西洋菜及陳腎的濃郁的味道，非常清潤……今晚的中菜食得特別的滋味，現在回想那海陸空孖寶、文昌雞~~ ，感覺還挺回味的！

今天在深水埗那邊放工， 想食中菜，諗起西九龍中心嘅「凱日宴會廳」， 曾經和同事在這裏飲茶， 點心好吃價格相宜。地方闊落， 樓底算係幾高，裝修仲好新淨～晚市有數款特選優惠。 今晚得兩個人揀 $58「清蒸沙巴龍躉」最適合不過。雖然係優惠菜式，龍躉有超過一斤重， 蒸得啱啱好， 肉質鮮甜嫩滑， 醬油鹹淡適中不會搶去魚肉嘅鮮味。金蒜蒸蟶子 （每隻$38）蟶子肉質爽彈，墊底嘅粉絲吸滿蟶子的精華， 夾雜著蒜蓉香，惹味非常！果皮蒸六頭南非鮑魚 （每隻$58）足有六頭，介了花更有口感， 肉質軟嫩有彈性， 輕力已能咬開， 鮮味十足，果然比大連鮑魚更勝一籌。 配以芳香果皮， 這道菜是值回票價!秘製藍莓骨$108大廚推介菜式。沒有搶喉的酸醋味， 反之是溫和的藍莓果香， 不太酸也不太甜。 先泡油的排骨外皮酥脆， 有點肥肉黐住嘅排骨最好吃。 藍莓醬汁嘅酸中和咗排骨嘅油膩，亦包裹着每件排骨，非常美味！臨尾仲有糖水送～ 陳皮紅豆沙， 非常足料真係煲到起沙，唔係打芡的糊仔。酒樓屬下的「君爵會」也有雀局小菜套餐， 啱曬姨媽姑姐打完幾圈唔使煮有飯食～ 仲要係自動麻雀枱～ 打足8小時冇難度！ 睇真啲仲有九點場， 飲茶＋雀局，

星期六想去食點心，嘆下下午茶。西九龍中心嘅酒樓平民抵食，而且點心種類多元化。下午茶幾抵食、兩個人食到飽飽都係二百幾蚊。鮮雞生滾粥，生滾粥熱辣辣，粥質地夠綿，而且清清地。雞幾滑。飲茶當然必叫燒賣，燒賣豬肉夠林，而且冇肥膏，啱晒我。蝦春卷係長春卷，充滿蒜蓉味、蝦幾爽口，春卷脆。我幾鍾意食！黑椒爽肚夠爽口，黑椒味又唔會太重。最後馬拉糕唔會太甜，係古法製造。蔥油餅及白灼菜心係一個孖寶餐，蔥油餅有3塊，估唔到相當香脆。灌湯餃大大隻足料。星期六慢慢坐慢慢食嘆吓茶。

作為街坊嘅我經常流連西九，見住7樓轉過幾間酒樓，凱日算係我幫襯過最多次嘅一間，裏面啲點心款式都特別啲，飲茶有新鮮感係幾唔錯嘅一件事，趁閒日帶家中一寶出嚟坐吓、飲吓茶～咁又過咗一個晏晝😄#先介紹最值得一試嘅腸粉，個名零舍別有洞天😜金金黃黃，望到即起食慾。饀料好豐富，主要有翠玉瓜碎、甘荀、蝦、蔥等，一層腸粉包住炸春卷，外軟內脆，食出多重口感，個人平時唔太食鹹，但腸粉會鐘意四面蘸上鼓油，一啖咬落去，好有層次。#雪山奶黃包同一般唔同係，表面脆脆哋，灑咗類似奶粉嘅「雪」，味道幾match，同埋佢好在唔會太多奶黃、爆晒饀咁，所以唔會太溜，點心師傅有留意到呢點，真係要畀個like佢！#嚟到好伏嘅甜品，焦糖燉蛋，好似食到成啖都係cream🤢ohh no, 蛋嘅成份接近零嘅感覺，比例嚴重失衡，完全冇布甸質感😵焦糖仲要真的燒焦了…應該叫做燶糖先啱。其他食過嘅甜品，例如洛神花果凍都還好，但今次中伏了。#鮮魚湯雲吞雞雞肉憑樣唔知係雞嘅邊部分，岩岩巉巉，比較多脂肪嘅物體依附，雲吞冇乜味，基本上係食緊出面塊厚皮。但湯係好飲嘅。#下午茶特價有合桃包同懷舊芝麻卷，對合桃包些微失望，饀偏少同埋嫌佢乾噌噌。芝麻卷質感唔錯

中秋節難得一家想開心食餐飯.老爺大人提早9月6日預定一圍$1288套餐.於9月18日一家人享用.點知18日當日.食到成肚火.臨時加價$1488不但止.原本預定的「脆皮燒雞」變為「白切雞」.原因係清曬.試問咁點解要預訂？？？還有.原本的「孝心桃包」變為「甜點.杞子桂花糕」唔記得影低.原因都係無曬！！！！！奶奶大人甚為失望！！！乜都無！點解要預訂！！要求部長或經理過黎解析.竟然烏龜唔肯浦頭！！垃圾酒樓！

