影片
营业时间
今日营业
11:00 - 23:00
星期一至日
11:00 - 23:00
公众假期
11:00 - 23:00
公众假期前夕
11:00 - 23:00
以上资料只供参考，请与餐厅确认详情
有关奖赏计划
相关文章
🌱環境服務大圍分店的座位以卡位為主，私隱度高，啱晒成班朋友吹水慢慢打邊爐。座位設有USB hub，方便叉電，好貼心嘅設計。至於服務，店舖人手充足，店員不時幫我哋加湯底，尚算細心。🥘台式麻辣湯、蕃茄牛膝湯台式冇四川麻辣咁辣，鍋底里面有壽喜菇、鴨血、鹵豆腐。如果鍾意食辣嘅朋友，建議點川味麻辣火鍋湯底（P.S. 鴨血同鹵豆腐係無限添加😌)蕃茄鍋比較偏甜，裏面有兩嚿大牛膝，一大堆蕃茄。🥘牛小排、牛肩胛Menu寫明係用USDA choice grade嘅牛肉，有一定質素，牛肉味重👍🏻🥘南非活鮑魚鮑魚採用南非鮑，雖然上碟時已經唔活，但食落仍然都好新鮮！🥘企鵝丸（墨魚漿制）其實係墨魚丸，但個人覺得口味一般偏甜，不過玩味十足，啱晒打卡用🐧🥘萵筍套餐只有兩種菜，同行小夥伴因為唔食皇帝菜，所以選擇萵筍，正常嘢🥘香鹵大腸（追加）唔算好肥，但份量偏少。如果喜歡食內臟嘅朋友，可以一試🥘前菜小食前菜有魚皮同埋麻辣香菇，味道唔錯，魚皮爽口，香菇入味。🥘水果喺自助醬料枱拎嘅西瓜同哈密瓜，好清甜🥘啫喱、沙冰食完麻辣鍋，飲番杯菠蘿蜜桃沙冰真係好爽😌至於啫喱，有桂花和柚子味，酸酸甜甜。
继续阅读
4 人午巿套餐 - 636同朋友 下午茶時間走左去湊湊食火鍋. 其實在深圳有食開呢間火鍋. 但就未試過在 HK 食. 今次是第一次叫了一個 4人午巿餐, 兩大兩小吃, 足夠有餘胡椒豬肚湯, 味道濃厚, 會一口一口地飲下去, 跟餐的肉質, 還可. 唔差. 可以自行到中央位置自調調味料, 還有水果, 米飯供應 .這裏店員服務也很好, 每樣事都跟得很足還會送上沙冰及甜點 , 雖然會比內地價錢貴一點, 但未必成日有時間到內地用餐, 這樣也是一個好選擇.
继续阅读
讚飲品，彈服務！將兩次茶米茶嘅光顧合併寫。算係湊湊粉，耐唔耐都會幫襯k11 musea同圍方分店，尤其天冷嘅時候，邊爐嘅食物同賣相都唔錯，茶飲又掂！今次想講佢嘅茶飲外賣店--圍方嘅茶米茶。首先力推一襲紅袍，茶底好香醇回甘，超級好味！如果打開邊爐堂食嘅話會加埋雲朵，即係芝士奶蓋，好香好滑，但外賣嘅話，我就冇叫過奶蓋喇，因為見外賣杯封咗頂，冇得直接飲到奶蓋，所以留返堂食時先叫奶蓋。戴返個頭盔先，我唔知外賣有冇另一款揭到蓋嘅外賣杯。如有，不妨試埋佢個奶蓋，真係掂嘅！係時候彈喇，近呢個星期買過兩次外賣，兩次都遇到女店員，一高一矮。高嗰個正常嘅；矮嗰個態度好差，黑晒面食咗火藥咁，眼神唔友善、語氣又堀。仲要係平日嚟，眼見就唔繁忙，唔知咁燥做乜！其實order杯飲品啫，根本唔會有咩交談，完全冇得罪佢大小姐，返工仲要服務行業，唔使妳笑晒口，正正常常已經收貨啦！香港餐飲業唔掂，真係多得呢種人嘅差劣態度！
继续阅读
我之前都係去銅鑼灣同尖沙咀湊湊，雖然價錢貴但好食都覺得冇問題，今次貪近去左大圍，嘩，好唔掂。毛肚又唔爽，牛肉又唔掂，湯底又求祈，連貢丸都難食，如果佢地全部舖都係咁，真係以後都唔洗去。
继续阅读
因為黑雨，同朋友可以早啲見面。揀咗去圍方打邊爐前菜魚皮好正！食到停唔到口，不停出去攞。食到唔記得影相 😂😂三個人，叫咗二人餐再加少少其他嘢。鍋底要咗麻辣拼椰子雞。麻辣鍋嘅鴨血同豆腐可以無限添加。肉類質素不錯。朋友嘅大紅袍奶茶好好飲，好香茶味。兩個鐘限時，食到好飽，竟然唔記得去拎生果食。#pandaskitchen #pandafoodhk #taiwai #thewai #大圍 #大圍美食 #圍方 #湊湊火鍋 #大紅袍奶茶
继续阅读