冬蔭牛牛

营业中

休息中

千里迢迢入黎元朗做義工，做完順便有去食好野。由於義工地點加上天氣實在太熱，決定係附近食個飯先再出去市中心。朋友話去食泰國菜，我地照跟，坐低每人叫一個碟頭再加小食。我試左泰式金邊粉，冬蔭公湯同小食拼盤。金邊粉味道偏甜，質地適中但有小小黏埋一齊。份量好大唔需要擔心唔夠食，不過無蝦，比較偏素食，如果想食多d 肉可以試下其他。冬蔭公湯好味，酸辣比例幾岩我唔味，唔係只得個辣或酸。材料好足唔會得小小。小食拼盤擺盤好靚，打卡幾好，食物味道正常，適合多人一齊share 。有機會咁岩去開附近可以黎試一試，午餐都抵食。

正正常常椰青水，是新鮮開的，鮮甜沒毛病。這杯是港式味道的凍奶茶冬陰功海鮮湯酸甜度調得剛剛好，蝦多，其他海鮮略微過少。泰式炒椰菜苗很有特色，味道清甜帶點辣，平時港式餐廳吃不到的味道泰式乾炒牛河這個略為失望，不夠味，太淡，雞肉味也沒有雞味，醃製時間不夠或是雞放久了不新鮮。泰式炒金邊粉這個金邊粉只有打卡用途，太淡，太失望，根本沒有泰式金邊粉應該有的味道。菠蘿海鮮炒飯海洋足料有誠意，但是菠蘿味與飯味是分離，吃得出是遲放菠蘿去炒。明爐魚鍋超超超超超失望，食那麼多間明爐魚，這間店的明爐魚最失望1.湯底不夠酸辣味，直接講沒有味。2.魚有腥味，可能是湯底不夠味導致。3.魚太多骨。4.連豬肉味都有腥味。5.配菜完全沒有煮過就灑上面，湯水也不足以覆蓋，導致會出現生食配菜的情況。這間店員工只是遞遞餸菜，味道又欠佳，清水喝完也不會主動加水，卻要收加一服務費，完全不合理。最重要的是菜式味道未如理想。不會推介朋友，也不會再次光顧！

剛剛新發現，元朗錦田有間泰國餐廳，位置偏僻，勝在可以泊車見到佢有呢個泰國豬手飯，叫咗黎試吓。首先佢個豬手好多，仲要炆得好腍，豬手唔油膩易入口煙靭，配上佢個泰式豬手汁，辣得來好過癮好開胃另外佢個湯偏濃味，不過都叫ok。

錦田天空之城泰菜館 ---- 冬陰牛牛🥘 燒鱔魚 $38鱔魚燒得岩岩好,外脆內軟, 表面d醬料好好味, 鱔魚好厚肉, 咬落去d魚油出晒黎🥘 蛋花黃咖喱軟殼蟹金磚 $268強力推薦必點, 咖喱唔太辣, 蛋花令到咖喱既味道同香氣都昇華, 軟殼蟹岩岩炸起, 超脆口而麵包吸晒d咖喱汁🥘 泰式濕炒河 $55好大份, 又足料, 粉河炒到岩岩好吸晒d汁, 不過不失🥘 龍眼冰 $30

📍冬蔭牛牛 (元朗)元朗錦田高埔村108號18座地舖今日揸車入去錦田個邊食泰國🇹🇭菜，人多食野真開心🤩，乜都可以叫d😋，滿足我呢個為食鬼😍🔹 泰式生蝦每次食泰菜既必點頭盤😍蝦大隻又厚身，好味👍🏻🔹蒜蓉包熱辣辣，脆卜卜，滿滿蒜蓉香🧄🔹小食拼盤拼盤每樣有d，大件抵食之餘仲好正😋🔹柚子沙律好清新又足料🥗🔹鹽燒烏頭燒到魚皮剛剛好，好睇又好食，配埋碟汁一流😋🔹馬拉盞炒通菜不過不失😊總結：方便泊車，食物水準👍🏻服務態度一流👍🏻推薦指數：🌟🌟🌟🌟（5🌟最高）

