影片
下午茶真系超细份‼️果日两个人饿饿地入左呢间茶记，谂住食个下午茶。叫左份鸡翼薯条配冻奶茶同粒粒西多士配红豆冰。先讲粒粒西多士，唔好以为我地食到咁乱，上碟果下已经乱哂位，好似求其放哂上去就算。不过心谂，放乱左姐又唔系冇得食，所以算。跟住食左一旧，入面乜料都冇，得个炸字，配埋红豆冰，咁就$3x蚊，花生酱都悭番🙃。接到落黎到椒盐鸡翼配薯条，薯条得果十几条，真系细份到一个点，鸡翼就其实可以啦，不过三十几蚊我宁愿去扫街买小食啰，食完之后真系觉得好空虚😕好失望。咁样两份餐就七十几蚊，完！
继续阅读
唔知系咪天气热无乜胃口，食唔落饭，但又无食早餐，太耐无食野惊会搞到胃痛咁多间茶餐厅 ，是旦入左一间啦，炒粉面饭今日都食唔落，所以拣左西多士，多一杯红豆冰降降温好快有得食，仲要已经切好晒一粒粒，好岩懒人估唔到茶餐厅都会有咁靓嘅食物，加上餐厅装修都几靓，坐得几舒服，冷气都足够红豆冰份量多，超过三分一杯都系红豆粒，我最钟意粒粒红豆有咬口，不过略嫌甜左少少西多士味道就不过不失，都算香脆嘅总括黎讲服务食物都OK
继续阅读
叫咗个下俾茶餐，沙嗲牛肉面 + 奶油猪，盛惠$30。由于非常肚饿，喺无做功课嘅情况下行咗入嚟，点知个面底劲咸，牛肉系一大块，仲要咬极都咬唔烂，结果只食咗个斋面 奶油猪唔脆、唔热、油唔溶，无诚意到一个点食完无丁点肉落过肚，极度不满足地离开。呢间茶记算系坐得舒服既，场内亦无乜人，其实都应该要意识到阵伏味有几咁浓，只能怪自己太想坐低。
继续阅读