影片
前文一篇「宝福餐厅」嘅食评就提到呢日同友人行西贡嘅「蚺蛇尖」，果然好有挑战性，行到近尾声，原本都无打算摊抖，但经过大浪村时，遇到「兴记士多」，由于都行近尾声，原先谂住勇往直前一直行到尾，但有提议不如稍稍休息，并支持吓乡郊小店。 晌香港不同嘅行山径中，都有唔少呢一类嘅「士多」，为行山人士提供个中途落脚点，休息吓，补给吓。环境一般少少简陋，但都好舒服，因为周围都喺一片绿，而且，大多数都有露天位，可谓清风送爽；此外，基本上喺零招呼，但够自在，而实际，老板娘都好落力招呼，非常有礼。 食物方面，近入口位挂咗张「大餐单」，一眼睇晒有乜嘢，轻食嘅，有啲港式小食、本土甜点，想饱肚嘅，就有三文治、丁面、几款碟头饭，当然，饮品就梗喺主力货品，最犀利喺啤酒都有，相信啲啤酒都喺做附近外藉人士嘅生意。 砵仔糕 $7本来想食茶果，因为依家都好少见，越嚟越少人整，唔喺咁多地方有得买，不过，卖晒，所以，拣咗食砵仔糕。啲砵仔糕色泽比较淡，而糕身亦有少少削，反而喺啲红豆又腍，又清甜，仲好多添。 山水豆腐花 $13豆腐花就真喺唔错㖞，有豆香，而且，非常滑溜，最贴心嘅喺黄糖、糖水、姜汁整定好晒，成套拎俾你，钟意点落就点落，想落几多就落几多，够大方，抵赞！ 鱼蛋、烧卖 $10 / 串少少意犹未尽，再追加一串鱼蛋、一串烧卖，每串都有4粒。本身对啲质素都无抱有期望，只喺过过口瘾，但食落又唔差㖞，至少啲鱼蛋几爽弹，烧卖又唔会一口粉。 今次嘅「蚺蛇尖」之行都真喺几「甘」吓，但极具挑战性，好玩，风景又靓，以下少少相片跟大家分享吓。温馨提示，无番咁上下行山经验及耐力，真喺唔好人去我又去心态，见唔少人晌落山段都举步维艰，戥佢哋担心。 晌「兴记」抖抖，又有啲小食落肚，但唔好抖过笼，冻番个身再起锚就好易抽筋，所以，回回气就好再起动喇！
继续阅读
士多提供简便食物，如餐旦面、炒饭、荳腐花、凉粉、茶菓等等！当季节合时，天气又许可的话，老板娘会亲自到士多旁边的田间割下新鲜的蔬菜供应！她自家制的辣椒酱，𩠌面𩠌饭都好正，令人回味！
继续阅读