影片
去到九龙城，唔食泰，唔食潮，试新嘢，食路边鸡，（系唔系客家菜呢？），有两间，另一间要等位，去左呢间。谂住呢啲老字号，都会有番咁上下啦。原来都只系一般而已。叫得路边鸡梗系要食鸡啦，半只霸王鸡，再加碟猪手，仲有竹笙鱼肚浸胜瓜，最后叫多个天麻炖鱼头。 但鸡就真系令人失望，无鸡味，肉质松散，做得个招牌菜，你点都要做好啲啦，鸡肉点都要嫩滑下话。反而猪手有惊喜，老婆唔食芫荽，佢竟然将芫荽切到好细粒，加落酱汁度，老婆虽然知道有芫荽，但竟然入到口，仲话汁好味。而个浸胜瓜无乜特别，反而个炖汤好足料，好香 。
继续阅读
难得细菌小子九点后先出嚟！两个细路又肠胃唔舒服，所以谂住带佢哋饮啲炖汤简单啲食番餐啦，但点知……………我哋四个人只能够分开两张枱坐， 楼面阿叔就好快放低咗热水比我地洗碗筷（记住，系一定要洗干净，发觉恢复晚巿之后好多餐厅嘅碗筷都积存好多千年污渍），我就先去个洗手间想放低几两（omg一地朱古力奶昔），算…我忍，洗干净手就闪， 未坐低，阿叔就话：「帮你落碟鸡先！」，我话：「等等，比我睇吓餐牌先啦！」跟住妈妈话落咗碟鸡杂并鸡脚先，阿叔就照落，之后唔够一分钟又番嚟话：「咁仲要唔要鸡呀？不如我介绍你食辣子虾吖！可以唔整咁辣！」，老实讲，要食川菜又洗咩嚟哩度吖？？？要食辣子虾又要小辣，咁同饮热啤有乜分别呢？？？同埋阿叔你系咁催落单做乜嘢呢？我系消费者，我想食乜系由我话事，除非我主动问你有乜好介绍啫！又算…反正费事点太多煎炸嘢！咁就叫个蒜蓉开边蒸虾啦！佢话：「帮你落12两！！！」我就ok啦！之后我就点咗个油浸笋壳同面酱油麦菜、猪肺汤同响螺汤因为之前食过都ok嘅！阿叔见我地洗完碗，都好细心帮我地抹干张枱（之前催催贡就算啦）汤先嚟！两个汤都keep到水准，但我连汤都未饮完条笋壳就到，坚快…落单起计5分钟起货，但唔知系唔系落错单呢？眼见系一条炸笋壳鱼而唔系油浸，肉干身暗哑外层呈现焦啡色，同平时食开嘅外层金黄色鱼肉雪白多汁嘅系两样嘢！又再算…可能生意差货去唔切唯有炸透啲费事有腥味啦！！！之后10分钟左右鸡杂并鸡脚就到，卖相keep到水准，但说好的鸡杂呢？？？只有鸡肾鸡脚同两小旧鸡膶（果两小旧系小到食咗都未必知道嘅级数）系无鸡肠㗎！跟住就听到隔离枱同阿叔落单要鸡杂！阿叔话：「鸡杂得鸡肾无鸡肠无鸡润！」哦…即系你送菜比我之前已经知道，但点解你唔同我哋讲声呢？讲声都好吖！我再又算…整体质素ok，至少我地食哂！跟住15分钟开边虾就到，15分钟12两虾开埋边蒸埋淋埋油？？？唔洗讲大家都知已濑嘢啦！一定系开定啦！休渔期过咗喇！而家买新鲜虾其实好平，一只食指咁大嘅海中虾$108左右一斤都买到 ，食蒜蓉开边蒸虾唔系要食新鲜嘅咩？要食手指尾咁长仲要开边，甩壳肉霉虾肠都未清，粉丝淋嘅！我食咗一只，我都做饮食㗎！我唔信，我再食多只，之后…我质疑自己点解唔信自己嘅尊业（开始怀疑人生mode),好嘢！