冠華冰廳·阿爺燒鵝

营业中

休息中

Grandpa 👴 阿爺燒鵝 冠華冰廳旺場 勁多人🤣😂漁灣街市及熟食中心對面門口位置有幾個停泊位置揸車人士心心眼🤣堂食外賣都好好生意😼 咁就唔擔心啦一定唔會難食 另外有班人排隊買燒味斬料加送飛天頭抽雞 貴妃雞 金鐘罩叉燒 金鐘罩 好搞笑🤣肥燶腩叉脆皮燒骨腩佛山燻蹄蜜汁燒排骨霹靂火腩仔仲有色澤好靚嘅阿爺燒鵝可能因為恢復四人堂食 真係好多人今次選擇外賣自取拎返屋企食廚師推介 外賣精選五香肉丁炒飯 ——肉丁份量足夠 鹹香帶有點辣椒風味乾炒牛肉米粉——炒得夠鑊氣 牛肉與米粉 兩者都夠乾身瑤柱蝦球炒飯——炒飯炒得金香 蝦🦐球大粒值回票價 爽口彈牙

很久沒有來過柴灣，今天來這𥚃找朋友玩，於是午餐一起去了這家燒味很出名的冠華冰廳 阿爺燒鵝餐廳吃，可以同時選擇茶餐廳和燒味的美食。阿爺燒鵝乳豬飯燒鵝是必點之選，肥瘦適中，燒得皮脆肉滑，皮很薄，肉汁充沛，香氣撲鼻，咬下油脂香味散發。乳豬也皮脆肉滑，咬下卜卜脆，豬肉嫩滑多汁，一點也不騷。醬汁滲入飯當中，香甜美味。阿鵝燒鵝乳豬鵝油撈麵撈麵也很出色，鵝油味道惹味滑溜，不會覺得油膩，香濃可口。老火湯清甜入味，是雞腳花生湯，煲得很入味，滋潤美味。炸雞脾配薯條即點即炸，生炸雞脾很香脆惹味，肉質嫩滑多汁，薯條香脆甜美。

又到了每星期最能放鬆心情的週末, 實在不想再留在家中, 決定搭地鐵前往南色港島線的總站柴灣, 來一個港島東遊。從地鐵站出去越過了公園後, 來到了這間門面很企理新淨的餐廳外, 看了看餐牌覺得很吸引, 於是便問職員拿票等位。阿爺燒鵝乳豬飯在燒味眾多款式中, 最惹味吸引的要算是燒鵝以及乳豬, 這間餐廳竟然可以一次過滿足我這兩個願望, 燒鵝油香四溢, 燒得非常皮爽肉嫩。乳豬亦燒得很出色, 乳豬皮燒得很香脆可口, 肉嫩多汁。阿爺燒鵝乳豬鵝油撈麵朋友跟我一樣喜愛吃港式燒味, 但他不喜歡吃飯, 所以便點了一份鵝油撈麵, 乳豬和燒鵝跟我的那碟份量一樣十足, 油香肉嫩。最令人驚喜的是鵝油撈麵, 撈麵的濃淡度恰到好處, 麵的彈性一流, 而且另外還備有一碗清湯可以把麵沾濕來吃, 增加了整體的口感。龍鳳檸樂吃燒味的絕配一定是可樂, 而且這間餐廳還有龍鳳檸樂可以升級, 檸檬的清酸配上可樂的甜度再加上咸檸的咸香味道, 絕對是夏日消暑良品。郊外油菜雖然我們是食肉獸, 但也要吃一點油菜來平衡一下心理, 嫩綠清甜的新鮮菜心灑上香脆的炸蒜粒及蠔油的確是別具風味。老火例湯我們也點了一碗老火湯來清潤一下喉嚨, 花生雞腳很惹味

