凱施餅店 (已結業)

本人在月初(2月2日)早上在鰂魚涌的凱施餅店買了一個叉燒飽，價值HK$5.80 - 並不便宜。可惜食完才發現被搵笨 - 竟然成個叉燒飽只有汁冇叉燒肉。第二天走去理論，問佢地啲叉燒飽係咪只有叉燒汁冇叉燒『粒』，他們的職員竟然覺得錯在於我，問我係唔係自己夾攞錯咗個餐飽，痴線！好似以為我嚟敲詐咁。佢地係金融海嘨後仍然賣成HK$5.80 一個叉燒飽，已經好過份。最差係竟然連一粒叉燒『粒』都搵唔到，職員態度又惡劣。一句講晒... 差！差！差！

下午茶時份, 想吃少少, 又唔想太飽, 會選擇凱施的綠晶靈. 麵包捲了火腿, 新鮮好脆的生菜及塗有厚厚沙律醬, 上面還舖滿肉鬆, 好豐富的一個包包, 比起吃麥記的包包有益得多.其實, 凱施的包種都很多, 都很美味.方包: 很香軟, 塗花生醬錬奶, 是不錯的早餐.墨西哥包: 好脆的皮, 但不要吃太多, 好油.

因為在附近工作，所以常光顧此餅店。主要是他們的產品夠新鮮。最愛是蛋撻（$4），中間的蛋漿不太甜，酥皮也造得很鬆化、有很香的牛油味；本來我比較喜歡牛油皮蛋撻，吃過這家的也重新欣賞酥皮蛋撻了！另外，雞批（$7.5）也值得一試。主要是皮很鬆脆，有點吃餅乾的感覺，也不怕餅碎會四圍飛，只是嫌餡料較少。不過今天我決定以後都不要再光顧了，因為那個疑似經理態度很差。收錢時沒有告訴我多少錢，問她就眼望收銀機的牌──正在找硬幣付錢，怎看呢？我問她多少錢，她以充滿鄙視的眼神望一下，怠慢地說：「七－個－半－呀－搣－時－（Miss）！」把錢找給她就說句「多－謝」...... 雖然只買了數元的產品，我也不是要求甚麼酒店級服務的人，但我可是天天都去買，已經買了一年多！平時的服務已經不太好，今天遇到的實在令我下決心以後都不買。附近兩家連鎖餅店的產品可能水準較低，但態度比較正常啊！（p.s. 如果服務可以給負分的話我一定會給最少分）

此款法包不太硬, 但很少合桃, 而且提子焗得太燶

今次輪到這家較港式的餅店。又來幾款精選:1. 海之味/綠晶靈 (? $6.5) - 這個是凱施的招牌貨, 都是麵包捲著餡料, 海之味有蝦和吞拿魚, 綠晶靈就有點肉鬆呀火腿呀生菜呀之類, 用來做早餐最好, 係沙律醬多了少少2. 合桃扭紋包 ($6.5) - 合桃有時會有點苦澀, 不過夠實淨, 食得過嘅3. 藍莓芝士包 ($6.5) - 其實最好吃的是上面那層皮, 藍莓味都係得少少, 略貴4. 金粟奶黃包 ($5.5) - 我的最愛之一, 粟米粒令平凡的奶黃包生色不少, 簡簡單單就是最好

中學時代, 看著這家分店開幕,看著<海之味>的誕生~一個面包卷著滿滿的生菜蝦沙津, 滿足了愛包的我!!每一家分店的面包也不一樣, 一些分店的海之味餡料不足, 扁扁的, 賣相差! 有些分店更沒有海之味的踨影~結果為食的我特地走回這家店, 為的是海之味的回憶^^可惜的是餡料不像以前的多,扁了一點點! 幸好味道還好~包還是軟軟甜甜的~這家店好的地方是有圓枱,累了可坐著吃個包!(如果自己不覺得奇怪的話)

佢地d菠蘿包又大又鬆軟, 如果隔日食只要叮一叮都好正. 其次比較欣賞佢地既义燒酥, $3一件真係叫平啦. d义燒唔係用好平價肥肉做架. 個酥皮又正.

