冠華粥品店

营业中

休息中

先前已評論營盤街新貴記 是次黎到長沙灣另一老店冠華粥品一較高下比賽項目為肉片生滾粥及油炸鬼此為生滾粥 肉片與粥共同煮成 故粥能充分吸入其他材料嘅精華本人會從粥底及肉片作考量「粥底」粥已充分吸狀咸肉嘅精華 食落有陣陣咸香 跟新貴不相伯仲冠華嘅生滾粥偏向水狀 即米對水嘅比例較低 理想嘅粥應呈漿狀「肉片」雖然味道不錯及量多 但未夠嫩滑 在口感上略遜於新貴記 油炸鬼雖然比較細件 但非常香脆浸入粥後並非如想像中完全變軟 部分仍保持脆口口感頗為特別 「軟硬交融」另外冠華油炸鬼食入後香味較濃因此冠華嘅油炸鬼則略勝一籌新貴記及冠華粥品嘅出品皆為美食 本人每次光臨皆見其坐無虛席聞其傳統裝潢及食客扶老攜幼食得津津有味 不禁想起年幼所見舊香港嘅情懷這類餐廳雖不及西餐廳等摩登及華麗 但內裹包含不少港人回憶及文化 別有一番風味

路過這間粥品店被其腸粉製作吸引，布拉式兼且用竹條做底，頗有傳統風格。入內光顧白粥、孖腸及蘿蔔糕。先說蘿蔔糕，一看就知是人手製作，入口柔軟，有真蘿蔔，用傳統方式，鑊鏟隨意切，讚賞。我心愛的孖腸，則大大失望，凍，似乎放了很久，粉皮有點硬，可能是凍原因，記得兒時腸粉即叫即做，那時可能人流多，根本不可能預製，其實人客又不是很多，何必預製那麼多，無人會喜歡凍腸粉，桌上醬料齊全，奈何！白粥還可以，用白米煲，不是用粉開，但欠白果及果皮，有點鹹，不知為何預先加鹽。環境衞生絕對是粥品店死敵，差。價格便宜，讚。樓面老板娘聲若紅鐘，行內術語精通，擺尾，全走等，算是特色。今時今日，就算景物依舊，亦人面全非了。

很多朋友愛將美食相片放上網，但甚少人 會將吃粥的相片放上網，可能因為不夠吸 引、不夠氣派吧。放張四、五十元的雪糕 相片上網，別人就會認為你很識食，嘩眾 取寵。正因如此，是晚決定來吃粥，莫等自己下 次吃到好吃或不好吃的粥，也不懂分辨。 記得小時候，我吃粥就像受苦一樣，要麽 生病，要麽家人生病被迫一同吃粥，否則 絕對不會主動吃粥。這兒五六張大桌，自行搭桌。看牆上的餐 牌，有套餐可言，但由於本人經已不常吃 粥，故不會故意省著省著點餐，於是點了 個及第粥，加炸兩。及第粥料多，但粥底似乎不太夠綿。我認 為夠綿的粥，像是濃度較強，米較多的， 不會太多水，所以像是糊狀。青荵及薑絲，其餘就是大量配料︰肉丸、豬 潤、豬肚、豬腰。豬潤又綿又新鮮，一點 也不老；豬肚又乾淨又爽，吃得過癮。印象中曾吃過完全新鮮的炸兩，油炸鬼又 新鮮炸起般熱燙燙，再包上腸粉又滑又 熱。這兒的炸兩，不知放涼了多久，腸粉 外皮又涼又碎......油炸鬼又冷又過氣，有 部分還吸了過量豉油而變色了，只好強加 大量甜醬勉強吃下......不推介!

晨早流流準備去黃金買野，不過未有咁早開門就去左食腕粥，店內幾乎坐滿原來周日都幾多人食粥，仲有一堆行山友黎食(一身行山裝備)，我叫左碟腸粉同艇仔粥，首先講腸粉先，腸粉夠滑唔太厚唔太薄適中加D椒油已經好好味，艇仔粥少左D花生作點綴，不過豬肉都幾多粥比較咸左少少，整體黎講都OK埋單廿蚊左右算係咁。

突然想食芝蔴糊，路經此粥店，＄７一碗，好平呀，一於試下。唔好睇佢咁平，成碗粥咁大碗！芝蔴味幾香，好滑，最重要係唔係好杰，以前响甜品店食過好杰既，好難食。無乜粒粒，好幼細下。整體黎講中上，加埋價錢就好抵食了。

今晚阿娘又無煮飯,就提議去食粥啦,阿娘最鍾意呢間的蘿白糕,平時出面都係煎的多,呢度係一大底好似馬拉糕咁蒸的,仲要好搶手,通常每2台客就有一個要,叫蘿白糕果時佢會到台時再響你面前加豉油,不過我阿娘好鍾意多式,所以要加好多,豉油不會很咸,阿娘說他們落好少粉先至有咁"淋"身,仲會見到蘿白絲響裡面,好味道!!炸兩的腸粉皮幾薄,不過未算最滑但很爽(因為吃過更滑的),內裡的油炸鬼還有一點脆口,加上豉油調味剛好!本來我說想找北菇滑雞粥,但見不到就單一味算了,但結果原來是有冬菇的,總算是吃到想吃的,不過冬菇好像沒有浸過水,結果在粥裡還是像串燒的一樣乾,這個滑雞是有骨的,吃得很麻煩,不過幸好碎骨不多,肉也很多,粥品是綿的,還算不錯!腸粉是阿娘見到隔壁的人叫了好像不錯才叫的,台上有齊腸粉的配醬,芝麻醬,甜醬和芝麻,豉油之前就加定了,混了醬之後很好吃,雖然不算最滑但不差!這裡都是做街坊生意的,所以都很便宜,我們2粥3小碟也才43蚊,味道不差,也很飽肚,我7點多來吃也有8成滿,比起那些海字頭的粥店只有名但不好吃又貴的店好多了

朝早路過此地, 忽然想食傳統的炸兩, 於是長驅直入.全是大圓枱加摺櫈, 人不多, 冷氣足夠, 不怕食粥致汗流浹背, 叫了碎牛粥和炸兩.兩分鐘有得食.賣相麻麻, 粥是白濛濛的葱花也沒有, 炸兩的份量甚少, 面上只有少許豉油.先把粥內的少許牛肉碎攪拌一輪, 再落辣椒醬在腸粉上, 再洒少許芝麻.試一口粥, 不得了, 是打了米粉芡的, 把口糊著, 味道不濃, 可幸味精也不肯多落.炸兩外層的粉算是爽滑, 但油條郤不行, 完全不脆, 辣醬也不辣. 要求不高的話, 可以飽肚的, 味道郤要給負分. 浪費了quota.這店連這些傳統的街坊食物也做不好, 真是羞恥.價錢再平也不會再來.