阿爺燒鵝的鵝油撈麵非常出名，吃過的都會再想吃。確實沒想到在行完山去搵食，都能遇上阿爺燒鵝，但發現餐廳名字多了冠華冰室，不知道味道會否有所不一樣。餐牌上除了阿爺燒鵝的美食，還多了茶餐廳食物之選，難怪下午茶時段都如此多人在門外等候。******************************食慣大圍阿爺燒鵝，沒想到行山行到入柴灣，去搵地方食飯都能巧遇阿爺燒鵝，只是發現餐廳名字多了冠華冰室和餐牌多了茶餐廳食物，和朋友都不用多想，都決定在這裏搵食。下午茶時段來到門前，就已經多人在門外等位入座，餐廳座位相對一般茶餐廳少了點，但能讓如此多人在門外等候，一定有其原因，所以決定和朋友點餐後共享試其味道如何。等了差不多20分鐘，終於入座，雖然多了一般茶餐廳的食物，來到見到鵝油撈麵，就不其然想食。在門外等候時，今天的燒肉也不錯，就選了叉燒燒肉拼鵝油撈麵 HKD69，跟餐凍檸檬茶 HKD3，撈麵總會跟上清湯一碗。燒肉和叉燒份量都不少，還配了少量油菜，最重要是燒肉皮脆，肉又不肥，都一樣好食。叉燒一樣瘦，但完全一點不韌，叉燒汁也美味。最重要就來自這個鵝油撈麵，鵝油香不用多說，麵底爽口得來又滿滿鵝油汁的味道，雖然

阿爺燒鵝從柴灣地鐵站行過嚟大概10分鐘左右, 諗住兩點零鐘唔多人, 午餐及下午茶一齊食, 點知行到嚟門口很多人在等入餐廳及等外賣, 真係好多人肯出黎消費了。百無聊賴影吓廚窗的燒鵝、乳豬及其它燒味, 肚子的確有點餓, 揀定食物, 一入餐廳即叫。Tea time 時段的套餐大部分比午餐平$10, 價錢很街坊。燒鵝髀鵝油撈麵 ($132包熱飲）一大隻燒鵝髀、一碗湯及一大碟鵝油撈麵, 撈鵝油麵是同行朋友介紹我食, 佢話食過好味。燒鵝髀皮薄肉嫩, 帶少去肥膏, 入口香到不得了, 鵝汁鹹甜適中, 鵝肉有淡淡的五香粉香氣, 大滿足。鵝油撈麵有啲似瑞士汁撈, 個汁黑黑的, 把汁跟麵撈勻, 令每一條麵都沾上鵝油醬汁, 入口充滿豉油的鹹香及鵝油香,  麵質帶點硬身, 好爽彈。紅豆奶茶 (套餐+$10)香滑奶茶配粉棉紅豆,  奶茶的甜味來自紅豆沙糖水, 奶茶混雜了紅豆的粉香, 飲奶茶新境界。紅豆大大粒, 煲得好腍棉, 好食!

佢係怡豐街嗰邊架！因為佢係金源洋樓嘅地舖，所以拎咗大街街度嗰名，唔好行錯吖😆我俾佢嗰阿爺燒鵝吸引咗入嚟😆 由於係下午茶時間，所以份量比平時係細份，但對我嚟講都夠哂食😍我叫咗燒鵝瀨粉 $45 - 燒鵝真係名不虛傳，個脆皮好好食😋黯然銷魂叉燒飯 $42 - 賣相一流，嗰叉燒面仲要燒過架😍 不過叉燒分量少咗啲，可能因為太好味🤤 同埋嗰隻太陽蛋都做得啱啱好😆馬來炒貴刁 $48 - 好夠火喉😋 又夠大份😆 好足料，啖啖都食到餸😆 貪得意加咗嗰薄荷菠蘿賓治😆飲落幾得意，係其他茶餐廳飲唔到，值得一試🤪仲有呢度啲服務態度好好👍🏻

冠華冰廳·阿爺燒鵝 地址: 柴灣柴灣道345號金源洋樓地下19-20號舖電話: 25058118=====================連茶餐廳都玩crossover 咁新潮，crossover 左阿爺燒鵝，所以menu 上有埋燒味食架，正！我成日三心兩意，有更多選擇。 $83 五寶飯，有齊油雞 燒鵝，鹹蛋，紅腸，叉燒極次豐富。油雞燒鵝水準之上, 燒鵝切架位置都多用架, 唔會好似我幫襯過一些店唔老實, 外賣個客唔留意唔到, 就比埋D頭碘尾尾架骨位。燒鵝肉質豐潤連個皮都好食。燻蹄有成5-6片, 皮肉及脂肪比例1:1 , 皮及脂肪彈 牙得來唔會難咬開 一盒燒味，另一盒當然要試返茶餐廳手勢出品啦！ $67 芝士焗豬扒飯，連熱飲! 焗豬扒飯好食靠個汁, 一定要有鮮蕃茄塊, 個汁要真蕃茄煮成, 甜中有蕃茄酸香。芝士面要焗到焦焦地呈拉絲之效果, 一口飯要包含芝士、汁同焗豬扒。

