影片
食记 (12)
兴记鱼蛋6蚊串鱼蛋, 喺岛上算好平我唔记得影相anyway,d鱼蛋好弹牙, 唔似7仔果d林池池...d酱真系要试下, 自制ge, 有好多料, 一食就知好野 (low白饭应该会一流xdxd)ps: 兴叔(老板)都好好人!
继续阅读
2次黎Lamma，第一次冇时间，等唔切食薄撑，所以叫左个咖哩鱼旦当慰藉。咖哩落左好多蒜蓉，好香好香，d鱼旦冇咩特别，但咖哩香辣，整体食起黎好好味。第2次黎大把时间，终于有得食薄撑啦。所谓薄撑其实就系生煎萝卜糕，我地一行人以为系唔同既野，仲话各样要一份，搞笑。佢系即叫即煎，我一见佢倒油都拧转面，唉，眼不见为净。佢仲特登问我地加唔加虾干，佢话加左香好多，咁就当然加啦。唔洗好耐就煎好，分成六份，一食，好正呀! d虾干真系好香，块饼煎得非常香脆，咸香可口，我地秒杀左一份，又enchore一块。0个度冇位坐，所以我地坐0系附近楼梯食，老板好快手整张报纸比我地垫，好nice临走时，我地又买多几块上船食，老板早就认得我地，之前已同我地讲过「2月就唔做啦，我退休啦。」我地走时，佢同我地讲「有机会再见啦，bye bye!」突然有d感触，相信呢次系我最后一次见佢啦。
继续阅读
旅程的第一站...甫踏出码头...走一段路..便来到了传闻中的兴记...传闻??对,根据传闻厨师大叔是载著厨师帽,果然...是真的兴记的食物未必是一流...但服务..店主流露出来的人情味肯定非市区任何一间餐馆可以媲美...油盐鸡肾($8)：..由于我是不吃内脏的..但听女友说好像只属一般... 葱油饼($10,剪开有六块)：正!即叫叫煎...饼皮脆...足料...加上唔系油淋淋...虽然唔正宗..不过都系薄"撑"之中既顶级同大叔倾计果阵..佢竟然话自己葱油饼唔正宗...边有人咁做生意..不过我话食落去似酒楼薄"撑"...佢都赞成...果然英雄所见略同..仲有就系..我俾张$20蚊纸佢果阵...佢以为自己收左钱..不过我当时自己没$2系身..好记得未俾...佢仲要话食得开心未得lor..仲请我地食多左两粒咖喱鱼蛋...态度抵赞
继续阅读
食完呢间嘢己经无心机呀~ 行咗一阵小径,再返入大街, 沿路见到呢间特别既档位 (就系有个厨师在这儿卖嘢..沿路有人买嘢食,见到佢拿住桶粉桨, 原来系做葱油饼用既..佢话用咗七种材料架有个女仔买嚟试呀~ 我见到即叫即制..应该好味挂...系佢旁边有个牌话油盐鸡肾好味~ 由昨晚8时开始浸呀~ 劲呀~ 我男友忍不住买咗嚟食, 我食咗一啖呀~ 好味㖞, 又淋, 味道刚刚好呀~佢仲话唔好食唔收钱呀... HAHA (咁做生意都得.... 㖞.. 证明佢自信心爆棚呀)老细同另外一个人都好NICE , 唔知系咪佢HONEY 呢??? HEHE
继续阅读
9号同男友入去南丫岛放下假,旅程中出尼买野饮路过呢一间店偶然之下买左鸭肾起初见到佢D酱又黑又油真系唔系太有好感但系食左1啖之后,发现完来D黑蚊蚊既汁竟然「汁不可以貌相」好够味但又唔会太咸而且鸭肾大粒,唔系一片片返左渡假屋之后忍唔住叫男友落街买多次本来想买40蚊既,但师傅话我地2个人食咁多消化唔到,结果买左24蚊返去真系未见过会叫D客唔好买咁多既师傅,呢点真系好值得赞~
继续阅读