你真系够胆卖跟住菜到，味道无问题，但镬气小炒系无可能水嗲嗲，阿仔已带上口罩，跟住到我，因为我家嘅女性比较有衣食，但妈妈同阿女两个同碟菜战斗咗5分钟后都宣告放弃之后佢两个都带上口罩比熄炉我，仲唔急急脚埋单走咩？？？埋单$568犀利，我第一次食饭一支啤酒都无叫过，由我坐低到埋单走total只系用咗35分钟，哩啲价钱我真系唔要求太多，合格就可以，但$200几一碟蒸虾可唔可以认真啲呢？？？如果你地用新鲜虾around$300/12两我都好乐意比㗎㖞！但你地真系够胆煮出嚟！做饮食，第一个要求就系你地都会摆落口食之后先比客人食，我惗哩个系厨师嘅问题未必系老板你地嘅问题，因为炖汤同鸡杂啲味系keep住我细个仲住喺城寨果啲味，同埋大家都系行家唔系太过份我都唔想写你地！！！好对唔住如果有下一个食评系赞你地啲小炒做番正，我一定会同朋友再帮衬
继续阅读
想试路边鸡很耐，但每次约食饭都唔记得佢，咁啱今日朋友即兴约食饭，地点正正系路边鸡，正好试试佢⋯夜晚7:00到达，被安排坐隔离细舖，系第一枱客人，先讲环境，店舖属旧式食饭店装修，相信已有一定歴史，枱面铺有多层枱布，整体尚算干净。我哋一枱四人，叫咗一只葱蒜鸡+鸡什丶虾酱通菜丶黄金苦瓜丶豉油王炒面。葱蒜鸡：鸡什铺面，上面再有葱蒜，香而不油腻，不愧为店舖招牌菜。虾酱通菜：新鲜，炒得干身。黄金苦瓜：香浓咸蛋黄味，略嫌太多油，唔够干身，上枱时碟面重见到啲油。豉油王炒面：正，干身，够香够味！另加4枝玻璃樽装汽水，1枝超冰冻大啤（樽面有冰雹，一开盖，啤酒嘅二氧化碳涌出，遇到低温，立即变冰，饮得超爽快！）四人食饭，埋单$685，抵食！菜牌写有多款一人分量炖汤由＄35-$75，下次再试。
继续阅读
今日嚟咗食我钟意嘅中菜两个人叫咗两个𩠌一盅汤分别系芥辣牛柳粒同埋砵仔焗鱼肠我老公就好钟意食焗鱼肠喇 呢味小菜的确唔系度度都有得食 鱼肠捞左蛋油炸鬼再拎去焗 我就钟意落好多胡椒粉嘅至于芥辣牛柳粒就系用洋葱炒牛柳 再捞Wasabi同买沙律酱 芥辣味好够真系啖啖都有少少攻鼻嘅感觉 但又唔会抢晒啲牛柳味因为有沙律酱嘅甜味中和返至于个汤就叫咗花旗参炖鸡 佢呢度可以逐盅汤叫嘅 啲汤好够味 佢仲有好多其他选择上次叫过炖鱼头汤都好好味👍🏼又系值得encore嘅舖头
继续阅读
系九龙城同男友一齐收工又去食下宵夜先零晨12点几黎到都有4，5台客系到坐低点下野食先今次难得地吾饮啤酒🍻叫左2个炖汤一个西洋菜吾记得炖咩另外一个xx雪耳炖猪展两个都好足料够清甜，吾油腻，好饮蒜蓉粉丝蒸虾冇记错$138第二次食了，都仲系咁好食平时好少食蒜蓉，但佢地整既蒜蓉真系不得了加埋啲粉丝吸晒味黄金鲜鱿又系第2次食了炸完再加左蛋黄炒几下够晒味够晒香葱蒜鸡鸡都算滑个人黎讲系吾太中意啲葱会有少少苦味价钱几合理其实宵夜时段有吾少小菜系特价，超抵食今次咁岩冇叫到而餐牌仲有好多好多野想食好多都未试过下次再食其他
继续阅读