放工返屋企唔想煮飯，喺附近買外賣返屋企食先。阿爺燒鵝飯燒鵝皮油脂感十足，鵝肉咬落鬆軟仲好juicy。加錢轉胸肉，食落啖啖肉仲正。飯底吸咗啲燒鵝油好香口，仲有椰菜消下油膩。咸蛋黃流晒油好正，食落又唔會太咸，啱啱好。黯然銷魂叉燒飯有兩隻煎蛋，蛋白啱啱熟，脆脆地，而蛋黃仲半生熟流蛋汁，撈飯一流。叉燒係半肥瘦，咁先最正。外層燶燶地好香，入口每一啖都有陣油香味唔錯。淋咗秘製嘅醬汁，食落更惹味。飲品分別嗌咗熱檸茶同熱檸蜜。

朋友已一段時間心事重重，無辦法唔去關心一下…..千里迢迢走到柴灣，在附近睇下有乜好食，打算買些外賣幫佢加力。逛下逛下，見到有間食店門口擠了不少人，原來大家都在等外賣。站在門口已見到見到掛滿叉燒、燒肉、一隻隻肥油雞和大大隻的燒鵝，已令我不禁垂涎，今晚一於斬料上他家。看看門外張貼的餐單，有即叫即炒小菜、外賣精選、焗飯、廚師推介、皇牌小食、燒味飯、燒味鵝油撈麵、燒味套餐、阿爺招牌等等，當然唔少得現場即製燒味，選擇非常多，真係令人煩惱，哈！*********************既然主力燒鵝，無理由唔試下，點了一客阿爺燒鵝拼牛𦟌鵝油撈麵（$69/外賣價），雖是撈麵，但餸和麵都分格盛載，讚！燒鵝和牛𦟌都各有八件，還有大大碗鵝油撈麵，份量好足。鵝油撈麵雖邪惡，但的確難以抗拒。麵條條條分明，沾上鵝油， “拎”身靚仔，滿載油香，色、香、味俱全，加上口感爽彈滑身，正!每件燒鵝外皮均赤紅亮澤，薄脆油潤，肉質相當香嫩，皮肉之間夾雜一層薄薄油潤的肥膏，充滿鵝油香，啖啖滋味！再蘸些甜酸醬，兩者一向是最佳拍檔，更添美味。每塊牛𦟌厚薄大小都好適中，肉質挺腍嫩，夾雜着軟滑的牛筋，富有膠質，亦有牛香，只是味道略為鹹咗

又係外賣時間，今次就食幾碟炒飯麵就算哈哈，價錢都幾抵， 40幾蚊就有外賣，份量亦都係超級多，😂😂😂絕對係平靚正之選叫咗一碟星洲炒米，乾炒牛河， XO醬炒豬扒烏冬。👍👍👍👍講真而家我買外賣至少都60幾蚊，不過真係疫市價所以先會又大又抵食。唔知之後餐廳都可唔可以有呢個價錢呢？😙😙😙星洲炒米炒得幾香，鍾意佢夠乾身，乾炒牛河牛肉份量多，我自己返屋企配埋辣醬就更加好食啦，至於XO醬炒烏冬嘅XO醬絕對唔會落得少，勁香XO醬味，豬扒亦都係大大嚿，好似冇切過咁，🤣🤣🤣🤣，成大嚿擺入口，充滿肉香！😙😙😙😙我見大家都有買其他燒味斬料，下次又可以買下燒鵝試吓或者叉燒或者燒肉！

有冇燒味愛好者😋？我勁中意食燒味啊，不過醃制食物唔食得太多，所以都係間唔中先食下咁啱經過呢度，見到超多人買，八卦去望下咩嚟，見到有燒味賣就試下🔹肥燶腩叉（半斤）$75聽到個名已經覺得勁吸引喇🥰成日覺得叉燒緊係要少少燶邊先好食今次佢自帶燶邊，仲要係腩嘅部份望落已經勁正可惜拎返去嘅途中啲汁漏咗出嚟，🥲哎呀！（本身諗住撈飯食）返到去微微氣炸，勁juicy 又好濃叉燒醬味，少少肥，恰到好處，加餸首選🔹燒骨腩 （半斤） $80配左幾包黃芥末醬，可以點嚟食比我想像中嘅份量多，返到屋企偷食左舊，啲皮都仲係好脆，腩嘅位置有少少軟骨，仲可以咬咬下

