凱旋門法國餐廳 (已結業)

昨晚全家總動員到這餐廳慶祝阿哥生日, 未去己鎖定田螺+生蠔+牛扒, 事關本人是這三樣食物的狂熱愛好者, 逢到餐廳必試.家人分段前來, 我早到達. 餐廳裝潢並非五星級, 不過都舒服. 甫坐下就決定邊食邊等, 先叫一個金必多湯和一打焗田螺開動脾胃. 湯有雞絲,火腿絲,多款菜絲, 暖和的湯為田螺作前奏. 田螺隨後上, 焗得極香的蒜蓉鋪滿一碟. 我從殼中挑出螺肉, 把殼裡的汁倒至下層的薯蓉, 拌和再與螺肉同吃, 香濃滑鮮, 不得了! 過關!邊食家人陸續到, 加點了兩客生蠔(4隻), 老闆話要check check有無, 先知原來是限量供應. 我對生蠔的認識不多, 只知新鮮不新鮮, 滑不滑喉. 生蠔的賣相有點混亂, 不過大大隻, 頗討好. 小心切起帶子位, 一骨碌吸進口內, 唔~~明顯新鮮貨, 帶子位爽口, 蠔肉多汁, 忍不住往肚裡吞.齊人, 點主菜. 其實已經開始飽, 不過見老闆推薦西冷, 又不太貴, 加上想試齊心頭好, 也點了一客. 牛扒上菜後我即後悔, 12安士! 真係未食先投降, 最後都只係食到三份一, 飽上頸. 西冷牛味重, 無霉味, 肉質口感有質素, 應該無用鬆肉粉等出千. 不過太飽

我次次去親都係同老婆食晚餐，佢就最鐘意大蝦牛柳，個兩隻大頭蝦次次都大大隻，入面重要有膏既添。牛柳7成熟完全無個d發粉或者霉味，一咬落去好重肉汁味，成件牛柳又夠軟。再梨就係我最愛既西冷牛扒，一樣7成熟，午扒肉地唔覺老，好軟好多肉汁，最要係跟住小小肥膏，一半肉加一半膏個下入口簡直係好味。佢地既晚餐價錢可能比起普通餐廳貴，但係比起高級餐廳既價錢佢地叫好平，好似一隻幾個拳頭噤大既德國豬手都只係90有找，我真係覺得好底食

大埔長大的我，或是對凱旋門有一情意結，回憶在心中，但是每當每次食下他們的食物時，亦有一點新的感覺。星期二的晚上，我一家人從觀塘回來，討論食什麼晚餐的時候，腦海閃了一閃，提議到凱旋門食下晚餐。當進入餐廳，看見了卡座滿座的情景，不知在那時曾看見，所以便坐在Bar檯前的前，打算一邊欣賞電視，一邊食下晚餐。由於已經來了很多年，點的茶單亦沒有任何新意。　二人情侶套餐.　1.牛油餐包　2.薯蓉焗田螺　3.黑淑牛扖 (70%)　4.芝士海鮮焗飯　5.餐茶：兩凍檸茶　黑淑牛扖餐　1.牛油餐包　2.農村餐湯　3.黑淑牛扖 (70%)　4.餐茶：凍檸水．牛油餐飽或應稱多士吧，及農村餐湯亦是沒有分別，水準還在。．當食下薯蓉焗田螺時，當日由待應負責把碟子分給客人的工作，變成客人自己的工作。　薯蓉焗田螺上的香蒜很足料，而薯蓉則略較以前的乾身，令人食下有點兒口渴。田螺的質素仍是很好。．黑淑牛扖的牛扖已經說明了70%熟，為何一碟的完全70%，另一碟卻是一塊70%，另一塊80%或更多。廚師的質素真的差了嗎??．而芝士海鮮焗飯料多了，飯少了，兩人食的亦是足夠的。．最後的餐茶好了，茶味足夠了。．但是朱古力雪糕遲遲不來，問

我應爲凱旋門既食物真係唔差,或者你試下食佢既田螺牛柳餐呀...真係好ok ga...價錢亦好合理...個甜品仲好特別好有心思添...

講多無謂...去到食就知掂唔掂...我肯定呢間係好...

