影片
之前我都系系尖咀果间买~觉得佢地既CAKE同职员服务态店都好好~依家就唔知系咪因为系屋邨店~CAKE既质素都仲好好~但果D女职员既态度就真系差~可能屋邨多D公公婆婆~佢地有时会向职员问多句呢D系咩包丫之类~但果度D女职员就答得好悔气~人地老人家都系问多句唧~讲真D女职员有语气好D又唔会蚀底既~有次仲俾我买紧包时听到D职员系度讲岩岩出门口果个客既坏话~仲要都唔算细声~我即系心谂~以后都系少D去呢间凯施好D~都唔知几时俾人讲~~
继续阅读
寻晚(23-1-2010 Sat)去男友人LKH家食佢为o岩o岩出嫁o既女儿LL做o既生日晚饭,加埋佢一家,女友人DC,同我男友,共有9个人,佢细女LYY买o左个蛋糕返o黎,呢个蛋糕细细地,有半磅,咁就o岩啦,因为个个都食到好饱,大家浅尝就唔会o徒啦.个蛋糕好靓,LYY o既taste真唔错.切好晒可以食喇,士多啤梨慕丝算松软,但士多啤梨味唔系好食得出.而上面o既朱古力味系淡淡的,整体而言都唔差o既.LKH问LYY蛋糕几钱?佢答$7X.我唔知佢o系边间买,上o黎openrice search,凯施竟然都开o系屋邨,真系强.
继续阅读
一到下午时间便开始口痕痕,行去凯施睇下我钟意的面包糕饼,顺便医下我既口痕有好多美丽面包在对我搔首弄姿兼发出诱惑迷人香味,令人目眩神迷刹时间唔知从何处落手!正在心大心细左右为难时,救星出现~蛋塔驾到~岩岩出炉新鲜滚热辣~蛋塔那涨卜卜充满光泽的黄色可爱小脸,即刻将我吸引过去~其他面包佳丽Sorry啰~今次我已心有所属,情定蛋塔.呵~呵~买左两个蛋塔帮佢影完靓相后,急不及待的送入口中~岩岩出炉既酥皮咬落有D索索声,最钟意酥皮有小小咸味,搭配滑嫩蛋浆真是绝配啊~蛋浆唔会太甜亦冇太多奶味唔会觉太漏,柔嫩顺滑内馅加层层松酥皮,食完齿颊留香~新鲜出炉的蛋塔令人回味无穷~
继续阅读