天氣寒冷臨時選擇咗係天空之城既冬蔭牛牛又係標榜泰國人主理好彩今日唔係好滿提前幾個鐘都可以透過open rice book當日位唔少得既冬蔭功暖暖個胃 好足料 好入味 要添飲多碗生蝦刺身 新鮮爽口泰式鳳爪酸酸辣辣 開胃必點 炸蝦餅 香脆彈牙豬頸肉 脆薄 唔油膩期望太高 反而有落差唔係想像中咁出色但屋企人好鍾意❤️咁應該視乎個人喜好整體來講係好味嘅大大份但略嫌太厚 硬唔夠香口嫩滑新鮮香口 開胃最後送左個大菜糕 唔係好甜 好好味😋成餐大完美😋員工態度友善泊車方便值得推薦

假日天氣涼涼地同朋友自駕遊，遊到去錦田啱啱好傍晚時間，決定去出名既天空之城食飯，呢度有得泊車好方便。今次揀左食泰國菜，我哋到達時尚早，不用等位，坐低點菜後就開始越來越多人入座。泰式咖喱炒蟹 $348 –肉蟹新鮮、肉質彈牙，配料多咖喱汁味道一流，無國界蒜蓉包$55 – 個咖喱汁太正，所以忍唔住叫個蒜蓉包點咖喱汁食冬陰功湯 $148 – 酸辣度啱啱好，好啱我口味原個椰青海鮮焗飯 $118 – 成個飯充滿椰青味，蝦、魷魚同青口都特別鮮甜。燒牛仔骨$98 – 牛仔骨有少少肥，但味道唔錯!馬拉盞炒通菜 $78 – 味道唔錯! 總括食物質素味道幾好，同行朋友都覺得滿意。

經典嘅泰國餐廳，太多元朗必試的天空之城搵餐廳，同朋友敘舊，揀咗呢間。有生菜包，冬陰功湯！豬頸肉，泰國都有嘅芒果冰，生蝦！樣樣都係泰國一定會試嘅菜式，其實味道好地道，一定會再嚟，元朗市中心過嚟都好方便！

無堂食抗疫外賣dinner之選! 聽話個頭好多人專登去食~係寵物友善餐廳原個南瓜海鮮焗飯 $118有賣相又有內涵呀! 氹下自己開心又睇得又食得既正野!喜歡食南瓜肉既朋友仔一定喜歡! 又暖笠笠又厚南瓜肉加上滿滿既炒飯😋好足料重要超多份量, 有埋腰果&魷魚~我就算幾食得, 都要搵多個人share先得!芒果糯米飯 $55芒果鮮甜, 微暖&軟身的糯米飯淋上椰汁, 夾埋一齊食, 味道又唔錯wo! 下次可以再食過😁

朋友介紹話食過呢間唔錯，所以今次專登揸車入去食。佢的位置係錦田天空之城，天空之城仲有其他的特式食店，有機會可以一試。本身諗住錦田咁偏遠一定好少人去，點知原來好多人都係專登揸車入去食，所以有揸車的朋友要留意車位問題喇，有𝒹人會嘗試泊出面，但唔好太博，因為連個度都會俾人抄牌架🤭.坐低左拿拿聲叫野食先，朋友發板，就叫左以下呢幾款🤩1️⃣泰式炸蝦餅 $92蝦餅好脆身，仲好多蝦肉係入面，好食👍🏻2️⃣生蝦刺身 $128生蝦大大塊和厚身，感覺幾新鮮3️⃣馳名咖喱蟹 $348咖喱汁並唔係用辣咖喱，係用左甜咖喱，岩哂一𝒹食唔到辣的朋友，可以用黎點薄餅或送飯一流😋而蟹就相對一般，比較細隻和無咩蟹肉4️⃣無國界蒜蓉包 $55蒜蓉包好大舊，咬落去脆卜卜，用左咖喱蟹的咖喱汁點黎食，好好食，食完一舊會想再食第二舊🥰5️⃣冬陰功湯 $148份量多可以倒到好多碗，好足料，酸酸甜甜幾好飲6️⃣菠蘿海鮮炒飯 $115好多餸好足料，炒飯份量多，好野味🥰7️⃣肉碎生菜包 $88肉碎份量多，唔會乾唔會濕岩岩好，有些少微辣，味道豐富。生菜都幾乾淨又大塊8️⃣馬拉盞炒道菜 $78雖然份量多，但味道淡左少少9️⃣新鮮椰青 $38椰青清甜，幾好飲，但椰肉就好難整出黎食

