影片
以上资料只供参考，请与餐厅确认详情
㖊日（12-1-2025 Sun）晏昼打扫前食个晏，天气冻，又要食热嘢喇，老公话去大快活，唔去啦，不如呢间。嚟到净返一张枱，但系有风扇吹到，咁我都冇办法，照落order先，跟住见到有客人走就转枱。我哋叫咗：3. $22.00 十粒嘅烧卖其实明知呢喥嘅烧卖与别不用，但都食吓啦，人手包嘅形状有圆有扁，呢个依然系软糯烟韧。1. $38.00嘅云吞面好耐冇食云吞，一碗有5粒，见到云吞皮薄，猪肉同虾嘅口感正常；都就冇渌过龙，仍有啲弹牙。2. $50.00嘅紫菜四宝河唔太留意有边四宝，见到有鱼片，鱼皮饺，鱼蛋同墨鱼丸，我食一啲紫菜，正常冇问题。之后老公食啦，突然同我讲呢只好食，好弹。我问咩嚟？鱼蛋？佢答唔系，咁我食吓，系墨鱼丸，系几爽弹嘅。服务：落完单，亚姐话丸要耐啲，因为即叫即渌。上次食评系2024年4月12日刊登嘅呢篇：https://www.openrice.com/zh/hongkong/review/%E6%92%9E%E6%89%8B%E7%A5%9E-e5406209
继续阅读
📍冠华粥面喺荃湾石围角有间主打食牛杂粉面嘅小店🍜开业咁多年，除咗卖粉面之外，佢哋嘅手工鱼肉烧卖亦都系亮点之一，同样都好出名㗎🌟食𠮶阵仲睇到两个姐姐喺度包烧卖，真系好有心呀🫶🏻🐟手工鱼肉烧卖 $22/10pcs每粒烧卖都劲大粒，非常饱满，食咗五粒都已经好饱😅鱼肉食落烟靭弹牙，而且有阵香浓嘅蒜香味，口感同味道同平时𠮶d好唔同，几特别~𣎴过个人认为虽然系好食，但又未至于好食到好似网上嘅评语咁夸张🤔✨整体嚟讲，可以一试😚但老实讲入面环境比较__ __😐𣎴过胜在好有人情味，d姐姐都好nice，会同你讲下嘢🫰🏻而且入面仲有只猫猫🐱佢会跳上张凳坐喺度陪你食，啱晒爱猫之人呀💓评分(最高5粒⭐️，✨为0.5）❣️味道：⭐️⭐️⭐️❣️环境：⭐️✨❣️服务：⭐️⭐️⭐️⭐️❣️卖相：⭐️⭐️⭐️❣️CP值：⭐️⭐️⭐️⭐️📍荃湾石围角村石芳楼地下7号舖🩷❤️🧡💛💚🩵💙💜🩷❤️🧡💛💚🩵💙
继续阅读
谂住冠华有卖手工烧卖$20/10粒，抱有期望，但却同自己心中所想有一段距离。心目中手制烧卖系油润弹牙烟靭，有鱼香猪油香；但可惜呢度烧卖不弹牙，肉质散，无弹性，无靭度，粉粉地，口感奇怪，蒜味盖过鱼味，还好辣油算不错，但最终这口味真系唔太适合我。可能出名嘅真系粉面而唔系烧卖，又或者系手工同手打嘅分别...？
继续阅读
上网成日见到冠华烧卖，又话世一又盛，慕名山长水远揸车去试系屋邨入面一个摊档仔，主要卖潮式牛腩牛杂面。入面比较残旧污糟，但有可爱猫猫店员搭救，经常喺你脚边行来行去巡视业务。讲翻食物方面，喺面口就索到好大朕烧卖味，家人提议试埋牛腩面吧，所以入去试埋。但让人失望！睇图以为会系好烟韧因为见到透透地明，但食落食旧粉！系好有蒜味，有少少肥猪肉味，但鱼肉味欠奉！(但人地无话系鱼肉烧卖)点完辣椒油先叫勉强食得晒，好彩无嗌到廿粒试埋个牛腩牛杂米粉，都ok，但无话wow一声。米粉系透明的滑既，牛腩牛杂都ok，软捻适中，算系大碗。但未食过就唔好浪费时间特登去食了，唔好吹到世一烧卖咁夸张！
继续阅读
有日好想食烧卖，咁啱喺社交平台见到呢一间，手工烧卖呢个字！就决定要山长水远都要去拜访下粒烧卖🫡系大窝口地铁行过去都要十五分钟左右，都比较偏僻系屋村下面，而且附近都无咩野行🫣系一间旧式做街坊生的既粥面铺，今次目标明确！$20@10粒烧卖系铺头门口有三大个蒸笼，直接系门口叫姐姐就得啦～每一粒烧卖都大过乒乓波，想食辣可以加辣油🌶️食落同预期中出入激劲极大😅 ☞预期👉🏻系好有鱼肉味，带小小烟靭弹牙☞现实👉🏻好淋啤啤，好烂好散，几乎食唔出系鱼肉味，仲有浸怪怪地既蒜味，抱歉只可以话系成世食过最放唔入口既烧卖😵💫😵💫希望佢系蒸得太耐？失准？先会系咁
继续阅读
您可能会有兴趣的...