去開附近，因為諗唔倒煮咩餸，見倒阿爺就斬啲料返屋企，求其炒個菜煮個白碗又一餐。已經唔係第一次幫趁阿爺，佢地嘅燒味係幾唔錯，哩間分店除左平時嘅金鐘罩叉燒，仲有肥燶腩叉，唔怕肥嘅當然唔可以錯過。金鐘罩叉燒($138/斤) - 哩度係$100份量，叉燒肥瘦適中，肉質好鬆軟唔痴牙，蜜味夠，如果切得厚身少少更好。脆皮燒骨腩($158/斤) - 燒肉係爆皮，拎到返黎仲係脆嘅， 燒肉肥瘦各佔一半，肉質唔會太實太鞋，鹹度亦啱啱好，蘸少少芥辣已經好味。買左叉燒同燒肉每樣$100，自己炒個菜同白飯，已經夠六人份量，價錢雖然唔算特別平，不過勝在每次幫趁都冇令人失望。

平時一至五都要煮飯，Weekend真係想抖下唔煮飯。所以今日就嚟咗呢度買外賣返屋企食。估唔電都幾多人等緊外賣，大約等咗十分鐘就有得攞喇2：15-5：30pm係下午茶時段，價錢平十蚊，唔洗等到三點三都有得嗌下午茶餐，真係好掋！我嗌咗咖哩牛腩飯跟凍奶茶，牛腩份量好多，好似食極都食唔完咁，仲有薯仔，可惜無牛筋。奶茶夠温，茶味濃另外仲斬咗料返屋企加餸叉燒燒得勁靚，肉質好腍，又厚切，啲汁又甜。燒肉都唔錯，個皮脆卜卜，又唔會話勁多肥膏。

呢間鋪最黑人憎就係個收銀阿嬸，佢態度勁極差，樣子極不耐煩。首先一入去掃描安心出行時，佢已經話阻住佢做生意，真係好笑，你間鋪唔係大，個部機又擺係收銀旁邊，唔係可以點？之後要出示埋疫苗卡，果陣未開到張卡要啲時間登入返睇記錄，佢叫我哋行開，已經勁差態度又唔歡迎我哋咁款。到開返俾佢睇，佢睇左勁耐，我地問有咩問題，係咪有咩睇唔明，佢竟然勁大聲又冇禮貌咁叫「我識字呀！」，仲好笑，人地問你有咩問題，唔知係咪佢自尊心太強，以為人地話佢唔識字。到佢睇完，我哋問入得去未，佢話得。咁我哋入去啦，佢仲繼續講埋啲無聊野，我哋再問俾你睇完有咩問題，係咪又有野睇唔明，之後佢叫我哋掃疫苗卡，我哋話你都睇左，又掃左安心出行，我哋可以掃但要啲時間再登入同儲存返出黎，佢之前就叫我哋走，唔好係度食！乜咁巴閉！可能你哋生意太好啦，唔需要做一個半個街坊生意，既然係咁，我就要俾大家知你地既服務態度有幾咁惡劣，之前幫襯都冇試過咁，今日想黎食嘢但受到咁大既氣，一定要警惕大家仲係咪要幫襯呢啲咁大口氣既集團式餐廳。我就唔會再去了，食物質素我唔會話差，但都唔會話特別好，係名過於實，我一定會幫襯新貴香都唔會再買你哋既燒味囉。睇吓openric

芝士焗鮮茄豬扒飯 $67賣相好靚❤️❤️除咗充滿蕃茄茄汁之外，仲有少少金黃色燶燶哋嘅芝士喺上邊 肉質都幾唔錯 係咬落去實淨嗰種🥰！ 唔會好多肥肉同埋骨 焗飯係用咗蛋炒飯所以都好香口 $67呢個份量好多一個女仔嘅話可能都會食唔晒😆😆😆火腩仔撈麵 $67外賣包裝值得一讚係餐廳好貼心！將餸菜同埋面底分開咁就唔會又淋又油 燒腩仔好香口鹹鹹地咁 皮仲好趣添！ 撈麵個口感都幾好彈牙得來又唔會太乾 不過如果可以有多少少醬汁就會更好🤪雖然而家疫情但餐廳都有唔少客人做外賣都有好多優惠選擇有好多 非常豐富❤️❤️