自從養咗狗狗之後，會周圍搵一啲寵物友善餐廳食飯，今日就嚟到天空之城搵食，揸車入嚟嘅朋友要留意一下，有啲難搵車位，唔係車位少，係太多人揸車入嚟。因為帶住狗狗只可以坐室外，宜家嘅天氣坐室外，狗狗同我哋都坐得舒服嘅。室內嘅唔知，室外嘅所有枱面上，除咗紙巾、餐具之外，仲有一支酒精搓手液。其實係好貼心嘅。另外，值得一讚嘅係員工嘅服務態度，好有禮貌，見我影相，會主動幫我開多盞燈，其實我要求唔高，一句「慢慢食啦」或者一句「小心熱呀」真係會令食客食得開心啲。而呢間舖頭係做到嘅，抵讚👍🏻👍🏻

今日突燈黎元朗天空之城呢邊午餐，叫咗一個泰式金邊粉，金邊粉食落去有少少甜味，材料相當足夠，同一個泰式辣肉碎金邊炒河，呢個河粉相當夠辣而且河粉每條都分明，唔會痴埋一齊，入邊除咗肉碎仲有3-4舊秀珍菇，如果秀珍菇可以多番少少就好啦咁因為都覺得啲嘢食幾好食啦，所以另外叫咗兩個午餐外賣比屋企人食，但冇諗過原來外賣係要加咁多錢，兩個餐足足加咗$6，你每個外賣盒計兩蚊一個，餐嘅熱飲外賣杯要加一蚊一個，真心覺得外賣係比較唔值所以會建議大家堂食比較好。

母親節訂枱～早上11点confirm 咗2次～當日下午2点幾先打嚟話同事搞錯～冇檯比我～全家特登從港島入元朗玩準備夜晚食飯～一句冇檯要大家東奔西跑。冇檯唔好confirm 我～已經係母親節下午～經已好難在外面book 8人檯！一句同事搞錯就特責任推得一乾二淨～完全冇諗過点去解決～態度差到不得了～意思就係大佬，而家係冇檯俾你～個confirmation 係廢嘅！！冇得食呢間唔係特別出色嘅絕對唔係一個損失，損失嘅只係時間。

今日去元朗花農場玩去之前成班話去依肚先😋😍朋友話去錦田食冬陰牛牛喎朋友話必食推介，海南雞飯，重要油飯喎好，成枱叫一人一碟海南雞飯啦嘩…個冬瓜湯，一飲，味道似去左泰國禁個油飯食得出有香茅+黃薑，嘩堅到呢…好味呀雞呢…厚肉堅滑又有肉汁，正朋友佢地加$5就轉雞肶，嘩大隻到呢…大食朋友話加飯，嘩…堅係比一碗大大碗白飯佢，最正係無加佢錢喎。結脹時，重有折比我地，折左等於無加一費用。正呀！下次會再來，要試下佢地嘅，招牌《冬陰牛牛湯粉》

平日會特登揸車過嚟呢度附近的大超市買餸, 見到對面街有不同嘅食店, 一於搵間試試佢見到燈火明亮的泰菜便直接入去了, 店內座無虛席, 看來不少人也專程開車慕名而來點了二人餐, 有冬陰公湯, 馬拉盞炒通菜, 炸蝦餅, 串燒, 蒜蓉包, 這些都是常點的泰國菜冬陰公湯: 味道偏淡, 有蝦有菇, 細size都幾大碗馬拉盞炒通菜: 有鑊氣, 味道偏淡, 分量多炸蝦餅: 這個最好味, 大大件很滿足串燒: 一般, 沒有熱辣辣燒出來的感覺蒜蓉包: 包的質地很鬆軟, 蒜蓉味偏淡二人餐的價格收費合理, 還點了啤酒和椰青加一後共$460溫馨提示: 小店只收現金, 記得準備足夠現金付款