調查過程:根據各食家的美好回憶,就試一試一入門口,一陣怪味,即時想走,但鬼叫自已係"飲食審栽員",一定要逆來順受(食店俾乜我,一定要受,全因食店認為ok,可以俾客,就是該食店的標準)叫午餐=西湯+多士+燒牛肉飯+餐飲($27)西湯(紅)一送來,將一陣怪味驅走,湯,不俗.燒牛肉飯西汁平淡,牛肉老,乾,冇味,點食?凍檸茶一般貨仔$27看似抵,查實可否提高d質量再賣貴d?食完後,聽見女侍應同某人高談闊論,話之前有2個人要坐卡位,但只叫1個午餐.嫌人寒酸.....調查結果:環境不濟.味道不濟.女侍應犯大忌.$27看似抵但不值.飲食審栽員認為此食肆列為第三級黑店,半年內絕不再去,見議各食家不要再用美好回憶的作為評語.退庭

成日都去食佢果度d set lunch唔錯有個煎豬扒(可跟飯或意粉或薯菜)好好味d汁同個豬扒好match一個set lunch仲包埋一個湯(紅湯/白湯)同一杯野飲$30唔洗又要質素都ok真係好抵服務亦都唔差除左較後生既侍應生之外其他都好好笑容值得去!

今晚無飯開，約埋老豆去大埔墟醫肚，最後揀咗凱旋門餐廳。喺大埔住咗十幾年，由細食到大，雖然鋪內不及新式餐廳乾淨，亦不算高級，但仍然由兩位服務態度熱誠既老闆主持大局，對凱旋門真的有著一份濃厚的感情。大概時間到了八點，星期四既晚上竟坐滿七成，一班大埔既街坊都算俾面。我地點咗一個二人餐，鐵板黑椒牛柳+焗帶子蜆肉闊條麵。餐湯餐飽既水準不用致疑，牛柳的肉質和味道也可超越大銷品牌既扒王同花園既級數。美中不足既係大廚竟將闊條麵弄成芝士焗豬扒飯，有點兒失望，可惜!!最值得讚賞既居然係由細細個食到今時今日都仲有既『朱古力雪糕球』! 用乾冰盛載著幾粒自製朱古力脆皮芒果及香芋雪糕球，真的回味無窮!!在香港旳普通餐廳相信也很難食到這麼心思的食品了。甜品美味+ 優質服務= 物有所值!!

收到你的回應很開心﹗想不到也有人和我們一樣，在凱旋門留下不少回憶﹗我讀恩記o架，所以都算幾近，搵日一定要再去。其實o個頭仲有好令人有深刻印象o既食店，好似陳漢記啦、帆船、春風......仲有街市呀﹗不過宜家冇o左街市，又冇o左球場......每次撘火車經過都覺得有d失落o架﹗

見到呢個食評真係好開心,因為呢間餐廳都係我中學時代常去架 我同我d小學同學去左唔同中學讀書,咁我地一有時間就約去凱旋門食飯架^^ 真係o係o個度過左唔少開心既日子...到而家仲有同佢地聯絡架,不過已經好耐冇o係o個度食過飯lu~~ 呢間餐廳以前暗暗地既氣氛真係好好feel架,d野食就一般啦,不過服務就好好喇 搵日一定會返去回味下~~

凱旋門，是我高中時代經常去的餐廳﹗看到上一位朋友寫的寫評，一下子腦裡出現多年前的片段。午飯時間，如果有同學生日或者是大時大節，我們就會到凱旋門食lunch，因為對那時候的中學生來說，這是很貴的一餐，到中七的時候，經理已我們很熟絡，有同學生日時還會有雪糕送，好開心﹗最初去的時候，是那種很暗很有情調(當時認為)，現在已經變成明亮的裝修。中學畢業後，已很少在大埔出入，也沒有再經過凱旋門，很想再約老同學到凱旋門一聚。無論如何我都要評為「哈哈笑」的餐廳﹗

第一次去兩個人叫左一個焗朧利餐和一個拿破崙意大利粉餐湯同主菜味道都唔錯.最特別係個甜品....好靚.價錢同維園, 扒王之扒等差不多