幾日前經過、上去試、點咗個馬友鹹魚飯、但完全無馬友、老友就有一位。賣16.8真馬友鹹魚入口即溶…..佢唔係、打算上網開佢名同向消費者委員會反映嘉豪酒家D馬友係堅14.8，大家可以對比一下

朋友跟我在尖沙咀見面，可惜尖沙咀晚市不熟悉，結果，坐車去到之前一直想試嘅深水埗西九龍中心七樓。。。看地方的裝修，應該係婚宴專門店，閒日冇乜客人西九夜晚亦都比較靜。全場得四十台以上的空間得十幾台人。優點缺點都有。優點是：雞煲味道不俗，份量也可以，兩人一臺有半隻，4人就一隻。（唔好問我三個人會點，唔記得），我哋兩個半健身教練都覺得好夠食，由於客人偏少店員更偏少的關係，晚市廚房祇有一個廚一個執馬。速度會好慢。這個問題各個地方都有，鬼叫香港人工貴咩，我習慣每15分鐘入一張單就可以簡單解決此問題。食材比想像中新鮮。汽水啤酒自己雪櫃任攞。完全唔需要等候。二點五小時嘅點菜時間，足以同朋友好好暢談酩酊大醉一番，講真好過落酒吧逼逼夾。雖然人手不足，但係姐姐都好客氣。其實互相理解就行，百幾蚊，有裝修，有空間，又安靜，又任飲，又商場，交通方便，如果仲想要求食物快速上臺，執枱，倒骨碟，嗰百幾蚊想買咁多好服務，就真係過分咗喇。有些人，可以覺得噉嘅服務速度，係缺點。但係追求性價比嘅我，會覺得，甘叫做「值」！相信我，在香港百幾蚊，呢個價錢，呢個地方，呢間食肆，已經超額完成了。

雞煲火鍋每位$178， 等待雞煲上枱時間差不多20分鐘，雞煲上枱後，加入雞湯慢慢煮，又等多10分鐘， 一早已經落單已寫好火鍋料， 但要等到雞煲上臺後30分鐘才有火鍋料送到。 全部火鍋料嘅單位，我都係寫1， 但是，很明顯平價食材畀多D， 貴價食材畀少D。等到食完第一轉火鍋，再落單的時候，服務員的態度非常差， 又要等多一段時間，才有第二轉火鍋料上枱。 晚上九點半已經熄燈熄冷氣， 之後，你再行去汽水櫃拿汽水， 服務員喝住我，說汽水櫃已經鎖了。 唔會再幫襯。

今日星期六約了一班朋友親戚食晚餐，4人一枱的格局，我們點了8千幾的12人晚餐，估唔到每樣餸都出色好食服務環境都唔錯，服務員都好欣勤，友善好禮貌；環境寬敞光猛又舒服1. 高湯焗澳洲龍蝦啖啖肉，龍蝦肉彈牙又大件，配上伊麵好正2. 乳豬全體入味乳豬，皮脆肉嫩，但肥了點是肥豬豬3. 羊肚菌鮮淮山刺蔘炒帶子這個好正！淮山爽脆刺蔘吸了醬汁，羊肚菌及帶子都咁正4. 茶果子炸釀鮮蟹鉗好脆口熱辣辣，配上酸酸醬汁5. 原鼎火瞳燉鮑翅 滿滿的翅，大大塊口感一流，唔會太咸，爽呀6. 清蒸大海紅東星斑連愛唔食魚的老公都讚這個魚剛剛好，魚肉帶有彈性又鮮甜，好味道7. 蠔皇扣南非六頭鮑魚口感煙韌，吸汁美味，但老公同老爺話size不似6頭，我覺得唔錯8. 潮蓮燒黑椒鵝皇入味香黑椒，鵝肉好易咬，但也是肥鵝9. 六福炒飯足料乾身的炒飯配有櫻花蝦，口感唔錯10. 上湯煎粉果好好食又特別，煎粉果口感好，放在湯中吸了湯汁11. 南北杏萬壽果燉桃膠這個好滋潤又唔會太甜，好多朋友都讚好食，出色的甜品包了汽水及啤酒，也包了加一服務費；服務員友善有禮貌又勤快，抵讚

今日為左去鴨寮街維修部pad,由深水埗來回旺角步行三小時13300步，居然偶遇凱日酒家，最初以為一間普通酒楼，但位於西九龍中心收費實貴，諗住無所謂啦，陪兩老飲下茶，試下啦。。由母后發板，叫左蝦餃，燒賣，牛肉球，义燒包，牛肉腸粉，腐竹卷，泰式春卷(原來叫左咁多)，點知有驚喜，首到牛肉腸粉，原來即叫即拉，超滑。再到蝦餃同燒賣，加入露笋既蝦餃，超香，原隻蝦燒賣啖啖肉。再來腐竹卷，內裹素菜，美味。之後泰式春卷，裏面完隻蝦加粉𢇁伸有冬菇之類，不能不試，五星推介。食到晚飯都唔使食(慳返)，埋單258，大中午一點三個人仲想點，已經安排下星期夜晚試下，到時再分享。。值得推介