鳳翔清遠雞

营业中

休息中

清遠雞肉質結實，有質感，有雞味比起圈養的打針雞肉質鬆軟，好食得多。而且沒有皮下脂肪。十分健康。雞皮爽口。外賣約180一隻，約兩斤，非常超值。不用返深圳食。值得一試！

兩年前左右幫襯過, 現在賣的品牌多咗! 價位分別在平價/中價及高檔次吧! 今次買咗麻雞半隻及桂香雞半隻, 兩種雞最大分別係尺碼大細, 呢樣只要目測都睇得出, 而肉質的熟度則是全熟, 所以雞胸切忌食剩返蒸, 而我因為係食沙拉的人, 即使食剩都無問題, 雞皮依舊好簿口感爽但不脆, 雞肉的雞味沒兩年前的濃郁(以痲雞計,因為以前只有一種雞) 而現在的痳雞尺碼比以前的細, 看雞脾你會覺得佢只係比中鴿脾大一點, 肉質係結實有咬口的, 係呢種雞嘅特質, 屋企個長者對呢種雞特別喜好, 話有雞味! 兩種雞的價錢差別約10蚊(半隻計), 同兩年前比較浸雞的技術退步咗, 可能同主持人由年長嘅轉咗年青的有關係, 不過如果一間店要換血, 又怎可能唔俾機會後生嘅來嘗試呢? 又可能係咁引入更多品種, SET 唔同的PX LINE, 不過以呢區消費模式, 支撐住業務的應該會是下線兩款平至中價的品種, 而除咗烹飪手法未夠火喉之外, 發覺佢嘅薑蔥茸落太多塩, 基本上係剎咗件雞, 大家不妨試下點同唔點嘅雞肉味道差異, 希望年輕一代能上進改善, 始終現在是附近沒有競爭對手的情況下沒有得比較, 如果他日有對手出現的話,情況可能

兩年前食過印象難忘, 兩年後再買一次, 呢次因為白切雞只得半隻唯有試多半隻鹽焗雞, 兩種雞的皮下脂肪較前年的厚, 肉質則鹽焗雞較為實淨有咬口外皮色深, 雞味就兩種雞都比較少, 唔似得前年的澎湃, 雞皮亦不夠前年的爽彈, 可能同皮下脂肪厚咗有關係, 價位升咗不過都係正常幅度, 遲下有機會再試!

睇住民間鋪開張, 由開頭無咩人幫襯, 到現在雖未致人山人海要排隊但也見他們掛出來的雞雞輞越掛越多, 品種也多了些變化, 明顯是業績有所改善了, 店內基本是廚房占了大半, 簡單的白磁磚一面玻璃後面掛住的是瘦骨磷珣的淡白色雞雞, 由於這店非燒臘檔, 雞雞表面沒有”上油”所以賣相一定沒有附近”燒臘檔”的吸引, 但以貌取雞似乎太表面了, 在觀察了差不多一年後的一個晚上, 終於行出了第一步, 幫襯咗半隻雞雞, 雞肉不多皮下脂肪也只有簿簿的一層, 肉質的色是緊緊熟的桃粉紅色, 骨髓更是紅色有好些講究飲食安全的朋友絕對不會對此雞雞出筷子, 不過在我家自幼受家母的白切雞雞訓練, 紅骨髓雞雞只說明肉質一定不會嚡口, 雞肉的所謂雞味好難用文字剖白, 只要自已去咀嚼咬爛後未吞入喉管前由各自的舌頭的不同部份去接收那些訊息經大腦分析後這些是雞味了, 一隻曾經有活動空間自由快樂地活動過的家禽, 即使最後逃不過養殖場屠夫的一關, 以五十多元半隻計算是合理價錢啦!有時會有些自私的想法, 唔為佢寫食評,咁咪無咁多人識佢, 第日咪唔使排隊先有得食囉! 但諗返轉頭佢生意唔好要倒閉的話咪一樣無得食?

每次行過深水埗街市，都想買隻返屋企，賴喺孝順咁！基本上，依隻舖喺一間外賣店，不設堂食，但每次行過，總喺有一兩個人排隊。 今次行過真喺忍唔住，買咗半隻返屋企試吓！依隻清遠雞真喺好有雞味，完全同食開嘅肥雞嘅味道，喺完全唔同！應該喺走地雞嘅關係，肉質比較彈牙，瘦又冇肥膏！感覺完全唔同！如果鍾意食雞嘅朋友，不妨嚟試吓深水埗清遠雞。