影片
12月中先同D FD去食过，食完简直背脊骨落呀﹗其实呢间嘢转咗好几手，成日都话要试，不过未有机会，今次机会嚟嘞，就同2个FD一齐去试吓啦﹗顺便补祝其中一个人的生日。我哋去到时只系7点几，食晚饭时间，一去到叫汤底，等咗差唔多10分钟都唔嚟，谂住算啦，反正点嘢食都要时间，点知入埋纸叫嘢食后，再加埋三催四请，都仲要等多10分钟先有汤底上，不过之后又用咗10-15分钟先有嘢食上。原本以为第一转会慢D，点知唔系，系每一趟都要等咁耐架﹗而且唔止系我哋张枱等，全世界都响度催。真系蛇都死咯。不过更奇怪的系佢哋出的菜，我问极个部长都唔知系咪我写错嘢，到底我应该写「份数」定「件数」，因为无论我写几多，所有食物每次嚟时都只系得两粒/片，好笑到连猪红、鱼旦、云吞每次都只系得2粒，我哋有3个人都唔知点分好，同个女部长讲，佢态度恶劣咁话怕我哋食唔晒，所以每款只系执一D俾我哋，费事要收我哋HK$5/两咁话。到我强烈要求要一个数量的食物时，佢就响我哋面前叫个WAITRESS「你数清楚先好俾客呀﹗」，真系火都嚟埋﹗再加上我哋点的好食嘢如鳝片同脆鲩片就一直都唔嚟，要直接同另一个部长讲，佢先叫人拎嚟，叫一次就话啫，每次都叫，咁麻烦﹗最后差唔多食完时谂住饮杯茶啫，个女部长话剩系得竹蔗水㖞(一去到已经连酸梅汤都无LU)，张单明明有收我哋$10/位茶和$10/位芥，但又唔肯俾杯茶我哋饮㖞，都真系未见过呀﹗其实咁既价钱出旺角大把啦﹗人哋食材又好D，服务又好D。根本唔使嚟呢间﹗好彩以前无嚟渣，真系无下次呀﹗
继续阅读
今日返完学, 10点钟去到间野打边炉.入到去, 环境还算干净卫生.一坐低, 就俾左几个特价汤底你择, 我地择左个猪骨汤底. 汤底卖相都ok, 奶白色.野食方面, 首选醉翁鸡中翼(好香酒味), 肥牛(雪花都几靓), 同埋d饺都几好, 不过系d丸类差d. 野饮就有d竹蔗水同d酒.....埋单每位68+汤底18+茶钱=101任食火锅好似系9:30后开始............
继续阅读
08.5.18 (日) 6个人黎饮茶，完全唔需要等位。嗌咗 虾饺x2﹑烧卖x2﹑叉烧饱﹑奶黄饱﹑马拉盏﹑凤爪﹑排骨﹑鱼云﹑鲜竹卷﹑金钱肚 & 鸡丝炒河解说︰虾饺...细粒咗D，味道尚可烧卖...都几大粒，肥肉多咗D叉烧饱﹑马拉盏﹑鲜竹卷...一般奶黄饱...奶黄太"希"太甜，可以唔食凤爪﹑排骨﹑鱼云...好味必食 金钱肚...个样几靓不过我冇食(因我唔吃牛)鸡丝炒河...炒得个样几靓，但唔够咸埋单$289，要 $300 以上才收信用咭下午茶时段全部点心 $9.8，咁下次两点后黎
继续阅读