成日幫襯佢o既蜂蜜蛋糕~ 有原味/朱古力味/綠茶味~!只不過係$3.x 一件! 仲獨立包裝添~我認為朱古力蜂蜜蛋糕比另外果兩款較為遜色,唔夠朱古力味,亦都唔夠蜜糖味...原味最好食~!! 好香蜜糖味,夠晒甜~不過近來件蛋糕就縮左水, 將貨就價!由以前ge大大舊立方體變左切片...但係味道就冇咩點變,都仲幾好食~佢o既芙蓉蛋糕都唔錯嫁!

以前朝早開工前想杯香濃絲襪奶茶的話，必須幫襯茶餐廳早餐，不過茶餐廳早餐太heavy，而且大部分份量太多，食唔晒好浪費，唯有食三文治餐。想食麵包舖麵包的話就冇奶茶飲，因為麵包舖一般只供應紙包飲品。朝早返工已經好趕，要分別去兩個地方買包同茶，實在趕不及。現在可好了，上班前這裡總有出爐不久而且還暖的麵包供應，加上一杯醒神絲襪奶茶，立即覺是一天的好開始。這裡還有百達通付款設施，十分方便。

新開果時出左一款飽....叫做"海之味"....入邊有蝦仁...吞拿魚....生菜絲...火腿絲+大量沙律醬....全部都係我鐘意食既野.....大大個都只係$6....有一段時期我星期一至五都買黎做早餐....食到而家厭左.... 而且都冇左初初果陣咁多料.....

一夥淚珠的外型, 名為濃情朱古力,美麗的名字加上吸引的外表,令人不捨不把你帶回家。每一口都充滿著朱古力慕絲,你讓我的心也甜了!快樂的時光總是短暫,瞬息間,小小的你已消失於世上,臥在我的肚子裡,吃下一夥淚珠,心卻是甜的--濃情朱古力,難道你是情人快樂的眼淚?P.S.哈哈!我唔係玩野,不過有時寫得多,癲一陣啫!其實係好味架,試得過!

一包有成十片八片,好似好抵,但係食完就覺得唔抵!個同美心既朱古力提子包差唔多,一樣係方包上有啡色旋轉紋,不過就係淺啡色,味道可以話係完全無朱古力味,請注意,唔係好淡既朱古力味,而係無朱古力味!可能慳家,唔想落咁多朱古力卦!P.S.我去的是太子分店

比一般餐包大,雖然話係甜餐包,但係唔係太甜,包心夠軟,但係可能因為焗得有少少過時,包面有少少燶味同埋硬硬地。我淨食左一個之後,食第二個時將個包叮番熱,再塗牛油,咁就發現超正喇!食呢隻包,都係要自己加埋先得!P.S. 我去旺角分店

(唔好意思,剛才寫芙蓉蛋糕既時候唔記得寫藍莓忌廉芝士包)雖然好多麪包店都有藍莓忌廉芝士包,但係係凱施就第一次見,所以即刻買黎試下。個包已經同一般唔同,係有一層甜皮係面,即係好似UFO包,不過比較油膩,包面中間係酸酸地既藍莓醬,味道ok,講到主角忌廉芝士,即係包包個餡,就令我覺得有d奇怪,因為都唔似係忌廉芝士黎既!質地似雞尾包餡,味道似吉士,仲有少少蛋味,但係完全無芝士味喎!我諗我無買錯呀!咁d忌廉芝士去左邊?呢個係一個幾甜既包,雖然似乎唔見左d忌廉芝士,但係都幾好味。

之前已經試過呍呢拿味,綠茶味同芝麻味,今次試埋最後既朱古力味。朱古力味都幾好,味道唔太亦唔太淡,甜甜地,似乎好味過其他口味(可能有bias,因為我本身係一個鍾意食朱古力既人),由於蛋糕係蒸,不油不膩,而且亦算軟熟,所以我覺得都唔錯!